|
يوميات .. لؤى ومهجه .. الحلقه الاولى .. السلام عليكم ورحمه الله وبركاته .. على اللهجه الصعيديه هنتكلم .. ونشاهد مع بعض يوميات .. لؤى ومهجه .. اتمنى ان تنال اعجابكم .. نبدأ اول يوم من يوميات لؤى ومهجه .. الحلقه الاولى جه جواب التنسيق لمهجه وفتحت الجواب لقت جامعه القاهره مهجه : يا دى اليوم لاسود انهرده يادى النيله ام مهجه : ايه يابتى مالك يا بونيتى مهجه : الحجى يامه جواب التنسيج جه القاهره ام مهجه : وماله يابتى عمك هناك روحى عند عمك جطر لما يلهفه على السيره مهجه : انا مش بطيج مرته دى الى عامله زى ام اربعه واربعين ام مهجه :معلش يابتى ايام وجضيها وخلاص مهجه :امرى لله انا عارفه حظى اسود من يومه هروح وخلاص وجه معاد السفر ركبت مهجه القطر وفى طريقها للقاهره مهجه : يا سوادى هى السكه مالها طويله جوى ليه كده يا مهون هون علشان انا زهجت ومليت من الجعده دى وصلت مهجه وراحت عند عمها خبطت على الباب فتحت مرات عمها مهجه : اهلا يا مرت عمى مرات عمها : مين مهجه مهجه : ايوه مهجه امال هيكون عفريتها ولا ايه مرات عمها : ازيك يا بنتى منوره عمها يجري على الباب و يقول مين مهجه ازيك يا بنتى واللي في البلد عاملين ايه مهجه : طيب مش تدخلونى وبعدين تسلموا ولا هنجضيها سلامات من على الباب الشنطه خلعت كتفى مفيش دم عمها : ادخلى يا بنتى اهلا وسهلا ورحبوا بيها وسلمت على عمها واولاده وتانى يوم كان الدراسه صحيت بقى مهجه واستعدت وراحت على الجامعه مع عمها لانها متعرفش السكه دى اول مره هتروح فيها وصلها عمها وشرحلها الطريق دخلت مهجه الجامعه لقت بنات بقى وشباب استايل اوى اول مره تشوف كده مهجه : وى وى وى وى وى يا بوى ايه الى البنات عاملينه فى نفسهم ده المحزج والملزج وايه الالوانات الى فى شعرهم دى استغفر الله العظيم يا ربى والولاد مالهم كده مطولين شعرهم وموجفينه زى ما يكونوا مكهربين دول ما يجلوش حاده عن البنات عشنا وشفنا وانا مالى انا الحج بجى محاضراتى ودخلت بقى مهجه قاعه المحاضرات بتدور على مكان تقعد فيه مهجه : ايوووووووووه يا ولاد ايه الى بيحصل ده الاولاد جمب البنات كده وملزجين فى بعض انا هجعد زيهم كده لا والله لا يمكن ابدا انا هفضل واجفه احسن دخل الدكتور لقى كل الناس اعده الا هى بيقلها يا بنتى اعدى مهجه : اجعد ازاى يا دكتور جمب الولاد كده عادى لا والله ما يحصل ولا يكون الدكتور:ههههههه اعدى جمب اى بنت طيب اى حد يا بنات يقعدها جمبه وحده من البنات قالتلها تعالى هنا جمبى اعدت مهجه واتعرفت عليها انتى اسمك ايه قالتلها اسمى ندى وانتى قالتلها مهجه المهم بعد ما خلصت المحاضره اتعرفوا على بعض وبقوا صحاب اوى وخلص اليوم وخلصت المحاضرات وجه معاد انها تمشى لبيت عمها خرجت مهجه هى وندى وبعدين نكمل فى الحلقه الجايه |
حلوووووووووووه جدا يامحمد والله ضحكتنى جدااااااااااااا اللهجه كمان عجبانى اوى هههههههههههههههه منتظرين الحلقه الجايه تسلم على اليوميات الجميله دى موفق |
ربنا يكرمك يا حنون .. ديما منورانى ومشرفانى .. اشكرك جدا على طلتك الجميله منك ديما يا حنون .. تحياتى .. |
ههههههه جامده جدا يا محمد واللهجه الصعيديه دي جميله جدا ومختلفه عن لما نسمعها أو نشوف حد بيتكلمها قدامنا القرايه بتخليك تضحك لواحدك بس فين الحاج لؤي مظهرش من أول الحلقه مفيش حتى نبذه مختصره عنه أو مشهد جامد ليه كده ههههه فكره جميله جدا ف انتظار الحلقه التانيه بس اعملها بسرعه عشان عايزة أشوف مهجتيتي هتعمل ايه بالتوفيق ....... |
توووووحفة منتظرين الباقي يا معلم |
http://forums.msryat.org/msryat_net1...t-top-left.gifاقتباسhttp://forums.msryat.org/msryat_net1...-top-right.gifhttp://forums.msryat.org/msryat_net1...ot-by-left.gifالمشاركة الأصلية كتبت بواسطة تياhttp://forums.msryat.org/msryat_net1...t-by-right.gifhttp://forums.msryat.org/msryat_net1...p-right-10.gifههههههه جامده جدا يا محمد واللهجه الصعيديه دي جميله جدا ومختلفه عن لما نسمعها أو نشوف حد بيتكلمها قدامنا القرايه بتخليك تضحك لواحدك بس فين الحاج لؤي مظهرش من أول الحلقه مفيش حتى نبذه مختصره عنه أو مشهد جامد ليه كده ههههه فكره جميله جدا ف انتظار الحلقه التانيه بس اعملها بسرعه عشان عايزة أشوف مهجتيتي هتعمل ايه بالتوفيق ....... http://forums.msryat.org/msryat_net1...t-bot-left.gifhttp://forums.msryat.org/msryat_net1...-bot-right.gif هههههههههههه انتى مستعجله ليه يا تيا ؟ اتقلى على الرز لما يتحرق .. قصدى لما يستوى هههه قريبا جدا الحلقه التانيه بعملها وهخلصها وهنزلها .. تسلميلى يا قمر لمرورك الجميل .. |
جميل جداااااا يا محمد والله فعلا اللهجه الصعيديه اساسا جميله بتوفيق وفى نتظار الحلقه القادمه |
اقتباس:
ماشى يا معلم .. تسلم لمرورك .. حلوة معلم دى ههههه تحياتى ليك يا قمر .. |
اقتباس:
أشـــــــــــكرك ... |
هههههههههههههههههه حلوه أووووووى بجد يا محمد ... يلااااا بقى مستنين الحلقه التانيه عاوزه أشوف لؤى هيعمل ايه ؟؟؟؟؟ |
| الساعة الآن 08:37 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب