|
يوميــــات عـــاطل ... الحلقه الاولــى اليوم سأقدم لكم يوميات عــاطل .. وللعلم ان تلك اليوميات لا تمت لى بأى صله ولكنها من أحدى بيوت الاصدقاء .. وسأقدم لاول مرة هذه اليوميات التى اتمنى ان تنال اعجابكم وايضا رضاكم .. بسم الله الرحمن الرحيم ... الحلقه الاولى نايم فى بيتنا من كام يوم .. متلفح بما لايقل عن 5 بطاطين .. تقريبا كنت مجمع بطاطين البيت كله .. واذا بى استيقظ من احلاها نومه على صوت صياح ونواح فى الشارع ..انا بفزع : ايه .. مين .. ليه .. هو فى ايه بقى ؟!!! ابويا صائحا من آخر الشقة : ايه الدوشة اللى عندك دى ... خربت ايه تانى يا جلاب المصايب ؟!! انا بغضب : ياعم مش انا .. مش انا ... الصوت جاى من الشارع !! ابويا : طب ماتقوم تشوف فى ايه يا أنثى السلحفاة انت !! انا : وبعدين بقىىىىى .. خلاص .. قايم .. قايم .. عيلة تجيب المرض !! قومت من على السرير وفتحت الباب ونزلت وكالعادة نسيت أغير هدومى .. نزلت بالبيجامة وفى رجلى الشبشب المصرى الشهير .. "ابو صابع" !! اول مانزلت الشارع لقيت ناس بتجرى يمين وشمال وعربيات الامن المركزى بقت اكتر من الحناطير اللى تعتبر من علامات شارعنا العظيم !! انا لأحدهم : هو فى ايه يا محترم ؟!! الرجل وهو يجرى بعيدا : مظاهرة يا استاذ ... مظاهرة !! انا : مظاهرة ؟؟!!! ابويا مناديا من البلكونة : ايه ياض الخلق دى كلها .. هو فى محل كشرى فتح جديد فى الشارع ولا ايه ؟!! انا : كشرى ؟؟!!!! اه انزل الحقلك طبق ... دى مظاهرة يا عم الحاج ... مظاهرة !! ابويا هاتفا من البلكونة : عملوها الوحوش !! انا : وحوش ليه حجزولك طبق انا لاحدهم : هى المظاهرة دى بخصوص ايه يا محترم ؟!! الرجل وهو يجرى بعيدا ايضا : بوش انضرب بالجزمة !! انا : وانتوا بتجروا ليه هيا امريكا بتدور على الجزمه ؟ ابويا مناديا من البلكونة : ماترد عليا ياض انت .. المظاهرة دى عشان ايه ؟!!! انا صائحا من الشارع : بيقولك بوش انضرب بالجزمة !! ابويا : طب وجابوا الجزمة ولا لأ !! وبعد قليل بدأ المتظاهرون فى التجمع ممسكين بأيدى بعضهم البعض .. الرجال فى الامام .. والنساء فى الخلف .. وبدأت لافتات تعلوا فى الافق .. امثال ... الصحفى العراقى قال كلمته ... بوش مايسواش غير جزمته !! يا امة المليار .. انتفضوا لفك الحصار !! يا أوباما يا أوباما .. مستنيينك تيجى بالسلامة !! وسالمه يا سلامه وفجأة عربيات الامن المركزى نزل منها العساكر والظباط ... واصطفوا كمجاميع وبدأوا فى ترديد شعار الامن المركزى !! عساكر الامن وهم يقفزون فى المكان : مصر .. مصر .. امى منادية من البلكونة : اطلع يا منيل بدل ماتاخدلك شومة ولا طوبة فى دماغك !! ابويا لأمى : سيبيه يمكن ياخدوه بالغلط ولا حاجة .. يتعلم الادب كام يوم فى القسم واهو نخلص منه وافضالك يا جميل !! امى : قسم ايه بس .. دى مظاهرة يعنى هايبقى فيها اعتقال يا راجل !! ابويا : اطلع ياض بدل ما ياخدوك على "جوانتانامو" !! وطلعت ووقفت مع ابويا وامى نتابع الموقف من البلكونة ... وبدأ المتظاهرون فى التهليل .. الرجال : لا للقمع .. لا للقمع !! النساء مرددين خلف الرجال : لا للقمع .. لا للقمع !! بصت لابويا قولتله خبى القمع الى فى اوضتك ابويا هاتفا من البلكونة وهو يسقف بكلتا يديه : وادحرج واجرى .. انا وامى : يا رمان !! ابويا : وتعالى على حجرى !! انا وامى : يا رمان !! وفجأة بدأت الاشتباكات بين المتظاهرين والامن وساد الهرج والمرج ارجاء الشارع وعلت أصوت الصياح والنواح ... وتقريبا كانت معركة من جانب واحد .. رجال الامن المركزى ... وكأنهم واخدين اوامر بأن الضرب يكون على الكيف !! ووسط كل هذا الهرج والمرج اطاح احدهم بقصرية الزرع التى وضعها السيد الوالد اسفل المنزل بحجة تزيين البيت ( وكأن البيت فرغ جماله من كل شىء الا هذه القصرية.. والبيت اصلا قايل للسقوط !! ) ابويا مناديا من البلكونة : حاسب يا أطبش انت وهو القصرية هاتقع !! وطراااااااااخ ( وقعت القصرية وتفتت الى 7 آلاف جزء !! ) ابويا هاتفا بفزع ممزوج بالحسرة : يخربيت اللى جاب ابوكم !! .. راحت القصرية يا حكومة مهلبية !! .. آآآآآآآآآآآآآآآآآآآآآآآآآآآه ومن حظ ابويا العالى .. العالى اوى ... الشتيمة سابت الشارع كله برجاله ونساءه وعياله وعساكره ومتظاهرينه ولزقت فى ودان أحد اللواءات والذى كان يأمر وينهى فى عساكره من موقعه .. حيث كان يقف تحت عمارتنا المصونة عدل !! اللواء مشاورا علينا : هاتولى العالم اللى فوق دول .. هما دول اللى بيقودوا المظاهرة من فوق ومهيجين الناس .. هــاتــوهـــملى هنا حالا !! نظرنا انا وابويا وامى لبعضنا البعض بصدمة من هول ما سمعنا !! وبصت لامى قولتلها نرميه من البلكونه ابويا : ايه العمل دلوقتى ؟!! انا بخوف : الظابط اللى تحت افتكرنا تبع المظاهرة !! ابويا : آه فاكرنى دلوقتى احمد عرابى .. وانت الحصان بتاعى !! امى بفزع : انا مش معاكوا .. انا مش معاكوا !! ابويا : اصيلة يا أم سيد !! ونشوف حصل ايه فى الحلقة الجاية ... |
تسلم ايدك فى انتظار الحلقات القادمة |
ههههههههههههههههههههههههه حلوه اوووووووووي واكتر حته عجبتني بتاعه وإدحرج وإجري يارمان ههههههههههههههههه حلقه جميله يامير في انتظار الحلقات القادمه ان شاء الله |
اقتباس:
|
اقتباس:
ربنا يبسطك كمان وكمان يا دكتورتنا يا جميله .. واشكرك جدا على طلتك الجميله واتمنى ان اكون قدرت اوصلك الابتسامه الحقيقيه .. بل اتمنى ان اكون سبب فى وضع الابتسامه والضحكه .. دمتى بكل ود يا دكتورة وفى رعايه الله .. |
وبدأ المتظاهرون فى التهليل .. الرجال : لا للقمع .. لا للقمع !! النساء مرددين خلف الرجال : لا للقمع .. لا للقمع !! بصت لابويا قولتله خبى القمع الى فى اوضتك ابويا هاتفا من البلكونة وهو يسقف بكلتا يديه : وادحرج واجرى .. انا وامى : يا رمان !! ابويا : وتعالى على حجرى !! انا وامى : يا رمان !! ههههههههههههههههههههه الله عليك والله حلو اوي اوي موت علي نفسي من الضحك في انتظار باقي الحلقات يوميات تجنن بالتوفيق يامستر |
هههههههههههههههه حلقه مالهاش حل جميييييييييييييييله وجامده جدا جدا قرأتها الف مره وهقرأها ميت مره كمان علشان يبقى الف وميه انا مش هقوم من على المنتدى الا بعد ما اشوف الحلقه الجايه لا تتأخر علينا احنا مستنيين على نار يسلموووووووووووووو اديك |
هههههههههههههههه حلوه أوى .. مستنين باقى الحلقات |
والله فى منتهى الروعه وكوميديا ولااروع دوام الابداع والتألق مع التحيه والتقدير |
http://forums.msryat.org/msryat_net1...t-top-left.gifاقتباسhttp://forums.msryat.org/msryat_net1...-top-right.gifhttp://forums.msryat.org/msryat_net1...ot-by-left.gifالمشاركة الأصلية كتبت بواسطة hope and painhttp://forums.msryat.org/msryat_net1...t-by-right.gifhttp://forums.msryat.org/msryat_net1...p-right-10.gifوبدأ المتظاهرون فى التهليل .. الرجال : لا للقمع .. لا للقمع !! النساء مرددين خلف الرجال : لا للقمع .. لا للقمع !! بصت لابويا قولتله خبى القمع الى فى اوضتك ابويا هاتفا من البلكونة وهو يسقف بكلتا يديه : وادحرج واجرى .. انا وامى : يا رمان !! ابويا : وتعالى على حجرى !! انا وامى : يا رمان !! ههههههههههههههههههههه الله عليك والله حلو اوي اوي موت علي نفسي من الضحك في انتظار باقي الحلقات يوميات تجنن بالتوفيق يامستر http://forums.msryat.org/msryat_net1...t-bot-left.gifhttp://forums.msryat.org/msryat_net1...-bot-right.gif اشكرك يا جميل وربنا ما يحرمنا من طلتك الجميله .. |
| الساعة الآن 05:15 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب