نفسك في ايه ... بتحلم بايه ...؟؟!!

[fulla]

كل واحد في الدنيا اكيد بيحلم بحاجة بيتمني انها تتحقق
وفيه حاجات بنحلم بيها وبتتحقق وحاجات مش بتتحقق
ممكن تسمحولي ابدا بالحاجة اللي كان نفسي تتحقق ؟...
كان نفسي ادخل قسم انا كنت بحبه اوي في كليتي ده كان حلمي لما خلصت ثانويه عامة
الوقتي حلمي حاجة واحدة بس
اني اكون سعيدة وطبعا فيه حاجات بتمني تتحقق عشان ابقي سعيدة ...
والوقتي ممكن تشاركوني برايكم ؟؟؟؟
نفسكوا في ايه؟؟ وبتحلموا بايه؟؟

[Karamela]

بحلم اني اشوف العالم الاسلامي كله اكة وحدة وفعلا

نطبق كلام الكتب كلنا اخوات مش بس باللسان والاقوا

ل ومافيش افعال وانا عارفة ان دي امنية مستحيل تتحق

نفسي بجد كدا مايكنش في عنصرية بين مذاهب او جنسيات او لون

زي مافي بعض ولاد بلدنا بيسخروا من اخوانا في السودان

ربنا يهدي الكل

لكن

الامنية الي ان شاء اله عارفة انها باذن واحد احد هتتحقق

اني اكون طبيبة اسنان

[fulla]

شكرا علي مروروك
نورتني

[باربى]

جميل ان الواحد يحلم بس الاجمل هو السعى وراء الحلم .......
انا كنت بحلم بكلية تانية غير اللى انا فيها بس معملتش حاجة لدة
اما دلوقتى فبحلم انى احقق نفسى فى الكلية

[الفراشه]

الله الموضوع جميل
مرسي يا قمر عليه
فعلا جميل ان الانسان يحلم بس الاجمل انه يحقق الحلم دا
والاجمل والاجمل انه يكون حلم جميل
نصحى منه على الحقيقه مش على كبوس

تحياااتي

[fulla]

ميرسي ليكي يا باربي ويارب تحققي كل اللي انتي بتتمنيه
ميرسي ليكي يا فراشة المنتدي ويارب كل احلامك تتحقق
وانا كنت عاوزة اقول حاجة لكراميلا ....يارب باذن الله تكوني دكتورة اسنان قد الدنيا
شكرا علي مروركم

[Meno]

جميل أوى موضوعك ده
انتى لو كنتى سالت السؤال ده من سنه كنت هقولك انى ادخل الكليه اللى انا عاوزها بس للأسف مادخلتهاش وتخيلت أن الحياه وقفت لحد كده بس اكتشفت ان الحياه مش هتوقف معلش طولت عليكى
بس انا حلمى دلوقتى انى أثبت نفسى فى الكليه اللى انا فيها
ونفسى كمان احس بالامان وماخفش من بكره

[جسر الاحلام]

انا بحلم بصديقة مخلصة ومحترمة ومدنمش اني عرفتها لو لحظه

شكرااا ليكي كتير

[fulla]

جسر الاحلام
ممكن اقلك حاجة ...احنا كلنا هنا في المنتدي اصدقاء
ممكن تعتبريني صديقتك
وبدعيلك يارب تلاقي الصديقه اللي تشاركك احلامك وافراحك واحزانك
وميرسي اوي انتا او انتي نورتني

[maryoma]

ميرسي اوي ع الموضوع
انا بقى نفسي اجيب 100%
مرة واحده بس ع الاقل دايما بحاول بس بفشل
ونفسي في الانسان الكويس اللي يحبني ويحافظ علي
وسوري علشان طولت عليكوا
تقبلوا مروري