|
آخر حوار بين أهلاوي وزملكاوي ( حوار في قمة الروح الرياضية) بصراحة الموضوع ده بيتناول اذاي تحب فريقك وتحب بلدك وتخاف على بلدك لو انت بتحب بلدك - بتحب فريقك - بتحب بيتك - بتحب زميلك اتفضل معانا http://filaty.com/i/902/11590/108.JPG قام مشجع اهلاوي وآخر زملكاوي بالبحث عن تذكرة مباراة القمة وظل يبحثا عنها وقاما بشراء التذاكر ثم توجه كل منهم لتشجيع فريقه وكلهم أمل في فوز فريقه بالمباراة التي تعد بطولة خاصة لكلا الفريقين وأثناء جلوس المشجع الزملكاوي داخل الميكروباص وجد بجواره مشجعًا أهلاويًا يحمل علم النادي الأهلي فأصبح علم زمالك بجوار علم أهلي وبعد سلامات بين المشجعين سأل الزملكاوي الأهلاوي سوالآ مباشراً أنت رايح الاستاد عشان تشوف الماتش. الأهلاوي: آه طبعاً أمال شايل العلم عشان أقف بيه في شارع جامعة الدول بعد ما نكسب الزمالك. ولكن الماتش ده مختلف عن الماتشين اللي فاتو الزمالك عنده لعيبة كتير مصابين وموقوفين وفيه بعض الثغرات في الدفاع ووسط الملعب لازم تتعالج عشان نعرف نكسب الماتش.الزملكاوي: ياعم بالراحة هو انتو خلاص ضامنين المكسب قوي.. دي الكوره مالهاش كبير علي فكرة أنا برضه رايح الاستاد أيه رأيك نروح الاستاد مع بعض. الأهلاوي: خلاص نروح مع بعض ده أنا حتي لسه ما جبتش تذاكر وهاجيب من السوق السوداء. الزملكاوي: تمام بس ها نروح مع بعض أزاي ده المدرج بتاع الأهلي عند طريق صلاح سالم ومدرج الزمالك عند المنصة. الأهلاوي: ممكن نروح مع بعض وعند مسجد آل رشدان كل واحد يروح ناحية المدرج بتاعه. الزملكاوي: ماشي ياعم واهو نسلي بعض في الطريق الطويل ده وبعدين أنت رايح مطمئن إن الأهلي كسبان كسبان وشكلك مبسوط ع الآخر النهاردة. الأهلاوي: ياعم أنا مبسوط عشان روحت النهاردة بدري من الشغل وعرفت أنام شوية قبل الفطار عشان أروح الماتش فايق أما حكاية إن الأهلي ضامن الفوز فرده كلام غير صحيح لأن مباريات القمة مالهاش كبير ومش مضمون مين اللي يكسب وزمان كانو بيقولو علي اللي بيلعب وحش هو اللي بيكسب مباريات القمة. الزملكاوي: الكلام بتاع اللي بيلعب وحش هو اللي بيكسب ده كلام قديم دلوقتي الكورة مستوي والفريق اللي مستواه أفضل بيكسب وده ظهر في آخر 8 سنين الأهلي كان كويس آخر أربع سنين فكان بيكسب والزمالك كان أفضل في الأربع سنين اللي قبلهم فكان بيكسب برضه ومفيش حاجة اسمها الأوحش بيكسب.. وأثناء الحوار أعلن سائق الميكروباص وصوله إلي ميدان الجيزة قائلاً الآخر يا رجالة كفاية رغي . الأهلاوي: إحنا وصلنا لغاية فين. الزملكاوي: لغاية مباراة القمة بين الأهلي والزمالك مالهاش مقياس. الأهلاوي: ياعم سيبك يعني انت عاجبك مستوي الأهلي في الدوري وخسارته 5 نقاط من 9 ده ياراجل معرفش يكسب المقاولين وهو بيلعب 9 لاعيبة واتغسل من المصريوبعد ما اخد بطولة أفريقيا يخسر من اتحاد الشرطةويتعادل مع انبي وده يبين إن مستوي الأهلي ليس بأفضل من مستوي الزمالك. الزملكاوي: مستوي الأهلي في الدوري مهتز جداً ومازال مانويل جوزيه يبحث عن النغمة المفقودة داخل الفريق ولكنه لم يجدها ومازال يبحث في الصفقات الجديدة عن الأصلح للأهلي في المباريات القادمة أما في دوري الأبطال الأفريقي الأهلي مستواه مستقر ويحقق نتائج جيدة جداً واللا أنت ليك رأي تاني؟! الأهلاوي: الزمالك يعيش أزمة ثقة فقط لأن لديه العديد من النجوم في الفريق والزمالك اختلف هذا الموسم عن المواسم السابقة لأن الفريق هذا الموسم أفضل ويقدم مستوي أفضل ولكننا لا تنتظر أن نتغير المستوي إلي الأفضل . الزملكاوي: طب أنت شايف إن الزمالك مستواه تقدم وده فيه شيء من الصحة ولكن هناك بعض الثغرات القاتلة في الفريق وصعب جداً نكون داخلين ماتش الأهلي وهو ماتش مصيري لازم نكسب فيه ومفيش في الفريق حارس مرمي زي الناس . الأهلاوي: أنت بتتكلم عن حراسة المرمي في الزمالك طب الأهلي حراسة المرمي فيه أقل من الزمالك علي الأقل الزمالك عنده حراس مرمي ليهم أسامي كبيرة زي عبد الواحد وعبد المنصف إنما الأهلي عنده ثلاث حراس مالهمش أسامي وكمان مستواهم ضعيف . الزملكاوي: خط الوسط الزملكاوي يغيب عنه أفضل لاعب فيه وهو أيمن عبد العزيز ولذلك فإن ثلاثي الوسط عبد الرؤوف وأبو العلا والثالث سيكون أحمد مجدي أو هاني سعيد أيهما سيلعب في مركز الليبرو ولاعب الوسط المدافع وهذا الثلاثي بطيء بصورة كبيرة ويجب علي راينر هولمان المدير الفني لنادي الزمالك أن يلعب المباراة بإيقاع بطئ يناسب إيقاع وسط الفريق البطيء لأن تسريع القاء سيكون في مصلحة وسط الأهلي الذي يضم لاعبين أسرع من لاعبي وسط الزمالك. الأهلاوي: وسط الأهلي سيتكون من الثلاثي بركات وبوجا وعاشور ولو لعب الأهلي بسرعة في وسط الملعب فستكون المباراة في صالحه لأن الوسط سريع ولابد علي لاعبي خط الوسط في الأهلي فرض الإيقاع السريع علي المباراة . الزملكاوي: صراع الأطراف في المباراة سيكون في صالح اللاعب الذي ينجح في فرض أسلوبه علي اللاعب الذي يلعب أمامه في الجناح، وجناحا الزمالك أحمد غانم وأسامة حسن لاعبان في مستوي جيد ولكنهما يخرجان من المباراة عندما يقومان بعمل أي خطاء . الأهلاوي: أنا شايف إن صراع الأجنحة محسوم لصالح الأهلي من البداية ولو جيلبرتو وأحمد صديق في مستواهم هايبقي الأهلي فاتح جبهات طوال المباراة . الزملكاوي: طبعاً أقوي حاجة في الزمالك هو الهجوم وبعدين جمال حمزة لوفي مستواه هيفرق كثير مع الزمالك ويبقي أجوجو القاطرة البشرية هو كلمة السر في لقاء اليوم ولكن إذ كان خط هجوم الزمالك قوي طب تقول إيه علي فلافيو وتريكة الهجوم بتاعكو؟! الأهلاوي: تريكة وفلافيو طبعًا خطر وممكن يغيرو النتيجة في أي وقت ولكن مش علي طول ممكن يعملوا كده ولو كانوا في الفورمة ها يبقي الأهلي كسبان كسبان ولو بره يبقي الماتش صعب.. الزملكاوي: ده كلام جميل أسيبك بقي عشان أروح مكاني في الاستاد ونتقابل بعد الماتش عند الجامع ويارب نكون فرحانين بالفوز. الأهلاوي: تمام يا نجم وأنا برضه نفسي تفرحوا وخلي عندك أمل عشان الأهلي هو سر كرة القدم. الزملكاوي: طبعاً فيه أمل وفيه عمر وفيه كل حاجة في كتاب القراءة. الأهلاوي: أمل وعمر اتلغوا من زمان وكتاب القراءة بقي فيه حاجة تاني. الزملكاوي: بقي فيه إيه غير أمل وعمر؟ الأهلاوي: بقي فيه مانويل وجوزيه والحساب بقي 13/1.. سلام. الزملكاوي: بس طيب هانشوف هاتروحوا تعملوا ايه في اليابان !!!؟؟؟؟!!! الأهلاوي: ان شاء الله ربنا هايكرمنا زي 2006 وممكن نبقى الأول أو التاني وتواعد الاثنين على لقاء آخر بعد كأس العالم للأندية واحد مقابلهم في الشارع وقال ليهم انت رايح فين انت وهو مافيش ماتش ها يتلعب الماتش اتأجل الزملكاوي: يا خسارة !!!!! بس دي فرصة حلوة على أما الفريقين ما يرتب لبعض . الأهلاوي : يالا انت فلتوا من الماتش ده ولما يحددوا الميعاد وطبعا شكل الجدول هايتغير وبكرة نشوف بس مش عارف تشكيل الأهلى هايثبت ولا في لاعيبه هاتمشي واحنا عند وعدنا يلا سلام. الزملكاوي : سلام.. شاهد الجديد حوار أهلاوي وزملكاوي قبل مباراة الأهلي والزمالك |
مشكور على المجهود الرائع على انى انا اهلاوى |
شكرااااا حبيبي على المداخلة الحلوة دي وكل عام وانتم بخير واعضاء المنتدى كلهم بخير انتظروا الحلقة الثانية http://www.w6w.net/album/35/w6w_w6w_...5182b93647.gif |
حوار أهلاوي وزملكاوي قبل مباراة الأهلي والزمالك وفي يوم الاحد اللى هو النهاردة يعنى ركب مشجع زملكاوي الميكروباص واثناء جلوس المشجع الزملكاوي داخل الميكروباص وجد بجواره مشجعًا أهلاويًا يحمل علم النادي الأهلي فأصبح علم زمالك بجوار علم أهلي وبعد سلامات بين المشجعين سأل الزملكاوي الأهلاوي سوالآ مباشراً أنت رايح الاستاد عشان تشوف الماتش. الأهلاوي: آه طبعاً أمال شايل العلم عشان أقف بيه في شارع جامعة الدول بعد ما نكسب الزمالك. الزملكاوي: ياعم بالراحة هو انتو خلاص ضامنين المكسب قوي.. دي الكوره مالهاش كبير علي فكرة أنا برضه رايح الاستاد أيه رأيك نروح الاستاد مع بعض. الأهلاوي: قاله الله هو انت!!!!!!!!!!!!!!!! انت مش فاكرني ولا ايه. الزملكاوي: بصراحة لا مش واخد بالى!!!!! اصل الهزايم اللى احنا شوفناها المرة الاخيرة خلت الواحد مش شايف حتى قدام رجله. الأهلاوي: انا اللى كنت مقابلك المرة اللى فاتت قبل مايأجلوا الماتش. الزملكاوي: اه هو انت تصدق انك كنت على بالى. الأهلاوي: خير ان شاء الله. الزملكاوي:خير انا كنت عايز اعزيك على كاس العالم انتم شربتوه. الأهلاوي: اه يأخى شوفت اللى حصل بس هانعمل ايه دا نصيبنا بس انتم شربتو من كاس صغير اللى هو كاس مصر انا عارف ان طعمه كان حلو هههههههه. الزملكاوي:احنا مش عارفين الناس اللى ماسكين النادي هايعملوا في الجماهير ايه تانى ولا اللاعيبة ولا ايه ولا ايه. الأهلاوي: بس انت ايه رأيك في اللى حصل في ماتش الاسماعيلى الاخير. الزملكاوي:طبعا دا مش كلام اللى حصل ده. الأهلاوي: اه طبعا بس ربنا يسترها النهاردة وماحدش يحدف طوبة ولا ازازة ولاكرسي بصراحة لو الكراسي بتاع استاد القاهرة اتشالت النهاردة هاسبقى كويس عشان الناس اللى تدخل ماتلاقيش كرسي نظيف تقعد عليه. الزملكاوي: عندك حق هو كده كده الواحد بيبقى واقف على اعصابه .