منتديات بنات مصر - دعــوه خاصه من عالم حــــــــــواء (من القلب للقلب )

http://center.jeddahbikers.com/uploa...3183351921.gif

الحلقه السابقه كانت معاناه
الهنوف وكانت منورانا

النهارده معاناه مشرفه
القسم وطالما قولت مشرفه القسم
تبقي اكيد حلقه صاروخ

تعالوا نتعرف عليها اكتر
وايه اللي اتغير فيها بعد الجواز

http://center.jeddahbikers.com/uploa...3183353021.gif

يام هنون ماتنسيش تديهالي اشلها عبال ماتجاوبي

محتاجه تخديها لحد مخلص كل اللى ورايا بس تستحملى

منوره قسم حــواء يا قمر

عامله أيه يا قمر ايه مستعده ؟

الحمد لله تمام

http://center.jeddahbikers.com/uploa...3183353021.gif

الاسم :

ساره

المؤهل :

ليسانس آداب

عدد الاخوه :

اختين غيرى

وولد

العنوان :

البحيرهـ / دمنهور

الحاله الاجتماعيه :

متزوجه واعول

العمر :

اكمل 23 فى الشهر الحالى

http://center.jeddahbikers.com/uploa...3183353021.gif

ام هنا انسانه جريئه ؟؟

كنت جريئه ومندفعه بس كل ما أكبر أحسن ان مش كل المواقف تحتاج للجرئه وان الخجل البسيط صفه مطلوبه
للبنات .. وخاصه بالمجتمعات المنغلقه

قوليلي خاتي الاشراف ازاي؟ وفرحتي ولا كان عادي؟

اخته لما أرسلى طارق وقالى تكونى مشرفه معانا

وقبلت ان أكون مشرفه وتانى رساله لاختار قسم من اقسام محدده فأخترت قسم حواء العام ..

وأكيد كنت سعيده جداا بالاشراف لانى بحب منتدى بنات مصر واللى بيحب حاجه بيحب يشارك ويبدع باى شئ

وبصراحه طارق أدارى فوق الممتاز بيخلق جو جذب للمنتدى فتحسى ان هناك تجديد مستمر من تكريمات ومسابقات واسميلات رووعه

http://center.jeddahbikers.com/uploa...3183353021.gif

ليكى بشغل البيت .. واخبارك مع المطبخ ؟

ندخل بقى فى الاحراج ..

بصى بالنسبه لشغل البيت تمام يعنى اصح من النوم أمسك المكنسه وامشى على السجاد بيها أغير الملايات واهوى الفرشه طبعا مش يوميا بس نقول فى متوسط اربع أيام بالاسبوع .. وبعدين احط الغسيل بالغساله ..

كده حلو أووى وتمام نيجى بقى للمطبخ طول عمرى تقولى بتكرهى ايه أقولك الطبخ .. ممكن لان امى شاطره اووى بالمطبخ .. بس مجبر أخاك لا بطل

ودخلنا المطبخ وأتعلمنا والحمد لله وكان فى أصابات فى بدايه الزواج بس عدت على خير بدون خسائر فادحه

ولما بتدخلى المطبخ أكتر حاجه بتعرفى تعمليها فى المطبخ ؟

مفيش أكله بعينها دايما بطبح الاكل اللى حماده بيحبه واكتر شئ بيحبه عموما المكرونات والباميه واه يانى من الباميه ..

http://center.jeddahbikers.com/uploa...3183353021.gif

أيه أكتر الاكلات اللى بتحبيها ؟؟ طيب بتعرفى تعمليها ؟؟

انا عموما بميل للمشويات بعرف أعمل آكلات كتير لا بقيت شيف والسر متابعه قناة الحياه وسفره دايمه وبنفذ حاجات كتير من اكلاتهم وهوه نوع من التجديد

بتمارسى رياضه ؟طيب ايه أفضل رياضة عندك ؟؟

كنت بمارس قبل الجواز بس مع الحمل والولاده بطلت بس محتاجه ارجع تانى لان وزنى زاد

ولو مارسه سوف اقوم بالايروبك تمرينات خفيفه وتساعد على تنشيط الجسم

تحبي القراءة ؟ وايه هوايتك التانيه ؟

بحب القرايه اكيد وخاصه بالتاريخ احب أووى عبق الماضى

هواياتى انى الاعب هنون

http://center.jeddahbikers.com/uploa...3183353021.gif

بتحافظي علي الصلاه في اوقاتها ( بصراحه ) ؟؟

الحمد لله فضل من الله عز وجل

هنا بدات تساعدك هههههههه طبعا هتشتغربي من السؤال بس انا اقصد بدات تساعدك وتريحك من شغل البيت بسبب مسؤليتها ومامتك او زوجك بقي يساعدوكي في البيت؟

هههههههههه والله ضحكتينى

زوجى يجى ياكل ويلاعب هنا وينام ودلوقتى فصلنا هو بينام فى أوضه وانا وهنون فى أوضه علشان الازعاج
اما ماما ربنا يخليها ليا ساعدتنى كتير

ياتري بتعيط كام مره في اليوم وبالوقت؟ هههه خاصا بالليل؟

بصى هى طبيعتها عسوله مش غلسه يعنى لما بتكون بتعيط اعرف انها يأما جعانه أو عايزه تغير اما لو زاد عياطها بقى ممكن تكون تعبانه عندها مغص فأضعها بوضع معين علشان ترتاح ..

http://center.jeddahbikers.com/uploa...3183353021.gif

مهتمه بيها اوووووي ولا عادي معاها؟

أكيد مهتمه بيها خالص وساعات كتير اقعد أكلمها

واحس بيها فاهمه كلامى مركزه النظر عليا وانا بتكلم واحكى

ايه اللي اتغير من ساعت مادخلت هنا حياتك؟

أتغير انى بقيت أم صحباتى بيجوا يلعبوا معاها وفرحانين بيها أووى كنا بخرج مع بعض كتير اتغير انى مش بقدر أخرج زى الاول ولو عايزه أعمل شوبينج لابد من ترتيب مسبق
علشان حد يقعد بهنا .. تغير ان صحبتى كانت دخلتها الشهر اللى فات معرفتش اروح افرش معاها وروحت زى الغريبه
للفرح اللى بالقاعه وبعد كده مشيت قبل الفرح مايخلص
تغير ان انا كنت مسئوله من امى بقيت انا المسئوله الان

http://center.jeddahbikers.com/uploa...3183353021.gif

ياتري البت قلبت علي مين دلوقتي انتي ولا دادها؟

هنون دى عثوله يا ختى عليها هما بيقولوا شبهك يا ساره

بس انا حاسه انها واخده من باباها حركاته ضحكته .

نقدر نقول هى مشكله

نفسك تبقي ايه لما تكبر؟

دايما الاب والام بيقولوا دكتور يأما مهندس
بس دعونا لا نسبق الاحداث

ايه اكتر حاجه بتخططي ليها من دلوقتي لهنا في حياتها؟

اول حاجه عملها باباها لما اتولدت عملها ايداع بأسمها بالبنك ..
اما بخطط للبسها يعنى بفكر انزل اجيب لها لبس العيد بس محتاره أجيب صيفى ولا شتوى ؟
ياريت اى حد من الاعضاء يساعدنى

http://center.jeddahbikers.com/uploa...3183353021.gif

وناويه دراستها هتكون ايه ازهري ولا لغات ولا عادي؟

ان شاء الله ناويه أدخلها لغات المدرسه جنب البيت

ايه طموحك في الحياة ؟

عايزه أكمل دراستى العليا اول خطوه اعمل دبلومه تربوى

من هو قدوتكـ في الحياهـ ..؟؟

الرسول صلى الله عليه وسلم

بتؤيدى عمل المرأه ؟؟

أكيد بؤيده

http://center.jeddahbikers.com/uploa...3183353021.gif

أيه الوظيفه اللى نفسك تلتحقى بيها ؟؟

ما يخص مجال تخصصى فممكن اعمل أخصائيه أجتماعيه بمدرسه او بأى مؤسسه خدميه مثل الملاجئ والسجون او قطاع بالدوله المجال مفتوح محدش عنده وظيفه ليا

هل تتمنى يصبحو عيالك مثلك ؟

وأفضل منى كمان يعنى انا كنت فاشله بالثانويه العامه وجبت مجموع يادوب لحقت كلية الآداب اتمنى ان هنون تجيب 100%

http://center.jeddahbikers.com/uploa...3183353021.gif

اذا تضايقتي او زعلتي من شيء ايه اكتر شيء بتعمليه و يخفف عنك شويه ؟؟

أعيط شويه كده لحد ما أهدى

لبسك دايما على الموضه ولا بتختارى اللى يناسبك وبس ؟؟ وأخبار الاكسسوارات معاكى أيه ؟؟

كان على الموضه لحد ما فرض علينا العبايات ويكون واسع وقائمه طويله بالممنوعات والاكسسوارات دى اهم شئ فهى اللى بتظهر اللبس

http://center.jeddahbikers.com/uploa...3183353021.gif

يومك من اول ما صحيتي لحد ما تنامي ؟؟

أول شئ بصحى أصلى الفجر وده فضل من الله عز وجل وبرجع أنام تانى أصحى على الظهر او ممكن بعده على حسب .. اقوم امسك المكنسه واكنس وامسح التراب وأغير الفرشه وبعد كده ادخل على المطبخ وممكن هنا تصحى لازم لها الشور بتاعها بتحب المايه أووى وبعدين ترضع واخدها معايا المطبخ بالعجله بتعتها علشان بتعيط لو مش شافتنى ادامها .. بعد ما أخلص كل حاجه ورايا أنزل تحت لحماتى واقعد معاها شويه وممكن اطلع على العصر كده اكمل الاكل يكون حماده على وصول يآكل ويلعب مع هنون ويزل تانى الوقت اللى من المغرب لليل بكون فاضيه بقى ممكن اخرج ممكن اتنى على النت لحد ما أنام

قبل ما تخرجي بتقعدي تلبسي و تقفي امام المرايا كم ساعه ؟؟

نص ساعه

بتستعملي التليفون كم ساعه في اليوم ؟؟ومع مين ؟

كتير كله مع حماده بفكره يجيب حاجات مهمه للبيت

http://center.jeddahbikers.com/uploa...3183353021.gif

ايه أكثر صفة تتمنيها في زوجك ( بصراحة )؟؟

الحمد لله صفاته كتير حلوه واهمها الحنيه

ايه اكتر صفه تكراهيها بالرجل ؟

البخل

تعرفتى على المنتدى أزاى ؟

جوجل

لماذا أختارتى لقب مشتاقه للجنه؟؟ ممكن تفكرى بتغيره ؟؟

كنت حواء الشرق ودلوقتى مشتاقه للجنه وسعيده باللقب ده

http://center.jeddahbikers.com/uploa...3183353021.gif

مين هما أكتر صحاب ليكى بالمنتدى ؟؟

كتير والله سومه حبيبة قلبى مش سابتى طول فترة أجازتى كانت بتطمئن عليا علطول بالتلفون ربنا يسعد قلبها

من الاعضاء اللى بتتمنى تشوفيهم بجد ؟

والله بتمنى نعمل احتفاليه كبيره واعزم كل أعضاء المنتدى والكل يأتى اليسا المنتدى ساره وسومه
وانتى يا دندن ومشمشه نفسى اشوفها وكل الشباب كمان .. يعنى طارق شكله ايه ؟؟ وهل فعلا الشكل اللى رسماه لكل حد بالمنتدى زى ماهو ولا فيه أختلافات

زى تقى رسماها بنوته صغونه كدا ونحيفه وأمووره بملامح هاديه .. فرح اللى هى آلاء رسماها بنت بملامح مصريه وعيون عسليه لانها من المنصوره هههههههههه
هبه عاشقه الهدوء بنوته هاديه كده يعنى ......

http://center.jeddahbikers.com/uploa...3183353021.gif

المنتدى بيمثلك أيه ؟؟ وهل بتتكلمى عنه فى حياتك الخاصه ولا ده سر ؟

المنتدى بيتى التانى اللى بخرج اللى جوايا فيه

وبتكلم عنه كتير أووى ومعرفه كل اهلى وزوجى شخصيات بالمنتدى

كلمه مشجعهـ لحواء منكـ.....

كونى قويه بقليل من الليونه حتى لا تنكسرى بسرعه

اخيراا كلمه توجهيها لمنتدى بنات مصر ...

اخواتى واحبائى اعضاء المنتدى بيحبكم كلكم وأتمنى ان نهجر الخلافات والمشاحنات جانبا فلقد أتينا هنا من اجل هدف واحد الا وهو التعرف والتراحم

اتمنى ان نصبح ايد واحده قلب واحد ولم يحدث ذلك الا لما نحب بعض بجد وكل واحد يحب لاخيه ما يحب لنفسه

سعدت جدااا بالحديث والفضفضه معكم

كنتي منوره معاناه يا قمر وتشرفنا بوجودك

http://center.jeddahbikers.com/uploa...3183353022.gif