حذاء - قلب - ذئب

[doiss]

(( حذاء - قلب - ذئب ))
"""""
كيف تتحول لذئب وتجعل الأخرين ذئاب ....
""""
"""""
(( الطريقة ))
"
حذاء ,,

احيانا ما نسعي وراء انتقاء الحذاء المناسب واحيانا نتغاضي عن المقاس نسبيا مقابل الشكل ! والهدف من الأقتناء في الأساس !!
فهل هذا هو الغرض من اقتنائة !؟!

...........
..........
قلب ,,

.......
المكان السري ,,
نابض وامض بالحياة ,
خلق للأحساس وليس للمداس ,
500 احساس ,,
تارة كالغيوم , وتارة كالوفاء ,, و .......
.........
.........
ذئب ..


خلق للأفتراس , فقط ,
مع كل غرزة انياب يصيبة شعور باللذة ويسيل لعابة للدماء !
يبحث عن الفريسة بغريزة البحث والاستلذاذ وليس للجوع !
فهل يتوفر لدي الأنسان تلك الغريزة !؟!
........
.......
الحالة الأولي ,,
كيف تتحول لذئب !
وتجعل الأخرين ذئاب مثلك !

عندما يقابلك أنسان يطلب مساعدتك فلاا تتردد في ارتداء حذاءك الخاص
وقم بالدوس علي قلبة ليترك حذائك اثرا مميزا بة , لا تمحوة السنين !
وثق تماما انة في طريقة اليك ليصبح من نفس الفصيلة !
...........
...........
الحالة الثانية ,,

( الأغتصاب )
ابحث أو ابحثي عن فتاة بلهاء أو فتي ابلة
وارتدي حذائك الخاص وأغرز انيابة في قلبهم وعقولهم واجسادهم وقم بأغتصاب اخلاقهم وتربيتهم الرومانسية والفكرية والفسيولوجية !
ووقتها !!
ثق تماما انهم في الطريق أليك ,,
............
...........
الحالة الثالثة ,,


( القتل والتمثيل بالجثة )
أرتدي حذائك وأدعي البراءة دائما ولا تظهر انيابك وقم بالزحف ولا تتعجل
فقلوب الأخرين ليست مثالية فلن تستطيع اخفاء عيوبها مطلقا ,
فأذا حانت اللحظة فهي ملكك , فقم بأمتصاص اخر قطرة انسانية بها ومثل بها كيفما تشاء ,
وثق تماما بأنها في طريقها اليك ,
..............
ولكن ,,
احذروا !!!
فالذئاب لا تتواني في افتراس بعضها البعض !!!
""
""
""
""
""
""
""
doiss

[SiLver Spectra]

لوحة فنية روعة يا ضياء

اسلوب العرض تحفة

و الصور أروع

أنا هتكلم عن الذئاب الي دايما بنرمزلها بالشر و القتل
مع إن فيها مميزات كتير
أولها إنها من الحيوانات الي مش بتحتكر غذائها بل بالعكس كل الذئاب تشارك في التهام الفريسة دون أي شجار

ثاني ميزة إن الذب القوي لا يضرب الذئب الضعيف

و دي ظاهرة بنشوفها في الاسود خاصة لما أسد يهزم غرينه و ياخد أسرته
بيقتل كل الاشبال الصغيره (سلالة الاسد المهزوم)

فممكن الذئب يكون افضل من الإنسان المذئوب كما تم تشبيهه في الموضوع
حسب المميزات الي ذكرتها في ردي
ففي من البشر من يحتكر المال لنفسه
و في من البشر من يستغل ضعف غيره


ألف شكر على موضوعك يا ضيا

دوام الإبداء...

[** MiSs EgYpT **]

مجرد استخدام الحذاء

ووضعه مع المشاعر على حد سواء

وان كان له نظره فلسفيه

فهو ظالم وقاسى

ربما يستحق البعض هذا

ولكن لانه مخلوق انسانى فلست معك فى هذا التشبيه

وبما انك تطرقت لهالتشبيه فسأسايرك وان اختلفت معك

الحذاء هنا كما صورته كالأقنعه التى يرتديها البعض

ربما للايقاع بفريسته

سواء كانت ذكرا أم انثى

يتحول ويتبدل حسب على حسب ماتحتاجه الفريسه من مجهود

ولكن هناك فريسه يصعب أكلها مهما كانت قوة المفترس

الفارق هنا البيئه والتربيه والفكر والتنشئه

والوازع الدينى



نظره فلسغيه تحتاج الى التعمق فيها لفهمها

سلم فكرك وقلمك ضيا



همس

[حنـــــون]

رائـــــــــــــــــــــــــــــــــــــــــــــع والله ياضياء اسلوب مميز جدااااااا

