|
فضيحة لفتاه و شاب ... احقر خلق الله الموضوع قرفني بصراحة و شفته كتير اوي في حياتي من ناس سوري في الكلمة (حقيرة) اسف علي الكلمة لكنها حقيقة واقعة دي كانت بداية لموضوع يطول شرحه موضوع مش عارف ابداه ازاي بصراحة موضوع كبير و ذاد عن حده اوي الحمد لله لسه متعملش فيا لحد دلوقتي لكن حصل ادامي كتير اوي ولد و بنت اصحاب او بلاش نقول اصحاب نقول شغالين مع بعض في شغل او بيدرسوا مع بعض في الكلية و بياخدوا دروس سوا حاجة كده جه طرف تالت اتعرف علي البنت او الولد و حبه (حسب جنس الطرف التالت) الي اتحب ده رفض الحب تتوقعوا ايه يحصل؟ يبدا الطرف التالت يعلن ان في علاقة بين الاتنين دول و ده سبب رفض الي اتحب ليه هنا بقي تبدا ماساه تشويه سمعه ... توقيع بين اصحاب ... خلق مشاكل الي اخره ده كان مثال لموقف بيتكرر كتير في الشغل في المدرسة في الكليه في المنتديات واحد عايز ينتقم من واحده يقولك دي علي علاقة بفلان بغض النظر عن ايه نتيجة الي عمله واحدة دماغها طقه تشوه سمعة واحد انه علي علاقه بواحده بغض النظر عن الضرر الي عليه بس و علي البنت الي ادعت انها مرتبطه بيها ده نسميه ايه بقي؟ لو قلت نسميه او نسميها ايه الموضوع هيتحذف يبقي بلاش احسن خلينا احنا محترمين بجد اسلوب مقزز لا يقبله المجتمع باي حال من الاحوال عشان عايز اوقع حد او اوقع حاجه اشوه سمعه بنت بغض النظر بقي ليها ذنب ملهاش مش مهم قمة الحقارة من الناحية الدينية (الي طبعا دول مش بيبصولها اصلا) حرام شرعا تشويه اي سمعة للمسلم و خصوووووصا البنت عارف ليه سيدي الفاضل ده اسمه رمي محصنات بالباطل سمعت عنه؟ الاخ الي يطلع يقول و فين المحصنات ؟ اول تعريف للمحصنات هي المراه العفيفة الحافظه لشرفها انت بقي دخلت جوه بيتها و عرفت هي شريفة و لا لا؟ يا جدعان في ناس بتطلع علي بنات حوارات و ديني ما يعرفوهم و في الاخر يطلع عامل فيها حمل وديع و لا قال حاجه فعلا فعلا انا لو طولت كمان شويه هغلط كلمة اخيرة هقولها للي بيعمل كده متبررش الي بتعمله و لا تقول اي كلمه انت بتشوه سمعة بنت هتتردلك قريب في اهل بيتك من ربنا ما هو ربنا مبيسبش حق حد |
لا حوله ولا قهوه ال بالله |
فعلا دا حصل كثير ناس لاعندها دين ولاأخلاق بس لازم يحطوا في بالهم إن الشرف دين وكما تدين تدان تسلم على الطرح الرائع والمتميز |
ويا مكتـــــــــــــــر الحقراء فى هذه الزمــــــــان يا اسلام بقـــــــــــــــــت سمعه الشخص بالنسبهـــــــــ ليهمـــــ لعبهـــــ لعبهـــ رخيصهــــــ يتلاعبونــــــــــ بها وربنا يقينــــــــــا مكـــــــــــائد البشـــــــــــــر تحــــــــــــيــاتـــــى |
فعلا الحقراء ياما اوي بس في الاخر نقول ربنا يهدي الجميع |
حسبي الله ونعم الوكيل ده ميعتبرش انسان شخص حقير ملهوش امان عديم الشرف والاخلاق منهم لله |
مرسي بصراحه الموقف ده حصلي مره واحده بس ماما وبابا مصدقوش طبعا بس انا دنتني 3 ايام مخرجش بابا وماما عدو على خير طيب والباقي جيراني وباقي العيله وبصراحه انا كنت عرفه مين وكلمت بس هو انكر ومن النهايه لو جربتوها دي بصراحه ماساه ومرسي واسفه لو طولت عليكو |
لا حول ولا قوة الا بالله |
طبعا دا موضوع غايه الأهميه لأنه يدخل تحت باب قذف المحصنات الغافلات التي عاقب الله هؤلاء القاذفون بالجلد ثمانين جلده وعدم قبوا شهادتهم ووصفهم بالفاسقين وذلك إذ لم يأتوا بأربعة شهداء فاتقوا الله عباد الله واعلم أنه كما تدين تدان من تتبع عوره مؤمن تتبع الله عورته |
تسلمـــــوا يا أحلى أعضاء على المـــــرور نـــــــــــورتو التــــــــوبيك |
| الساعة الآن 02:38 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب