ارجوكم ادعوا لأية تقوملنا بالسلامة

[دلع القمر]

السلام عليكم ورحمة الله وبركاته

انا اخت العضوة أية اسمي فجر
وانا عارفة ان اية بتحبكم كلكم وعلطول بتتكلم معاكم وصحابها هنا كتير

بس اية اختي حصل لها حادثة عربية وهية رايحة المدرسة الصبح النهاردة وهية محجوزة فالمستشفى وعندها كسر فالحوض ورجلها متجبسة

وعنيها متخيطة وودانها وحالتها صعبة جدا وانا بعيدة عنها زيكم انا فمصر هنا وهية هناك فالسعودية وعيزاكم تدعولها زيي ربنا يقومها بالسلامة لية وليكو عشان انا بجد حاسة اني حموت خلاص وحتجن واشوفها أرجوكم اللي بيحبها يدعيلها

[مي عز الدين]

الف سلامة عليكى يا آية
ربنا يشفيكى يارب
وان شاء الله تقومى بالسلامة
وترجعى تنورينا من تانى
سلااامتك يا جميل

[SiLver Spectra]

و الله مش عارف أعبر عن حزني

لا حول و لا قوة الا بالله

ألف سلامة عليها و ان شاء الله تقوم أحسن من الأول

و نتمنالها من كل قلوبنا الشفاء العاجل في أسرع وقت

آيه عضوة قديرة في مقام أختنا و لها المحبة في قلوب الكل

ان شاء الله بقدرة الخالق تتعافى من الاصابة

طمنينا عليها و هنتابع حالتها معاكي يا دلع القمر

[kitty cat]

ألف مليون سلامه عليكي يا آيه
¥‏ اللهم اشفها شفاء لا يغادر سقمآ¥
وابقي طمنينا عليها

[دلع القمر]

الف شكر ليكم كلكم هية دلوقتي فالمستشفى تحت الملاحظة ووالدتي حتبات معاها

ووالدي حيرجع لاخوية الصغير فالبيت يبات معاه

واول ماتفوق يارب وتكلمني حطمنكوا وشكرا ليكو كلكم

[doiss]

مش عارف اقول اية لا حول ولا قوة الاا بالله ,
أسأل الله العظيم رب العرش العظيم أن يشفيك
اللهم تقبل الدعاء
ربنا الذي في السماء عرشه , ربنا الذي في

السماء تقدس اسمه , أمرك ماض في السماء والأرض , وكما رحمتك في السماء ,

فاجعلها في الأرض , اغفر لنا ذنوبنا وخطايانا , إنك أنت الغفور الرحيم ,
اللهم
أنزل رحمة من رحمتك ، وشفاء من شفائك لها بأذنك يارب العالمين ,,
ربنا يشفيها ويقومها بالسلامة ترجع تاني تنورنا ,
وياريت يا فجر تطمنينا عليها بأستمرار
:cv48:

[yasmine refat]

لا حول ولا قوة إلا بالله

الله يشفيها ويخفف عنها

أيه عضوه جميله ومحبوبه من الجميع

طمنينا عليها

وإن شاء الله تكون بخير وترجع بشقوتها

الله يشفيها ويخفف عنها

أختك

[SiLver Spectra]

اقتباس
المشاركة الأصلية كتبت بواسطة دلع القمر





الف شكر ليكم كلكم هية دلوقتي فالمستشفى تحت الملاحظة ووالدتي حتبات معاها

ووالدي حيرجع لاخوية الصغير فالبيت يبات معاه

واول ماتفوق يارب وتكلمني حطمنكوا وشكرا ليكو كلكم

متابعين معاكي يا فجر

ما تنسيش تبلغينا بالتطورات

و احنا بمشيئة الله مش هنقصر في الدعاء

[noona]

لا حول ولا قوة الا بالله

بجد خبر محزن جدا يا فجر ... ربنا وحده يعلم آيه قريبة من قلوبنا قد ايه ..

يارب انت الشافى المعافى اشفيها واعف عنها ورجعها بالسلامة لاهلها ولكل اللى بيحبوها

اللهم تقبل دعائنا ...

وفى انتظارك تطمنينا عليها اول باول يا دلع القمر

وربنا يرجعها بالسلامة ويطمنا كلنا عليها

""

"

[دلع القمر]

شكرا ليكم وامين يارب يستجيب ادعيتكم الجميلة دي

انا لسة متصلة بوالدي وقاللي انها اتعملها رسم قلب واشاعات عالدماغ وطلع مفيهمش حاجة الحمدلله

بس كسر فالحوض ورجلها مكسورة وكدمات ومتخيطة فودنها وعنيها وراسها

ومانعين عنها الاكل والشرب وجلوكوز ومحاليل بس
وربنا يستر ودعواتكم