منتديات بنات مصر

منتديات بنات مصر (https://forums.banatmasr.net/)
-   مواضيع عامة - ثقافة عامة (https://forums.banatmasr.net/f2/)
-   -   ياريت كله يدخل يقولى اعمل ايه محتاره جدا (https://forums.banatmasr.net/msryat223505/)

ماسه وحساسه 04-02-2011 03:36 PM

ياريت كله يدخل يقولى اعمل ايه محتاره جدا
 
السلام عليكم ورحمه الله وبركاته
انا مبسوطه جدا لانضمامى معكو فمنتدى بنات مصر ونفسى بجد الاقى بينكم حد يساعدنى فمشكلتى لانى بجد محتاره ولازم حد يساعدنى فيها لان فى حاجات كتير مينفعش اصرح بيها لاصحابى
انا حكايتى بدات من سنه تقريبا وبحب ابن عمتى جدا من زمان من وانا صغيره بس هو مكنش واخد باله منى وانا مكان فقدت الامل انه يحس بيا المهم حصلت مفاجاه ليا ان هو جه من سنه وقاللى انه بيحبنى
وقتها انا كنت طايره م الفرحه ومش قادره اصدق اخيرا حلم حياتى اتحقق وهو بيحبنى المهم بدا ارتباطى بيه وكنت عايشه اسعد ايام حياتى مع اكتر انسان اتمنيته لنفسى بس للاسف تاتى الرياح بما لا تشتهى السفن اول حاجه بدا يتكلم معايا كلام خارج مينفعش يتقال وانا كنت ازعقله واقوله مينفعش احنا لسه مفيش بينا اى حاجه رسمى وان دا ميصحش المهم مره ف التانيه لقيتو بدا يزعل ويقولى انى مش بحبه وانى بكده ببعد عنه حاولت افهمه ان دا مش صحيح وان الحب مشاعر قبل اى شىء هو مكنش مقتنع وكان بيلح عليا وانا مع حبى ليه وخوفى بانه يضيع منى كنت بوافق ومع الايام الكلام اتطور وبقا بيطالبنى بحاجات اعملها ميصحش تتعمل وانا كنت عارفه ان كل دا حرام ومع ذلك كنت بوافق وبقول انا بحبه وهو بيحبنى واكيد هنتجوز بس كان ضميرى بيأنبنى لان عارفه انى كده بغضب ربنا وبعمل حاجه ضد مبادئى وتربيتى واخلاقى بس برضو شيطانى كان ديما يقولى وفيها ايه ماهو اكيد هيحافظ عليا لانى لحمه ودمه قبل مااكون حبيبتو واكيد هيتجوزنى بس هو كان ظروفه مبتسحمش ودامنا وقت كبير وهو كذا مره يخيرنى ان احنا نبعد لو انا مش حابه استناه بس انا كنت برفض وكنت ديما بقوله انا هستناك عمرى كله مهما حصل ومع الايام وكلامه الخارج بيزيد وطلباته اللى مش كويسه بتزيد ومع الايام وانا بتغير وبطلت اصلى علشان وبعدت عن ربنا وطول الوقت مكنش بيفكر غير فشهواته بس هو جه من كام يوم وقاللى هو ربنا هيسامحنا لو اتجوزنا بعد كده قلتلو معرفش يمكن رحمه ربنا واسعه الله اعلم قاللى هو اللى بنعملو دا حرام قلتلو اه طبعا دا زنا قاللى ولما انتى عارفه انه حرام بتوافقينى ليه عليه قلتلو لان انا بحبك ولانى بقول لنفسى انك اكيد هتتجوزنى ولان انا كنت برفض وانت اللى كنت بتلح عليا علشان انا بحبك ومقدرش اعيش من غيرك كنت بوافق خايفه لضيع منى بس عشان انت قلت كده انا مش هعمل اى حاجه من اللى بنعملو دا تانى ولا هتكلم تانى ف الكلام دا راح قاللى خلاص براحتك وبعدين بقا طريقته معايا اتغيرت ومبقاش بيكلمنى زى الاول وحصلت برضو مشكله بسبب انى بغير عليه اوى وهو فهمنى بس برضو لسه متغير وانا سيباه براحتو ع الاخر وقت مايحب يتكلم يتكلم انا مش همنعو بس حسه انى المفروض ابعد عنه لانه هو بكده مش محافظ عليا ولا هيصونى بعد الجواز دا غير انى انا كنت ب النسباله مجرد واحده بيطلع معاها شهوته علشان يستريح وانا مش هقبل انى ابقى كده او ابقى مجرد جسد بلا روح عاوزه اخد القرار بانى ابعد عنه وفنفس الوقت تعبانه لانى زى ماقلتلكم بحبه جدا من وانا صغيره وطبعا مع بعض بقالنا سنه مرتبطين حسه انى متعلقه اوى بيه ولو سبنا بعض اانا حسه انى هتعب حد يرد عليا ويقولى اعمل ايه والله عاوز ارضى ربنا قبل اى شىء بس انا ضعيفه جدا
انا اسفه لو كنت طولت عليكو
وشكرا للى هيقرا حكايتى وهيرد عليا
تقبلونى صديقه ليكو واتمنى كله يساعدنى فمشكلتى

غرور ملاك 04-02-2011 04:54 PM

يـ حبيبتى أولآ هـــــــو لو بيحبك استحآآآله استحآآآله يطلب منكـ اى طلب زى دهـألأنسأآن لو بيحب واحده أكيد هحيحافظ عليهآآ موش يكلمها فـ كلام عيبـُ ويغضب ربنآآآ
حتى لمسه الايد موش هيلمسسهآآآ
وبعدين سبحان الله الواحد سُسُسُهُل اوى يقووُوُوُلُ بحبكُـ بُسُسُ موٍُِش علشًشااااااان بيحبك لا علششاااان يوُصل لغـرُضـ فـ دماغه ودهـ موشـ حقولك كل الشباب بتفكر بالطريقه دى
لا معظمـٌ الشباب بتحب البنت لمصلحه
وصدقينى والله والله لو بيحبك بجد أكيد موش هيطلب منك حاجات من دى
وانتى احسسنلك انت تبعـدى ومتخسسريـش اغـلى من عندك
وبعدين يـ حبيبتىُ الحب بيروح وبيجى الا سمعه وشرف البنت عمره ما حيرجع تانى
واوعـى تعملى حاجه تندمى عليهآآآآآآ ابدآآ
ومتخليش حبك يخليكـى تعملى حاجات
بالعكس انتى لما تقوليلو لالالالالا وهو لو بيحبك فعلا هيفرح بيكى انك بتقولى لا موش قابلتى حاجه زى دى
موش يقولك انا هبقى جوزكـ افرضى لقدر الله محصلش نصيـبـ ياتـرى فى الحاله دى حيبقى جوزك
لا يـ حبيبتى ابعدى واتغلبى على قلبك متخليش حبك يخسرك حآآآجآآآآت
ولازمـ ترجعـىٌ تـأإنى لربنـأآ واللى فيهـ الخير ليكى ربنآ هيقدمهـ
يارِب أكـوُن قـدرٌٍِت أسـأإعـدك

safy moon 04-02-2011 05:27 PM

وعليكم السلام ورحمه الله ياماسه
مشكلتك ديه بيتعرضلها بنات كتير اليومين دول وفيه بنات بتعمل زيك وفى بنات تانيه بتلحق نفسها وبترفض من البدايه حاجه زى ديه
من الاول كده بقولك اللى حصل ده غلط كبير جدا وانتى عارفه ده كويس من مليون ناحيه واهمها طبعا انه حرام ولكن اللى حصل خلاص حصل فاحنا دلوقتى بنفكر ازاى انتى تخرجى من الموضوع باقل خساير ممكنه
اولا اول حاجه تعمليها انك تبعدى عن الشخص اللى انتى مرتبطه بيه لانه مش امين عليكى ابدا اوالمفروض انك دمه ولحمه زى مابتقولى ولكن هو ماصانش لحمه ودمه واهدره فى شهواته فانتى لازم تبعدى عنه لانه لو دلو قتى بيعمل كده مال اذا اراد ربنا وكملتو سوا هيعمل ايه تانى وصدقينى ياماسه اول مايرضى شهوته هيبعد عنك فورا ولا هيكون فيه حب ولا غيره انا عارفه انك هتتعذبى جدا من بعده بس صدقينى تعب ساعه ولا كل ساعه ارجعى عن الطريق ده فورا لان اللى بيحصل خارج طاعه الله عمره مايكون فيه فرحه ابدا ولا خير فارجوكى ابعدى عن الولد ده فورا وتاكدى انك لما تسبيه علشان طاعه ربنا ربنا هيعوضك خير منه مليون الف مره وقبل ده كده انتى هتنولى رضا ربنا ودى كفايه جدا استغفرى ربنا وابعدى عن السكه ديه لانك بداتى تندمى وتاكدى ان رحمه ربنا كبيره انا عارفه انك بتقولى دلوقتى صعب انى ابعد عنه وانا بقولك مافيش حاجه صعبه فى الطريق لربنا وتاكدى ربنا هيكون معاكى لانه زى ماقال فى حديثه القدسى
((إذا تقرب العبد إلي شبراً تقربت إليه ذراعاً، وإذا تقرب إلي ذراعاً تقربت منه باعاً، وإذا أتاني يمشي أتيته هرولة)) اتقى الله وارجعى عن اللى بيحصل ده اللى حصل خلاص حصل احنا بندور على الاستغفار ورحمه ربنا ارجعى لربنا هتلاقيه فاتحلك بابه واللى انتى شايفه انه صعب بعد شويه وقت وصبر هتلاقيه مافيش اسهل منه طالما انه فى طاعه ربنالاخر مره بقولك ابعدى عنه واتقى الله هتتعبى شويه وبعدين هترتاحى الى الابد
بعتذر لو طولت عليكى بس انا خايفه عليكى جدا لانك بنت مسلمه تستحق كل الخير اتمنى انى اكون فدتك واتمنى من الله انه يتوب عليكى

لوسينا 04-02-2011 06:32 PM

انا براي انه لو كان بيحبك بجد زي ما بيقول كان هيحافظ عليكي بجد وبفع مش بالكلام وخلاص وانتي لو كنتي قولتي لا لا لا كان هيعرف الي انتي بتاعت ربنا ومش بتاعت الحجات ده وممكن كان هيحبك عشان كدة عرف اخلاقك تعرفي دلوقتي زمانو بيقول اني لا يمكن احب او اجوز وحدة كدة ومقالتليش لا ولازم تنسيه ولو عاوزة تنسيه لو شفتيه او حنيتي ليه يعني افتكري كل حاجة عمل معاكي مش حلوة او كلام مش كويس قالهولك واوعدك الي انتي هتكرهي مش هاتنسيه بس واكيد نصيبك هايجيلك وهيحبك وهتحبية وهتعرفي معني الحب الحقيقي بجد انا اسفة لو طولت عليكي بس دة انسب حاجة ممكن ادمهالك وانشاء الله هتعدي وهتنسي يا حبيبتي ربنا معاكي

ماسه وحساسه 04-02-2011 07:29 PM

غرور ملاك safy moon لوسينا
بجد مش عارفه اشكركم ازاى انا كنت محتاجه اسمع الكلام دا فعلا كنت محتاجه حد يدينى دفعه علشان اخد القرار وانا متاكده ان دا الصح وانى عمرى ماهندم عليه بجد شكرا لكل اللى ردوا عليا ربنا يحميكم ويحفظكم

مشاعر حلوة 04-02-2011 07:33 PM

بصي يا روحي في اكتر من حل بس دة على حسب شخصيتك لان كل شخصية بتتكيف وبتتعامل مع حلول معينة فانتي ارسليلي رسالة خاصة فيها تحليل شخيتك وبعض عاداتك يعني بتصاحبي حد ازاي بتهتمي باللي انتي بتحبيهم ازاي وبلليل بتعدي تراجعي نفسك ولا لأ وكل الحاجات دي وانا هجبلك الحل الن\مناسب 100%وهتدعيلي ان شاء الله
تحياتي


الساعة الآن 06:54 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w