في حــب مصر

[عاشق الجمال]

كل عين تعشق حليوة
و إنتي حلوة في كل عين
يا حبيبتي أنا قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مِـآمن يمشي فين
..........................
شابة يا أم الشعر ليلي
و الجبين شق النهار
و العيون بحرين أماني
و الخدود عسل و نار
و اللوالي ( اللؤلؤ) بابتسامتك
يحكوا أسرار المحار
يللي ساكنة القصر عالي
إيمتى يهنالي المزار
كلميني يا صبية
طال علي َّ الانتظار
كلمتين يا مصر يمكن
هما أخر كلمتين
حد ضامن يمشي آمن
أو مِـآمن يمشي فين
.....................
قصرك المسحور غيلانو
أغبى من دود الغيطان
بعد مص الغصن الاخضر
ينحتوا عضم العيدان
و اللي خلى الارض خضرا
و اللي خلى الدار آمان
عاش بجور ملو جوفه
مات بخوفه من الغيلان
طوّع الغلبان
ما قالش عن شقا العمر اللي كان
كلمتين بمصر يبقوا
هما أخر كلمتين
حد ضامن يمشي آمن
أو مِـآمن يم

[البرنس رامى]

مصر غاليه على الجميع

مصر جوه فى العيون

مصر ايوه دى حبيبتى ومش حبيبتى

لأ دى أغلى من حبيبتى

مصر هى أمى أختى

تقبل مرورى البسيط واشكرك على كلماتك الرائعه

وانا بعشق تراب مصر

وبحب اى حد يحب مصر

وبدووووووووووب فى عشقى لمصر

مصر غاليه بجد عندى

[(طائر الشرق)]

السلام عليكم

ايها العاشق فى حبها

بكلماتك الجميله الرائعه فى حبها

يستحق اسمك ان ينقش على صخرها

وكلماتك تكتب وتنشر على صفحاتها

وانا عن نفسى اقف اصفق انحنى لها

ابدعت عبرت وصفت لنا حبك الغالى لها

ومادمت تحبها فأنى احبك حب يشبه حبها

خالص تحياتى وتقديرى

عصام