|
بخصوص الترشح للمتحدث بأسم الاعضاء السلام عليكم ورحمة الله وبركاته فى البدايه احب اشكر دكتور طارق على تنفيذ فكرة المتحدث بأسم الاعضاء واللى واضح انها نجحت جدا وكان اختيار موفق من الاعضاء لبنوته رقه انا شايفه ان الشهر ده الاقبال ضعيف على الترشح وده ممكن يكون راجع لانشغال الاعضاء بالامتحانات وحرام نخسر منصب زى ده عشان سبب مؤقت فأنا شايفه ان ممكن نمد الفتره لبسنت لو معندهاش مانع ونخلى التغيير يكون كل 3شهور حتى يقدر العضو او العضوة ينفذ باقى البرنامج بتاعوا فتره شهر قصيره جدا من وجة نظرى ارجو من الاداره و الاعضاء النظر فى الموضوع ونوصل لقرار يكون فى مصلحة المنتدى فى النهايه ولكم منى كل الشكر والتقدير بالتوفيق دايما تحياتى |
هو فيه اعضاء غائبة فى المنتدى لظروف وبتدخل بليل وبعدين الشهر دة كويس جداا ممكن بليل الاعضاء هاتقدم الترشيحات لمتحدث بإسم الاعضاء وبجد موضوع رشح نفسك لتكون المتحدث عجبنى وان شاء الله بليل هنلاقى اى عضوة داخلة هاتقدم برنامجها او كمان شوية نلاقى ولو كدة ننمدها شهر كمان |
دمعه حائره بصراحه انا معا الفكره انو يتم الترشيح كل شهر احسن علشان ندي الفرصه لااعضاء لو كل 3 شهور هيبقي فيه 4 انتخابات كل سنه وبكده الاعضاء مش هتاخد فرصتها لازم يبقي فيه جديد كل شهر وكل عضو ليه برنامج انتخابي ينفذه منربطش الاعضاء كلها باربع انتخابات كل سنه وباربع متحدثين هوه ممكن يكون في خمول اليومين دووال وده العادي علشان الامتحانات قربت ولازم يبقي فيه خموال بس بعد كده هتلاقي المنتدي نشيط اكتر من الاول بس انا معا فكره اني الانتخابات كل شهر ودي وجهه نظري الخاصه |
ايوه زي ما قالك أحمد كدا بالظبط أنا عايز اضخ افكار أكثر ,, و تدي فرصة أكبر و احتمال المتحدث باسم شهر مايو ياخد شهر يونيو معاه عشان هيكون صعب اني أتابع الموضوع في الامتحانات ممكن مؤقتا نمد الفترة الي جايه لكن في الصيف اعتقد بيبقى في اعضاء كثير و نشاط أعلى ففرصة اننا كل شهر ندي منصب لمرشح جديد |
انا كنت بقول نمدها الايام دى عشان غياب الاعضاء ومانلغى الفكره خالص وزى ماتحبوا كل شهرلو فى اقبال على الانتخاب شكرا على الاهتمام |
السلام عليكم لو تسمحولى اقول رايى .. بما اننا مقبلين على فتره امتحانات ... يتم تعيين احد الاعضاء المتواجدين بشكل منتظم فى هذه الفتــره (شهر مايو) ومن ثم وبعد نهايه مرحله الامتحانات .. يتم فتح باب الترشيح من جديد امام الاعضاء الكرام على ان تحافظ الاداره على فتره الشهــر لكل مرحلــه .. لكى نعطى عدد اكبر من الاعضاء فى تولى هذه المهمه .. و(لتداول السلطـه) .. والله الموفق |
هى كل شهر افضل ،، لى تجديد فكر المتحدث وكمان مينفعش نحكم على الترشيح من تانى شهر يعنى معروف ان الشهر دة التواجد من الاغضاء بيقل يعنى الحكم الرسمى على الفكرة بتكون بعد 7 شهور على الاقل يعنى عشان يكون لمسنا افكار مختلفة من اعضاء مختلفين والشهر دة حتى لو متررشح عضوين او تلاتة بس لازم نتابع ونهتم بيهم ،،، مش نلغى الفكرة ،، |
اولا مرسي يادمعه على اهتمامك بس زي ماقالو عوزين ندي فرصه لباقي الاعضاء عشان مبقاش طماعه حرام وبعدين كفايه عليا عشان عندي امتحانات برضو انا بعزك جدا يامنه وبشكرك كمان |
| الساعة الآن 08:14 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب