منتديات بنات مصر - الحلقه الثانية عشر من القلب للقلب ومعنا همس الجراح

اليوم معنا عضوه مشاكسه

هى دايما معترضه بس زى العسل

لها فكرها الواضح ...

طموحه جداا ربنا يوفقها معنا ومعكم

همس الجراح

تصفيق حاد

منوره قسم حــواء

ثانكس يا ساسو

عامله أيه يا قمر ايه مستعده ؟

واللهى لسة مخلصة غسيل ,, اعتقد مستعدة
وربنا معانا بقة .

الاول همس تعرفنا بنفسها ..

الاسم :
سوزان عطية

المرحله التعليميه :
معهد درسات اسلامية

عدد الاخوه :
2
شباب زى العسل كودة

العنوان :
هههههههه
شكلك جيبالى عريس يا سارة
كدة هيكون عندى امل
بس مش هتنازل عن سيف على خان
عيزة تبكل هوة بقة اتسرفى ^ـــ*

همس الجراح انسانه حزينه ايه سبب جزنك ؟؟

بصى انا واللهى مرحة جداا ,, بس
هدوئى بيقلب با حزن
عشان هدية على طول ,, ممكن بيبان با حزن
بس هو هدوء ,,

بس لما بكون حزينة بكون مجروحة مش بحزن اووووووى غير لما بتوجع قوى .

انتى البت الوحيده بالاسره ؟؟

اة فعلا ,, عشان كدة مدللة حبة
بس الدلل دة جة با شكل اجابى الحمدلله

طيب بتساعدى مامتك فى البيت ؟

هو ماما بقت بتعمل حاجة ههههههههه
اة يانى
بصى يا بنتى
انا تقريبن بقيت بعمل شغل البيت كلو
معادة تقشير البطاطس
ماما بتسعدنى وتقشرو
اختصار لى الوقت
ككككككك

ولما بتدخلى المطبخ أكتر حاجه بتعرفى تعمليها فى المطبخ ؟

بعمل كل حاجة الحمدلله
اى حاجة اخواتى بيطلوبوها بنفزها
وربنا يخاليلى النت
والشيف بتاع التلفاز
واللهى خدمنى جدااااااااااااا
لان بحب اجدد فى الاكل
وزى ما مندى بيقولى
عقى واحنا ناكل برحتكــ
بس مفتكرش عمرى بوظت حاجة .

أيه أكتر الاكلات اللى بتحبيها ؟؟ طيب بتعرفى تعمليها ؟؟

لو على لى بحب اعملها
المحرونة والمحشى
بموت فيهم كدة

اشرحى طريقة عمل الباميه :sadwalk:؟؟:vb1:

ههههههههه
سارة انتى مبتحرميش باين
حاضرين يا حبى
هشرحهالك
بسم الله

بتجيبى البامية الاول وبتظبطيها تشيلى
الطربوش لى فيها من فوق دة ,, ودلها من تحت

وبعدين تركنية ومتحطيش عليها ماية يا سارة
لان بتنزل سايل كدة ممكن تقرفى تطبخيها ..

وبعدين تيجى لى التسبيكة بقة
ودى الاساس
بصلة وبتخرطية

ومعلقتين سمنة كدة
وفصين توم
وبتحطى اللحمة
والصلصة
وتشوحة اللحمة مع البطل بقة والتوم اكيد
وبعدين تحطة الطماطم ,,
وتسبيها بقة لحد لما تتسبك ,, وطبعا اكيد هتظبطى البهاير

لى هو فلفل اسود وملح خفيف كدة ,, ولو عيزة
البشمهندس يقولك اعملى بمية كل يوم ,, هقولك على حاجة كدة فى السر تحطيها ههههه
سر الطبخة يعنى بلاش تسييح بقة
,,

المهم يا سوسو

بعد ما تتسبك ,, تغسلى البامية كويس جدااا

وضفيها مع الصلصة بقة
وتسبيها تطيب با رحتها وخدى بالك اللحمة لازم تطيب ,, ولو عازت ماية ضيفى بسيط بقة ,,

واخر حاجة لما تطيب البامية واللهمة
قبل ما تطفاى النار
فى حاجة اسمها ,, قزبرة ناشفة ,, بتاعت الملوخية يا سارة
هتعمليها مع فص توم كدة وبعدين تحطية
ومتصوتيش ههههههههههههه الصويت فى الملوخية بس ,,

و بكدة البامية خلصت وهتكون
تمامـ ,,,

الشيف همس ههههههه

بتمارسى رياضه ؟طيب ايه أفضل رياضة عندك ؟؟
يالهوى على الاحراج يا بشر
اة يا سارة
بلعب ضغط ^^
بقعد اجرى فى البيت كدة لحد لما اتعب ,,

وماهو ناديكي المفضل ؟؟ بما ان البنات أصبحت مهتمه بالكوره؟

انا زمالكاوية يا سوسو
مش من قريب من زمااااااااااااااان
جدااااااااااااااااااااااااا

تحبي القراءة ؟ وايه هوايتك التانيه ؟

اة جدااااا مدمنة قراية
وبحب اطلع جداا ,, لان بزود معلومات لان بتفدنى جدااااااااااا
خصوصة التنمية البشرية
بقيت بحبة جدااااا

هوياتى بحب اكتب ,, وارسم .

بتحافظي علي الصلاه في اوقاتها ( بصراحه ) ؟؟

بصراحة اة ولء

يعنى سعات بقوم اول ما الاذان يا أذن

وسعات لو بعمل حاجة بغيب شوية وصاليها
بس عمرى ما ضيعت صلتى
اة ممكن اتاخر بعد الاذان شوية
بس الحمدلله بقديها

ايه طموحك في الحياة ؟

طموحى ده لى تعبنى
بس ان شاء الله هحقق احلمى ,,
مفيش مستحيل , وافتكر متمنيتش شئ لء لو حصل بس بعد صبر
عشان احس با الشئ لى اتمنيتو

من هو قدوتكـ في الحياهـ ..؟؟

تيمو بصراحة
لان حببنى فى حاجات كتير ,,
توئم روحى ده
ربنا يخالهولى

أنتى مخلصه دراسه ؟؟ بتؤيدى عمل المرأه ؟؟
اة مخلصة دراسة
جدااااااااااااااا
انا شجاعت كتير من صحباتى يطلعو لى الشغل
لان البنت مش بتحس با قمتها غير لما تشتغل
بجد احساس جميل جداا
لما تحسى انك عملتى حاجة او خدمتى حد

أيه الوظيفه اللى نفسك تلتحقى بيها ؟؟

انا حاليا بظبط اشتغل با شهاتى
عشان احس انى استفت بيها

وبعد كدة ربنا يسهل فى فى دماغى حاجة كدة
لو حققتها
هحكمكم بعد 15 سنة با اذن الله
دة لو عشت اصلا يعنى ,, بس طموح بقة .

هل تتمنى يصبحو عيالك مثلك ؟

لا طبعا
احسن منى
يوسف وحبيبة
هربيهم تربية مختلفة جداااااااااااا
مش هطلعهم عادى كدة
ربنا يسهل ,,
ولو جوة يعنى هيطلعو يشرفونى ويشرفو بلدهم فى كل شئ
با اذن الله

اذا تضايقتي او زعلتي من شيء ايه اكتر شيء بتعمليه و يخفف عنك شويه ؟؟

بروح اعيط فى حضن اخوية ,, الوحيد لى بسمحلو يشوف دموعى

بصراحة برتاح نفسين جداا لما بيخدنى فى حضنو كدة ,, لان دايما بيحسسنى انو امانى
فى الدنيا دى .

لبسك دايما على الموضه ولا بتختارى اللى يناسبك وبس ؟؟ وأخبار الاكسسوارات معاكى أيه ؟؟

اكدب عليكى لو قالتلك مش بلبس على الموضة
هههههههه
بس كل شئ لى حدد
يعنى انا محاجبة وبراعى دة
لبسى محتشم الحمدلله
بيناسب استايلى
بس بحب اجدد ,,
الاكسسوارت
بقة حسب الطقم اية لونو
هيناسبو اية
بس سعات اخواتى مش بيرضو يخالونى البس
هههههه
خصوصا الشخاشيخ لى بطلع صوت دى
هى بصة وحدة افهم مطلوب اية اغيرو
,,

يوم فى حياة سومه من ساعه الاستيقاظ ..الى النوم ؟

يعنى كيف تقضى يومك ؟:006:

هقولك انهاردة
الجمعة
صحيت 10.5
دة معادى المقدس
لو صحيت قبل كدة اصحة مقريفة
لو صحيت بعد كدة ,, بحس انى زهقانة هههههه
لى هيقول البت دى كسلنة بجد هزعل منو

اول شئ بشوف الموبيل حد رن او رسالة ,, او مسجلة اى شئ على تاريخ اليوم دة
وبعدين اقول لى نفسى

بجد واللهى ,,

صباح البنفسج يا سومة ,, يالة اصحى كدة وصحصحى

بشجع نفسى يعنى
اقوم
يا ويلو لى بلقية نايم
لو مندى ماجز اروح ارخم علية
واعضو فى صوابوع
واسئلو سؤال مستفزززززززززز
انت نايم هههههههههه
على اساس انو بيطنطط على السرير
تيمو طبعا بيكون نايم كدة
ابوسو فى خدو واصحية براحة
مش بيرضة يصحة بعضو فى صوابعو بردو

وطبعا بيقومو الاتنين فى وقت واحد
ومن خدودى ويقرصونى
ههههههه
الحركة دى بتعصبنى
بس بعديها لان انا لى ابتديت با الرخامة

ودة اليوم والوحيد لى بنتجمع فية يوم الجمعة

بحضر الفطار

وبعدين مقعدش اكل غير لما بابا
يدينى فلوس
بحب اطمن على نفسى ,, الاول
خلص الفطار
كلو راح يصالى
نظبط البيت بقة
وظبتنا البيت
دوش على السريع
وبعدين ,,
اجهز الغدى
الساعة تيجى 3
افضل اجمع البنات لحد 3.5
وبعدين اقعد اشوف هكتب اية عشان لو دبسونى
وقالت كلمة فى البرلمان
نروح البرلمان على 54

نيجى 6 كدة ونص ,,

اقعد اريح ساعة
وحط الغسيل
اخلص اقوم اقعد على النت زى دالوقتى
وبعدين اعمل العشاة
وطفشهم من غرفتى بقة
ونااااااااااااااااام

دة اليوم كلو ,,

زكل يوم بقة حسب ظروفو
بس تقريبا يوم الجمعة هو لى مش بيكون فية اى جديد !!

قبل ما تخرجي بتقعدي تلبسي و تقفي امام المرايا كم ساعه ؟؟بينى وبينك :012:

امممممممممممممم
اية التسييح دة
بصى حسب الظروف
بس اقصر وقت ساعة لء رابع
هههههه

بتستعملي التليفون كم ساعه في اليوم ؟؟ومع مين ؟ تطفل هع :vb16:

بستعملو حسب لما حد يرن علية هههههههههه
ومش بسعات طبعا لية
هى موبنيل خالت الكلام ببلاش من غير علمى

ايه أكثر صفة تتمنيها في زوجك ( بصراحة ) :icon26:؟؟

واللهى حاجات كتير جداااااااااااا
لان هو كمان اكيد بيتمنة هو كمان
بس يكفينى اقولك انى نفسى فى راجل كدة
يفهمنى من نظرة عينى
لان بيجى علية اوقات مش بقدر اقول مالى ..فا لازم هو يفهم مالى من نظرة عينى

ايه اكتر صفه تكراهيها بالرجل ؟

ان تكون عنية زيغة ,, بجد بكرهم جدااااااااا
لى بيكون مختار زجتو بنفسو وتلقية بص لى وحدة تانية

علاقة سومه مع اسرتها شكلها أيه ؟؟

الحمدلله جميلة جدااااااااااا
لان انا بموت فيهم هما 4
وهما كمان
ودة فضل من ربنا

سومه تفضلى الارتباط عن طريق التعارف الاسرى ولا عن طريق الحب ؟؟ وايه رايك بحب النت ؟؟

بصى التعارف الاسرى كويس ووحش فى نفس الوقت
يعنى انا جالى كتير من حولينا اصحاب واخواتى
واهلى كدة ,, بس كانت بحس انو تقليدى جداا
و لى بيتقدملك كدة عارف عنك كل شئ وانتى بردو
تقريبا لو قعتو مع بعض مش هتلقى سؤال واحد تقولهولو عشان يجوبك
لان انتى بتكونى عارفة كل شئ من البداية
فا بيكون من الابداية فى خرص
انا عن نفسى مقدرش اقولك افضلو ولا لء
لان معرفش قدرى هيودينى لفين

لسة الحياة مستمرة ,,

النت
بصى يا سوسو ,, الحب من النت مش بيجى كدة
بيبدء با تعارف وبعدين حوار ,, ثم يقلب با حب
وطبعا بيكون فى احتكاك
يعنى مش هنحب فارة وكيبوت
لء
اكيد بيتعرفو على بعض ويشوفو بعض
عشان ولا هى تخدعو ولا هو يخداعها
انا نجحت قدامى جواز من النت
بس علاقة وحدة بس
وقدامة فشل 10
يعنى اى شئ فية احتمال الفشل والنجاح ,,
والنت وسيلة تعارف زى
ما ممكن حد يتعرف عليكى فى النادى الجامعة...
الــــــــــــــخ .

همس الجراح ومنتدى بنات مصــر

يا مراحب

تعرفتى على المنتدى أزاى ؟

اتعرفت علية با الصدفة
كانت قعدة بضور على الجديد عن الزمالك
فا قريت خبر فى المنتدى هنا فى قسم الرياضة
فا طلعت كدة عجبنى لون المنتدى
جريت ادور على هل فى قسم نقاش ولا لء
دة الاساس
لقيتو
تقليش لقيت روحى كدة
تابعت فية زائة يومين ,, وسجالت
ومكانتش بطلع برة قسم النقاش دة نهائى
لحد لما وحدة وحدة بقيت باخد على الاعضاء
وزى ما انتى شيفانى دالوقتى متواجد فى اقسام كتير

لماذا أختارتى لقب همس الجراح ؟؟ ممكن تفكرى بتغيره ؟؟

عمرى ما هغيرو لان دة بيدل على شخصيتى
وافتكر انا احتارتو لان هو دة انا

همس ,, صفة فية
الهدوء لى فى شخصيتى بيحول اكتر تصرفاتى لى همس ,, حتى صوتى هادى
وكان دايما استاذ رضا يقولى انتى همسة المدرسه ..
من كتر هدوئى يعنى ,,

الجراج دى نسبتها لى نفسى لان اتجرحت كتيرر جداا يا سارة
فوق ما تتخيالى ,,
عشان كدة
همــــــــــــس وفاصل بنهم قلبى وبعدين جراحى

مين هما أكتر صحاب ليكى بالمنتدى ؟؟

اكتر صحابى هدوء القمر اللى هى حنين
انتى , عاشقة الهدوء , نونا ,
سما , نودى , تقى , رفيف ,فلور
نوران , منة , فنكوشة ,هزوة .

دول لى بكلمهم دايماااااااااااا

بس كل البنات بجد بعزهم جدااا وبحبهم كلهم فى الله
بس دول اقرب حد لية يعنى

من الاعضاء اللى بتتمنى تشوفيهم بجد ؟

انتى يا سارة نفسى انزل دمنهور واشوفك
بجد ,, وقريب ان شاء الله

ونفسى اشوف حنين ونونا وهبة والبت سما كمان

لو أختاروكى للاشراف على احد الاقسام ؟؟اى قسم ستختارى ؟؟

مش هختار لان مش هيختارونى ههههههه !!

المنتدى بيمثل لهمس أيه ؟؟ وهل بتتكلمى عنه فى حياتك الخاصه ولا ده سر ؟

المنتدى بقة شئ مهم فى حياتى
لان اتعرفت عليكم فية بجد احل شئ هطلع منو من المنتدى الصداقة لى كونتها هنا ,,
سر ميييييييييين يا بنتى
انا حكية لى اهلى علية
واخواتى بيدخلو بيتابعو كل شئ هنا
بس مش راضين يسجلو

اخيراا كلمه توجهيها لمنتدى بنات مصر ...

أمممممممممممممممممممم

اقول

ان طالت الأيام ولم تروني ... فهذا كتآبآتي فاذكروني .. وإن سألتم عني ولم تجدوني .. فأكون وقتها بحاجة للدعاء ... وعلموا انه تم تسجيل رحيلي للأبد.. فادعولي

/
\
وبحبكم جميعا فى الله واللهى ,,
وياريت لو حد زعلان منى ,, يفتكر ان المسامح كريم ,,

http://forums.msryat.org/msryat_net1...t-bot-left.gif
http://forums.msryat.org/msryat_net1...-bot-right.gif