|
البطة الشقية حكايتى النهاردة يا حلوين عن بطة شقية ومش بتسمع كلام الاكبر منها الحكاية بداءت لما مامتها قالت لها خليكى فى البيت ومتتحركيش علشان الدنيا برة برد جدا البطة الصغيرة الشقية مسمعتش كلام مامتها وخلتها جرجت وجريت على البركة اللى مليانة مية البطة نزلت البركة وهاتك يا عوم وبلبطة ولعب فى المية ومخادتش بالها ان الدنيا ضلمت وان فية صوت عمال ينادى عليها يا بطة يا بطوطة يا بطة انت فين؟؟؟ البطة الصغيرة الشقية انتبهت بس ساعتها ان الصوت دا صوت مامتها وان الدنيا ليل وانها فى المية من وقت طويل المهم البطة الصغيرة الشقية جريت على مامتها وقالت لها ماما انا ...هتشووووووووووووو انا كنت عايزة ....هاتشووووووووووووووووووو اية دا انا اية اللى بيحصلى دا انا بعطس كدا لية مامتها حطت ايدها على راسها لقيتها ساخنة جدا مامتها اخدتها حطتها فى السرير وغطتها وراحت جابت ليها دكتور البط الدكتور طبعا لما عرف الشقاوة اللى هية عملتها اداها حقنة كبيرة وقالها تخليها فى السرير كام يوم علشان تخف البطة الشقية لما سمعت كلام الدكتور وخفت راحت لمامتها وقالت لها ماما من فضلك سامحينى ..انا غلطت..انا عملت شقاوة ومسمعتش الكلام وعلشان كدا ربنا عاقبنى وخلانى اعيى ارجوكى سامحينى انا معنتش هعمل شقاوة ومن هنا ورايح هسمع كلامك وكلام الاكبر منى علشان هما بيعرفوا عنى كتير ارجوكى يا مامتى سامحينى مامتها علشان بتحبها وعلشان لقيتها عرفت غلطها وعتذرت عنة سامحتها ومن يومها والبطة الصغيرة الشقية بقت بطة مطيعة وبتسمع كلام مامتها والاكبر منها |
|
شكرا ليالي لمرورك الجميل |
يسلمووو على القصه الجميل يعطيكـ الف عافيه وتقبلي مروري |
شكرا قلبي بحر لمرورك الجميل نورتني |
قصه روعه والبطه يا ختي عليها حبيتها تشكرات افندم على قصتك الذيذه يا همس استار |
اقتباس:
علطول كده بس الصراحة تتحب اقتباس:
نورتيني يا قمر |
يسلمو ع القصه تحيتي |
شكرا عاشق الود لمرورك النايس نورتني |
بطة جميلة سلمت يداكي |
| الساعة الآن 07:06 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب