|
أكبر مخاوفك 2 --- >> دمعة حائرة أولا كده عايزة أشكر د/ طارق اللي كان معنا الحلقة اللي فاتت ضيفتنا بقى الحلقة دي هي ضيفة أنا شخصيـا بعزها جداااااااااا بالرغم من اني مش اتعاملت معها شخصيا كتير بس هي بتفرض احترامها على اللي ادامها صاحبة قلــــــــــم مميــــــــــــــــــــز ضيفتنا هــــــــــــــــــــي :::::::::::: دمعــــــــــــة حائـــــــــــــــــــرة أولا أشكرك منة حبيبي على قبول الدعوة و أنا هنزل الأسئلة كلها مرة واحدة و مع الأسئلـــــــــــــــــــة ::::::::::: ** بداية عرفينا بنفسك .. ليس اسمك وانما منة الإنسانة كما ترينها ... دمعه انسانه بسيطه جدا حساسه سهل اوى تجرحها وسهل جدا تصالحها بخاف قوى ازعل حد منى موديه ممكن كلمه تغير مسار اليوم وتلخبطنى معرفش اكمل ** اسمك .. عمرك .. مكان النشأة .. اسمك... منه عمرك... ماتعديش عايشه بقالى كتير .. مكان النشأة ..طنطا ** السؤال الرئيسي :ماهو أكبر مخاوفك ؟؟؟ اكبر مخاوفى انى يجى عليا يوم وابقى محتاجه لاى انسان فى الدنياوانى اشوف بعينى فى حياتى غضب ربى عليا ولماذا ؟؟؟ اللى بيعتمد على الناس فى حياته بيخسر كتير وبينصدم لكن اللى بيكون اعتماده على ربه فقط هو الكسبان لو حافظ على رضاه ** "" ربطت الاحتياج بغضب ربنا "" .. هل انتِ شايفة انه الاحتياج للناس من غضب ربنا على الشخص ؟؟؟ اكيد الاحتياج ده شعور فظيع لو مش فى محله بمعنى انك تحتاجى لشخص وهوا مش كفىء لطلبك واللى يحبه ربه يغنيه عن سؤال الناس ** طبعا انا فاهمة فكرة خوفك بس إيه سببها ؟؟؟ هل فيه شيء في ذاكرتك مرتبط بالفكرة دي ؟؟؟ لا ابدا مش ليها ذكرى ولا شىء بس انا شخصيتى كده مابحب اطلب حاجه من حد حتى لو محتجاها جدا بابا ربانى على كده ربنا يسعد والدك بيكِ .. ** إيه شكل علاقاتك الاجتماعية ؟؟؟ انا اجتماعيه جدا ما اقدر اعيش من غير ناس بس ما احبش علاقات المصلحه وهل بتحسي انه فيه أشخاص في حياتك بيحبوا منة اووووي ؟؟؟ >> هفهمك في الاخر علاقة السؤال بالموضوع الحمد لله انا حاسه بحب الناس ليا لان اللى بيزرع حب بيجنى حب اكيد أنا سألت السؤال لأن أحيانا الشخص بيكون جواه الخوف ده لأنه مش واثق أنه في أشخاص ممكن يقفوا جمبه ان احتاج لهم بس من اجابة منة واضح ان ده مش السبب ** منة بتشعر انه لها سند بعد ربنا في انسان ؟؟؟ بعد ربنا مافيش اى شخص ممكن يديكى الاحساس ده غير الاب والام دول السند الحقيقى وحمايتك فى الدنيا واحن ناس عليكى وما مدى ثقتك بالناس ؟؟؟ انا بعامل الناس بحسن نيه مالوش حدود لحد مايظهر العكس ومش من اول غلطه بغير واقطع مع اى حد لازم يتكرر الغلط ** أنا هنا مش قصدي حُسن النية اقصد الثقة و فيه فرق كبير بينهم .. ايه بقى مدى ثقتك ؟؟؟ اها تقصدى الثقه فيهم اكيد بثق بس فى الاشخاص اللى عاملتهم وباين من تصرفاتهم انهم اهل للثقه دى والثقه اصلا بتمنح ليكى من الطرف التانى مش انتى لازم تثقى من غير ماتعرفيه وبيبان من اول انطباع او من تصرفاته بس احنا نقدم حسن النيه فى الاول ** أعتقد انه من ضمن الاحتياج انك تحتاجي لشخص تفضفضي معاه صديقة أخت كده يعني ... مين اكتر حد منة بتثق فيه و بتشكي له همومها ؟؟؟ اكيد بحتاج ساعات لحد افضفض قريب منى والحمد لله مابيخذلنى ابدا بيكون بابا او اختى بيفهمونى اكتر وليا صديقه تؤام روحى من طفولتى وانا وهيا واحد والاحتياج يا اسماء مش بس معنوى ممكن يكون مادى وده اخطر انواع الاحتياج اما الاحتياج المعنوى ده مافيش منه هروب بس المهم تلاقى الشخص الصح اللى مايقصر معاكى ويخليكى تندمى انك احتجتيله ** هل خوفك ده شكِّل حاجز في حياتك من نوع ما ؟؟ و ايه هو ؟؟؟ انا مابخاف من حد انا خوفى من ربى بس واكيد اثر على حياتى خلانى اراقب نفسى واحاسبها اول بأول وبعاقبها كمان لو غلطت فى شىء ولو ربى رضى عليا مش هاخاف انى احتاج حد ابدا ** خوفك من الاحتياج للآخرين ... هل شكّل عائق بحياتك ؟؟؟ لابالعكس العائق الحقيقى انك ماتقدرى تتحملى مسؤلية نفسك وتفضلى تدورى على حد تكونى دايما محتجاه يمشيلك امورك وبيبقى الخوف ده يخلينى ادعى انى ما اوصل للمرحله دى لانى مش بس بخاف منها بكرهها :Ts_011::Ts_011::Ts_011: ** طيب انتِ شايفة انه في حل لخوفك ؟؟؟ انا مش عاوزة حل للخوف ده لانه خوف بيدفع للصح مش للغلط وبيخلينى اراقب نفسى دايما وارضى بالمقسوم دايما ومش تشيلي هم ربنا كبير و هو العزيز اللي كتب العزة على عباده تحياتى لكى سمسم على موضوعك الجميل وربنا يكملها بالستر والصحه ربنا يكلمها علينا جميعا بالستر والصحة و مش تحتاجي لبني آدم أبداً يارب و طبعا عندك حق الحاجة لربنا بس اكتمال أنا شخصيا استمتعت جدااااااا بإجابات منة وفيه نقطة منة قالتها اللي هي الاحتياج المادي أسوأ من المعنوي طبعا المادي مش معناه بس الفلوس معناه الاحتياج لأي شيء مادي و فعلا الاحتياج المعنوي جوانا كلنا احتياج لشخص قريب منا ،، شخص نحبه ،، نثق فيه .... الخ إنما الاحتياج المادي فهو طلبه من الله رِفعة للشخص أنما الاحتياج فيه للبشر مش كده اشكرك يا منة لوجودك معايا و نشوف تعليقاتكم ............. |
اجاااااااابات رووووووعه يا خالتوا منه وانا سعيد انى اول واحد ارد وعندك حق (اصعب حاجه الاحتياااااااج للناس ) او طلب حاجه منهم بالتوفيقااااااات ليكي يا منه مجهود مميز يا (سمسمه) |
بجد برامج جميل وضيفه متميز جدااااااااا واجابه جميله من دمعه حائره بتوفيق ان شاء الله الحبيب |
السلام عليكم ورحمة الله وبركاته بجد اجابات جميله جدا يامنه وحلقه وبرنامج بجد مميز من صاحبة البرنامج أسماء تسلمى عليه وعلى فكرته منوره البرنامج يامنه ربنا يوفقك يارب ويحفظك وأساله جلا وعلا أن يغنيكى به عن عباده وبطاعته عن معصيته اللهم أمين فى أماااااااااااااااااااان الله |
الله عليكي يا سمسمه بجد اسئلتك جميله جدا جدا جدا جديده وف الصميم عجباني اوي والله واجابات منه احلى واحلى واكيد الي هي خايفه منه ده كل الناس تقريبا لو مش بتخاف منه تبقى على الاقل بتعمل حسابه او بياخد جزء من تفكيرها يسلمو منه وسمسم التوبيك رااااائع استمري يا قمر وف انتظار ضيوفك الحلوين خالص ودي وتقديري ,, |
اجابات جميلة يا دمعة و اختيار موفق يا سمسمة و ربنا يبعد عنك و عننا المخاوف ,, دمتم بخير,, |
أختيار رائع ياأسمــاء منة منورة ياقمــرى أجاباتكـ كتير حلوة مشاء الله , تسلم أيدكـ ياأسماء |
الحلقة راااائعة واستضافة جميلة دكتور سمسم دمعة حائرة شخصية محترمة جدا وردودها بيسعدنى دايماا فى كل موضوع اعملة الله يحميهاا ويحفظهااا ويوفقهااااا باذن الله متابع معكم بالتوفيق ان شاء الله |
اختيار موفق من عضوة محبوبة عند الجميع برقى اسلوبها وتعاملها واجابات من شخصية نضجة تعرف كثيرا من امور الحياة بطريقة صحيحة احييها عليها وفقها الله الى كل خير وسعادة موضوع قيم د اسماء دمتى موفقة فى حفظ الله |
( منه) اختى العزيزة ،، اجباتك بجد جميلة جدا ،، ومن حقك يكون عندك مخاوف من امور ما ،، وفعلا الاحتياج لى اى حد مهما كان بيكون لحد ما صعب ،، وربنا يبعد عنك كل مكروة ،،، / \ اسماء شكرا على الاستضافة الجميلة ، |
| الساعة الآن 02:33 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب