|
الحلقة العاشرة من ( رمضان يجمعنا ) معنا (الحان الورد) ( من القاهرة ) بسم الله الرحمن الرحيم كل عام وانتم بخير و رمضان كريم النهاردة عاشر يوم رمضان وان شاء الله هنستمر فى تقديم برنامجنا البرنامج باختصار هيكون استضافه خفيفة عبارة عن كام سؤال صغيرين وفى اخر البرنامج هنشوف ضيفنا هيقدملنا اية ممكن يقدم . ( قصيدة - صورة - اعتزار - رساله - دعاء .... الخ ) المهم اننا ان شاء الله هنكون ضيوف خفاف عليكم انا وضيوفى . ودلوقتى تعالو نشوف ضيفتنا الغالية الحان الورد لما سئلتها بتعمل اية فى رمضان قالت اية س / فى البداية كل سنة وانتى طيبة ؟ وانت طيب والمنتدى كله طيب وبخير س / عاملة اية فى حر رمضان دا ؟ ماشي الحال والله ،، صحيح احنا بنعطش بزيادة شوية بس لما المشقة بتزيد الثواب كمان بيزيد س / تقريبا اول مرة فى حياتنا يجى رمضان فى الصيف قوليلنا شايفا رمضان السنادى ازاى ؟ مش اول مرة ،، السنة اللي فاتت واللي قبلها كان رمضان في الصيف برده ^_^ هو رمضــآن دايما بيبقى مختلف من كل ناحية يمكن السنة دي مختلف عشان اول رمضان بعد الثورة وعموما قبل كده كان رمضان بييجي واحنا في مدارس وكنت بقضيه في السعودية ،، من ساعةرمضان مابقى في الصيف وانا بقضيه في مصر وفي مصر طبعا اكيد بيكون ليه طعم تاني س / روىء استقبلت رمضان 2011 ازاى ؟ بتحضير عدد كبير جدا من الدعوات ^_^ وكان نفسي اختم القرآن مرتين بس شكلي هختمه مرة واحدة س / اية الحاجات الى بتحرصى عليها قبل دخول شهر رمضان ؟ اعمل خطة امشي عليها في رمضان وابعد نفسي عن التلفزيون واقول لماما تجيب الفيمتو عشان العصير ده اهم حاجة :biggrin: س / فاكرة وانتى طفلة كنتى بتعملى اية فى رمضان والا لا ؟ واحكيلنا عن طفولتك ورمضان ؟ انا فاكرة لما كنت صغيرة وكان رمضان بيجي واحنا في المدرسة كانت بتدرسنا مدرسة طيبة جدا وكنت كل يوم الظهر كده تقريبا اروحلها واقول تعبت وعطشت ومش قادرة اكمل وهي تقولي انت لسه صغيرة لو عايزة تفطري افطري وانا مابصدق طبعا :biggrin: وكل يوم كنت كده وبرده كنت بحب احط الاكل على السفرة قبل المغرب بشوية واقعد اتفرج عليه عشان اختار هاكل ايه بالظبط >> مبحبش اضيع وقت :biggrin: س / اية الموقف الى حصلك فى شهر رمضان ومش قادرة تنسية ؟ مفيش حاجة في بالي دلوقتي س / المسحراتى يمكن كلنا بنحرص على مشاهدتة حتى الان ؟ المسحراتى عندك احكيلنا عامل ازاى وبيقول اية ؟ في بيتنا القديم كان بيجيلنا مسحراتي لكن دلوقتي مفيش كنت بقف في البلكونة عشان اتفرج عليه وبيقول طبعا اللي بيقوله اي مسحراتي ،،اصحى يا نايم وحد الدايم ،،بس غالبامكنش بيكمل :biggrin: س / فانوس رمضان وزينة رمضان من اهم معالم شهر رمضان ؟ روىء بتهتم بيهم والا لا ؟ بهتم بيه جدا ،، بس عمري ماجبته :biggrin: س / مين اول حد بيحرص انة يجيبلك فانوس رمضان ؟ وجالك السنادى والا محدش عبرك ^_^ ؟ محدش عبرني :biggrin: كنت هموت واجيب واحد ولما اقولهم يقولولي السنة الجاية ولحد دلوقتي مجبتش ): س / يمكن اسعار السلع الخاصة بشهر رمضان كل سنة بتغلا السنادى عندك فى البيت حاسة ان الامور طبيعية والا بسبب الغلاء حاسا باختلاف ؟ محستش اوي بالموضوع ده يمكن السنة اللي فاتت جبنا علبتين فيمتو السنة ده جبنا واحدة بس :biggrin: اساسا محدش بيشربه غيري في البيت س / الكنافه والقطايف من اهم الحلويات فى رمضان بتعرفى تعمليهم والا دورك الاكل وخلاص فى البيت ؟ القطايف علاقتي بيها مش كويسة :biggrin:،، كلتها قبل كده ووجعتلي بطني جدا ،، واتعقدت منها من ساعتها الكنافة وام علي بحبهم جدااااا وغالبا بساعد ماما شوية لكن لسه مااعرفش اعملهم لوحدي س / العزومات فى شهر رمضان يمكن من اهم جمال هذا الشهر ؟ احكيلنا لما بيبقى فى حد هيفطر عندكم بتعملى اية ؟ ودورك فى المطبخ اية والا مفيش ؟ بساعد في الاكل طبعا ،، وببقى مسؤولة العصير والسلطة ،، برتب البيت برده وبجهز السفرة وكده س / بتحبى تتعزمى وتفطرى خارج البيت والا بتفضلى الفطار فى البيت ؟ بحب اللمة في العزومات بس ماتبقاش كتير ،، لان الواحد مهما كان مابيرتحش غير في بيته س / بتنامى بعد الفطار على طول والا لا :bleh: ؟ لا مش بنــآم ،، ساعات ببقى مش قادرة اتحرك من كتر شرب المية والعصير:biggrin: لكن مش بنام س / تحبى تقولى اية لاعضاء منتدى بنات مصر ؟ رمضان كريم على الجميع وياريت نسنغل كل لحظة في رمضان في عمل الطاعات لان اوقات رمضان ماتتعوضش ومحدش ضامن انه يكون في رمضان السنة الجاية س / اية رائيك فى التوبيك ؟ جميل اسئلة متنوعة وحلوة بجد استضافة جميلة س / اخيرا هتقدمى اية امام اعضاء المنتدى ؟ دعآء لوحدة كنت اعرفها ،، السنة دي مش موجودة معانا في رمضان ،، ربنا يرحمها ويغفرليها ويسكنها الفردوس الاعلى ،، وكمان كلمة لاعضاء المنتدى زي ماقلتلكم استغلوا شهر رمضان وحاولوا تقللوا من التلفزيون والمسلسلات لان كل المسلسلات دي هتتعاد تاني بعد رمضان وهنشوفها لكن رمضان مرة واحدة في السنة ربنا يتقبل منا ومنكم اتمنى ان اتنال اعجابكم انتظرونى وحلقة جديدة من رمضان يجمعنا |
حلقه جميله يا ابوحميد وضيفه كمان جميله واجابات متميزه زيها بالتوفيق ليكم ملاحظه / هاتلك والد في البرنامج يا مروشو اهوه احسن يقوالو عليك عنصري يا ابني هوه البرنامج ده خاص بالبنات بس والا ايه يا عمونا مرووشوووكككككككككككككككك |
دمك خفيف بجد وعسوله ماشاء الله حلقه جميله تسلم الايادى |
حلقه جميله جداااا مجهود مميز يا ابو حميد الضيفه منورانا واجابتها جميله جداا ربنا يوفقك ان شاء الله وتعرفى تعملى الكنافه:Ts_011: |
اجابات حلوه يا قمر وصحتين عليكي الفيمتوا |
حلقة حلوووووووووووووووووة يا مورشو .. ونورتى يا الحان الورد ردودك جميلة يسلموووووو |
ماتركس شكراً على مرورك الجميل نورت Lazeza تسلميلي يارب نورتِ الموضوع elmagic ده نورك تسلم على المرور ربنا يسهل بس اتعلم ام علي الاول عشان بحبها اكتر :biggrin: silver flower الاحلى مرورك تسلمـي (: Ahmed seven شكراً ليك على مرورك نورت |
ربنا يتقبل منا ومنكم رورو وكل عام وانتي بخير أجواء رمضانية حلوة واكيد تأمل السفرة قبل الإفطار شي ممتع :) استمتعنا معكـ ومورشو يعطيك الف عافية وميتين يسلمووووووووو |
الحان عسولهـ اوي واجاباتها حلوهـ): ماشاء الله كل سنهـ وهي طيبهـ |
حلقة حلوة جدا وايجابات الحان لطيفة جدا تسلم ايدك يا الحان على كلامك وايجاباتك عجبتني حكاية الفيمتو دي :) و تسلم ايدك يا مورشو على الاستضافة والمجهود الموفق ان شاء الله ارق تحياتي |
| الساعة الآن 11:00 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب