|
رابطه محبي التغير السلامه عليكم بعد اذن الاداره انا عايز انشىء رابطه للاعضاء المبدعه والمفكره اولا فايده الرابطه دى ان الاعضاء هيقولوا افكار جديده وابتكارات ومقالات كلها بمجهودنا الشخصى عن تطوير وتغير ذتنا وفكرنا ومصر ثانيا الاعضاء دول بيكون مشتركين فى الرابطه حسب قوانين الاداره تحطها ثالثا انا من الاخر عايز اعمل رابطه تضم اعضاء مبدعه بتكتب شعر ومقالات وبتخترع وفلاسفه كله من مخنا مفيش حاجه منقولنا علشان نفيد بيها بعض ويارب تعجبك الفكره الاداره نحن نبحث عن التميز والاختلاف ولا نرضى بالتقليد والتماثل |
طيب يا عبدو اية هي آليات التنفيذ , الفكرة الياتها مبهمة مجرد عناوين , عشان نكون واضحين , انت عاوز تعمل رابطة شعر ومقال وابتكار . شوف يا عبدوا , ركز علي الاليات . لأننا عندنا اقسام مختصة بكل اللي ذكرتة سواء ابداع شعري او مقال او خلافة , يمكن اللي شبة فكرتك هي فكرة المجلة اللي عاملاها روز وطمطم . وهي دية ألآليات اللي بقصدها في التنفيذ ( مثل المجلة ) , اية هي آلياتك في التنفيذ يا عبدواا ؟؟؟ لأن المشكلة مش في القوانين نهائي دية امرها سهل ان شاء الله , |
اليات التنفيذ 1-انشاء رابطه مكونه 5 اعضاء يكونوا نواه الرابطه لنشر ثقافت الابداع والتغير والتطوير 2-فتح باب الانضمام لمن عندهم موهبت الابداع والابتكار والتميز للكشف عن المواهب المدحره 3- ستكون الرابطه على شكل قسم مخصص داخل منتدى بقلم اعضاء مصر يعنى زى موضوع بس مثبت 4-الاعضاء الى فى الرابطه هنسق مع بعض ونتعاون فى مجال الابداع فى الافكار والمقالات والاشعار 5- نقوم بنشر ابداعتنا وافكار وطرحها للاعضاء 6-انشاء جائزه للابداع العلمى لتكريم المبدعين معلش انا بدرس فى هندسه معرفش اعزرنى مش عارف اوصلك الفكره بس انا اعرف ارسمهالك على شكل هرم او عماره لو عايز انا تحت امرك ........ اكيد انتا تقصد الاليات الى انا قلتها فى انتظار موافقتك |
تمام يا عبدو , اتفضل اختار الناس اللي هتساعدك , واتعاون معاهم بالرسائل الخاصة , وافتح مجموعة اجتماعية باسم الرابطة , ونسقوا مع بعضكم فيها , بحيث يخرج الابداع زي ما هتتفقوا علية وبعد كدة نشوف المكان المناسب ونطرحة فية , يعني امشي خطوة خطوة وفي كل مرحلة نعمل اللازم , وقوانين المجموعات الاجتماعية واضح بأن اي كلام خارج اطار المجموعة واهدافها هيكون مخالف او لا يجوز انضمام عضو الي المجموعة الاا بموافقتك , مع مراعاة قوانين المنتدي كافة , ولو احتجت اي مساعدة راسلني , وان شاء الله في كل هدف جديد هتحققوة هيكون فية جوائز تشجيعية ان شاء الله , ربنا يوفقك ,, |
بالتوفيق ليك ياعبدوا فكره جامده ومستنين الرابطه |
فكره فعلا رائعه فى مجرد فكره صغيره ممكن رابطه دى تعمل كل فتره حمله مختلفه فى الشعار و صورها و اغنيها و تكون مبتكره جدا بكل ما فيها وتعملو حوار مع الاعضاء بس لازم تبعد عن المشرفين و عضويه التميز شويه يعنى شوف الناس الجديده الجديد ديما عندو روح بيبقى نفسو يعمل حجات كتير |
الف شكرا doiss مرسي جدا وربنا يوفقنا وياريت الى عايز ينظم فى مجموعه التاسيس يسجل معنا ويرسلنى شعرنا نحن نطمح للتغير ولا نرضى بالنسخ والتقليد |
الفكرة جميلة يا نور بالتوفيق بس المجموعة خلى الانضمام بالدعوات عشان تبقى عارف مين اللى انضم ليك عشان ميخرجش الحوارات خارج هدف المجموعة و ربنا فى عونك |
فكرة جميلة فعلا يا نور وان شاء الله تنجح وتتطور |
طيب يا عبدو انت طرحت موضوع في قسم النقاش وكتبت فية دعوة انضمام ولم يتم الاتفاق علي طرح موضوع باي الاقسام وكتبت فية حلول ومشاكل !!! لو سمحت يا عبدوا انا مضطر اعرف اول هدف ليكم من انشاء المجموعة او الرابطة هنا , يعني ابداع فهمني ابداع في اية بالظبط هتشتغل مقال او خواطر تفهمني هتبتدي بأية لكن الموضوع كدة عايم ومش لية اطار واضح ومحدد , قولي مثلا هنعمل مجلة هقولك اتفضل لكن حلول ومشاكل ليها قسم خاص بالادارة وابداع متكامل كلام مبهم ! حدد لي بعد اذنك يا عبدوا التخصص , يعني انا اعرف لجنة الشباب والرياضة مثلا , بتقسم تخصصات اقسام قسم فنون وقسم رسم وقسم مقال وهكذا , انت اية شكل ومضمون اول عمل ليك , وانا شايف طمطم اشتركت معاك يبقي يراسلوك او يراسلوا طمطم وافتكر انها مش هتتاخر في مساعدة الجميع , ولما ترسوا علي شكل انت وطمطم اتفضلوا وانا متابع معاكم ان شاء الله , |
| الساعة الآن 10:36 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب