تعريف بسيط عن احمد فـ -5- سطوور ؟
انا انسان بسيط طيب وعنيد شويه
كل اللى بأسعى اليه فى الحياه
انى اتوفق فى دارستى اولا وبعد كده
الاقى الانسانه اللى تقدر تشيل اسمى
واكون جدير بثقتها فيا
قولنا بقى كل ناس بتقول دا جيل فاشل
انت اية رائيك انت في الحكاية دي؟.
اى كلام فاضى معقول :vb5:
الكلام دا زى اللبانه فى بوء الواحد
وفى عصرنا دا
الجيل الفاشل اللى بيقولوا عليه
هو السبب دلوقت فى ان تسود حرية ابداء الاراء بين افراد المجتمع
وهو كل فتره عمريه وليها ظروفها
وانا طبعا مش هأقدر اقول ان الشباب كلهم كويسين
ولكن فيه الكويس والعاقل والرزين وفيه العكس
المشكله بقى ان الناس بتعمم الحكايه
و انت شايف جيلك ازاي؟
شباب واعى وعارف مستقبله كويس وان شاء الله
مصر هترجع زى الاول وأحسن بفضل الشباب دى
قولنا فكرة عامة عن اغلبية الشباب سواء بنات او ولاد دلوقتي؟
يعنى معظم الشباب دلوقت بيسعى لبناء مستقلبه علشان
يقدر يعيش فى حياته ويعيش كل فرد مع الانسانه
اللى بيحبها ويقدر يحميها ويصرف عليها
اكيد اتعملت مع شباب كتير
هم شايفين حياتهم ازاي ؟
والله بصى يا ست دعاء
نص بيقولك انا رايح قال بكره مع الموزه بتاعتى
اظبط الليله بقى واعيش
وانا قال امبارح كنت مع الحته دى والكلام العبيط دا
ويقضيها كده طول عمره وفرحان باللى بيعمله دا ودا النص الفاشل من الشباب
ونص تانى عارف مستقبله كويس وبيسعى لتحقيقه
وبيعتمد على ربه فى كل اموره وماشى على الصراط المستقيم
دا النص التانى الكويس منهم
((انتو عيال فاشله,فين ايام زمان,واحنا كنا نقدر كذا كذا و كذا))
طبعا دا الكلام الي بيقعد يقولو اهلنا
انت اية رائيك اية الي حط الفرق دا بين زمان و دلوقتي؟
و انهي احسن؟
المسميات دى ( جيل فاشل وضايع ...ألخ )
دايما زى ما قولت بتبقى زى اللبانه فى بوء ولى الامر
يعنى على سبيل المثال
انا عندى جدى مظبط اولاده خصوصاً الكبير
بيقولوا يا أبن الكلب يا صايع يا ضايع .... ألخ
ههههههههههههههههههه
والواد دا اللى شايل البيت دلوقت
بما ان جدى كبير يفوق الـ 75 سنه
والواد دماغه جامده من الاخر
انا مأعرفش ليه اولياء الامور بيقولوا كده
ممكن تكون حاجه فطريه جواهم بما انهم جيل أسبق
واحنا جيل النهارده !! وطبعا شباب اليوم بيدعوه للحريه والديمقراطيه شباب عشره على عشره بجد
ولكن يوجد ألاقليه منهم فى الضياع
بما انك واحد من الجيل دا قولنا بقى:
ازاي بتقضي يومك؟
عادى جدا ممل مستمر والله الواحد عايش فيه
زى ما يكون روتين معين ماشى بيه بأصحى الصبح لما اخلص اللى ورايا بأقعد على النت وممكن اروح اجيب طلبات وارجع تانى وبليل بأخرج مع صحابى وبالمثل فى اى يوم تانى
ازاي بتختار اصحابك؟
هو الواحد مش بيختار اصحابه
من تعاملى مع الشباب وبالعشره بتتولد بينا الصحوبيه
هل تقدر تعيش من غير انترنت؟
لاء طبعا ، النت فيه افاده كبيره بعيده عن الجزء الترفيهى يعنى مثلا دلوقت انا بدخل الموقع الخاص بالكليه بتاعتى بأشوف المواد اللى فيها والنتايج والدكاتره وكل حاجه وكمان حاجات كتير تانيه بأستفاد منها من النت
هل انت شايف نفسك فاشل؟
لا الحمد لله انا راضى عن اللى بعمله
و دارستك بالنسبة ليك اية او كانت اية بتهتم بيها ولا؟
لازم اهتم بيها لانها مستقبلى اى نعم انا مش بحب الدراسه
ولكن دا أمر لابد منه
بس انا دراستى بعد كده هتلين شويه
الاول الثانويه كان ليها دماغ خاصه ومذاكره ومتابعه بأستمرار
دلوقتى مرحله جديده تماماً والمذاكره مؤكد مش هتكون
زى مذاكره الثانويه هيبقى مجهود أقل شويه وكله بيعدى ياختى
مظهرك بتهتم بيه..ازاي ؟
طبعا ولكن مش بأقعد ساعه ولا ساعتين قدام المرايه
اهو الواحد بردوا بيحافظ على مظهره بقدر الامكان
ويحاول انه يكون مظهره مقبول قدام الناس
طيب قولنا من وجهة نظر جيلك:
جيلك ازاي بيحافظ عـ مستقبله؟
بالعلم والعمل الجاد
وان الواحد يحط امل وحلم قدامه
ويسعى علشان يحققه ويوصله
جيلك شايف مصر ازاي الايام دي ,, وبيحاول يغير ايه و يعمل ايه تجاه بلده ؟
أم الدنيا كلنا بنسعى لحماية وأمن وأمان البلد
واحنا بنغير كل الانظمه الفاسده اللى كنا عاشيين بيها
وبنخلق نظم جديده متطوره خاليه فى الفساد اللى كان
شغال فى الاول وطبعا كلنا دلوقت بنحاول نحمى بلدنا بالحب والتعاون من كل فاسد فكر انه يخرب البلد ويهدمها
جيلك شايف الدين ازاي؟
يعنى مش كل الشباب مهتمه بدينها
وبالنسبه لأصحابى الحمد لله متدينين وبيصلوا
وانا الحمد بصلى ولكن فيه شباب تانيه مش مهتمين بصلاتهم
نعيب زماننا و العيب فينا و ما لزماننا عيب سوانا
اية رائيك في البيت دا؟
اه انا معاكى فى المقوله دى
الزمن ملوش دعوه بحاجه والعيب دايما بيكون فينا احنا
وجة كلمة لشباب جيلك؟
ربنا يهديكم ويحميكم وتتوفقوا فى حياتكوا
العلميه والعمليه ان شاء الله
وان مفيش حاجه بتيجى بالساهل
لازم تتعبوا علشان توصلوا لهدفكوا
< من جد وجد ومن زرع حصد >
شكرا دودو للاستضافه الجميله
معلش بقى رغيت كتير
اتمنى اكون عضو خفيف
تحيــاتى
Ahmed
..*..*..*..*..
احمد...
بجد اجاباتك عجبتني جدا
مختلفه عن اجابات اي حلقه قبل كدا
ربنا يوفقك يـ رب فـ حياتك الجايه
كانت حلقه متميزه معاك
و استمتعت بيها اوي
شكرا لـ قبولك الاستضافه يـ احمد
نورت البروجرام كلو
يـ رب الحلقه تعجبكم
كان معكم
dodo
منــ امـامــ قسمــ اليومياتــ
