منتديات بنات مصر

منتديات بنات مصر (https://forums.banatmasr.net/)
-   قصص - روايات - حكايات ...منقولة (https://forums.banatmasr.net/f15/)
-   -   سلسلة قصه ومعنى (1) سواق التاكسى والماتش (https://forums.banatmasr.net/msryat229228/)

ام يوسف وياسين 04-27-2011 01:32 PM

سلسلة قصه ومعنى (1) سواق التاكسى والماتش
 
السلام عليكم ورحمة الله وبركاته


سلسلــــــــــــــــة:قصة ومعنى




فكرة الموضوع إن شاء الله بسيطة

عبارة عن قصة قصيرة أو مشهد
نستخلص منه معنى إيمانى يفيدنا فى الطريق الى الله

قصة تشبه القصص التى نحكيها للأطفال ودائما القصة لها وقعها


فسبحان الله القصة الى أحيانا كانت بسيطة وسمعناها وأحنا صغيرين
أثرت فينا واتعلمنا منها ولسه خبراء التربيه وعلم النفس بيأكدوا ان القصص من أكثر الوسائل المؤثرة فى التربية


وسنجد أن القصص موجود بكثره فى القرأن وكذلك الأمثال يضربها الله كثيرا لتوضيح المعنى ونجدها أيضا فى الأحاديث النبوية الشريفة
والأمثلة كثير

فالمهم إن القصة بتساعد بشكل كبير على إيصال المعنى بكلام قليل وبعمق أكبر




ولكن فى البداية فلنتفق على :
************************************************** ***********


1_إن القصة بتوضح المعنى بالتقريب مش بالظبط فوارد إنه يكون فى إختلاف بينهما من بعض الزوايا



2_لا أقصد التمثيل أو تشبيه لله بأى حال من الأحوال فالله المثل الأعلى ولكن سيكون التمثيل لأفعالنا مع الله ومع البشر



أسأل الله أن ينفعنى وإياكم بهذا الموضوع


تـــــــــااااااابـــــــعـــــــــوووووووووونا
القصه الاولى سواق التاكسى والماتش
http://forums.msryat.org/showthread.php?t=229228

والتانيه قصه الموظف
http://forums.msryat.org/showthread.php?t=230089



والرابعة الانتريه
http://forums.msryat.org/showthread.php?t=232450


والسادسة الجوهرة
http://forums.msryat.org/showthread.php?p=2432867#post2432867
منقول

ام يوسف وياسين 04-27-2011 01:33 PM

يلا هاشوقكم شويه كده علشان اشوف هاتشجعونى انزل اول حلقه من السلسله ولا لأ

هارجعلكم كمان شويه

عايزة ارجع ان شاء الله الاقى ردود وتشجيع حلو

فى امان الله

ام يوسف وياسين 04-27-2011 02:26 PM

ايه السلسله مش عاجباكم ولا ايه ؟

مفيش تشجيع خالص كده ؟

ام يوسف وياسين 04-27-2011 03:49 PM

لا اله الا الله

رومانسى روش 04-27-2011 09:10 PM

موضوع جامد تسلم ايدك

ڪــــبرياء الروح 04-27-2011 09:54 PM

يعطيك العااافيه

ام يوسف وياسين 04-27-2011 11:05 PM

القصة الأولى
قصة سواق التاكسى والماتش



بمناسبة المباريات اليومين دول قلت ممكن ابدأ بالقصة دي
((((كان اليوم دة فى ماتش مهم وبما إنى معلوماتى عن الكورة معدومة. كل الى ممكن أقوله إن الماتش مهم..
..يوم من الأيام الى الشوارع بتبقى فيها فاضية وجميلة والناس بتأجل أى مواعيد لبعد الماتش ...بيتهيألى كده اتخيلتوا أهميه الماتش ...المهم عم حسن كان مضطر ينزل الشغل (طبعا عم حسن أكيد سواق التاكسى)وطبعا كان على عينه إنه مش هيشوف الماتش ولكن لازم ينزل أكل العيش بقى!!
طول ماهو ماشى فى الطريق يقف ويسأل زمايله فى التاكسيات والميكروباصات

(ها أخبار الماتش أيه؟؟ )

يطمن ويكمل سواقةوكل ما يركب معاه زبون يفضل يتكلم معاه عن الى هيكسب وعن الحكم وعن البلينتى الأخير و.....

وبعدين يوقف يسأل عن النتيجة وطبعا معروف مدى الفرحة لو جه جون ومدى التعاسة لو جه جون مضاد ومتابع كويس ولا كأنه كان بيتفرج على الماتش)))))

http://img202.imageshack.us/img202/6652/089t.png

قصه عم حسن قصة عادية جدا وبنشوفها مع كل عم حسن وعم إبراهيم و........و.......

لكن فى سؤال يبدو مضحك بيطرح نفسه

:أين كان عم حسن أثناء المبارة؟؟؟
أ_فى الأستاد ب_فى التاكسى

لو جينا للدقة
هو كان موجود ببدنه فى التاكسى وبقلبه فى الأستاد

إنتهت القصة ويبقى المعنى

http://img202.imageshack.us/img202/6652/089t.png

السؤال الأهم


طب يا ترى أحنا فين؟؟ وقلوبنا فين؟؟؟


***يا ترى أنت قلبك فى الدنيا غرقان فى متاهاتها حتى وقت الصلاة بدنك واقف أمام الله وقلبك فى الشغل أو فى مشكلة لدرجة إنك بتخلص مش عارف أنت صليت بأيه .

ياترى أحنا فعلا كل همنا الدنيا بنحزن لها ونفرح لها ونخطط لها وحتى وقت الاخرة فى الصلاة وفى المسجد برضة معاها

ياترى أحلامنا الى بتعبر عن عقلنا الباطن بنشوف فيها إيه؟؟
ياترى طموحاتنا وكلامنا أغلبه عن إيه؟؟؟

ياترى لو كل واحد سأل نفسه دلوقتى حالا قلبى فين؟؟؟
هتكون الأجابه ايه؟؟

وما أبرأ نفسى ان النفس لاماره بالسوء الا ما رحم ربى

ياترى أنت بتشتغل فى الدنيا وبتدرس وبتروح وتيجى فيها ببدنك لكن قلبك مع ربك ؟

ماشي فى حياتك عادى زيك زي غيرك بس ببدنك
ولكن قلبك مشغول بحاجه أسمى عمال تكلم الناس عن ربنا وعن الجنه وعن رحمته وعن قرانه وعن.حبه وعن رسوله...........
أفراحك فى كثير منها متعلق بالدين وأحزانك عشان تقصيرك فى حق ربك.؟



ولا ياترى أحنا فشلنا نكون أحنا و الدين

زى عم حسن والكورة

إنتظرونـــــــــــــــــــــــــــــــــــــــــــ ـــــــــــا

فى قصة جديدة

من سلسلـــــــــــــــــــــــــــــــــــــــة

http://img822.imageshack.us/img822/8591/tteetre.png

ام يوسف وياسين 04-29-2011 09:58 AM

هاه حلوة القصه ولا ايه ؟

ننزل القصه الجديدة ؟

شريف القناوى 04-29-2011 02:56 PM

اختى الغاليه
ام يوسف وياسين
اولا ارحب بيكى فى قسم القصة اللى نور بوجودك وربنا يخلى ليكى يوسف وياسين
بصراحة فكرة جميلة وعبقريه بجد ولقد قرات القصة الاول واعجبتنى جدا واعجبنى المعنى الحقيقى
منها واتمنى ان تستكملى تلك القصص ومعانيها الجميلة ليستفيد منها الكل
وربنا يوفقك وسوف اتابع استكمال تلك القصص وننتظر القادمة ان شاء الله
تقبلى مرورى البسيط بين عبير قلمك
اخوكى
شريف القناوى

ام يوسف وياسين 04-30-2011 03:19 PM

جزاكم الله خيرا وبارك فيكم

الله المستعان

هاكمل بأمر الله


الساعة الآن 03:07 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w