مظاهرة من اجل خالد سعيد فى التحرير الرجاء من الادمين عدم مسح التوبيك نظرا لاهمية الموضوع والرجاء ايضا التعليق فى بار المواضيع المميزه وشكرا خالد محمد سعيد شاب مصري عنده 28 سنه من منطقة كليوباترا بالاسكندريه و صاحب مكتب استيراد و تصدير كان قاعد في نت كافيه في وقت متاخر بالليل و دخل بتوع المباحث بيفتشوا كل اللي قاعدين باستخدام قانون الطوارئ.. خالد اعترض و قال احنا بنتفتش ليه كان تمن السؤال البرئ ده ان اتنين مخبرين مسكوه و نزلو فيه ضرب في المحل و في الشارع و في مدخل عماره جنب النت كافيه ولما فقد وعيه قعدوا يخبطوا وشه في الرخام بتاع السلم و في مدخل العماره علشان يفوق أخدوه وهو جثه و حطوه في البوكس و بعد 15 دقيقه رجعوا رموه ف الشارع لما إكتشفوا إنه مات كل واحد فينا ممكن يكون خالد خالد ماكانش ليه علاقه بالسياسه من قريب او بعيد زى معظم المواطنين المصريين ولا عمره انضم لاى تيار او حزب سياسى لكن ده ما منعهومش من تعذيبه وقتله بلطجة الداخليه واحده بإستخدام قانون الطوارىء مش بتفرق بين سياسى و مواطن عادى يا ترى هانسكت ونستنى لما ده يتكرر معانا ؟ -------------------------------------------------------------------- عم عبدالسميع صابر 60 سنه عنده 6 بنات عنده كشك أمام الحي فى مدينة نصر من 40 سنه وهو مصدر رزقه ليه ولعياله رئيس الحي( الليثي) معدي مش عجبه منظر الكشك نزل هو والمهندسين وطلب ازاله الكشك .عم صابر قاله ازاي ده مترخص والورق كله موجود وسليم ورئيس الحي طبعا امر بالازاله وجاب البلدوزر وشال الكشك عم صابر كل جريمته انه قال لرئيس الحى حرام عليك هجيب عشايا منين انا وعيالي هأكلهم منين؟ وقرر الاعتصام لغاية ما ياخد حقه رئيس الحى امر انههم ياخدوه على القسم وقعد 4 ايام وفى الاخر خرج جثه هامده وواضح فى جسمه اثار تعذيب بالضرب و الكهربا و اطفاء السجاير فى جسمه بالاضافه لجرح كبير فى رأسه ضحيه قسم مدينه نصرعبدالسميع صابر طبعا الداخليه بتحاول تعتم كالعاده وترهب اهل عم صابر و تحمى القتله و المجرمين بتوعها ------------------------------------------------------------ يوم الاحد القادم 20 يونيو الساعه 5 مساء فى ميدان التحرير كلنا هانتجمع علشان نطالب بمحاكمة المجرمين شباب ونشطاء و منظمات حقوقيه وكل الناس و المجموعات مش لازم يكون ليك فى السياسه علشان تعترض أو تطالب بحقك او حق أى شخص تانى ممكن تكون ماشى جنب الحيط و يحصل فيك زى ما حصل مع خالد وعم صابر وغيرهم و غيرهم زى ما بنسمع كل يوم بلطجية الداخليه بيفتروا علينا بسبب سكوتنا إحنا وخوفنا من المجهول لكن لو كلنا وقفنا مع بعض ضد اى تجاوز منهم وكسرنا حاجز الخوف و قدرنا نعمل ضغط ضد التعتيم و التلفيق ... هانقدر كلنا نعمل حاجه وادينا شوفنا ضغطنا فى قضية الشهيد خالد أدى لإعادة التحقيق و اعادة تشريح جثته رغم محاولات الداخليه و الاعلام الحكومى للتلفيق و الكذب و طمس الحقائق لكن مش هانسكت الا لما يتعاقب الجناه مش هانسكت الا لما نحس بالامان فى شوارعنا من بلطجية الداخليه مش هانسكت الا لما تكون فعلا الشرطه فى خدمة الشعب بدل ما تقتل و تعذب و تسرق الشعب ----------------------------------------------- الحمله مستمره و متصاعده على المستوى الاعلامى و القانونى و الاحتجاجى شارك معنا وفى النهايه احب ان انوه الى شىء كان من الممكن ان تكون انت او اخوك او ابوك مثل هؤلاء الشهداء فلا تقف مكتوفى الايدى وتقل وانا مالى فلو قلت ذلك سنقول نحن ذلك ايضا لو كنتى انت مكنهم |
الف شكر يا احمد ع انك رجعت المواضيع اللى اتحذفو |
هدول قبل الثوره ولا بعد ؟؟؟؟؟؟؟؟ اظن قبل صح طب اذا على هيك بس بتهون وما خفي اعظم شكرا للموضوع |
http://forums.msryat.org/msryat_net1...t-top-left.gif اقتباس http://forums.msryat.org/msryat_net1...-top-right.gif http://forums.msryat.org/msryat_net1...ot-by-left.gif المشاركة الأصلية كتبت بواسطة black flower http://forums.msryat.org/msryat_net1...t-by-right.gif http://forums.msryat.org/msryat_net1...p-right-10.gif هدول قبل الثوره ولا بعد ؟؟؟؟؟؟؟؟ اظن قبل صح طب اذا على هيك بس بتهون وما خفي اعظم شكرا للموضوع http://forums.msryat.org/msryat_net1...t-bot-left.gif http://forums.msryat.org/msryat_net1...-bot-right.gif فعلا قبل الثوره يا ساره وشكرا ع مرورك |
تسلم على الخبر |
http://forums.msryat.org/msryat_net1...t-top-left.gif اقتباس http://forums.msryat.org/msryat_net1...-top-right.gif http://forums.msryat.org/msryat_net1...ot-by-left.gif المشاركة الأصلية كتبت بواسطة برتاح معاك http://forums.msryat.org/msryat_net1...t-by-right.gif http://forums.msryat.org/msryat_net1...p-right-10.gif تسلم على الخبر http://forums.msryat.org/msryat_net1...t-bot-left.gif http://forums.msryat.org/msryat_net1...-bot-right.gif ان مرورك لزاد الموضوع جمال وروعه وردك زادنى تالقا ودفعنى للامام ادعو الله الا اتحرم من مرورك الدائم |
شكرا علي الموضوع ولروح الشهداء جميعهم لانهم هم الذين انقذونا من فساد الرئيس واتباعه |
http://forums.msryat.org/msryat_net1...t-top-left.gif اقتباس http://forums.msryat.org/msryat_net1...-top-right.gif http://forums.msryat.org/msryat_net1...ot-by-left.gif المشاركة الأصلية كتبت بواسطة لوسينا http://forums.msryat.org/msryat_net1...t-by-right.gif http://forums.msryat.org/msryat_net1...p-right-10.gif شكرا علي الموضوع ولروح الشهداء جميعهم لانهم هم الذين انقذونا من فساد الرئيس واتباعه http://forums.msryat.org/msryat_net1...t-bot-left.gif http://forums.msryat.org/msryat_net1...-bot-right.gif ان مرورك لزاد الموضوع جمال وروعه وردك زادنى تالقا ودفعنى للامام ادعو الله الا اتحرم من مرورك الدائم |
الساعة الآن 01:54 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب