|
حلقات ( اجمد عضو ) مع ( morshooo ) اهلا بكم فى اولى حلقات برنامجكم المتجدد ( اجمد عضو ) ارحب بكم اعضاء المنتدى الغالى فكرة البرنامج بسيطة جداااااااااااااا هنقرب من الاعضاء وكل حلقة عضو جديد بس اية عضو هيكون جامد جداااااااااااااااا هنتعرف على كل مراحل حياتة من خلال لقاء حصرى طبعا كلنا محدش يعرف حاجا عن الاخر غير الاسم المستعار فقط ولكن مع برنامج ( اجمد عضو ) اكيد هنعرف كل حاجا عن العضو معنا ومعكم فى اولى حلقات البرنامج عضوة رائعة ومميزة تالقت بشكل واضح بالمنتدى حتى اصبحت اكسجين المنتدى الغالى لا احد يختلف عن شخصيتها الرائعة مواضيعها تعكس مدى احترامها وجمال شخصيتها معنا ومعكم العضوة الرائعة والمتميزة دائما ( nooody ) http://img242.imageshack.us/img242/1...43d52b1gk1.gif http://img363.imageshack.us/img363/2...s1obsmrmh1.gif هذا البرنامج برعاية http://dc02.arabsh.com/i/00520/3k3386swhmrq.jpg وهذا نص الحوار الحصرى انا راضية عن نفسى بس مش فى كل حاجا انا كنت طفلة هادئة جدا ومطيعة والان عنيدة جدا علاقة العبد وربة مش بحب اكلم عنها مصر دى بحس انها اكبر اخواتها الى دائما متحملة المسئولية والان مع الحوار الحصرى س / اسمك سنك دراستك هواياتك ؟ هند 23 قراءة القصص والروايات وبحاول اكتب س / فى البداية انتى راضية عنnoody ؟ والله مش فى كل حاجه بس بشكل عام أنا راضيه عن نفسى س / تعرفى تكلمى عن noody ؟ لا صعب السؤال دة مش هعرف طبعا اتكلم عن نفسى لان مافيش حد هيقدر يتكلم عن نفسه ويوصلك الصورة صح س / فاكرة اية من طفولتك ؟ فاكرة كتيررر يعنى اخويا الكبير دايما كل ما بابا يديه فلوس يقوله طيب وفين بتاعته هند بيحبنى موت كمان مرة جه فى يوم وخلى ماما فى المطبخ وجاب السيخ الحديد بتاع شوى اللحمه وكان هيخلنى بعين واحدة والتانيه عليها جلدة سودة زى القراصنه مش بقولك بيحبنى هذا البرنامج برعاية http://dc02.arabsh.com/i/00520/3k3386swhmrq.jpg س / انتى كنتى طفلة شقية والا لا ؟ دا كنت طفله هاديه جدا ومطيعه كمان لاقصى الحدود س / تفتكرى ايام ابتدائى والا لا ؟ اة فاكرة طبعا كنت فى 3 ابتدائى واختى الاصغر منى كانت فى سنه اولى كنت اخلص اليوم الدراسى واروح اجيبها من فصلها ونروح سواء كانت ايام حلوة اوووى س / كنتى بتسمعى اية فى الراديو كل يوم الصبح اول لما تصحى عشان المدرسة ؟ هههههههههههه يا صباح الخير يالى معانا الكروان غنى وصحنا ههههههههه وكمان اغنيه بالسلامه يا حبيبى بتاعته شاديه تقريبا لحد دلوقتى لما بسمعهم بفتكر المدرسه س / هو انتى طيبة والا شايفة نفسك اية ؟ يعنى بحس انى طيبه بس زيادة شويه بس لما بقلب اجارك الله س / اية علاقتك بافراد اسرتك ؟ الحمد لله كويسه كلنا قريبين من بعض كأننا اصحاب س / لو اخدك عشان نكلم شوية فى السياسة هتقولى اية ؟ مش هقول حاجه س / مش غريبة الامراض بتاعت اليومين دول مرة يقولو ( انفلونزا الطيور) ومرة ( الخنازير ) تفتكرى دا غضب من ربنا ؟ امراض وسيول وكوارث ربنا يلطف بينا س / اية علاقتك بالله عز وجل ؟ مش بحب اتكلم عنها لانها بحس انها لازم تبقى بين العبد وربه هذا البرنامج برعاية http://dc02.arabsh.com/i/00520/3k3386swhmrq.jpg س / اية عيوب noody ؟ بصراحة ؟ اة طبعا بصراحه عنيدة جدا هاديه بس لما بتعصب ربنا يستر بقلق بسرعه مترددة س / هو انتى بتحبى ؟ هههههههه لا لو فى حاجه هقول على طول س / هى مصر صحيح ام الدنيا ؟ لية ؟ اة طبعا هقولك ليه مش عارفه بحس انها زى ما تكون اكبر اخواتها اللى دايما متحمله المسؤليه عشان توصل بيهم لبر الامان س / هو احنا مجتمع متخلف زى ما بيقولو عننا فى الخارج ؟ هقولك يمكن هم شايفين اننا متخلفين من وجهه نظرهم يمكن عشان عاداتنا مش زيهم بس تعرف ايه المشكله فينا فعلا اننا مش قادرين نحقق التوازن بين تراثنا الثقافى وعاداتنا وبين العولمه الغربيه س / فى جروب معمول على الفيس بوك شعارة( لو لم اكن مصريا يبقى قشطة اوى ) اية رائيك ؟ هههههههههههههههههه مش عارفه بصراحه كل جيل بيعبر عن افكارة بطريقته هذا البرنامج برعاية http://dc02.arabsh.com/i/00520/3k3386swhmrq.jpg س / لو تم اعلان noody وزيرة تحبى تبقى مسئولة عن اية ؟ هرفض المنصب اصل هقولك على حاجه اكيد الوزارة اللى انا هبقى مسؤله عنها مش هتكون فى معزل عن باقى الوزارات يعنى فى علاقات تأثير وتأثر لو أنا صحلت من الوزارة المسؤله عنها اكيد الاصلاح دة مش هيكون له معنى الا اذا كان فى تنسيق مع الوزارات الاخرى ودة طبعا صعب يحصل س / انتى اشتركتى بالمنتدى لية واية كان هدفك من الاشتراك ؟ عجبنى المنتدى جدا والروح الحلوة بين الاعضاء كمان ادارة المنتدى اكثر من رائعه س / اية علاقتك باعضاء المنتدى ؟ مش ليا علاقه مع ناس كتير ناس بتعامل معاهم داخل المنتدى وبس وفى ناس بجد اكتر من اخواتى مش معنى كدة ان الناس اللى اعرفهم فى حدود المنتدى علاقتى معاهم مش كويسه بس ماجتش فرصه اعرفهم س / لو انتى صاحبة المنتدى اية الجديد الى هتضفية بالمنتدى ؟ هو المنتدى كدة كويس مش محتاج اى اضافات هذا البرنامج برعاية http://dc02.arabsh.com/i/00520/3k3386swhmrq.jpg س / مين اقرب حد ليكى بالمنتدى ؟ عندك مثلا د. مرمر حنون س / مفيش موضوع دخلتية وعجبك وقولتى ياريت كنت انا الى نزلتو ؟ يمكن تكون فكرة الموضوع عجبتنى بس لو كنت هتمنى انى انا اكون الكاتبه اكيد مش هتمنى انه يكون بنفس الاسلوب لان كل واحد فينا بيدخل يقرأ الموضوع ويفهمه من وجهه نظرة س / تفتكرى لما الاعضاء يشوفو اسمك بالموضوع هيدخلو ويشاركو ؟ مش عارفه بس انا عامه مش بدخل ارد فى موضوع عشان اسم صاحبه لو الموضوع عجبنى برد بغض النظر عن اسم الكاتب س / رسالة تحبى تقوليها لعضو معين بالمنتدى ؟ الاعضاء الجدد عايزة اقول لهم ان لما تكون عضو افضل بكتير لما تكون مسئول فى الادارة او الرقابه او الاشراف لانها مسئوليه مش بسيطه هذا البرنامج برعاية http://dc02.arabsh.com/i/00520/3k3386swhmrq.jpg س / رسالة لى المنتدى الغالى ؟ المنتدى بجد غالى عندى جدا ومهما اشتركت فى منتديات مش بحس بنفس الشعور اللى بحسه هنا س / انتى وافقتى على تلبية الدعوة لية مع ان الموضوع جديد وممكن ماينجحش ؟ هقولك انا بحب المغامرة مش هخسر حاجه بس السبب الرئيسى اللى خلانى اوافق ان الاسئله هادفه يعنى مش بدور فى فلك الحياة الشخصيه بشكل كبير زى كرسى الاعتراف مثلا يعنى الاسئله مختلفه وبكدا تنتهى اولى حلقات برنامجنا اتمنى لكم مشاهدة ممتعة وانتظرونى وحلقة جديدة من اجمد عضو |
ياعيني ياعيني هند مره واحده وكمان أكسوجين المنتدي خدي بالك ياهند اللقب ده ليه قصه كبيره معايا هبقي أحكيهالك بعدين برنامج جميل ومميز وضيفه أكثر من رائعه وإجابات جميله هند إنتي كمان من أقرب الناس لقلبي ربنا يخليكي ليا ياجميل منوره يادودو والله في إنتظار الحلقه القادمه تحيتي |
يا بووي جامدة جوي الأغنية (الضوء الشارد هههههههه) روعة و الله البرنامج الحواري خصوصا انه مع نجمة متألقة بنشاطها الروعة نودي متفائل بيكي يا مورشو موفقين.. |
منووووووووواه يانودى بجد اختيار رائع نودى من اجمل العضوات الى فى المنتدى واكيد طبعا ياهنودى انتى اقرب حد ليا ربنا يخليكى ياجميل ويوفقك حلقه تحفه تسلم الايادى حنون |
راائعه الحلقه نودى منوره الحلقه اوووى مشمشه فكره روووعه منتظرين باقى الحلقات |
اشكركم على التواجد الرائع وسعيد جدا بحبكم الرائع للضيفة الغالية وسعيد اكتر انى اخترت ضيفة محبوبة من الاعضاء تحياتى لكم جميعا morshooo |
ايه الجماااااااااااااال دة اولا الموضوع روووووعة والاسئلة جديدة وجميلة جدا بجد ثانيا بقي الضيفة حبيبة قلبي نودي مميزة في كل حاجة كالعادة ربنا يكرمك يا قمري وبالتوفيق في باقي الحلقات تحياااتي |
morshooo تسلم أيدك على الحلقه وبالتوفيق فى باقى الحلقات |
http://forums.msryat.org/msryat_net1...t-top-left.gifاقتباسhttp://forums.msryat.org/msryat_net1...-top-right.gifhttp://forums.msryat.org/msryat_net1...ot-by-left.gifالمشاركة الأصلية كتبت بواسطة dr.marmarhttp://forums.msryat.org/msryat_net1...t-by-right.gifhttp://forums.msryat.org/msryat_net1...p-right-10.gifياعيني ياعيني هند مره واحده وكمان أكسوجين المنتدي خدي بالك ياهند اللقب ده ليه قصه كبيره معايا هبقي أحكيهالك بعدين برنامج جميل ومميز وضيفه أكثر من رائعه وإجابات جميله هند إنتي كمان من أقرب الناس لقلبي ربنا يخليكي ليا ياجميل منوره يادودو والله في إنتظار الحلقه القادمه تحيتي http://forums.msryat.org/msryat_net1...t-bot-left.gifhttp://forums.msryat.org/msryat_net1...-bot-right.gif هههههههههههه طيب يا مرمر هستنى تقوليلى سر اللقب |
http://forums.msryat.org/msryat_net1...t-top-left.gifاقتباسhttp://forums.msryat.org/msryat_net1...-top-right.gifhttp://forums.msryat.org/msryat_net1...ot-by-left.gifالمشاركة الأصلية كتبت بواسطة SiLver Spectrahttp://forums.msryat.org/msryat_net1...t-by-right.gifhttp://forums.msryat.org/msryat_net1...p-right-10.gif يا بووي جامدة جوي الأغنية (الضوء الشارد هههههههه) روعة و الله البرنامج الحواري خصوصا انه مع نجمة متألقة بنشاطها الروعة نودي متفائل بيكي يا مورشو موفقين.. http://forums.msryat.org/msryat_net1...t-bot-left.gifhttp://forums.msryat.org/msryat_net1...-bot-right.gif لا أعتقد يا طارق أنها موسيقى عمر خيرت منور يا طارق |
| الساعة الآن 07:07 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب