| ♥..pure | 08-30-2011 03:33 PM |
" العصــابة " وأولى حلقاتها مع dr.sma
http://forums.msryat.org/image.php?u...ine=1302260623
......
وبدون اى مقدمات ..,, نبدأ بـ الحلقه ,,
فقرهـ لقطات بسيطه من مفردات حياتكـ ,
[ كلمه ] تقوليها لنفسكـ ..؟؟ اسفه .. حملتك فوق طاقتك كتير .. حد قالي قبل كدا مشكلتك انك بيهمك الناس اللي حواليكي اكتر من نفسك .. فبتظلميها وبتظلمي اللي بيحبوكي على حساب راحه الناس [ مـوقف ] صدمك ولـن تنسـيه؟!؟ موقف وفاه بابا لاني كنت هنافمصر وهم هناك في السعوديه والوفاه كانت فجأه في حادث فكان شئ غير متوقع وبعيد عن التفكير فجأه لقيت الخبر بالشكل دا وكنت قلبها مكلماه وحاجز لسا عشان اسافر لهم والوضع في اتجاه تاني خالص فكانت الصدمه فوق احتمال استيعاب عقلي ومشاعري لان بابا كان بالنسبه ليا حبيب واب واخ وصديق وفقدانه هز مشاعري كلها وفقدني القدره على تصديق اى مشاعر احس بيها بعده [ جــريمــة] تتمنـــي لـــو تستطيـــعي ارتكابهــــا؟!؟ جريمه قتل للغربه .. لانهاهي اكتر شئ دمر حياتي بشكل كبير .. غيرت طريقي تقريبا من الشرق للـغرب .. افقدت الواحد حاجات كتير وكان تمنها اكبر مما يتختلها اى انسان لكن منكرش اني اتعلمت منها كتير .. فعلا .. لو كانت الغربه شخصا لقتلته [ شـخــص ] تتمنــي الإنتقــام منـه ؟ الانتقام مش وسيله بفكر فيها تجاه اى شخص سواء زاد ظلمه ليا او لأ لاني بعتبر الانتقام ضعف نفسي بيمر بيه الانسان للي معندوش ثقه في ربنا وفي القدر والحمد لله ممرش في حياتي حد انتقم منه وحتى اللي حسيت منهم بظلم لسما عندي ليهم طريقتين اني اسامح لو قدرت او اسيب الحساب لرب الخلق يوم الحساب ومش بسامح بسهوله علفكره ..,, [ حاجز] تتمنى وضعه للآخرين .؟؟ تعاملي مع الاخرين محدود بشكل كبير .. يعني مش محتاجه احط حاجز .. الحاجز محطوط لوحده بشكل تلقائي بسبب طريقه التعامل ودا مش معناه ان الواحد جاف التعامل ,, لكن بتعامل بشكل معين مع الكل الا المقربين جدا مني ودول قليلين اوي ومش بحط حاجز في وضعي معاهم ,, [ ورقه ] من حياتك تود ان تحرقيها ؟ السنه اللي فاتت بكل اللي حصل فيها :Sh_022: .. مش عاوزهـ اقول كل اللي عرفتهم فيها لان فيه ناس عرفتها تستاهل وفي ناس عرفتهم مكنتش اتمنى اعرفهم او مكنتش اتمنى اعرفهم بالشكل دا سواء كان أب او اخ او اخت او صديق او صديقه .,, في ناس مكنتش تستاهل اللي قدمته علشانهم وفيه ناس تستاهل اكتر من اللي قدمته ليهم ,, [ حلم ] لا تستطيـــع تحقيقه؟!؟ حلم الوطن ..,, يمكن محدش يفهم او يحس بيه الا اللي جربه ... كان حلمي ان بابا وماما يرجعوا يعيشوا معايا ..,, لاني بسبب الجامعه عشت بدونهم فتره كبيره لكن قضاء ربنا ان بابا بعد فراقي معاه بسبب الغربه يكمل بفراق الموت ... وبكدا مات حلمي معاه ,,
...............
فقر هـ انت والمنتدى ..,,
س / اهلا بيكى فى المنتدى بعد غيابك لفترة اعتقد مش قليلة ؟
اهلا بالمنتدى كله
ايوة مش قليله حوالي 3 شهور
بس مش تقصير مني كانت ظروف بغير ارادتي س / احنا هندخل فى الموضوع على طول ؟ اية اخبارك فى قسم ( بقلم الاعضاء ) ؟ مش تمام بصراحه لإن وجودي فالقسم قليل جدا جدا وده بسبب دخولي القليل فالمنتدى فالفتره الحاليه يمكن مش بس قليل ممكن اقول منعدم
س / يمكن الفترة الاخيرة شوفنا تم نقل مواضيع ليكى كتيرة من ( قلم الاعضاء ) لــــ ( الابداعات ) ؟ لية تم نقل مواضيعك ومين الى قام بنقلهم ؟ هم مش كتير ولا حاجه اظنهم موضوع واحد وتم نقلهم لان أ\سيد << قلم بلا حبر >> رجع قوانين القسم القديمه بمنع الخواطر فنقل آخر مواضيع موجوده فيه وهو الي نقلهم س / مش غريبة مشرفه قسم زى ( قلم الاعضاء ) يتم نقل مواضيعها لان المواضيع مش فى قسمها الصحيح ؟ مواضيعي كانت فالقسم الصحيح لان انا مسكت القسم وهو مسموح فيه الخواطر وكل حاجه طالما بقلم العضو
وقلم بلا حبر وقتها مكنش متواجد والقسم كان شغال على اساس كده
هو لما رجع رجع القوانين القديمه بدون علمي وده الي سبب نقل مواضيع كذا حد س / اية هو دورك الاشرافى فى قسم ( قلم الاعضاء ) رغم وجود مشرفة اخرى ومراقب ؟ اكيد لو مكنش ليا لزمه مكنتش الاداره مسكتني اشراف القسم وبعدين قلم بلا حبر كانت ظروفه مخلياه مش متواجد وكمان رحيق فطبيعي وجود مشرفه موجوده
اما دلوقتي قلم بلا حبر متواجد وانا الي مش متواجده س / غريبة ان المواضيع المتثبتة فى القسم كلها للمراقب العام ما عدا توبيك واحد فقط وتقريبا محدش بيدخلة من شهرين ؟
ده لانه هو اول حد مسك القسم وقوانين القسم وكل حاجه هو الي مثبتها اما مواضيع المتثبته فمعظمها جديد لانه لغى تثبيت القديم ونزل مواضيع جديده على رمضان
ومفيش غيره فالقسم دلوقتي تقريبا س / انتى صحيح طلبتى من ( قلم بلا حبر ) انك تكونى مشرفه ( الابداعات ) ؟
لا مطلبتش ابدا الطلب ده انا كل الي قولته اني واخده قسم الاقلام وهو مسموح فيه الخواطر واذا كان القوانين القديمه رجعت فأنا معرفش فالقسم حاجه ومليش لزمه فيه
بس اتكلمنا وشوفنا هنعمل ايه وان شاء الله قريب الظروف تتغير والقسم يرجع احسن من الاول س / شايفا قسم ( قلم الاعضاء ) ازاى الفترة الحالية ؟ نايم حبتين تلاته بس قريب هيكون كويس جدا ان شاء الله س / يمكن فى شكاوى ان القسم اصبح مهمل ؟ الكلام دا صحيح والا لا ؟ طيب م انا قولت اهوه <<نايم حبتين تلاته بس قريب هيكون كويس جدا ان شاء الله
س / فى حاجا جديدة هتعمليها الفترة الجاية عان القسم والا مش هتقدرى تشتغلى لوحدك لعدم تواجد ( رحيق ) و ( قلم ) ؟
مش لوحدي ولا حاجه
قلم بلا حبر ان شاء الله هيكون متواجد قريب على حد علمي وان شاء الله نحاول نشتغل وعلى الاقل ننشط البرامج الموجوده ده إذا معملناش جديد
س / تحبى تقولى اية ( لرحيق الجنة ) و ( قلم بلا حبر ) ؟ رحيق معرفش عنها حاجه للأسف ,, انقطعت اخبارها مره واحده بدون اسباب
اكيد ليها اسبابها واتمنى نتطمن عليها قريب
قلم بلا حبر انسان بحترمه جدا واتمنى مشاركته معايا فالقسم ووجوده عشان نعوض غياب مشرفي القسم الفتره الي فاتت س / فى اختلاف حصل فى المنتدى فى الفترة الى غبتى فيها ؟ اه اختلاف كبير جدا
المنتدى محتاج نشاط جامد فكل اقسامه لانها نايمه بشكل كبير وده دور المشرفين لان احنا فأجازه والمفروض ان ده وقت المنتدى عشان يصحصح شويه ^^
س/ في ناس بيقولوا ان وجود نور بيشكل كتير في نجاح سما في المنتدى على اعتبار انكـ اخدتي الاشراف معاها في نفس اليوم بالرغم انها تسبقكـ بسنة تقريبا ؟؟ بص اولا انا كنت مشتركه في منتدى تاني قبل دا وعندي خبره بالمنتديات
يمكن نور ساعدتني انها عرفتني على المكان والناس وقصرت عليا الطريق
بس اعتقد ان المجهود محدش بيدخل فيه ... واكيد الاداره شايفه اني استاهل الاشراف
واعتقد كمان ان في نفس التوقيت نور انقطعت عن المنتدى ورجعت معايا ودا سبب تأخرها عن الاشراف ..,, س / اية رائيك فى الاستيل الجديد للمنتدى ؟ الاخير ده حلو
بس الي قبله كان صعب اوي
مش مريح ومعجبنيش واكتشفت انه مش عاجب ناس كتير كمان س / تحبى تقولى اية لاعضاء المنتدى ؟ كل سنه وانتم طيبين وربنا يجعل ايامكم كلها سعاده
واتمنى تكونو فأحسن حال
وخدو بالكم من المنتدى عشان هو مكان مهم اوي لينا كلنا
كفايه انه بيعرفنا على اصدقاء وناس جديده عمرها ما هتتنسي ابدا
بتمنالكم التوفيق سواء هنا او فأي مكان ,, س / اية رائيك فى التوبيك ؟ يارب يبقى كويس
انا اول استضافه فمقدرش احكم عليه طبعا لسه
لكن بإذن الله يكون حلو خصوصا ان الاسئله عجبتني مع انها صعبه شويه << اسئله فارما ^^>>
لكن شايفه ف التوبيك اسلوب جديد منها
.......
فقرهـ اقتباسات من كلامكـ ,,
اقتباس:
افقدتني ثقتي بمن حولي
علمتني ان يقسو قلبي
وان يسبقه عقلي
واوضحت امامي كيف انا مهمه لنفسي
وانني اهم واكبر من الجروح
ولكني تعلمت منك ايضا
ان هناك من يستحق الحب والاحترام
وانت اولهم حتى بعد ما صار
يكفي انك كنت لي رمزا وقدوه
اما الان فأنا اشكرك لأنك علمتني
نعم ومؤكد جرحتني
وصدمتني وخذلتني
| جميل انكـ تكني لـ قدوتكـ الحب والاحترام
بس اعتقد انه مش جميل ان قدوتكـ يخذلكـ !!
ايه السبب في كدا !! ياريت توضحيلنا بصراحه معنى كلامكـ .,,
قدوتي مخذلنيشي .. ولكن كان هناك فكره رفضتها لاني مش مؤمنه بيها فدا كان سبب الخلاف
وانا مش بحب اتنازل عن مبادئي لاني لما بتنازل عنها بخسر كتير او بمعنى اصح انامش بحب اخسر حد عشان حد تاني مهما كان هو مين بالنسبالي
واللي يحب يخيرني بين فراق حد تاني وبينه فـأنا بختار الحد التاني لانه مجاش زيه وخيرني الخيار دا
اقتباس:
غريبهـ تلكـ الغربهـ
بهـا الهدوء
وبهـا عدم الامـان
بهـا المـال
وبهـا عدم راحـه البـال
نظل بعيدين تائهين في دنيا من البسماتـ الكاذبهـ
ولا ندركـ ذلكـ الا بـعد ان نصبـح جزء من تلكـ البسمهـ
عندما تبـتسم شفاتنا
ولا تبـتسم قلوبنا
لا تــرى دموعنـا
ولكن نحس بهـا في قلوبنـا
ينظر اليكـ الناس نظرهـ السعادهـ
ولكنهم لا يدركـــون مـا بداخلنـا
| تعرضنا لغربه كتير .. اظن انكـ عايشاها بقالكـ 6 سنين
واضح من كلامكـ معاناتكـ لها
بس الاصعب وحدهـ وغربه في بيتكـ وسط اهلكـ
حدثيني عنهما .. وفق ما عشتي انتي
جربت كل انواع الغربه .. جربت غربه داخل الوطن وغربه خارج الوطن ..
غربه داخل الوطن لما جيت مصر عشان الجامعه وسبت اهلى هناك كانت غربه مضاعفه لان الغربه خارج الوطن بيكون الاب والام والاخوات فيها مصبرين الواحد
اما في السن الصغير اللي هو انا يعني ^^
كان صعب اني اتحمل مسئوليه نفسي ودراستي بشكل كامل بعيد عنهم ومعوضنيش او مصبرنيش الا وجود صداقه في حياتي ,
وغربه خارج الوطن ودي معروفه بالنسبه للكل وبتكون اهون كتير من الغربه داخل الوطن
وفيه غربه تانيه اصعب منهم كلهم
وهي غربه النفس ودي انا كتبت عنها كتير لانها بتفقد الانسان مشاعره
تفقده احساسه بمصداقيه اللي حواليه حتى لو حواليه حد صادق وبيحبه بجد بيخاف يصدق
اقتباس:
استباحو النظر الينا
ونسو حرماتهم
ونسو اننا كأخواتهم وان لنا اخوة مثلهم
نسو ان هناك يوما
ترد فيه المظالم
فمن استباحنا
استبيح اهله
فإنعمو يا من ظننتونا سلعه رخيصه
فنحن اعلى واكرم واغلى من الرد عليكم
وانتم من قل قدركم في عيوننا وعيون كل من عنده ضمير
سننتظر يوما قريب
| واضح من كلامكـ انكـ اتعرضتي لـ معاكسه وفرض الغير عليكي ::
اتكلمي عن التجربه دي !!
مكنتش تجربه ولا حاجة
بس هو كان مجرد موقف ومضايقني حبتين فكتبت عنه
وهو فعلا المعاكسات .. لاني شوفتها بشكل كبير الفتره دي
اقتباس:
عن ماذا ذهبنا لنبحث
عن حب وسط عالم ليس به قلوب
ام عن ثقه بعالم ليس به ضمير
ام عن حنان وسط بشر فقدو ذلك الاحساس
ام عن امان وسط غابه من الاشواك
دائما ما يحاط الورد بالاشواك
ولكن ما هو شعورك
عندما تحاول ان تصل الى الورد
| وانتي ذهبتي لحد فين يا سما !!
وياترى وصلتي لفين .. وهل الطريق كان صح ولا ندمتي في اخرهـ ,,
لمكان مكنتش حابه اوصله !!
خسرت حاجات مهمه جوايا يمكن محدش يحس اني خسرتها
بس بالفعل خٌسرت ..,,
يمكن اللي حواليا يحسوا اني واخده الامور بشكل عادي وببساطه
لكن اكيد مأثره فيا كتير
يمكن كنت ماشيه صح بس الطريق نفسه هو اللي كان مش مناسب
ومندمتش في الاخر لاني مكنتش غلطانه ::
اقتباس:
سأنتظر حتى اعرف اين مستقر بي البحر
واين سيقف ف نهايه المطاف
حتى لا اندم على الابحار
فالبحر جميل ولكنه واسع وغدار
وانا اخاف كثيره من العوم فيه
ولن ارمي بنفسي قبل ان اثق بالمنقذ البحًار
| سأنتظر !!
انتي بترجحي انكـ تقفي مكانكـ وتستني قدركـ
ولا بتسعي لقدام وتحاولي تحققي اللي عاوزهـ ,,
لا بقف مكاني ولا بحاول اوصله ..
بسيبه يمشي وبمشي معاه يعني بعمل اللي عليا وبستنى اللي هيجي
.................. اقتباس:
انا من تغير
كنت ارى كل شيء جميل حتى انني كنت ارى السيء جميل اعرف ان هذا كان خطأ
ولكن عندما افقت من غفلتي وعرفت خطأي كانت كل النظره الجميله التي في عيني انقلبت للضد
اصبحت ارى كل شيء سيء
| يعني انتي عارفه انكـ متغيرهـ !!
طب للاحسن ولا للاوحش ..
وليه حاسه ان اللي حواليكي كلهم سواد @
مش حاسه انهم سواد بالعكس
في ناس حواليا كويسين
والكلام دا كنت كتبته لما نزلت من السعوديه
مكنتش شايفه الناس سواد كنت شايفه الدنيا نفسها هي اللي مش حلوه
ودا كان شعور مؤقت مش اكتر
............
ياريت تعجبكم الحلقه ::
واتمنى انكو تقولوا رأيكم بصراحه .,,
|
|