طول الماتش مالهاش لازمة الكراسي. الأهلاوي: وأحسن برده عشان مافيش كراسي تتكسر. الزملكاوي:هههههههههههههههههههه. الأهلاوي: بس ان شاء الله ربنا يعدي الامور على خير. الزملكاوي: ان شاء الله تعدي على خير. الأهلاوي: بس انت تتوقع مين اللى يكسب النهاردة. الزملكاوي: ان شاء الله اللي يلعب احسن هو اللى يفوز. الأهلاوي: ان شاء الله. الزملكاوي:بس ياريت مايكونش في تعصب في الماتش. الأهلاوي: ان شاء الله واللى يكسب يكسب هي الحكاية كلها 3 نقط الزملكاوي: عندك حق بس ياريت كل الناس تفهم كده . الأهلاوي: ربنا يسترها النهاردة وان شاء الله نتقابل بعد الماتش لو ربنا سهل أو كان مكتوب لينا اننا نتقابل تاني الزملكاوي: ان شاء الله . الأهلاوي: سلام عليكم . الزملكاوي: وعليكم السلام ورحمة الله وبركاته. يتبع |
حوار أهلاوي وزملكاوي بعد مباراة القمة الزملكاوي: مين الحق انت اسمك ايه الأهلاوي: مش مشكلة سميني الأهلاوي وأنا هاسميك الزملكاوي ولا انت ايه رأيك الزملكاوي: مافيش مشاكل وان شاء الله تكون مباراة حلوة الأهلاوي: ان شاء الله الزملكاوي: انا هاخد رقم تليفونك عشان نبقى نتقابل ماشي الأهلاوي: ماشي مافيش مشاكل خد الرقم بس عايزك تحفظه الزملكاوي: لا ماتخافش انا هاحفظه الأهلاوي: وأدي رقمك أوكي أنا كتبته واتأكد منه الزملكاوي: نتقابل بعد المباراة أوكي الأهلاوي: ماشي يلا سلام وبعد انتها ء المباراة اتفقا على أن يتقابلا الزملكاوي: ألف مبروك على المكسب الأهلاوي: الله يبارك فيك ، الزملكاوي: بس على فكرة الواحد زعلان من أداء الزمالك الأهلاوي: لا بصراحة انا مزعلتش من أداء الزمالك في المباراة انت عارف ليه لاني كنت شايف ان المباراة متكافئة شوية وانت لاحظت الغيابات اللى كانت موجودة في الاهلي الزملكاوي: عندك حق بس انا اللي عجبني الناشئين اللي لعبوا في المباراة بس مش عارف هايستمروا ولا لأ الأهلاوي: عندك حق بصراحة المباراة كانت حلوة والناشئين حلوين جدا بس انا مش عارف المدربين مش عايزين يعتمدوا عليهم ليه الزملكاوي: مش عارف بس انا ان شاء الله نتقابل قريب وماتقطعش الاخبار وانا هاتصل بيك الأهلاوي: أوكي انا كمان مستعجل وان شاء الله نتقابل في الدور الثاني الزملكاوي: أوكي يلا سلام الأهلاوي: سلام يتبع |
اخيرا انا قعدت كتير اوى اقرأ فى الموضوع دا خلاص عينى وجعتنى |
الله يكون في عونك بس الموضوع كل فكرته انه يبعد الجماهير عن التعصب وكل حاجه من الاشكال التي لا تليق بمصر |
الزملكاوي: الوووووووو السلام عليكم الأهلاوي: ايوة وعليكم السلام انت اخبارك ايه وكيف حالك الزملكاوي: الحمد لله وانت اخبارك ايه الأهلاوي: ايه مخططاتك للفترة اللي جايه الزملكاوي: مش عارف وانت ناوي على إيه الأهلاوي: بص انا كنت ناوي اروح مباراة مصر وكينيا بكرة ايه رأيك تيجي معايا . الزملكاوي: أوكي ماشي وأهو نتقابل وبكرة ونشجع منتخبنا بكرة. الأهلاوي: وأنا سمعت ان المباراة هايكون ايرادها لصالح غزة . الزملكاوي: خلاص ماشي انا جاي بكرة اكيد والواحد نفسه يساهم مع أهل فلسطين في الحرب اللي كانت عليهم ولو بجزء بسيط . الأهلاوي: خلاص ماشي أنا هاقابلك بكرة ان شاء الله عند المكان اللي اتقابلنا فيه أول مرة عند المسجد وأهو نصلي وندخل الاستاد على طول . الزملكاوي: خلاص ماشي وانا هاستناك في المسجد. الأهلاوي: أوعى تنسي . الزملكاوي: لا لالالالالالالالالا أكيد ان شاء الله. الأهلاوي: يلا سلام . الزملكاوي: الف سلامة. يتبع |
حوار أهلاوي وزملكاوي للتضامن مع غزة وبعد انتهاء مباراة مصر وكينيا الودية الأهلاوي : إيه رأيك في الماتش. الزملكاوي: والله كان كويس بس مش مهم النتيجة المهم الهدف من المباراة . الأهلاوي : والله عندك حق فعلا المهم الهدف من المباراة إن شاء الله ربنا هايكرم الفلسطينيين ويرجعوا أحسن من الأول. الزملكاوي: إن شاء الله. الأهلاوي : بس إنت ناوي على إيه اليومين اللي جايين. الزملكاوي: والله أنا هاشوف شغلي وأحاول أركز في الفترة اللي جاية. الأهلاوي : بالتوفيق إن شاء الله. الزملكاوي: متشكر جدا وإنت ناوي تعمل إيه الفترة اللي جاية. الأهلاوي : إن شاء الله هاحاول أركز في الفترة اللي جاية في البيت والشغل وإنت عارف مشاغل الدنيا. الزملكاوي:أه طبعا ربنا يهون علينا دنيتنا. الأهلاوي : أمين. الزملكاوي: بس انت تتوقع في الدور التاني للدوري. الأهلاوي : والله أنا ملاحظ من الجدول إن المنافسة هاتبقى صعبة جدا على كل الفرق بمن فيهم الأهلي. الزملكاوي: أيوة طبعا وأكيد بعد أما الفرق كلها بقت تتمسك باللاعبين وما تفرطش فيهم. الأهلاوي : أنا معاك في النقطة دي لأن ده هايبقى كويس لكل الأندية وبالتحديد الكبيرة اللي من رأيي إنها لازم تعتمد على الناشئين مش على شراء اللاعبين. الزملكاوي: مظبوط ولا زم الكل يسيب اللاعبين كلها تأخد فرصتها. الأهلاوي : أكيد كل ده هايطلع مواهب كبيرة ذي أبو تريكة والنجوم الكبار دول ولا هما ماكنوش صغيرين. الزملكاوي:أيوة طبعا ومصير الصغير يكبر. الأهلاوي : صح وإن شاء الله نشوف دوري كويس السنة دي. الزملكاوي: يارب ويوفق كل الفرق. الأهلاوي :بس انت تتوقع مين يفوز بالدوري السنة دي. الزملكاوي: بصراحة صعب جدا أنك تعرف دلوقتي بس أكيد النتائج هاتغير كتير في الترتيب. الأهلاوي : طبعا. الزملكاوي: بس إنت إيه أمنياتك في السنة الجديدة. الأهلاوي :أمنية غالية جدا وهي الأول القضية الفلسطينية تتحل والعرب كلهم يبقوا إيد واحده وإننا نوصل لكأس العالم. الزملكاوي: فعلا دي أمنية كل عربي بيحب العروبة وبيحب بلده وفعلا أمنية كل مصري أنه يشوف منخبنا في كأس العالم. الأهلاوي : يا سلام لو مصر توصل يبقى حلم جميل . الزملكاوي: فعلا هايبقى حلم جميل. الأهلاوي : بس أن شاء الله كل الجماهيرتلتزم في التشجيع في الماتشات اللي جاية. الزملكاوي: إنت فاكر طوبة زيمبابوي اللي طلعتنا من التصفيات بتاع كأس العالم ياريت ماتتكرش لأن ده ها يدي صورة كويسة عن بلدنا لكل العالم. الأهلاوي : وأهم حاجة عندنا هي بلدنا وإننا نوصل لكأس العالم. الزملكاوي: يارب نوصل. الأهلاوي : يارب..... احنا هانتقابل اذاي المرة اللي جاية الزملكاوي: سيبها للظروف والمناسبات والمباريات ههههه. الأهلاوي : هههههههههه ........ بس أكيد هانتقابل. الزملكاوي: إن شاء الله. الأهلاوي : إن شاء الله نتقابل في الفترة اللي جاية. الزملكاوي: إن شاء الله. وافترقا الصديقين الجديدين وهما على وعد من اللقاء هل يتقابلان في الفترة القادمة وماذا سيفعلان في الفترة القادمة. |
الأهلاوي :السلام عليكم ورحمة الله وبركاته أخي الزملكاوي الزملكاوي: وعليكم السلام ورحمة الله وبركاته أخي الأهلاوي الأهلاوي : إنت إيه رأيك لوفاضي الأسبوع الجاي نروح الاستاد عشان نشجع الأهلى الماتش الجاي في السوبر الأفريقي. الزملكاوي: والله مش عارف ظروفي ايه بالظبط وأول ما ها أعرف هارد عليك. الأهلاوي : خلا ص ماشي براحتك وأنا هاسيبك دلوقتي وإن شاء الله مستني الرد. الزملكاوي: خلاص ماشي يلا سلام. وبعد مرور يومين اتصل الزملكاوي على الأهلاوي الزملكاوي: السلام عليكم ورحمة الله وبركاته. الأهلاوي : وعليكم السلام ايه الأخبار .......... طمني الزملكاوي: خير ان شاء الله ....... هانتقابل عند المسجد اللي اتقابلنا عنده المرة اللي فاتت. الأهلاوي : أوكي بس أعمل حسابك نروح بدري عشان انت عارف هايبقى الجو زحمة هناك. الزملكاوي: خلاص ماشي بس انت عملت حسابك في التذاكر ولا لسه . الأهلاوي : أيوة أنا كلمت واحد معرفة وها يحجز ليا اتنين. الزملكاوي: انت متأكد ولا لأ. الأهلاوي : لا ما تقلقش يا صاحبي انا عامل حسابي. الزملكاوي: خلاص ماشي وإن شاء الله تفوزو في الماتش اللي جاي. الأهلاوي : إن شاء الله..... وعقبال الزمالك.. الزملكاوي: شكرا ليك على ذوقك يا صاحبي . الأهلاوي : بس انت تتوقع ايه في الماتش. الزملكاوي: أتوقع إنه هايبقى صعب جدا على الأهلي وعلى الصفاقسي. الأهلاوي : فعلا الماتش يقلق لأن الصفاقسي في حالة كويسة في الفترة اللي فاتت. الزملكاوي: بس ماتقلقش قوي كل عقدة وليها حلال وإن شاء الله هاتفوزو في الماتش اللي جاي. الأهلاوي : إن شاء الله ...... فعلا ها يبقى حاجه كبيرة. الزملكاوي: بص أنا عايزك تعمل حسابك إننا هانتقابل المرة اللي جاية في مباراة غانا ومصر والتذاكر عليا أنا أوكي. الأهلاوي : أوكي .... وإن شاء الله يكون استعداد حلو لأخوانه الحلوين. وانت فاهم قصدي. الزملكاوي: لأ ما تقلقش هما ها يبقوا حلوين قوي ذي ما عملوا مع التوأم حسن... الأهلاوي : سيبها على الله وان شاء الله تكون المعاملة حلوة وما يحصلش مشاكل. الزملكاوي: إن شاء الله. الأهلاوي : عايزين نركز في اللي جاي أول بأول وما نبصش لقدام مرة واحدة. الزملكاوي: أه فعلا عندك حق كل وقت وليه أذان. الأهلاوي : وإن شاء الله هاتصل عليك يوم ماتش السوبر عشان أكد عليك. الزملكاوي: خلاص أوكي أنا هاسيبك دلوقتي وأشوفك علي خير. الأهلاوي : وأنت من أهله........ سلام عليكم. الزملكاوي: وعليكم السلام. |
| الساعة الآن 03:07 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب