|
الحدوتة السابعة من حواديت كفر الغلابة الشهيد الحدوتة السابعة الشهيد اقعدوا يا ولاد احكى ليكم على عمكم الشهيد بستغربوا ليه كده وعينكم هتفط بره انى مفيش ليكم عم مات فى حرب وهو الشهيد يا عبيط انتى وهى اللى يموت فى الحرب بس ده مش انا الجاهل دانتم يا خريجين المدارس اسمعوا واعرفوا واحكموا انتم شهيد ولا لا كان عمكم انسان ايه فى الاخلاق الناس كلها بتحبه الضحكة مش بتفارق وشه يهزر مع الكبير والصغير ميحبش حد يزعل منه ولا عمره زعل من حد كان متجوز من بنت حلال ما هو عمر الطيب ما ياخد غير الطيبه وكان معاهم وردتين بنت زى القمر هادية واميرة وابن شبل زى ابوه يرد الكلمة بعشرة يخليك تضحك غصب عنك زكى ودماغه كبير كانت عيشتهم جميلة متفقين وراضين تمر عليهم الايام زى اى حد حلوة ومرة لكن بيحبوا الناس والناس بتحبهم جئ عمكم فى يوم حب ياخد الاولاد وامهم بعد تعب شهور فى الشغل يسافروا يغيروا جو زى كل الناس لما الاجازات بتيجى اللى يروح زيارات لقريبه واللى يزور اهله واللى يروح المصايف ..اهو حب ينسى هموم الشغل ويريح اعصابه ويبسط العيال شويه سافر وقضى اجمل اسبوع فى حياته ضحك ولعب هو العيال وامهم هو كل يوم فى اجازة ولا كل يوم هيشوف البحر والجو الحلو والرملة الدفية كان كلامه لعياله افرحو انبسطو كلهم يومين ونرجع لوجع الدماغ والشغل اللى ما ينتهى عدى الاسبوع اكنه يومين العيال عجبهم الحال عايزين يقعدوا لكن ازاى والشغل هيروح منه فين قرر وعزم الرحيل يرجع لبيته وشغله خلاص وقت اللعب انتهى وابتدى يرجع لوقت الجد ركب العربية والعيال معاه وامهم جنبه واتوكلوا على الرحمن يشقوا الطريق مسافة بعيدة والسفر مشقة لكن اهو لكل طريق اخر العيال وخدينها ضحك وهزار والطريق بتنقضى شوية شوية وتقرب المسافة للرجوع ساعات بتعدى وكمان ساعات اهو فات الكتير وباقى القليل العيال تعبوا وناموا وهو عنيه صاحيه بتراعى للطريق وفجاة مقطورة تنقطع من عربيه نقل كبيرة وترجع عليه وانتهت كل حاجه فى ثوانى ماتوا والضحكه على وشهم مرسومة ماتوا اسرة سعيدة زى ما عاشوا عاش على حب الناس ومات وساب الحزن للناس كفاية قلبتوا عليا المواجع ودموعى مش قادر امنعها شريف القناوى |
ربى ارحم كل الاموات واعفو عنهم |
اللهم ارحم جميع اموات المسلمين وجازهم بالاحسان احساناً وبالسيئات عفواً وغفراناً وارحمنا اذا صرنا الى ماصارو اليهـ ... مشگور اخوي ... |
اشكرك اختى على الرد الجميل وعلى الرد العطر وتقبلى منى ارق التحيات اخوكى القناوى |
فلنتذكر الحواديت السابفة معا |
رائع وجميل الطرح دام التميز والمجهود تحياتى وودى |
| الساعة الآن 04:03 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب