منتديات بنات مصر - هس هس كلمة فى ودنك

منتديات بنات مصر (https://forums.banatmasr.net/)

- - هس هس كلمة فى ودنك (https://forums.banatmasr.net/msryat16622/)

هس هس كلمة فى ودنك

السلام عليكم ورحمة الله وبركاته

عزيزتى النهاردة انا جاية اقولك كلمة فى ودنك
بس خلى بالك دى سريعنى لازم تحافظى عليه
السر ياستى هو :080402gudl_prv:

هو
123لاداب الضيافة
ازاى تبقى ضيفة خفيفة ومرغوب فيكى عند الاهل والاقارب؟
هاقولك السر اهو هما 10 اسرار احفظيهم كويس يلا بينا عدى معايا:vb36::vb36::vb36:

1- خدى معاكى اللبس اللى يكفيكى علشان ماتفرضيش على اهل البيت عبء ملابسك وغسيلك

2-بلاش تستعملى التليفون الا للضرورة القصوى وسريعة واوعى تشغلى التليفون علشان متضايقيش اهل البيت

3-اول ماتصحى رتبى السرير اللى نمتى عليه وافتحى شبابيك الاوضة واحرصى انك تساعدى ربة البيت فى كل حاجة فى شغل البيت طول فترة اقامتك عندها

4- لو خرجتى من اوضة اطفى انوارها اذا ماكانش فيها حد
5-خدى معاكى ادواتك الشخصية الخاصة زى الفوطة والمشط والصابون والحاجات اللى من النوع ده

6-لما ترجعى من برة وتستخدمى الصابونة علشان تنضفى وشك من اثار الطريق بعد ماتستخدميها خليها تحت الماء شوية علشان تشيلى اى اثار من اثار الطريق

7- جففى الحمام وماتسيبيش ماء على الارضية

8- بلاش ترغى :752: فى حاجات مالهاش داعى ومتديش نصايح لمجرد انه يتقال عليكى ذكية والسلام او صاحبة فكر

9- طيب مش هاوصيكى لازم كلمات الشكر بعد انتهاء الزيارة

10-لازم فى بداية الزيارة تقدمى هدية بسيطة وياسلام لو تجدديها اخر الزيارة يعنى تكررالحكاية وتجيبى هدية تانية تفيد صاحبة البيت

ايه رايكم بقى
اتمنى اكون قلت حاجة كويسة تنفعنا
ونتعلم منها اتيكيت الزيارات
تحياتى للجميع
عايزة ارائكم بسرعة اوعوا تنسوا

جميل يا سمسمه
طبعا يا قلبي كلنا استفدنا
تسلم ايدك يا قمر
موضوع رائع

تحيااتي

تسمحى لى سمسمه ادخل الموضوع

http://www.up.ar-top.com/uploads/41364ba922.gif

ههههههههههههههههههههه

اصله بينى وبينك موضوع جميل جدااا وعجبنى

قلت مينفعش اكون هنا وما اردش على سمسمه

بجد تسلم ايدك سمسمه ياقمر

موضوع جميل ومفيد كما تعودنا على سمسمه وموضوعاتها الشيقه

ارق تحياتى لكى سمسمه ياقمر

http://www.up.ar-top.com/uploads/186251683d.gif

حبيبتى نهلة
ميرسى ياقلبى لمرورك اللى شرفنى وردك اللى اسعدنى
انتى اللى جميلة علشان كده شفتى الموضوع جميل
تحياتى ياقمر

نورتنى يارامى وشرفتنى بوجودك
الموضوع بتاعك ياجميل تتفضل فى اى وقت هو انت غريب ههههههه
مواضيع سمسمة كلها تحت امرك هههههههههه
ميرسى لذوقك ومرورك
وميرسى للورد الجميل مش غريب عليك ياقمر الذوق
تحياتى ليك ياجميل

نصايحك مفيدة جدا يا قمر
ربنا ميحرمنا من قلمك الجميل

ميرسى اوى ليكى يابونا
نورتينى وشرفتينى بجد
ربنا مايحرمنى من وجودك فى موضوعاتى ديما
تحياتى ياقمر

××
.

يسلموو يا قمر على النصائح
دمتِ بود

تحياتي

.
××

حبيبتى تسلمى ويسلملى وجودك
تحياتىياقمر
نورتى

ايه ياجماعة ماحدش ناوى يرد تانى ولا ايه
دى نصايح مهمة اوى للاتيكيت
انا زعلانة منكم اوووووووووووووووووووووى