|
برنامج خفيف اوي علينا وخصوصا الاسئلة دخلتنا في جو رمضان اكتر كل سنة وانتوا طيبين ورمضان كريم عليكوا |
حلقة خفيفة وحلوة وضيف مميز واجابات متقنة مورشو ننتظر المزيد والمزيد يسلموووووووو |
حلقة جميله وروحانيه عيشتنا طفولة عاشق الصايم وعاداته ..:) وشبابة في الغربه اللي محرموش من روحانية رمضان.. ابدعت يا احمد في الفكره الطيبة دي وفي اختيار الضيف.. وكل سنة وحضراتكم طيبين |
برنامج جميل وخفيف وبيفكرنا بذكريات حلوة مع رمضان وعضو مميز وحلوة اوي الكلمات اللي قدمها عاشق ولهان عن رمضان |
حلقه لذيذه بكد تسلم الايادى |
الحلقة الثانية من ( رمضان يجمعنا ) معنا ( قلم بلا حبر ) بسم الله الرحمن الرحيم كل عام وانتم بخير و رمضان كريم النهاردة ثانى يوم رمضان وان شاء الله هنستمر فى تقديم برنامجنا البرنامج باختصار هيكون استضافه خفيفة عبارة عن كام سؤال صغيرين وفى اخر البرنامج هنشوف ضيفنا هيقدملنا اية ممكن يقدم . ( قصيدة - صورة - اعتزار - رساله - دعاء .... الخ ) المهم اننا ان شاء الله هنكون ضيوف خفاف عليكم انا وضيوفى . ودلوقتى تعالو نشوف ضيفنا الغالى قلم بلا حبر لما سئلتة عن الى بيعملة فى رمضان قال اية س / فى البداية كل سنة وانتا طيب ؟ وانت طيب وكل اعضاء البمنتدى الموجودين والسابقين بخير وان شاء الله صوم مقبول من الجميع س / ( شهر رمضان ) مش هسئل هو دا السؤال ^_^ ؟ قلب السنه الهجريه ,,, س / فاكر ايام الطفولة اكيد فى رمضان احكلنا عنها ؟ انت عارف لما تحاول تصوم وانت عندك 5 سنين ,, والاتصوم لحد العصر وتفطر ,,, ويالاسم لما قدرت تكمل او يوم وانت قاعد قدام الآكل ومتهيألك ان خلاص ممكن تضحى باليوم وتاكل وتريح معدتك اللى بتتقطع ,,, فاكر القرأن بصوت الشيخ محمد رفعت ,, والا العرق سوس ده كان اساسى ,,, والا فوانيسنا اللى كنا بنعملها بايدينا ,,, وياسلام لما الكهربا تقطع ,,, وفى السحور تسمع الطبله فجرى ورا المسحراتى ,,,, والا الفوازير والا الف ليله وليله والا حاجات كتيررررررر ,,, يمكن مهما كان رمضان دلؤتى فاكيد كل واحد بيحس ان اسعد ايام رمضان كانت مع طفولته س / فاكر اول سنة صومت فيها والا لا؟ كنت كام سنة ؟ سبقتك وجاوبت س / كل واحد بيبقى لية زكريات مع شهر رمضان اية زكرياتك ؟ الزكريات اغلبها بيتعلق بالمواقف اللى بتحصل فى الفطار والسحور ,, لان هم دول السمه المميزه لرمضان ,, فاكيد مر علينا كلنا انك تقوم من النوم وانت مفكر ان الفجر لسه مأذنشى فتشرب ,, وطبعا صيامك بتعرف بعد كده انه سليم ,, والا الفطار اللى دايما كنا نسمع متشربشى غير لما يتشاهد ,,, كنت دايما بعند وبشرب مع اول حرف فى الله اكبر ,,,, س / اية نظامك فى الصيام بتتعب والا الصيام بالنسبالك حاجا عادية احكلنا ؟ يا راجل ده انا بكسل اكل فى غير رمضان ,, فبالنسبه ليا يعتبر رمضان اكتر شهر باكل فيه بحكم انى مضطر اكل مرتين فى اليوم وانا ضامن انى حقعد مخصوص علشان اكل س / اكيد كل ما بنكبر بنحس برمضان مختلف اية احساسك دلوقتى واية الاختلاف الى حصل معاك ؟ قلتلك الكلام ده فوق ,,, ودى حقيقه دايما رمضان فى طفولتك زى اى حاجه انت بتعيشها فى المرحله بتكون بتتعامل بيها ببراءه ومن غير ما تحتاج تفكر لاى حاجه او فى اى حاجه انت بس بتعمل اى حاجه وكل حاجه ومن غير تفكير ,, ده لوحده قمة السعاده ,,, وكل ما تكبر تبدأ دايرة تفكيرك تكبر ومعاها الهموم بتكتر ,, وتفضل تكبر لحد ما تبئى مسؤول عن اسره فيبئى سعادة رمضان مش سعادتك انت ,, انما فى سعادتهم هم س / شهر رمضان يمكن لية روحانيات خاصه ( صيام - صلاة - التقرب من الله - المودة - الرحمة ) قولنا بتعمل اية خلال الشهر ؟ اكيد التقصير اللى الواحد بيقع فيه طول السنه بيحاول يعوضه فى شهر فضيل زى رمضان ,,, بس اجمل كلمه بسمعها وبتمنى اسمعها طول السنه وهى بتأدى نفس الوظيفه (( اللهم انى صائم )) س / يومك ازاى فى شهر رمضان ؟ انا حاليا فى الجيش ,,, لما اخلص ابئى اقولك س / عايزين نعرف فى بلدك بتستقبلوة شهر رمضان ازاى ؟ ده على اساس ان الضيف يكون من دوله تانيه غير مصر ,, لانى على ما اظن ان رمضان بطقوسه الشعبيه والدينيه شبه واحده فى مصر كلها ,, مع اختلافات بسيطه س / اية الحاجا المميزة الى بتعملوها فى شهر رمضان ؟ ان اللى واقف خدمه بيصحينا نتسحر :biggrin: س / بتابع المسلسلات والبرامج اكيد تفتكر اية السنادى هيكون مميز ؟ اكيد مش حينفع لنفس السبب اللى قلت عليه س / عايزك تقول كلمة للاعضاء بمناسبة الشهر الكريم ؟ يمكن انا مش دائم الدخول فى المنتدى بقالى فتره ,, يعنى دخولى ووجودى بيكون بشكل متقطع ,, بس بسمع احيانا عن اختلافات ,, وده مش وليد النهارده ده من زمان ,, ودايما بقول ان شهر كله خير ورحمه زى رمضان يقدر يصفى اى شوائب فى اى علاقات هنا فى المنتدى او بره ,,, س / اية رائيك فى التوبيك ؟ بصراحه سهرنى واحنا النوم عندنا بميزان س / اخيرا حابب تقدم اية للاعضاء بمناسبة الشهر الكريم ؟ اقدملهم اعتذار لاى حد اضطرته الظروف انه يفمنى غلط سواء بتقصير منى او بسوء فهم منه وبكدا تنتهى حلقتنا النهاردة اتمنى ان اتنال اعجابكم انتظرونى وحلقة جديدة من رمضان يجمعنا |
ههههههههههههههههههه إجآبآت سآخرة جدآ أخي سيد ،، مآ كنتش اتوقع كمّ السخرية دي يطلع منكـ :p هههههههههههه لآبجد ماشاء الله استصآفة جميلة أخي أحمد ،، خفيفة كدهـ ودمهآ لذيذ .. شكرآ ع البرنآمج :: وبالتوفيق :: |
ميرسي ع الحلقه الحلوة دي يااحمد ومنورنا اكيد قلم بلا حبر استضافهـ خفيفهـ ظريفهـ وفعلا رمضان يجمعنا في انتظار الحلقه الجاية ورمضان كريم |
حوار رائع أخي أحمد وحلقة جميلة وإجابات الأخ قلم بلا حبر راقية جدا ً مشكور ع البرنامج الجميل |
حوار جميل يا مرووشوو معا شخص ايه ليه مكانته واحترامه عندنا كلنا هوه الاستاذ سيد ربنا يعينك يا ابو السيد هوه الجيش الوحيد اللي بيفرق الاعضاء عن المنتدي ترجعلنا بالسلامه تنورانا اكتر من الاول ياريس بالتوفيق ليكم |
| الساعة الآن 12:47 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب