منتديات بنات مصر

منتديات بنات مصر (https://forums.banatmasr.net/)
-   أرشيف برامج اليوميات (https://forums.banatmasr.net/f164/)
-   -   اول حلقة من حياتك تحت المجهر ومنورنا morshooo (https://forums.banatmasr.net/msryat222767/)

ĶǎnDO̳̿uChǎ ツ 03-30-2011 07:47 PM

اول حلقة من حياتك تحت المجهر ومنورنا morshooo
 
برنامجنا اسمو حياتك تحت المجهر

و منورنا انهاردة في اول حلقة

عضو متألقـــــــــــ
ومشرف متميــــــــز دايمــــــا
morshooo

منور يا احمـــــــــــــد

اولا:قلبك تحت المجهر

اكتب سطرين عن مشاعرك و كل الي بتحسو جوا قلبك؟

الحمد لله احمد راضى عن حياتك وعن مشاعرة الحالية رغم انة بيعيش فترة مهمة فى حياتة سواء المعيشيية او العملية فاتمنى ان ربنا يكرمنى الفترة الجاية



امتى في رائيك يكون الحب حقيقي,وهل انت حبيت قبل كدا حب حقيقي؟

امتى يكون حقيقى لما الاتنين بيحسو بية ودا مهم فى العلاقة بين اى اتنين ومحدش بيعيش من غير حب اكيد


مين اكتر انسان حبيتو في حياتك والي لغاية دلوقتي يسكن قلبك؟

طبعا مش هينفع اقول هى مين بس طبعا ربنا يسهل ان شاء الله


اكتب لينا اكتر 10 اشخاص بتحبهم في حياتك بالترتيب من كل الناس الي مرو في حياتك سواء عائلتك او صحابك و كلو؟


- الوالد
- الوالدة
- اخواتى طبعا
- عمرو
- هناء
- دعاء
- اسلام
- ايهاب
- سارة
- سلمى

ثانيا:عقلك تحت المجهر


اكتب سطرين عن قراراتك و عقلك و تفكيرك؟


الحمد لله انا من النوع الى قبل ما بأخد اى قرار بفكر كذا مرة فية بس مش ببقى متردد ولكن كنوع من التاكيد والحمد لله فى معظم المواقف باخد القرار السليم


اصعب قرار اخذتو؟

يوم ما قررت اشترى العربية هههههههه بعيد عنكم لقيت ان تحويشة العمر هتروح فجأة كدا بس الحمد لله الوالد ساعدنى برضو


اكتر قرار ندمت علية؟

لا الحمد لله عمرى ما بندم على حاجا عملتها فى حياتى مهما كانت


هل يعتبر تفكيرك تفكير مجنون و مزاجي ولا عقلاني؟

والله حسب الموقف ساعات بحس انى مزاجى جدا وساعات بحس ان قرارى مجنون وساعات عقلانى بس انا من النوع الى بيحب المغامرة فحسب القرار بقى


هل تحسم الامور بقلبك ولا بعقلك؟

بعقلى اكتر قليل لما بفكر بقلبى


ثالثا:شخصيتك تحت المجهر


اكتب سطرين في شخصيتك وازاي انت شايفها ؟


احمد شخصية عادية جدا اجتماعى زى ما قولت قبل كدا بحب الصداقات وليا شخصيتى المستقلة وعالمى الخاص



في نظرك اية الي بيميز شخصيتك؟

بصراحة مش عارف بس دا بقى هسيبة لى الاعضاء هما الى يجوبو علية



واية الي عايز تغيره فيها ولية؟

لسة لما نشوف الاعضاء هيقولو اية الاول عن شخصيتى

بس الحمد لله انا راضى عن نفسى وعن شخصيتى


عادة او طبع سواء كويس او سئ متقدرش تتوقف عنو؟

هو فى حاجا نفسى ابطلها وهو الكسل ههههههههه



كيف يراك الناس؟

نسيت اسئلهم هههههههههههههه

بصراحة معرفش بجد بس الحمد لله قدام فى احترام فى التعامل يبقى خلاص


هل انت محبوب بين المحيطين بيك؟

اسئلى اعضاء المنتدى ويبقى اكيد رائيهم هيبقى زى رائىء الناس الى حولية فى الطبيعه


هل شخصيتك مسيطرة؟

لا مش مسيطرة ولكن الوالد معودنا على حرية الرائىء فى اى حاجا خاصة بالاسرة يعنى كلنا بنقول رائينا وفى الاخر بنشوف الاصلح وبيتعمل لكن محدش مسيطر على قرار او على حاجا معينة ودا انا ماشى بية فى حياتى


رابعا:ايامك تحت المجهر


اوصف ايامك وحياتك في سطرين؟


الحمد لله راضى عنها تماما سواء ايام جميلة او حزينة وبحاول على قد ما اقدر انى مفكرش فى اى حاجا جاية يعنى بحب اعيش اليوم بيومة



اية احلى عام مر عليك؟

اكيد كل عام بيبقى فية الحلو والوحش فمعتقدش ان فى مقياس لى انى احدد اى عام كان جميل بالنسبالى ولكن اتمنى السنوات القادمة تكون افضل من السنوات الماضية


احلى يوم مر عليك؟

يوم ما خلصت دراسة هههههههه وروحت البيت قولتلهم انى نجحت ياسلام والا الى جاب الديب من ديلة هههههههههه


امتى بتحس بقمة الملل؟

لما ببقى قاعد فاضى مش بعمل حاجا او واخد اجازة طويلة من الشغل بيجى عليا اوقات بتمنى انى انزل الشغل بسرعه


يوم بتتمنى انو ميمرش عليك ولية؟

اى يوم يكون فية فراق عن حد بحبة سواء لا قدر الله من الاسرة او من العائلة او الاصدقاء


اية امتع وقت عندك في يومك؟

اول لما اوصل الشغل الصبح بيبقى حوالى الساعه 11 ص وبليل قبل ما بنام حوالى 2 ص



واية اتعس وقت عندك في يومك؟

من الساعه 7 م - 9 م عشان بقفل االشغل بيبقى وقت رخخخخخخخخخخم



اشكرك على الاستضافة الجميلة دى

واتمنالك التوفيق

ونجاح البرنامج



بجد انا الي عايزة اشكرك على قبولك الدعوة

و كنت منـــــــــــــــــورنــــــــــــــــــــــــــا
واتمنالك التوفيق في كل حياتك.......

تحياتي
كان معكم
dOdO


~®§§][][ سيد دندنة ][][§§®~ 03-30-2011 07:52 PM

حلقه جميله وكان معاكى

بردو شخصيه جميله جدأأأأ

احمد

تسلمى يا نودى على الاستضافه الجميله ديه

بجد حلقه رائعه جدأأأأأأأأأأأأ

تسلم الايادى



ماتركس 03-30-2011 07:55 PM

مروووشوووووووووووو

ونووووووووووووودي

اولا نشكر مذيعة الحلقه الصغنتووته المتالقه طبعا نوودي هانم

بجد تسلم ايدك يا نوودي علي البرنامج وعلي الاسئله

ثانيا نيجي بقي للريس الكبير بتاعنا

اجابات جميله يا ابووحميد بجد احمد انسان انا عن نفسي بحبه جدا وبحب ارغي معاه كمان

وبجد اجاباتك جميله يا ابوحميد وعجبتني شخصيتك يا كبير

منور البرنامج وانتا كده كده اي حده بتروح فيها بتنورها يا ريسنا

~♥ Queen sozan♥~ 03-30-2011 08:06 PM

مريشيوووو ،،

اجباتك جميل جداا ،،

والغموض بتاع الحبيبة الغامضة دة عيزين نعرف بقة !

دى تانى مرة تتكلم عنها بس من تحت لى تحت كدة ،،

،،

نودى

يا قمر

بجد اسئلتك جميلة جدااا ،،

ومنتظرين منك كل جديد ومميز ،،

countess 03-30-2011 08:21 PM

اقتباس:

عادة او طبع سواء كويس او سئ متقدرش تتوقف عنو؟

هو فى حاجا نفسى ابطلها وهو الكسل ههههههههه

ايه دا شخصيه كسوله !! تخيلت انك عدو الكسل طلعت صديق الكسل :)


اقتباس:

واية اتعس وقت عندك في يومك؟

من الساعه 7 م - 9 م عشان بقفل االشغل بيبقى وقت رخخخخخخخخخخم



الا مش عندك بس الوقت 7 الى 9 دئما رخم بجد مش بحبه حتى وانا عندي شغل بعمله بحسه كئيب ٍٍٍ

نودي واحمد شكرا على الحلقه ٍٍٍ

DO3AA 03-30-2011 08:43 PM

احلى يوم مر عليك؟

يوم ما خلصت دراسة هههههههه وروحت البيت قولتلهم انى نجحت ياسلام والا الى جاب الديب من ديلة هههههههههه
و هو ده يوم عادى
ده اجمل يوم ف حياة اى حد عنده معاناه اسمها دراسة


عادة او طبع سواء كويس او سئ متقدرش تتوقف عنو؟

هو فى حاجا نفسى ابطلها وهو الكسل ههههههههه
اغرب اجابه قريتها^^

ده انت نشيط جدا ف المنتدى
ف ع الاقل هيكون عندك من النشاط ده ف الواقع
لكن كسل!!!لا غريبة
يمكن مش كسل ولا حاجة
ابقى دور ع كلمة تانية
لان من شخصيتك ف المنتدى معتقدش انك كسول
و بقية اجاباتك جميلة وبتدل ع انك انسان حاسم اوى وشخصيتك قوية
و دى حاجة كويسة
ربنا يوفقك ف حياتك
و ابقى خد بالك ع العربية^^
و شكرا ليكى يا نودى ع الاسئلة
برنامج جميل
بالتوفيق

♥Donya♥ 03-30-2011 08:55 PM

حلقه جميله،،

وشخصيه رائعه،،

اتمني النجاح للبرنامج،،

دمعه حائره 03-30-2011 09:05 PM

حلقه جميله قوى يانودى وضيفك اجاباته جميله
موروشوانسان محترم ومواضيعه كلها رائعه
تحياتى لكم وفى انتظار الحلقه الجايه

♥..pure 03-30-2011 09:40 PM

اوكي هنشجع المنتج المحلي يا نودي ^^
برنامج لذيذ يا جميل ,,
بالنسبه للاسئله اللي اتسألت ومورشو قال دا رأي الاعضاء ..
اول حاجة عن الميزهـ اللي بتميزهـ ؟؟
أفكارهـ اللي علطول عاملها عمليه اب ديت دي ^^ >> عارف اب ديت ولا اكتبها انجلش :d
وكمان ممكن نقول انه مبيتقمص ..
اما بقا عيوبه ^^
ممكن نقول انه تلقائي زيادهـ عن اللزوم ..
بمعنى انه بيقول اللي هو عاوزهـ مش بيدور هل اللي قدامه هيتقبل دا او لأ ..
يعني حاول تراعي الشخص اللي بتتكلم معاهـ وعامل كل واحد على حسب شخصيته ,,
وبس كدا ,,
اهـ فيه بردو سؤال الناس شايفينكـ ازاى ؟؟
اهـ زي الفل وابن حلال هههههههههههه

عاشقة الهدوء 03-30-2011 09:53 PM

السلام عليكم ورحمة الله وبركاته

برنامج جميل يانودى وحلقه موفقه ومميزه

من أحمد موروشو وأحمد انسان كويس بصراحه

مشوفتش منه غير كل خير رغم تعاملى معاه البسيط

ربنا يسعده ويوفقه فى حياته اللهم أمين منور الحلقه يأحمد

فى أمااااااااااااااااااااان الله


الساعة الآن 10:57 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w