عضو جديد تحت المجهر ((رومانسي روش)) http://up.msryat.org/uploads/images/...1dd48f3682.gif http://up.msryat.org/uploads/images/...eed52244a2.gif اهرامكم ايه اثناء الحملة اللى عملينها عشان الأعضاء الجداد قررت انا ابوحميد باشا اني اشتغل كمان في الموضوع اه اصل انا مش اقل من طارق في حاجا http://up.msryat.org/uploads/images/...eed52244a2.gif دلوقتى بأه انا هشرحلكوا فكرة البرنامج البرنامج فكرتوه تقليدية جدا هجيب عضو جديد او عضوة جديدة ونحطوه تحت المجهر ونشوف بأه هنشوف ايه تحت المجهر خلاص بأه الفكرة خلصت http://up.msryat.org/uploads/images/...eed52244a2.gif عايزين بأه نرحب معانا فاول حلقة بعضو شديد داخل سخن اوي عمري فحياتى ما شوفت حد داخل بالطريقة دي من الاخر الراجل ده مخلص واسلوبه اكتر من رائع لفت انظار الجميع ليه معانا بأه رومانسي غير http://up.msryat.org/uploads/images/...eed52244a2.gif يلا بينا بأه ندخل في الحوار والأسئلة احنا عندنا تلات فقرات يلا نشوفهم سوا -((رومانسي روش ع الورق)) -الأسم : احمد ((ميدو)) -السن : 16 -الجنسية : مصرى والحمد لله -العنوان : المحله الكبرى -المهنة : طـــــــــــــألـــــــب ((رومانسي روش ف المنتدى)) -قولى بأه اتعرفت على المنتدى او دخلتوه ازاي ؟ عرفت المنتدى عن طريق بنت عمى نونا طبعاودخلت هنا مع بنت عمى خصوصا اما سمعت انه منتدى كويس -ايه كان اول انطباع ليك اول ما دخلت المنتدى انه منتدى كويس ومشهوور ومحترم -قولى ايه رأيك في طاقم الإدارة؟ جميل جدا -ورأيك كمان في المشرفين؟ برضوا كلهم تمام -ورأيك كمان في الأعضاء؟ مفيش اجمل واحسن منهم -طموحاتك ايه في المنتدى (عايز تبقى عضو عادي ولا مميز ولا مشرف ولا مراقب ولا إداري ولا جاي مع مين بالظبط)؟ اى انسان بتكون طموحاته عاليه اكيد ابقى ادارى وان شاء الله اوعدك يوم اما ابقى كده هظبطك هههه اما جى مع مين مع سواق التاكسى ههه -معدل المشاركات لكل يوم: 84.64 معدلك ده ولا سارقوه ههههههههههه يا عم ايه ده ده اعلى معدل مشاركات شوفتوه في حياتى حتى لو بالنسبة لعضو جديد بس ما شاء الله معدل رهيب جدا اوك جديد وكدا ولسه المعدل متظبطش صح بس كتير اوي بردو قولى بأه ناوي تبقى كدا ع طول ولا في الأول وبس وليه؟ هههه ان شاء الله اكون كدا على طول بدال فاضى -هل رومانسي روش ع المنتدى غير نفس الاسم الطويل ده على الحقيقة ولا الاتنين واحد؟ لاالاتنين ميدو -هل كونت اي صداقات ع المنتدى ولو كونت قولي كل اسماء الأشخاص اللى اتعرفت عليهم؟ لا لسه مفييش غير اختى نونا وبس -طبعا مش هقدر أسألك عن رأيك في اعضاء معينين انا عايزك تقولى كام اسم في المنتدى جذبوك ونفس تعرفهم اكتر ؟ طبعا حبيب قلبى ماتركس ومحمد لطفى وهمس وعاشقه الهدوء هزوره المصريه قلب فلسطين النآبض وهج الايمان غزاوية وافتخر علشان بنات جاده والشباب برضة تحس انهم ولاد بلد ((رومانسي روش ف الحياة العملية)) بصلى طبعا وبذاكر وبروح المدرسه وبنام وبقعد على النت يعنى انسان رومانسى عادى -عرفلي بأه رومانسي روش صفاتوه والحاجات اللى بيحبها وكل ده؟ طبعا اولا بحب الرومانسه المحترمه جدا ثانيا بضحك فى اى وقت حتى وانا حزين علشان الى قدامى ميشعرش انى حزين عصبى ودى مشكلتى شويه وبحب الخروج مع اصحابى وبحب الصدق وبحب ربنا والوالدين وانتوا كمان علشان متزعلوش ههههههه -انتا كاتب في بروفايلك الاهتمام بالمظهر والرومانسية قولي بأه بتهتم بيهم ازاي ؟ اكيد اى انسان بيحب انه يهتم بمظهره ادام الناس مش بس فى الشكل وضرب الجل ههههه كل شويه لا حتى فى الشخصيه اما عن الرومانسيه اكيد ببحث عن الحب والى اى شخص بيبحث عنه علشان الاقى الحب الكويس مش الخاين او بتاع المصالح وحتى لو لاقيته مش هبقى عيل واروح اقول بحبك وكده لا الحب انى انتظر لحد اما اكبر شويه علشان اكون قادر اعمل حاجه فعلا مش كلام وبس -احكيلنا عن اخوانك ؟ مليش غير نونا حبيبت قلبى ( مهند ) -احكيلنا عن اصحابك خارج المنتدى ؟ اكيد اى انسان عنده اصحاب بيبقوا منقسمين لقسمين قسم مؤدب وقسم يعنىمش مؤدب برضوا مصحبه بس مش معنى انى مصحيه يعنى اوووى لا دا هتحتاجه وده هتحتاجه بدال هم مش بيعملو فيا حاجه خلااص وطبعا الاصحاب مش بيبانوا الا فى وقت الشده والحمد لله صحابى كويسين جدا بس فيه بقى الى شايف نفسه وفيه الى واخد فى نفسه مقلب كدا يعنى وربنا يخلى هملى يارب ويخليكوا انتو كمان ليا -احكيلنا عن اسرتك ؟ الحمد لله احنا مش ناس اغنيه او فقيره لاناس متوضعه وانا بحمد ربنا على كدا لان الغنا مش كويس خالص والحمد لله كمان الوالد راجل محترم الناس كلها بتحبه والوالده برضوا كمان والحمد لله واحنا مقيمين فى السعوديه حاليا علشان الوالدين بيعملوا هنا -ايه هي طموحاتك في الحياة؟ اكيد الزوجه الصالحه واطلع ان شاء الله مهندس كمبيوتر وهصلحلكوا ببلاش http://up.msryat.org/uploads/images/...eed52244a2.gif منوووووووووووووووور يا بررررررررررنس وكانت حلقة توحفة يلا اسيبكم انا شوية تحياتى http://up.msryat.org/uploads/images/...e01835d987.gif |
حلقه نااااااااااااااااااااااااايس حلو نساعد بعض بحملة الاهتمام بالاعضاء الجدد استمر ا احمدز:vb18: يارب نوفق بحسن التعامل معهاهم ومنور يارومانسي روش اجباتك حلوه |
حلقة تحففففففففففففففففهـ رومنسي روش فعلااا اظهر نفسه في اياام معدودة يسلمووووووووووو يارومنسي على الاجابات الرااائعة ويا احمد على الحلقة الجميييييييييلهـ |
آهلآ رومانسي روش ,, حلقه حلوه وآجاباتكـ جميله عرفتني كتير من شخصيتك ,, نورت آلحلقه أحمد آختياراتك دايمآ مميزه بالتوفيق ليكم ... |
حلقة جميلة يا أحمد ،، واختيار مميز أحمد ( ميدو ) منور يا باشا واللهى ،، يعنى هليت اهلا ونزلت سهلا واجباتك بجد جميلة جداااااااااااااا / \ و عيزينك تستمر دايما ولو راسم على الادارة ان شاء الله هتجيلك بس قول يارب واحنا معاك ،، منور الحلقة وعيزينك تستمر دايما معانا ،، |
بجد حلقة جميلة احمد وضيف فعلا اكن له كل التقدير صاحب قلم جميل ونشيط جدا واتمنى له التوفيق داخل المنتدى وفى كل حياته واحنا كلنا بنرحب بيه وبعبير كلماته وشكر اخى احمد على المواضيع الجميلة دى القناوى |
برنامج حلو يا ابوحميد واكيد ضيف مميز وجميل منور الحلقه رومانسي روش المحلويه زادو واحد اهوه بقينا فالمنتدى شكلنا في تزايد مستمر يا جماعه ^^ بتمنالك التوفيق فالمنتدى ونشوف ابداعك الراقي والمميز في امان الله ,, |
حلقة جميلة ومميزة واتعرفنا على ميدو ونتمنى ليه التوفيق ومعدله في المشاركات ماشاء الله عليه تقبلوا مروري أحمد http://up.msryat.org/uploads/images/...a96373b2e0.gif ركن الزملكاوية ركن الأهلاوية |
مشكووووووووووور جدا يا حماعه على الكلام الحلو ده بس محدش يقر على المشاركات لحسن تتعب ولا حاجه الحسد مزكور فى القران ههههههههههه |
هههههههههههه ايه ياواد اتشهرت اسرع منا اتشهر يارب ياحبى بتميز دايما اختك |
الساعة الآن 01:02 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب