منتديات بنات مصر - محمود معروف : فهيم عمر يستحق السجن 15 يوما بسبب ضربة جزاء بركات

دخل الناقد الرياضى محمود معروف فى مشادة كلامية على الهواء مع الحكم الدولى فهيم عمر الذى ادار لقاء الأهلى والشرطة أمس فى الدورى العام وانتهت بفوز الاهلى بهدفين لهدف .
وكانت ضربة الجزاء التى احتسبها عمر لمحمد بركات وجاء منها هدف الفوز للأهلى هى سبب الخناقة التى شهدتها قناة النيل للرياضة .
وقال معروف "أريد إعطاء الحكم 15 يوما" في إسقاط على قرارات الحبس التي طالت أغلب رموز نظام الرئيس السابق حسني مبارك.
وأجرى فهيم عمر اتصالا بالقناة للرد على معروف قائلا:" أمثالك هم من يستحقون الحبس" لأنك كنت أحد رموز الحزب الوطنى الفاسد .
ودخل الاثنان فى خناقة على الهواء فى مشهد غير حضارى لا يعبر عن الروح المصرية بعد ثورة 25 يناير

محمود معروف راجل خنيق اوى لو حاجة لمصلحة الاهلى يقولك حكم وحبس ويشتم في الاهلى وجمهورة
ولما الزمالك يكسب بالتحكيم ميفتحش بقو

مش فهيم عمر دة بردو اللى كسب المحلة عالاهلى ظلم ؟ متكلمتش ليه
مش دة اللى خرب الماتش علينا ولينا ضربة جزاء صحيحة لن تحتسب وحسب للفريق التانى ضربة جزاء غير صحيحة كسبو بيها واعطانا كرت احمر غير صحيح زي كرة الصفتى كدة كانت زيها بالظبط ؟

متكلمتش ليه . الزمالك . ماهو فاز 4 مبارايات السنادي المقاولون والاتحاد والمقاصة ومباراة تانية ناسيها بالتحكيم متكلمتش ليه ؟ مالحكم دة اللى الغي هدف فوز الاسماعيلي عالزمالك بهدف صحيح متكلمتش لية ؟

انت اللى تستحق السجن يامعروف لانك بتشعل الفتن فى مقالاتك اللى دايما ضد الاهلى وحنينة مع الزمالك لان الانتماء غالب عليك
فيها اية لما حكم يغلط ؟ ماهو كل حكام العالم بتغلط علي كدة يبقى العالم كلو يتحبس

وثانيا اصلا ضربة الجزاء انا قلت انها غير صحيحة بس شوفتها من زاوية تانية خاصة بقناة مش فاكرها طلعت صح