منتديات بنات مصر - يوميــــات عــاطل ... الحلقه التالتــة ..

منتديات بنات مصر (https://forums.banatmasr.net/)

- أرشيف برامج اليوميات (https://forums.banatmasr.net/f164/)

- - يوميــــات عــاطل ... الحلقه التالتــة .. (https://forums.banatmasr.net/msryat156160/)

يوميــــات عــاطل ... الحلقه التالتــة ..

تانى يوم الصبح تم ترحيلنا انا ووالدى على النيابة .. وبدأ التحقيق ..

وكيل النيابة : ها يا عم سيد انت وابنك ... مش هاتقولولنا انتوا تبع انهى تشكيل ؟!!

ابويا : ياباشا قولنالكوا قبل كدة .. "هاف ديفيندر" فى المحلة .. والتغيير حسب رؤية المدرب !!

الظابط : يعنى مفيش فايدة فيكوا .. مش عايزين تنطقوا !!

انا : ياباشا وربنا احنا ماعملنا حاجة .. احنا ماكوناش بنهتف مع المظاهرة اطلاقا ولا حتى كنا نعرف سببها !!

وكيل النيابة : اومال التقارير اللى جت بتقول انكوا كنتوا بتهتفوا ليه ؟!!!

ابويا هامسا فى أذن وكيل النيابة : طبعا حضرتك مش هاتصدقنا لو قولنالك ان قصرية الزرع هى السبب !!

وكيل النيابة صائحا : انتوا بتستخفوا بالنيابة ياض انت وهو .. طب حبس احتياطى لمدة 24 ساعة تانى لغاية ماتعترفوا او يبان لكوا صاحب !! .. يا شكرى .. عايز البهوات يستريحوا على الآخر .. وطلباتهم تتنفذ .. فاهمنى ؟؟ .. دلعهم يعنى !!

انا ببلاهة : والله ده كرم كبير ياباشا .. تعالى يا شكرى ادعكلى ضهرى شوية احسن جتتى اتنحلت من نومة "البورش" بتاعكوا ده !!

ابويا : وانا عايز ساندويتش "تشيكن ماجنم" من عند "مؤمن" يا شكرى بعد اذنك !!

بعد ان قضينا انا ووالدى ما يقرب من الثلاثة ايام فى الزنزانة أخيرا جاء الفرج ... فقد قامت والدتى بتوكيل أحد المحامين للدفاع عنا والذى اثبت بدوره للنيابة ان اوراقنا وملفاتنا سليمة ولا يوجد بها اى سوابق او احكام .. وعليه قررت النيابة الافراج عنا لعدم كفاية الادلة !!

وصلت انا وابويا منزلنا الموقر بحمد الله سالمين اللهم شوية خدوش بسيطة فى انحاء الجسم ناتجة من دلع شكرى ( ماشاء الله شكرى ده احد الظواهر المصرية التى نادرا ماتتكرر .. بيضرب جوز بنى آدمين بأيد واحدة .. ومابتخيبش ابدا .. ربنا يحميك يا بنى !! )

امى : لولولولولولولولى .. حمدلله على السلامة يا بو السيد ... نورت بيتك من تانى ياخويا ... ياريتنى كنت انا مكانك !!

ابويا بغضب : يا وليّة اتقى الله .. ده انتى اول ماشوفتى البوليس طالع ركبتى طيارة فى رجلك وخلعتى !!

انا : خلاص يابا بقى .. حصل خير .. المهم يامًا فى أكل النهاردة ولا ايه .. احنا ما أكلناش بقالنا 3 ايام ؟!!

ابويا : آه صحيح فكرتنى .. هو الواد شكرى انا مش كنت بعته يجيبلى ساندويتش من "مؤمن" ؟؟ ماجابوش ليه ؟؟ .. طب اما اشوفك يا شكرى !!

انا : هو مش اكلهولك حتى بالاماره انت شبعت من اول قلم قصدى اول قطمه

امى : اقعد يابو السيد استريح بقى على ما احضر الغدا ... ثوانى ويبقى جاهز !!

وفى انتظار وجبة الغداء الشهية المتمثلة فى الفول والطعمية .. فتحت التليفزيون عشان اتسلى انا وابويا شوية وننسى الهم .. واذا بنا نفاجأ بأغنية شعبان عبد الرحيم مرة اخرى امامنا !! .. حيث يقول من جديد :

صدام اللى انت دبحته ... فى اول يوم العيــد

اهو ربك خــد بــتــاره ... وفى نفس المواعيد

العـالـم كلـه شافك ... وبالــســعادة حــس

الجزمة زى الكورة ... وداخلة فى المقص

ابويا صائحا : كدة كتيييييييييييييير ... لا للقمع .. لا للقمع !!

وراح قايم ابويا شايل التلفزيون وحادفه من الشباك من غير ما يبص !!

صوت قادم من الشارع : آآآآآآآآآآآآآآآآه ... هاتوا الاسعاف .. الباشا هايروح مننا .. الباشا هايروح مننا !!

احدى الصحف الصادرة فى اليوم التالى : القبض على رجلان يشتبه فى انتمائهما الى أحد الجماعات الارهابية بتهمة قتل لواء شرطة بدافع الانتقام منه لسابق اععتقاله لهما !!

وسمعنى سلام الجزمة مش بتاعتى !!

هههههههههههههههههههههههههههههههههه
ينهار أبيض
ايه كل ده
لا كتير عليهم بصراحه
مستنين باقي الحلقات ياميرو
تسلم ايدك

السلام عليكم

لا بجد يوميات جامده اخر حاجه هههههههههههههه

وفي انتظار باقي يوميات العاطل

تحياتي

http://forums.msryat.org/msryat_net1...t-top-left.gifاقتباسhttp://forums.msryat.org/msryat_net1...-top-right.gif http://forums.msryat.org/msryat_net1...ot-by-left.gifالمشاركة الأصلية كتبت بواسطة dr.marmarhttp://forums.msryat.org/msryat_net1...t-by-right.gif http://forums.msryat.org/msryat_net1...p-right-10.gifهههههههههههههههههههههههههههههههههه
ينهار أبيض
ايه كل ده
لا كتير عليهم بصراحه
مستنين باقي الحلقات ياميرو
تسلم ايدك
http://forums.msryat.org/msryat_net1...t-bot-left.gif http://forums.msryat.org/msryat_net1...-bot-right.gif

شوفتى يا دوك حصل ايه ؟؟ هههه

اشكرك يا قمر لمرورك الجميل ..

واتمنى ديما تشريفك لى ..

تحياتى لمرورك ..

http://forums.msryat.org/msryat_net1...t-top-left.gifاقتباسhttp://forums.msryat.org/msryat_net1...-top-right.gif http://forums.msryat.org/msryat_net1...ot-by-left.gifالمشاركة الأصلية كتبت بواسطة speciel girlhttp://forums.msryat.org/msryat_net1...t-by-right.gif http://forums.msryat.org/msryat_net1...p-right-10.gifالسلام عليكم

لا بجد يوميات جامده اخر حاجه هههههههههههههه

وفي انتظار باقي يوميات العاطل

تحياتي
http://forums.msryat.org/msryat_net1...t-bot-left.gif http://forums.msryat.org/msryat_net1...-bot-right.gif

هههههه شكلك تقصديني ههههه

ميرسى يا قمر لمرورك الجميل ديما ..

ربنا ما يحرمنى من طلتك الطيبه ..

لكى وافر تحياتى ..

ههههههههههههههه
ههههههههههههههه
ههههههههههههههه
ههههههههههههههه
ههههههههههههههه
ههههههههههههههه
ههههههههههههههه
ههههههههههههههه
ههههههههههههههه
ههههههههههههههه
ههههههههههههههه
ههههههههههههههه