|
قسم جديد للزوار السلام عليكم انا بقترح اقتراح اننا نعمل قسم جديد هنا فى المنتدى القسم خاص بالزوار و ليس بالاعضاء لزمته ايه القسم ده لو فى زائر عايز يستفسر عن حاجة ازاى يسجل ازاى يعمل اى حاجة عضو معانا و نسى الباسورد بتاعه ممكن يستفسر بالقسم ده بحيث اننا نبقى على تواصل بالجيران اللى برة اسرتنا :cupidarrow: و عشان لو حد مننا فقد او نسى الباس او الاسم المستعار يقدر يتواصل معانا و يقول مشكلته و طبعا القسم ده هيبقى مواضيعه لازم يتوافقعليها من الادارة منعا لاى تجاوزات |
هي فكرة بس ضررها أكثر من نفعها دلوقتي أي عضو ياخد حظر يقدر يخش القسم و يعد يسب للصبح مش هيبقى في مسؤولية العضوية بتقدر تحتويها أكثر لكن الزائر دا مالوش هوية يعني ممكن أخش و اقول يا جماعه أنا طمطم و عايز الباسورد نسيته!! الرقابه هتبقى صعبه جدا لو عضوية بتكون اسهل لكن الزائر مالوش اي ملامح الفايده انك هتساعدهم بس مين هيشوف القسم!! غير ان التسجيل مش صعب و محتاج قسم للشرح فمش طالبه بقى نشوف ردود غريبه من زوار كفايه بتوع الاسبام بالتوفيق... |
هو فعلا ضررها اكتر من نفعها النقطة اللى قال عليها طارق بعدين اسهل حاجة هى التسجيل ف المنتديات ... كمان هنقلل معدل تسجيل الاعضاء .. |
تصدقكم انا داخلة التوبيك اشوف مضمونه ايه نسيت ان انا اساسا اللى عملاه و ربنا *** المهم المواضيع هتكون مراقبة يعنى الادارة متحكمة فاللى يظهر و اللى ميظهرش * * * انا الفكرة جتلى لما عوزت ادخل منتدى تانى مسجلة فيه مع بعض اصحابى و لقيتنى ناسبة الباسورد فى القسم ساعدونى و بعتهولى على الميل فى رسالة و عرفونى اننا طمطم من رقم الاى بى *** طارء عيلاء منوريين و تشكروا على رايكم |
عامة انتي تقدري تعملي استرجاع عالميل بدون تدخل الاداره بس المهم تفتكري ميل التسجيل انتي لو تشوفي كمية المواضيع الي متراقبه هتلاقيها كتير جدا أنا حتى سيبت المهمه دي من زمان حنون و ميشو و أحمد شغالين الله ينور يعني من غيرهم المنتدى كان وقف http://forums.msryat.org/images/icons/icon10.gif فمش طالبه كمان زوار نعد نراقبهم و الآي بي دا مش بيكشف بسهولة الأعضاء يعني لو أنا دخلت اسمك هيطلعلي عضويات كتيره جدا و لو دخلت اسمي نفس النظام انتي بقالك سنتين و أكتر في المنتدى فبيفرزلك كل ارقام الاي بيهات و التشابهات مع نفس الشركة فبتطلع باسماء مالهاش نهاية أسماء عضويات فما بالك بالزوار الزوار مافيش اسم اصلا استخدام كشف الآي بي دا بستخدمه للكشف عن حالات حرجه يعني تلاعب في استفتاء أو استهبال بعضوية بس مش أكتر و ممكن يديك تشابهات خطأ و لو عندك رابط القسم دا في المنتدى التاني حطيه هنا نشوف شكل القسم |
طمطم هوه قسم كويس واكيد هينفع كتير بس المشكله في الضرر زي ما قال طارق بس انا عندي اقتراح يا طارق ممكن تخلي للقسم مشرف او اتنين ويكونو موجودين فيه دايما ويراقبو المواضيع دي باستمرار بس يا طمطم لو سبب الموضوع انو استرجاع الباسورد وكده ممكن اي عضو يسجل باسم تاني ويعمل موضوع في قسم الشكاوي اكيد الاداره هتحللو المشكله هيه فكره جميله بصراحه هيه نافعه ومضره في نفس الوقت بس الراي رايكم بقي وراي الاداره هوه الاهم دي وجهه نظري منتظرين باقي الاراء |
|
شكرا يا طمطم علي الرابط هوه بصراحه مفيد وكويس وهيفدنا كلنا منتظرين الدكتور بالحكم النهائي بقي الامر كله في ايده بعد اذنك يا طارق انتا ممكن تجربه لوحصل منه مشاكل كتير ابقي الغيه ايه رايك يا دكتور |
معلش يا احمد اصل الاقتراح منى يعنى جايز منلقيش رد خالص نهائى :france-flag: |
فكره جاامده جداا يا طمطووومه على فكرره والقسم مفيد جداا وهينفع نااس كتير اما نشووف باقى الآرااء |
| الساعة الآن 12:45 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب