|
الخيبه الثالثــه من حكايــاتـ ألف خيبــه وخيبــه سلامو عليكو جميعا النهارده معانا الخيبه الثالثه من حكاياتـ ألف خيبه وخيبــه بعنوان الخطوبــه الثانيــه جائني يا قراء يا كرام .. انه وفي احدى الايام .. البت مخبوطة ومن بختها المعجباني ... اتنيلت على عينها واتخطبت تاني لعريس طويل القامة ... مفلطح الهامة شديد الشبه لباراك أوباما - شوفي يا بنتي .. - ايوة يا بابا - الشاب كويس .. تاجر ناجح ومقتدر مادياً .. سألت صحابه عنه قالولي عنه كلام طيب وكويس ... وعنده 30 سنة يعني اكبر منك بخمس سنين .. سبحان الله اهه ربنا بعته بعد فسخ خطوبتك على طول شفتي ربنا كريم ازاي - ودرس ايه ؟ - هو لسة مسجل في الجامعة انتساب وبيدرس لغة عربية .. - ايه يا بابا يعني مفيش معاه شهادة جامعة على الأقل ... ده انا بحضر ماجستير وكنت مخطوبة لدكتور ! - بقولك ايه الراجل محترم وده اهم حاجة .. ومقتدر مادياً مش هيحوجك لحد .. وشهادة الجامعة اهو بيدرس يعني عنده طموح وهياخدها في الآخر .. سيبك من كلام الناس ......... هااااه قلتي ايه ؟؟؟ - ..... http://forum.amrkhaled.net/images/sm...on_neutral.gif - اقوله ييجي بكرة ؟؟ - اللي تشوفه يا بابا هييييييييه هتجوز http://up4.m5zn.com/9bjndthcm6y53q1w.../zgtxht5pd.gif - انتي هتخرجي للعريس كده ؟ - ايوة يا ماما - طيب براحتك .. يلا ادخلي .. ( دخلت الصالون بدون تردد .. منا على وشك الحصول على الزمالة العربية في عرسان الصالونات .. ) وانا داخلة : السلام عليكم ... العريس وقف : وعليكم السلام ورحمة الله ... بسم الله ماشاء الله وعمالة اقرب .. هو ده ! ... يااااااااااه كل ده طول .. هيخبط في السقف ! .. ومال نص شعره ابيض كده ! .. طب راعي شعوري واصبغ شعرك !! مش كفاية مفيش شهادة http://forum.amrkhaled.net/images/smilies/y--d.gif اعقلي يا بت يا مخبوطة .. الراجل مش بطوله ولا شعره .. الراجل بأخلاقه .. بلسانه .. بكرمه .. هو صحيح ممكن يكون مقلب ومافيهوش ولا وحدة من الصفات الكريمة دي .. لكن برضو بلاش تظلميه ويقعدوا يقولوا البنات هما اللي جابوا لنفسيهم الكافية بيعنسواعشان بيدققوا في شهادات العريس .. وايه يعني لو كان عصامي وبنى نفسه وبعد ما استقر ماديا اتعلم وخد شهادة ؟ ... ويا ستي ما تزعليش .. كل ما هنالك ان الحكاية اتعكست بدل ما يتخرج من الجامعة ويسجل اسمه بعدها في احصائيات البطالة ويبقى شبه مقيم في كل قهاوي البلد وحريف كوتشينة وطاولة .. لا .. كده انتي قديمة يا مخبوطة http://forum.amrkhaled.net/images/smilies/marsa22.gif قصدك هيبقى مقيم في كل كافيهات النت اللي في البلد وحريف فيس بوك وهكر وقاعد طول النهار عمال يحضر ابحاث ودراسات عن كيفية سرقة ايميلات وصور البنات .. وبعدين يلاقي وظيفة نص كم يحوش منها كل شهر نص جنيه وبعد ربع قرن يروح متجوز ... لا العريس ده بقى ريحك ... اشتغل وكون نفسه الاول ...ولغى مرحلة التعارف على الفيس بوك وسرقة الايملات من حياته لأنه هيدرس وهو مشغول في البزنس بتاعه ومش هيلحق يتعلم الهكر وجهة نظر برضو http://forum.amrkhaled.net/images/smilies/icon_cool.gif وبعد ما بصيت على العريس بصعوبة بسبب النور الذي تعكسه الخصلات الشايبة في شعره ... اللي خلت عينيا تزغلل حاولت اقنع نفسي باستماتة ان سواد شعر العريس لا يعني بالضرورة اني هكون زوجة سعيدة العريس حس ان عينيا بتغمض وبتفتح لوحدها فالتفتلي وهو مبتسم .. العريس : ازيك يا انسة مخبوطة ؟ انا بدون اي كسوف او احراج : الحمدلله العريس : ايه مالك زعلانة ليه ؟ ( وبعدين بقى ؟؟؟ ) بابا : اصلها كانت تعبانة النهاردة شوية ... ها ها ها ( ............ لا تعليق !!!! ) http://forum.amrkhaled.net/images/smilies/sunshine1.gif العريس : قوليلي يا آنسة مخبوطة .. انتي بتعملي ايه دلوقتي ؟ - في الدبلومة - يعني خلصتي جامعة مش كده ؟ - .... هه .. ايوة خلصت .. ماهي الدبلومة للماجستير http://forum.amrkhaled.net/images/smilies/marsa42.gif - هاهاها .. اصلي بصراحة معرفش في الحاجات دي ماليش فيها انا : ..... http://forum.amrkhaled.net/images/smilies/marsa191.gif بابا : ... أأأأأ ... اخبار شغلك ايه كلمنا عنه شوية ؟ - والله يا عمي انا خلصت تشطيب في مكتب العربيات بتاعي .. وحالياً دخلت من الجمرك 10 عربيات .. كلفوني كتير .. وابتسم وبصلي : وان شاء الله وحدة منهم هدية للآنسة مخبوطة ( متشكرين يا خويا ) http://forum.amrkhaled.net/images/smilies/dots.gif بابا : يا ابني احنا يهمنا الراجل مش العربيات .. العريس : ده أقل حاجة ممكن اقدمها للآنسة مخبوطة يا عمي .. صحيح يا آنسة مخبوطة نوع موبايلك ايه ؟ انا : نوكيا 7250 العريس : لا لا لا .. ان شاء الله هجيبلك واحد محدش مسكه قبلك .. جبت لأختي واحد بألف دولار .. (قصدك ايه ياد ؟؟ مش عاجبك الموبايل بتاعي ؟؟؟! ) http://forum.amrkhaled.net/images/smilies/marsa150.gif العريس : عارفة يا آنسة مخبوطة اختي دي فرحها كلفني 30 ألف دولار ... عقبالنا ان شاء الله بابا : يا ابني مش مهم كل الكلام ده المهم الاحترام والمعاملة بما يرضي الله العريس : طبعا طبعا يا عمي ربنا ما يجيب حاجة وحشة بابا : قومي يا مخبوطة قولي لماما تعملنا قهوة ( وغمزلي ) وجريت على اوضتي .... وهاتك يا عياط ماما : ايه مالك ؟ انا : يا ماما ده ما بيفهمش حاجة غير في الفلوس !! - ..... وبعدين هنفضل كده ؟ - معرفش انا مش قابلاه وشكلنا كده مش نافعين لبعض بعد شوية جه بابا : الراجل روح .. ايه رأيك فيه ؟ انا : يا بابا ده طول القعدة يتمنظر عليه بفلوسه ... - انتي عايزة تعنسي ؟ لو عايزة تعنسي قولي ؟ - لا مش عايزة اعنس .. بس برضو مش عايزة اتجوز ده .. - الراجل كويس وقلنالك هيكمل تعليمه .. هو صحيح طويل اوي .. بس الطول للراجل زينة ! ( الطول زينة اه بس مش للدرجة دي 220 سم !! ... اكلمه ازاي ؟.. مفيش حل بقى الا اني كل ما هعوزه اتصل بيه .. ولا اديله رنة عشان ينخ على ركبه ) http://forum.amrkhaled.net/images/smilies/sunshine1.gif بابا : يا بنتي ... الراجل المقتدر هيريحك في حياتك .. والتعليم مسيره ياخده انتي زعلانة ليه ؟ ولو انتي شاطره شجعيه على المزاكرة انا كان نفسي تتخطبي قوام بعد ما خطوبتك اتفسخت ... وربنا حققلنا امنيتنا http://forum.amrkhaled.net/images/smilies/marsa50.gif انا : ...... طيب زي ما انتوا عايزين وقرينا الفاتحة .. http://forum.amrkhaled.net/images/smilies/cr--.gif مش لولولولولولولولولولوي وبعد قراية الفاتحة من غير نفس مخبوطة بدأت تتعامل مع الموقف كأنه ما حصلش اصلا اصل لو رفضت هيقعدوا يجروا ورايا من اوضة لاوضة عشان يقنعوني اوافق عليه بكلام يفتح النفس زي ... لو رفضتيه هتعنسي .. والفرصة تأتي مرة واحدة عمرك ما هيجيييييلك احسن منه ... ويفسروا في وشي ومهما قلت انه مش مناسب ليا شخصيا مفيش فايدة ... اوافق عشان اثبتلهم بالتجربة العملية انه ما ينفعش .. في ناس كده لازم يتلسعوا من النار عشان يقتنعوا انها بتحرق فقررت مخبوطة تجاري الوضع ... ومع الوقت وشوية شوية .. تحقق اللي هي عايزاه بدون ما تتعرض للضر .. أأ .. قصدي يعني لخلافات اسرية http://forum.amrkhaled.net/images/smilies/icon_razz.gif ماما : مخبوطة .. يا مخبوووطة ... خطيبك قاعد في الصالون البسي وروحي اقعدي معاه شوية انا : ... طيب لبست ورحتله في الصالون : السلام عليكم .. ازيك ؟ خطيبي : اهلا اهلا ... ازيك يا مخبوطة ايه بتعملي ايه ؟ - عندي بحث وكنت بزاكر .. منتا عارف الامتحانات قربت كشر وقالي : آه .. يا ستي .. ربنا يوفقك .. - وانت اخبار مزاكرتك ايه ؟ - مزاكرة ايه ؟ ... آه آه .. يا شيخة بلا مزاكرة بلا بتاع يعني هعمل بالشهادة ايه منا الحمدلله مش محتاجها ( انا كنت حاسة من الاول !! ) http://forum.amrkhaled.net/images/smilies/sunshine1.gif - هو يعني ما بيتعلمش الا الفقرا عشان يشتغلوا بشهاداتهم ؟! - التعليم ده للناس الخايبة ... المتعلمين بيتمنوا اشغلهم عندي ! ( دي عقد نفسية بقى !! ) http://forum.amrkhaled.net/images/smilies/sunshine1.gif - يا سلام ! .. انت مش ناوي تكمل ولا ايه ؟ - ومين قالك اني ابتديت اصلا .. انا سجلت كدة بس عايز الشهادة ديكور .. انا ما بحبش القراية بتخنق منها .. المهم .. شوفي جبتلك ايه .. ايه رأيك ؟ - حلوة تسلم ايديك http://forum.amrkhaled.net/images/smilies/dots.gif - عارفة قزازة الريحة دي تمنها 100 دولار .. - ... ميرسي - وشوية الماكياج دول كلفوني يجي 150 دولار .. طبعا الغالي للغالي ( انت كل حاجة تجيبها هتقولي تمنها ! .. بتعايرني ولا ايه http://forum.amrkhaled.net/images/smilies/marsa42.gif) - ... قلنا ميرسي http://forum.amrkhaled.net/images/smilies/dots.gif وفضلت مخبوطة بعد كده تحاول تطفش خطيبها ده .. مرة بتكشيرة http://forum.amrkhaled.net/images/smilies/marsa150.gif مرة بتطنيش http://forum.amrkhaled.net/images/smilies/icon_cool.gif.. مراااات بردود باردة .. او تبصله بقرف http://forum.amrkhaled.net/images/smilies/icon_mad.gif لكن ....... مفيش فايدة لاااااازق لااااااازق انا : بقولك ايه انت لازم تخلصني من الراجل ده بأي شكل http://forum.amrkhaled.net/images/smilies/engry1.gif اخويا : طب اعمل ايه ! .. انا : مش عارفة انا نفسيتي تعبانة وامتحاناتي قربت ومش عارفة ازاكر .. اخويا : بصي ما تفكريش في اي حاجة غير مزاكرتك .. واوعدك مش هتكملي مع الراجل ده .. بس لازم تعرفي يا مخبوطة ان مفيش حد كامل ... - عارفة .. بس مش ده ... مش ده ... مش ده http://forum.amrkhaled.net/images/smilies/cr--.gif وراح اخو مخبوطة لخطيبها - شوف عايزك في كلام رجالة .. بصراحة البنت وافقت عشان ما تزعلش بابا .. وهي مش عايزة تتجوز ... هاه قلت ايه ؟ - لا مش ممكن http://forum.amrkhaled.net/images/smilies/cr--.gif - معلش حاول تفركش انت من عندك عشان هي مش عارفة تفركش .. - طب مش هفركش http://forum.amrkhaled.net/images/smilies/marsa150.gif - ذنبك على جمبك بقى ... http://forum.amrkhaled.net/images/sm...icon_frown.gif و فضل اخو مخبوطة وجوز اختها يقنعوا في ابوها ان الراجل ده مش هيكمل تعليمه وانه ما ينفعش واستنتجوا ان مخبوطة لو اتجوزته هتعمله عاهة مستديمة باستخدام احد ادوات المطبخ وتاخد فيه 6 شهور وتبقى سوابق .. اوتقتله وتترحل على عشماوي وتكون هربت من لقب عانس لتفوز بلقب المرحومة وفي احسن الظروف هتطلق وترجعلهم بعيل ونقول يا ريت اللي جرا ما كان ... نفركش من دلوقتي احسن بابا - شوفي يا مخبوطة ... الراجل ده شكله كده مش ناوي يكمل تعليمه .. وانتي شكلك كده مش هتعمري معاه ........ لو مش عايزاه قولي من دلوقتي نفركش .. بصراحة انا واخوكي وجوز اختك كمان بعد ما اتعاملنا معاه ما ارتحنالوش .. نفكرش ؟ - فركش يا بابا فركش .. هيييييييييييييييه http://forum.amrkhaled.net/images/smilies/marsa35.gif ( مش قلتلكوا .. مفيش احسن من الحلول السلمية .. ونجاري الوضع مؤقتا منعا لاراقة الدماء ... وخطوبة تفوت ولا حد يموت ... نياهاهاها http://forum.amrkhaled.net/images/smilies/icon_cool.gif ) وتخلصت مخبوطة من خطيبها المعقد .. اللي كان عامل فيها مهند بعد ما رجعتله كل هداياه الثمينة .. ومش عايزة منه برفان ولا زينة .. وزاكرت مخبوط وجابت تقدير .. وجهزت نفسها لبحث الماجستير داعية ربها يريحها من هذه النوعية اللي كانت السبب .. في الخيبة العربية القوية ـــــــــــــــــــ |
فعلا قصه خياليه والله يكون بعون البنووته مشكووووورة هزوووورة يغاليه انتظر ابداعك |
هههههههههههههههههههههه تصدقي انا ابتديت احب مخبوطه دي ( الطول زينة اه بس مش للدرجة دي 220 سم !! ... اكلمه ازاي ؟.. مفيش حل بقى الا اني كل ما هعوزه اتصل بيه .. ولا اديله رنة عشان ينخ على ركبه ) http://forum.amrkhaled.net/images/smilies/sunshine1.gif هههههههههههههههههههههههههههههه |
صاحبنا فكرة انه هوه مهند ههههه ههههههههههههه جميــــــــــــــــــل جدا يا هزورة منتظرين الحلقات القادمه والجاى أفضل إن شاء الله تحيتى ... |
اية العريس الرخم دة دة مستفز مش كل حاجة با الفلوس يا عمو الطويل انت ربنا يحميك فى طولك ويزيدك وبلاش احنا هههههههههههه واطمنى يا بت يا مخبوطة محدش بيعنس لو ليكى نصيب هتتجوزى بس بصراحة حلقة كويسة والعريس بجد استرخامتو جداااااااااااا متابعين الجديد |
ههههههههههههههههههههههههههه حلقة جميييييلة قووووووووووي بجد بجد تسلم ايدك يا هزورة ومتابعين كل الحلقات الجديدة بس متتأخريش علينا ودادي |
ههههههههههه حلو اوى الجزء التالت يا نور البت ديه مش ناويه يجيلها عريس عديل تعبت معاكى فى الحكايات شكلها مطوله معانا هههههههه تسلم ايديك يا قمر ننتظر الجزء الرابع |
هههههههههههههه تسلم ايديك والله ع حواديت الانسه مخبوطه ديه والف مبروك ع الدبلومه عقبال ما نبركلها ع العريس ان شاء الله وما يكونش طويل قوى كده كفايه انه يبقا 210 ^^ |
http://forums.msryat.org/msryat_net1...t-top-left.gif اقتباس http://forums.msryat.org/msryat_net1...-top-right.gif http://forums.msryat.org/msryat_net1...ot-by-left.gif المشاركة الأصلية كتبت بواسطة غالي الأثمان http://forums.msryat.org/msryat_net1...t-by-right.gif http://forums.msryat.org/msryat_net1...p-right-10.gif فعلا قصه خياليه والله يكون بعون البنووته مشكووووورة هزوووورة يغاليه انتظر ابداعك http://forums.msryat.org/msryat_net1...t-bot-left.gif http://forums.msryat.org/msryat_net1...-bot-right.gif ميرسى على مروركـ نورتنى |
http://forums.msryat.org/msryat_net1...t-top-left.gif اقتباس http://forums.msryat.org/msryat_net1...-top-right.gif http://forums.msryat.org/msryat_net1...ot-by-left.gif المشاركة الأصلية كتبت بواسطة flower http://forums.msryat.org/msryat_net1...t-by-right.gif http://forums.msryat.org/msryat_net1...p-right-10.gif هههههههههههههههههههههه تصدقي انا ابتديت احب مخبوطه دي ( الطول زينة اه بس مش للدرجة دي 220 سم !! ... اكلمه ازاي ؟.. مفيش حل بقى الا اني كل ما هعوزه اتصل بيه .. ولا اديله رنة عشان ينخ على ركبه ) http://forum.amrkhaled.net/images/smilies/sunshine1.gif هههههههههههههههههههههههههههههه http://forums.msryat.org/msryat_net1...t-bot-left.gif http://forums.msryat.org/msryat_net1...-bot-right.gif ههههههههههههههههههههههه والله أنتى سكر ياساره ليها حق تتحب وبعين ياستى هينخ يعنى هينخ ههههههههههههههه منورانى دايما ياقمرايه |
| الساعة الآن 10:57 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب