منتديات بنات مصر - سوالف كلّ هالدنيا سوالف

http://img104.herosh.com/2010/05/21/638158146.jpg

صباحكْ دفا وجمّل عطرك ريحة ثيابك

صباح ابتساماتك ولمعة سكّر شفاتك
كلّي يكتبك وصل و يحبّك في صفاتك

يا دموعي الحيارى في غلاته أبكي

وإن حاول يختفي نوحي أكثر وأبكي
بس لا يطوّل في جفاه ومن حياتي ينتهي !!

كيف ما كنت ( أقبلك ) , أعاهدك ما احزنك ,

ما اجرحك
قلّي كيف اجرحك واجرحه قلبي !!
أنتَ قلبي أنتَ كلّ
كلّي ... بـ حلوك بـ بمرّك أبيك وإشارة وحدة منك
أجيك وكلّي يجيك.

فيكْ شوقي وحنيني , مدري ليه أفكرني مثلك اشبهك

يمكن لأني فعلاً انتمي لكْ !!
يمكن لأنك بلسم سنيني
اللي مضت واللي حضرت ...

أمنتك الله في صباحك الجديد وادعي الله لك من جديد

حارسك ربي حبيبي وقلبي حارسك ,
وكلّنا داخلي نحرسك.

http://img105.herosh.com/2010/05/21/950706757.jpg

في عتمة الليل الحالك مرّني طيفك الغالي

واضوى ظلامي ,
كلّ الزوايا تشبهكْ مدري كلنا نشبهك
عجزت اصوّرك !!
وإلا أنت "صوّرك" لي يمكن بعدها اعرف كيف اكتبكْ !!

ليلتي وكلّ الليالي تعشقك , حالفه ما تعدّي

إلا وتذكرك ,
ما قلت لك حبيبي كلّنا نشبهك !!
لا تسألني أنا وش فيني
أنا ما فيني إلا الحبّ. كذا مدري !!
مدري ليه قلبي يحملك !!

**
( أحبّك )
كثر ما تعجبت فيكْ واحترت , كثر ما سألت وحلمت, كثر هالكون ,
كثر صمتي ولوعتي , كثر ما وجعتهم
رقتي وطيبتي ,
كثر حسّادك ,
كثر ما هزّهم فيني اخلاصك ودلالك ,
كثر ما تهجيت حرف اسمك
وتخيلتك ملاك , كثر الورد والزهر كثر البشر
كثرهم كلّهم في فضاك.

http://img104.herosh.com/2010/05/21/470762227.jpg

سوالف كلّ هالدنيا سوالف , ضاعت كلّ السوالف

لحظة سمعتك !!
دايم وطاريك على بالي ما غاب , يمرني يذكرني فيك ,
يحبّ يتطمن
عليك بداخلي , يفكر إنه بذكراك يعذّبني
وهو أكثر من الجرح يقتلني.

احترت فيني ما عادني على خبري من بعدك !!

يمكن لأني صورتني
حياة بألوان رسمتها على خدّك !! , رحلت وماتت كلّ ألواني واسودّت
الدنيا بصدّك. أنتْ مثل حلمٍ بداخلي خالد ,
عيّا يموت
حلمي ورفضت
من داخلي احرقكْ ,
فال الله ولا فالي كيف أنا حبيبك احرقكْ !!

ما تخيلت وقتي يمر دون ما تشاركه دقّات الثواني ,

ويا هي طويلة غيبتك.
انتظرتك كلّ الزمن , و كلّ عمري في الحبّ يعزفكْ , لو حسّبته عمري في
غلاك تتعب ما تحسبكْ.
أنتَ صعب أحد يحسبك, وإن بغيت تعرف وفضولك
ازعجك خذ دمّي من أقصى الحنايا , اجمعه كلّه بعدها ( نقّطه ) في يدي نقطة
نقطة وفي كلّ نقطة تخيلني اصرخ بحبك وإنك الوحيد اموت لأجلكْ ,
وإن انتهيت اذكر كم نقطة من دمّي تعشقك.
وهذا أنا اللي عجزت أفهّمكْ ما اصعبكْ !!

وسلامه احساسكم