حبيبي يا بعد كلي انا مشتاق لعيونك

[نبيل البصراوي]

حبيبـي.. يا بعـد كـلـي انا مشـتاق لعيـونـك
انا مشتاق يا عمري أعانق همسك الدافي
-
وحشني صـوتك بكـلمة صـباح الخـير وشــلونك
صباحك نور يا عمري عسى نومك على أطيافي
-
ترى دنياي ما تسوى أعيش أحلامها دونك
تشوف الكون وش كبره بدونك صار ينعافي
-
ملامح وجهي تفضحني بها ربعي يشوفونك
أحاول أخـفي اللهــفة وتبـيـن بـدمع ذرافـي
-
مابين الدم وعروقه تفوح أشواق مفتونك
تجول بداخلي كلي مابين الجسم وأطرافي
-
حبيبي غوص في جوي و انا ببحر على مزونك
علـى مـتن الوفاء نبـقى وتبقـى يا غــلا وافــي
-
ربيـع الشـوق لك نـادى تعال و شوف مـجنـونـك
تعال و شوف مجنونك على رمضى الهوى حافي
-
دخيـلك يا بعد عمـري انا مـشتاق لعــيونك
انا مشتاق يا عمري أعانق همسك الدافي
__________________

[البرنس رامى]

سعدت بوقوفي في متصفحك الرائع جداً,,

الله يسعدحياتك,,