منتديات بنات مصر - < حوار ساخن جدا مع المتميزه dodo حول حملتها no boys >

مسائكم صباحكم فل وياسمين

اهلا بكم فى حوار ساخن جدا مع رئيسة عصابة البنات
صاحة المرح والتميز
صاحبة الشقاوه
رئيسة حملة noboys
مشرفتنا المتميزه مشرفة قسم الالعاب
♥ d O d O ♥

خلى بالك من دودو

http://forums.msryat.org/image.php?u...ine=1317039072

بما انها كانت هى رئيسة الحمله حبيت اعمل معاها حوار
بخصوص حملة no boys
تعالو نشوف هى هتقولنا ايه

اولا شكرا يـ لولو عـ الاستضافه العسل دي

ميرسى يادودو منوره

فى البدايه كدا يادودو انت سميتى اسم حملتك no boys عايزين نعرف منك انتى ليه اخترتى الاسم ده بالتحديد ؟

عادي يعني بما انها كانت حمله ضد اولاد المنتدى فـ سميتها noboys لا للأولاد

طب قوليلنا كان ايه هدفك من الحمله دى موقف هجومى ضد الولاد
ولا التحدى ولاانتى ليكى راى تانى احكيلنا عليه ؟

الموضوع كان عادي جدا مجرد غلاسه و رخامه و كلو هزار فـ هزار يعني

لما الحمله دى نزلت كان فى تفاعل من الاعضاء كتير وساعدوكى فى نجاح الحمله ولاكان فى فتور منهم ؟

لا بصراحه يعني البنوتات قامو بالواجب اوووي و دا الي كان عاجبني .. انهم كان متحمسين للفكره و كلهم بعتولي رسايل و نزلو توبيكات و جابو افكار و كدا

تفتكرى الحمله نجحت وكنتى متوقعه نجاحها ولافشلت ومكنتيش عامله حسابك بانها تفشل ولونجحت او فشلت تفسرى ده بايه؟

انا شايفهاها نجحت كل الموضوع اني كنت عايزه اهمد الولاد شويه يعني و اقولهم احنا هنــا بردو و افسر نجاحها بـ ان كان في تفاعل من البنوتات و توبيكات و اصلا كان هدف الحمله الاساسي هو تنشيط الروح شويه بين الاعضاء لان المنتدى كان نايم شويه الفتره دي .. فقولت بقى اعمل حاجه كدا تجنن الجنونه شويه هههههههه و قولت ان طلاما فيها بنات و اولاد فـ اكيد هتبتدي الحرب و هيبقى في روح منافسه

مين اكتر عضو من اعضاء المنتدى هاجمك فى الردود على حملتك ؟

اممممم في كتير
بس الواد عبدالرحمن كان ماشي يرد علطول

لما نزلتى حملة noboys وصلك رسائل هجوم من الولاد ولا لاء ؟

لا عادي طبعا في كتير قالولي كلام يعني بالذات فـ الجروب
بس جاتلي رساله من الواد بريمو بتاع الكوره بيقولي انتو خسرتو و ضعفتو و كدا << بس ساعتها انا كلمت البنات و وريناهم الشغل

دودا قوليلنا انتى ناويه تسلمى الرايه البيضا ولاهتكملى مشوارك اللى بداتيه فى الحمله ؟

والله لو هم رجعو تاني يعملو مواضيع يتريقو علينا و الجو دا فـ الحمله موجوده و احنا عمرنا ما بنستسلم :)

انتى لما نزلتى الحمله فى المنتدى لما اعلنتى عن الحمله عملتى مواضيع عن الولاد ولا اكتفيتى بمواضيع المشاركين فيها ؟

بصراحه الفتره دي كان نشاطي قليل اصلا عشان كنا فـ مصر و كنت بخرج كتير و كدا .. لكن البنوتات هم اكتر ناس قامو بالواجب

تفتكرى يهمك فى المنتدى انو يكون ليكى انطباع هتختارى تكونى صاحبة شخصيه البنت الجدعه الشجاعه اوى ولا البنت الرقيقه ؟

وليه مكونش الجدعه الشجاعه الرقيقه انا شايفه نفسي شقيه و مجنونه شويه << و اي ثينك انهم فـ الفورام شايفني كدا و دي طبعا حاجه ترجع ليكو انتو مش انا ,, انتو الي شايفيني ازاي دا رأيكم

فكرتى فى عرض حملتك انها ممكن تعملك مشاكل فى المنتدى وان الاداره تعترض عليها ؟

لا لا طبعا الحمله كانت مجرد رد على الولاد و مواضيعهم و رخامه يعني مننا و خلاص مش هتوصل لـ درجه مشاكل و كدا لان اعتقد كل الاعضاء سواء ولاد او بنات عارفين ان دا مش جد يعني او مشاكل بينا

لو الاداره طلبت منك انك تكونى مشرفة قسم عالم الرجل توافقى ولا هتفضلى انك تكونى مشرفة قسم الالعاب ؟

لا هفضل مشرفه الالعاب مش عشان اصلا ادم ولا غيره
عشان انا بحب قسمي و عاجبني ^_^

نجى بقى للمغازلات

طبعا انتى عارفه ظاهرة الولاد فى المعاكسات ودى بقت يااختشى هههه واجب وطنى عليهم قوليلنا انتى اتعرضتى لموقف معاكسه من الولاد ؟ ولو اتعرضتى كان ردة فعلك ايه ؟

احم احم ,, ايه الاوحراج دا يـ بت طبعا اتعرضت << دي مهمه لازم تعدي على كل فتاه مصريه اصيله رده فعلي اكيد اني بكبر ليهم و لا كأنهم موجودين يعني بس لو حد رخم اوووي بقى و طول ممكن اقول اللعب بعيد يـ ابني هع هع

:765: ياواد ياتقيل

ايه اكتر حاجه لفتت نظرك فى مميزات وعيوب الولاد المنتشره فى زمنا ده؟

بصي -الولاد اليومين دول الحاجه الي ممكن تلفت نظري ليهم اني اشوف قدامي راجل بجد يعني بقى مش الشعر المكهرب و سلسله و الجو بتاعهم دا اليومين دول و بما اني عايشه برا مصر و شوفت كتير اولاد فـ اقدر اقولك ان الشاب المصري .. هو ارجل شاب دا بجد يعني الي بيعجبني فـ شباب بلدي انهم رجاله كدا
-كمان مبقوش يقدره معنى الحب .. يعني يتخنقو مين بيعلق بنات اكتر
اكتر ههههههههه
كل يومين يشوفلك بت و الحوارات الفاضيه دي
طبعا انا قولت دول جزء منهم كبير .. مش معنى كدا انهم كلهم
^_^

بصى كتير من الشباب بيقولو ان المعاكسه دى بترفع دايما من روح المعنويه للبنت انت ايه رايك فى كلامهم ده ؟ وتفتكرى دى حجه علشان يبررو موقفهم ايه تعليقك على الكلام ده ؟

امممممممم في معاكسات ممكن فعلا ترفع من الروح المعنويه الي هي معاكسه بسيطه خفيفه لكن بقى العيال الي تقعد تقول كلام سخيف و تكتر بقى و تطول و تفضل تعلق كتير << بيجيبو شلل و دا يعني مش مبرر اوي للي هم بيعملوه

وكمان ترفع الضغط
تعرفى يادودا ان اثبتت البحوث العلميه ان الام الحامل
اثناء حملها لما بتاكل حلويات كتير بتنجب بنوته
ولما تاكل اكلات حاميه بتنجب ولد
ده معناه ان البنات عسل وسكر انما الولاد اااااا
محدش يزعل البحوث هى اللى بتقول كدا
بس تعرفى البحث ده جه فى صالحنا :yuck:

لوكنتى معزومه فى فرح صاحبتك وانتى ماشيه عرض عليكى ولد من المعزومين قريب العريس انه يوصلك هتوافقى ولاترفضى والسبب ايه ؟

لا طبعا هرفض .. بني ادم معرفوش اتكلم معاه ليه اصلا و اخليه كمان يوصلني .. تؤ تؤ تؤ

جدعه

ايه حكاية لوكنت offline فى كل مكان هتفضل online
جوا قلبى بحبك ؟

هههههههههههههههه التوقيع واضح يـ بت اهو :)
اوعى تفهمو صح انتو كمان انا حاطه اسم ايمي احلى سمايل و صورتها و كاتبالها
لو كنتي offline فـ كل مكان هتكوني دايما online في قلبي عشان هي حببتي هتغيب عننا فتره كدا بسبب المدرسه و مش هتدخل غير فـ اجازه نص السنه بقى
فـ بتوحشني اوي

ههههه لااا اطمنى احنا فهمناكى غلط

فى حديث الرسول صلى الله عليه وسلم " النساء ناقصات عقل ودين " هل المقصود بالحديث ان النساء ناقصات عقل ودين بالفعل عن الرجال ؟ اشرحيلنا معنى الصحيح للحديث الشريف
؟

والله انا لا علم لي بالحديث دا
عشان كدا مش عايزه افتي فـ حاجه مش فهماها

طيب بصو الحديث معناه باختصار
ان الرسول صلى الله عليه وسلم بين ان نقصان عقلها فى حفظها اى شهادتها تجير بشهادة امرأة اخرى لضبط الشهاده لانها بتنسى واما نقصان دينها فى حالة المعذورات وهذا النقص لامؤاخذه عليه لانه نقص حاصل بشرع الله يعنى

لووولووو
ثانكيو يـ قمري على الاستضافه دي
بجد اسأله تووحفه اوي
و عجبتني
ميغسي على اختياري معاكي ,, و دا اكيد شرف ليا
يـ رب اكون عرفت اجاوب
و يـ رب تعجبكم اجاباتي
^_*

ميرسى ياجميل ربنا يخليكى انا اللى سعيده بلقائى بيكى

واتشرفت بمعرفتك

وفى نهاية حوارنا ساخن جدا مع المتميزه dodo
نشكر dodo على تواجدك معانا

واتمنى الحوار يكون عجبكم واتمنى بعد الحوار ده كله :biggrin:متفهمونيش انى عنصريه

والى اللقاء