اعتقد بمجرد الاستهتار بالاحساس والمشاعر

اكيد دا انسان فى الظاهر بس لكن جواه اكيد ذئب

مايفهمش غير فى الالتهام فقط وهدفه فقط الوصول لرغباته

بشكرك جداااااااااا ياضياء دايما موضيعك مميزه

دوام الابداع يالتوفيق

حنون

[wessa]

للأسف فى ناس كتير كده

كل هدفها نفسها واصبح لسان حالهم انا ومن ورائى الطوفان بس اكيد مسير الطوفان يبلعك

دايما لك مواضيع مميزه بعمق التفكر

تحياتى واحترامى اختك

وسام

[nooody]

فى ذئاب من البدايه هم ذئاب

وفى ذئاب كانوا فى البدايه بشر

تحولوا لذئاب بسبب ظلم الغير او الظروف او ... او...

بس الالم الناتج عن عضه البشرى المتحول لذئب

بتبقى اصعب بمراحل من عضه الذئب اللى

هو فى الاصل ذئب

ولكن فى النهايه كلها تصنيفات تندرج

بند الانتقام مع اختلاف الطريقه ودرجه الالم

موضوع رائع ياضياء معبر عن واقع

تقديرى

[doiss]

اقتباسالمشاركة الأصلية كتبت بواسطة SiLver Spectra

لوحة فنية روعة يا ضياء

اسلوب العرض تحفة

و الصور أروع

أنا هتكلم عن الذئاب الي دايما بنرمزلها بالشر و القتل
مع إن فيها مميزات كتير
أولها إنها من الحيوانات الي مش بتحتكر غذائها بل بالعكس كل الذئاب تشارك في التهام الفريسة دون أي شجار

ثاني ميزة إن الذب القوي لا يضرب الذئب الضعيف

و دي ظاهرة بنشوفها في الاسود خاصة لما أسد يهزم غرينه و ياخد أسرته
بيقتل كل الاشبال الصغيره (سلالة الاسد المهزوم)

فممكن الذئب يكون افضل من الإنسان المذئوب كما تم تشبيهه في الموضوع
حسب المميزات الي ذكرتها في ردي
ففي من البشر من يحتكر المال لنفسه
و في من البشر من يستغل ضعف غيره

ألف شكر على موضوعك يا ضيا

دوام الإبداء...

7
ازيك يا طارق يارب بخير دايما >>>> مش لسة كنت معايا علي الميل :SuN009:
اسرع حد بيترجم ويرد في التاريخ ههههههه :cv25:
اولاا الف شكر علي تشجيعك وكلماتك ,
بما انك علقت علي الحيوان فطبعا هضيف علي تعريفك للفروقات ما بين الذئب او الأسد ,
والله يا طارق التشبية بالمستذئب ممكن تكون خواصة اصعب ,
انت دكتور وعارف تركيبة الجينات المختلفة مع اختلاف الجنس بتخرج اية ,
اكثر شراسة وعدوانية لو الجنس جيناتة شرسة ومتوحشة ,
ما بالك بعيوب الانسان ,
طب هقولك حاجة اصعب من الشراسة في الحيوانات ,,
هل فية حيوان عندة غريزة الانتقام زي الانسان !
طبعا شراسة وتوحش بجانب انتقام بجانب خطط الذئاب للأنقضاض ... الخ ....
كل دة اكيد هيخلينا نقول المستذئب اصعب من الاسد او الذئب ,
واللي اتمتع وجمع خواصهم واختزلهم ,
نورت يا طارق الموضوع وشكرا علي المعلومة ,

[doiss]

اقتباسالمشاركة الأصلية كتبت بواسطة ** ميس أيجيبت **مجرد استخدام الحذاء

ووضعه مع المشاعر على حد سواء

وان كان له نظره فلسفيه

فهو ظالم وقاسى

ربما يستحق البعض هذا

ولكن لانه مخلوق انسانى فلست معك فى هذا التشبيه

وبما انك تطرقت لهالتشبيه فسأسايرك وان اختلفت معك

الحذاء هنا كما صورته كالأقنعه التى يرتديها البعض

ربما للايقاع بفريسته

سواء كانت ذكرا أم انثى

يتحول ويتبدل حسب على حسب ماتحتاجه الفريسه من مجهود

ولكن هناك فريسه يصعب أكلها مهما كانت قوة المفترس

الفارق هنا البيئه والتربيه والفكر والتنشئه

والوازع الدينى



نظره فلسغيه تحتاج الى التعمق فيها لفهمها

سلم فكرك وقلمك ضيا



همس

7
ازيك يا همس
يارب بخير دايما ,
والله يا همس بغض النظر عن اقنعة او اختلاف ,
المسألة مش محتاجة تعمق الفكرة بسيطة ,
يعني تفتكري المستذئب هيفرق معاه الوازع الديني او التربوي في اكل مال اليتيم مثلاا !
الموضوع مش محاصرة النفس فقط بالتربية او الدين يا همس ( سهل جداا انك تكوني فريسة ) الموضوع مش صعب ومش مسألة دين او تربية ,
هتعملي اية في اكل مال اليتيم , او في النصاب او الحرامي او مستذئبين خطفوا بنت زي ما بنسمع واغتالوها !
هل تربيتها هتمنع او دينها , مهي بقت ضحية او فريسة !
هية يمكن الفكرة يا همس كانت بتميل اكتر للمستذئبين وامكانية زرعهم للشر في نفوس الاخرين ,
وبالتالي في وقتنا دة سهل التأثر بكدة ,
واتمني التمسك بالوازع الاخلاقي والديني والتحمل رغم اي مستذئب ,,
شكرا يا همس علي تواجدك وتعليقك المميز ,
نورتي الموضوع ,,

[ARAGON]

صباح/ مساء الخير يا ضياء،،

أخبارك ايه،،

المشكلة في ايه ،،

بيئة محيطة - تعاليم دينية - قيم + مبادئ - توعية مستمرة

هل الحاجات دي فعلا متوفرة في الناس دي،، ولا لأ،،

هي دي أساس المشكلة،،

انا لما آخذ شخص متدين وأسكنه في منطقة مليانة بأماكن غي وبيع للهوى،،

أكيد بعد فترة // مع انتشار الملذات وبساطة تكوينها في المنطقة المحيطة به ،،

ها يختلف من متدين إلى شخص متدني،،

هي المشكلة في أساسيات زي اللي بيزرع ارز في فصل الشتاء ،، أكيد ها يموت من البرد،، رغم تواجد المياه،، وبكثرة،،

الأخلاقيات ،، انعدامها مشكلة كبيرة

وأكيد بتفرق من ناس لناس، والعوامل اللي بتحول الجزئية دي،، هي ايه ،،

الصحبة السيئة - العوامل التكوينية في الشخص نفسه،،

زي ما فيه ناس بتحب تبعد عن الحاجات السيئة،،

فيه ناس بتموت وتحب تقرب منها،، بأي طريقة،،

الأسرة وتكوينها - الرقابة الأسرية في البيت على الأبناء،، خاصة في فترات المراهقة،،،

حاجات كتير نقدر نتكلم عنها ،،،
وفيه جزئية خاصة ممكن ندخلها في "المعاكسات وكيفية اصطياد الفرائس"،،
فيه طرق كتير ،، الشباب بيستخدمها دلوقتي،، ولو قلتلك،، إن الطرق بقت اسهل من الأول،،

وها تزيد اكثر وأكثر ،، لو الفريسة أحبت الجزئية دي،، أو هي ميالة لها ،، يبقى ها نلاقي ... الموضوع سهل جدا جداً،،،

شكرا على موضوعك،، يا ضياء،،

وفي انتظار جديدك،،،

ميدو،،،

[yasmine refat]

موضوع جميل جداااااا ياضياء

بس الشخصيات دي برأي شخصيات ((مش طبيعيه))

كفايه أنتفاء الضمير وعدم الشعور بالذنب

بعيد عن الدين والتربيه وألخ من الحجات دي

أي إنسان بعد مايعمل شيء سيء بيحس بالذنب

((الإثم ماحاك في نفسك))

أنا بشوف إن ربنا خلقنا بنظام أخلاقي شامل وتوجيهات داخليه

فإنعدام ده الشيء فهو شخص مش طبيعي:Sh_022:

مع إن النفس أماراة بالسوء بس الله زودنا بما يوجهنا للطريق الصحيح

وإن كانت النفوس غير مثاليه

وأما عن المسئذبين

فالأوهام وأكيد طبعا فقد الرقابه الذاتيه بسبب ((ضعف الوازع الديني)) القابليه للتحول ممكن تكون سبب

بس في الأخير هي شخصيه ((لا يختلف عليها إثنان )) إنها غير سوية

ومش شايفه إن التعرض لمستئذب بيخلق مستئذب

مش سهل ياضياء على شخص طبيعي متزن سوي أن يقتل أن يغتصب ولو حصل هيموت من التأنيب ولوم النفس

الخطأ بيتدرج لمراحل ومش كل خطأ بيسهل على نفس الإنسان ((الطبيعي ))إرتكابه

دول ناس مش طبيعين منحرفين ((فكرين نفسين خلقين وفي كل الإتجاهات))

وحتى من يتعرض لمستئذب ممكن يتعقد وييأس بس صعب ينحرف إلا لو المستئذب ذكي جداا وقدر يغرقوا في كم من الأوهام ((ودول نقول الله يبعدنا عنهم))

شكرا على الموضوع

أختك