|
اقتراح بخصوص مصممى المسابقات طبعا الكل بيلاحظ ان اللى بيعمل مسابقه مش بينوبه اى حاجه غير الشهره بس ايه رايكم لو ياخد حاجه ماديه فانا بقترح ان العضو اللى بيعمل مسابقات ياخد نص عدد المشاركات اللى هياخدها الفائز بالمركز الاول يعنى لو المركز الاول هياخد 100 مشاركه فاللى عمل المسابقه ياخد 50 مشاركه وده اقل تقدير ليه ع المجهود اللى هو بذله فى المسابقه واعتقد ان كل عضو هيعمل مسابقه هيطلعها ع احلى واصعب ما تكون للفوز بالمشاركات وبالتالى هيزيد كفاءة قسم المسابقات ها ايه رايكم فى الاقتراح؟؟ |
هى فكره حلوة يا محمد وتعتبر كمان تقدير للمصمم المسابقه بس فيه مسابقات فعلا مش بتستاهل اوى بالنسبه للمسابقات الاداريه هيبقى كويس اوى لان طارق بيبعب فعلا على ما بيطلعها اؤيد الفكره ... دمت عبقريا ^_^ |
زي ما قالتلك رفيف في مسابقات ما تستاهلش يعني احسن بطيخه و احسن مانجايه و الحاجات الي بالي بالك كدا هنشجع ان اي حد ينزل باقتراح باي مسابقة عشان ياخد نص مشاركاتها يقولك احسن بتنجانه و ينظمها و يلا هات مشاركاتي أنا طبعا ماعنديش مشكلة في تقدير مجهود صاحب المسابقة في تنظيمه ليها بس عايزه تتنظم في تسعيرها يعني المسابقات المكلفة صاحبها هياخد 100 مشاركة المسابقات البسيطة صاحبها مش هياخد حاجه و التقدير يتم من الادارة و العضو بيبعتلي اسماء الفائزين و عشان أزودهم المسابقات المكلفة بيبان مجهودها اما المسابقات البسيطه فتشمل التصويت و الاستفتاء و غيرها من الافكار التقليدية لو عندك اقتراح او مناقشة فقوله و أنا مستمع ليه |
انت قولتها يا طارق الاداره هى اللى تحدد التسعيره بناءا ع اللى شايفاه من تنظيم للمسابقه بس يبقا بحد ادنى 100 مشاركه لغايه 500 مشاركه ومتجيش بقا تجبلى مسابقه احسن بطيخه وتقولى ديه تاخد الحد الادنى لالالالالا مثلا مسابقه زى بتاعه مذيعين ع الهوا تاخدلها 150 ومسابقه زى بنات مصر الكبرى 2 تاخد عليها 500 طبعا مافيش جدال ^_^ |
هو كحد اقصى التقدير ب100 مشاركة عشان بس ما يبقاش في طمع شكرا لاقتراحك يا عوكش |
يا طارق حرام عليك اش حال انك بتعمل مسابقات وعارف قد ايه انت بيطلع عينك وانت بتعملها تيجى فى الاخر وتقولى حد اقصى 100 ماشى يا عم حد اقصى حد اقصى بس لو تبحبح ايدك شويتين وتخليهم 200 تبقا عملت احلى واجب وفى كلا الاحوال اللى يجى منك احسن منهم ^_^ |
200 ياسيدي و لا يهمك بس ال200 مش لأي حد هتبقى بس للمسابقات المكلفة جامد إلي فيها شغل حسابي و تحضير قوي يعني هتكون حالات نادرة زي مسابقتك بتاعت الوريث إلي فيها 4 مسابقات أو المسابقة الكبرى |
اوك يا طارق شكرا ليك |
| الساعة الآن 03:22 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب