منتديات بنات مصر - مع اول برنامج كوميدي بيب بييييييب *سوزوكي . (احمد سيفين وعادل طه) برعاية جلاش ام شادي هههه **88

http://www.sheekh-3arb.info/islam/Li...s/image011.gif

هى دي السوزوكي بتاعتي .. شوفوا قد ايه جميلة هههههه

http://upload.wikimedia.org/wikipedi...ala_Lumpur.jpg

هذا البرنامج برعاية

http://i345.photobucket.com/albums/p...a/8ce774af.jpg

نكت اليوووووووووووووووووم

مره واحد قال لمراته ايه رايك نعمل جمعية .. قالت : ازاي ؟؟ قل لها كل يوم ابوسك بوسه واديكى جنيه فوافقت .. فجه اخر الشهر لقي معاها تسعين جنيه فسالها : ايه الفلوس ديه ؟؟ فقلتله : اسكت مش ابو ابراهيم جارنا دخل معانا بنفرين

مره واحد رجع في كلامه راح خبط الي وراه

فيه واحد اسمه زعلان تزوج واحدة اسمها فرحانه خلفوا بنت سموها يا فرحة ماتمت

اغمي على رجل فاستدعوا له الطبيب …فقال لهم : لقد مات الرجل فاخذوه الى المقبرة ..ووضعوه في القبر.. الرجل ضحس فجاة — و قال لهم ..انا لسه ممت……. فضربه الحانوتي على راسه و قال له : اسكت يا حمار انت تعرف اكتر من الدكتور

واحدة قالت لجوزها عايزين ندبح خروف بمناسبة 25 سنة على جوازنا قام قالها و ايه ذنب الخروف فى غلطة ارتكبها حمار

واحد فلاح .. ركب مع تاكسي، ركب مراته قدام علشان السواق ميبوصلهاش بالمراية

مرة واحد كسلان اتجوز واحدة كسلانة كسلوا يخلفوا

ايه هي قمة الصبر؟؟ انك تستنى تشوف أليسا على قناة إقرأ

مسطول قرر القيام بعملية انتحارية ، وضع حزام متفجرات و دخل حي يهودي وقف بين ثلاث يهود و اتصل بالقائد قال له ” انا واقف بين ثلاث يهود انتحر الآن؟ ” قال له القائد لا ادخل كمان ، و بعده ساير حتى وصل بين 10 يهود قال لللقائد انتحر ده انا وصلت لاخر الطريق ! فكر المعلم و قال له انتحر الآن! فقام مطلع سكينة و ذبح نفسه

مره كانت نانسي عجرم ماشية بالسوق لقت بغبغان قعد يناديلها عجرم عجرم عجرم .. عاجبها جدا و اشترته راحت عالبيت وحطتوا بقفص قام بليل جالها واحد قام قعد الببغان يقول خاينة خاينة … فراحت رجعته و حكت لصاحبه القصة قام سخن ميه وحطه فيها
ونتفلوا ريشه المهم بعد سنه رجعت مشيت بالسوق و كان الببغان تغير لونه و حلي صوته فقعد الببغان ينادي نانسي نانسي نانسي فراحت لتشتري بس قالتلوا للبياع ممكن امتحن الببغان قلها تفضلي قامت قعدت تسأله يا ببغان إذا إجا لعندي واحد بليل شو بتقول اقول أبوكي قالتلوا إذا 2 اقول أبوكي و أخوكي قالتلوا إذا 3 اقول أبوكي و أخوكي و أخوكي قالتلوا إذا 4 قام قال الببغاء لصاحبه: قوم يا عم سخن الميه

في واحد سويسري معاه أرنب عايز يبيعه جاه واحد مصري وسأل بكم القرد ؟ رد عليه .. يا أخي ده أرنب مش قرد قاله المصري يا حلو, أنا بسأل القرد مش بسألك انت

:078::sml27:

http://www8.0zz0.com/2010/06/12/14/692399432.gif

http://www.ct-7ob.com/vb/imgcache/153325.png

:079::sml27::079:

ضيــــــــــــــف الحلقة

والان مع حرامي الفراخ ( عادل طه ) هههههههههههههههه تحية كبيرة للعضو اللى منورناااااااا .. بيب بيييييييييب

اسيبكم مع الاسئلة :079: :445: :sml27:
:765:

تفتكر ليه المايا لونها شفاف ليه مثلا مش اخضر ليه مش ازرق تفتكر ليه يعنى من وجهة نظرك ؟؟

هى الميه زمان كان لونها فعلا اخضر اكتشفوا ان اى حد بيستحمى فى بانيو او حمام سباحه او بياخد شور بيطلع وكأنه مدلوق عليه حله ملوخيه ابتدوا يطورا لون الميه وجربوا جميع الالوان لقوا ان الناس كلها بقت ماشيه فى الشوارع شكلهم زى البلياتشو عشان لون الميه كان بيبهت عليهم لحد ما وصلت سعادتك بلون الشفافيه وبالمناسبه هو اللون المفضل عندى انا

لو خيروك مابين انك تتجوز
واحدة رفيعة جدااا وواحدة طخينة جدااا ووحدة وحشة جدااا
تختار ايه ؟ ولازم تختار..
هختار الطخينه لكذا سبب منها هتبقى زوجه ودى مش مهمه عندى لانى هتجوزها من غير كتالوج ومنها انى لو مثلا وانا قاعد بتفرج على التلفزيون ونمت وانا قاعد هتاخدنى تشلنى زى الطفل البرىء وتحطنى على السرير عشان ربنا يديها الصحه جامده وقويه وحاجه تانيه وانا ماشى فى الشارع تحمينى من ضرب البلطجيه بدل العلق اللى باخدها كل يوم والتانى منهم يعنى بالعربى كدا هتكون منها زوجه ومنها البودى جارد بتاعى بدل ما اجر بودى جارد وعايز شهريا مبالغ جامده اهو يعتبر توفير برضه شوفت بقى النصاحه بتاعتى

لو قاعد فى محل وبتبيع حاجات والمهم جه عيل صغير يجى 7 سنين كده وخطف حاجة من عندك غالية وطلع يجري ؟ رد فعلك هيكون ايه ؟

هى حصلت مره معايا وجريت ورا العيل وانا عامل كدا زى الطويل الاهبل وعامل عقلى بعقله هو يجرى وانا اجرى وراه وكأن الواد ده شارب بنزين جريت وراه مسافه كبيره اوى وحياتك ولا لحقته قولت يلا عوضى على الله ويتعوض تمن الحاجه اللى سرقها رجعت المحل لقيته منفض على الاخر من البضاعه اللى كانت فيه واتاريها طلعت عصابه سطو للسرقه وساطوا العيل يعمل كدا عشان اسيب المحل واجرى وراه زى الاهبل ويجوا هما يسرقوا كل بضاعه المحل ومن هنا مشيت على الحكمه اللى بتقول
اذا جالك عيل وسرق من حاجه متجريس وراه زى الاهبل

رغم ان امبارح باليل قبل ماتنام كانوا الناس حواليك واهلك جنبك .. تخيل نفسك كده صحيت من النوم لقيت نفسك عايش فى الدنيا دي كلها لوحدك خالص مفيش جنس مخلوق ولا حتى حيوانات ؟؟ قولى كده هتعمل ايه ؟

اشطه دا كدا يبقى فله خالص بلا ناس بلا وجع دماغ ولا رجاله ولا ستات هيوجعوا دماغى فى الشغل ولا الفون بالرغى بتاعهم اللى بيصدعنى ولا ستات زى مراتى كل يوم تتخانق معايا وتضربنى علقه سخنه حكم انا حمش اوى وشخصيتى مستقله ومراتى بتحترمنى اوى اوى
لدرجه مره تكسرلى ايد ومره تكسرلى رجل ومره اتحجز فى المستشفى بسبب الحنيه بتاعتها معايا من كتر ما بدشدش منها ولا عيال زى عيالى يقشطونى كل يوم ولا صوت كلاب وقطط وحمير يقلقنى بصوتهم العالى من النوم ولا هسمه صوت بتاع الروبابكيا بصوته العالى وحماره اللى بينهق يعنى هتبقى الدنيا هاديه وزى الفل اروح انا بقى اقعد على البحر مع نفسى واكلم نفسى زى المجنون وارقص واغنى من الوده والفرحه اللى انا فيها وانا عايش لوحدى كدا

ولو فجاة كمان ظهرت سفينة فضاء وجم ناس من الفضاء نزلولك وشكلهم غريب هتعمل ايه معاهم ؟؟؟؟وهل ممكن تتجوز منهم ؟ وهل هتروح معاهم ولا هتعزمهم يفضلوا معاك ؟

اول حاجه هرحب بيهم بالانجلش حكم انا بعرف اكتب واتكلم سبع تمن لغات ما عدا العربى وضليع جدا جدا فى الانجلش يعنى هقولكم انا قولت ايه بالانجلش معاهم وهترجم ليكم معلش هو مش غرور منى لسمح الله بس عشان ثقافتى سورى عاليه عنكم شويه فى اللغات
اول ما هشوفهم هرحب بيهم واقولهم (ايام باد) يعنى اهلا بيكم (هاو ار يو) يعنى انتم من اى كوكب( يو درينك شاى) يعنى انتم كلكم تحبوا تشربوا شاى خفيف ولا تقيل ولا سكر زياده ولا مظبوط وبعدين اخدهم كلهم اعزمهم على فضله خيركم محشى كرنب وورق عنب وبعدين افسحهم شويه فى البلد واتجوذ منهم طبعا يعنى اطلب منهم ايد موزه حلوه منهم كدا اقولهم بالانجلش (اى وووووونط اتجوز الموزه دى) يعنى بالعربى انا عايز اتجوز الحلوه دى اللهم ما حسد بتكلم انجلش لبلب
وبعدين اهو نوع من انواع تغيير الدم وفى نفس الوقت هاخد منهم الجنسيه وابقى اسافر معاهم فى اى بلد فى العالم منتو شوفتوا اهو انى بتكلم انجلش ميه ميه وجمبه كمان سبع لغات يعنى الموضوع سهل جدا طالما ضليع فى كل اللغات بس طبعا مش هسافر معاه اى دوله عربيه عشان سورى يعنى مش بعرف اتكلم ولا كلمه عربى هحس انى جاهل ساعتها

لو انت واقف فى البلكونة بتاعتكم او الشباك ولقيت عمك او خالك واقف وناس كتير حواليه وخناقة جامدة وبيضربوه والناس كلها خايفة تقرب لان الناس دى مسجلين خطر ومعاهم اسلحة واللى هيقرب هيموت وانت لوحدك اللى فى البيت محدش عارف عمك ده خالص غيرك انت ؟ها رد فعلك هيكون ايه؟

ولا اعرفه ساعتها ابويا الله يرحمه قالى حكمه قبل ما يموت يا عادل يابنى عايزك تعيش ندل وتموت ندل الله يرحمه كان حكيم فعلا عشان كدا هقف من ورا الشباك اتفرج عليه وهو بياخدله كام بوكس على كام ضربه مطوه على كام روسيه ليه هو انا مستغنى عن عمرىشوف يا احمد مافيش احلى من النداله

ايه رايك فى اختراع جديد اسمه سيارة بالاجنحة يعنى بعد كده العربيات هتطير بس على فترات يعنى مثلا كل 10 دقايق تنزل وتروح طالعة تانى كده طبعا بتطير بسيط مش لفوق اوي يعنى ده علشان تعدي لو عربيات قدامها وعاملة زحمة او حاجة ؟ موافق على الاختراع ده ويا ترى ايه المشكلة اللى ممكن تواجه العربيات الطائرة دي ؟

طبعا موافق على الاختراع ده هشترى عربيه منهم واحطها فوق السطوح عندى حبيت اروح مشوار ولا اسافر اطلع فوق السطوح اخد العيله واللمه ونطير بيها ولا زحمه ولا مرور ولا تلوث بيىء عشان هشغلها بعصير القصب بدل البنزين ودى الميزه بتاعتها ولا عسكرى مرور يديك مخالفه ولا ياخد منك رشوه
بس المشكله هنا اللى ممكن تواجهنى ان عصير القصي اللى حطه بدل البنزين ممكن حد يعطش ويشربه وبكدا العربيه ممكن تقع بينا ونروح كلنا فى ابو نقله

لو واحدة بنت اتصلت بيك فى التليفون وبتقولك اسمك ايه وممكن نتعرف وكده وعايزين نتقابل والمهم انت وافقت وجيت تروح لقيته قريبك وعامل فيك مقلب .. رد فعلك هيكون ازاى معاه ؟

شوف يا احمد
انا هروح الميعاد وهبص من بعيد طبعا هشوف قريبى ده وهعرف انه مقلب هتصل بنفس الرقم اللى اتصل بيه واقوله معلش يا حبيبتى انا مش جاى ناو عشان رايح اقابل موزه تانيه غيرك لانى حاسس كدا انك شبه نوفل صاحبى

احكى اكتر موقف مضحك حصلك او حصل قدامك او انت عملته ؟؟؟؟

موقف لسه حصلى من كام يوم اشتريت الحاجه من السوق وبعد ما وصلت البيت وحاسبت السواق بتاع التاكسى ونسيت معاه فى التاكسى كل الحاجات اللى جبتها من السوق

التوكتك ايه رايك فيه وهل ممكن يتطور لحد مايبقى اتوبيس ؟

التوكتك ده بيفكرنى بالخنافس تحس ان خنفسه ماشيه فى الشارع ومع ذلك انا عندى كذا توكتك واحد كاتب عليه متبصليش بعين راضيه
دنا طلع عين امى فى السعوديه
وواحد كاتب عليه الحلوه لما تدلع تخلى الاسفلت مولع وواحد كاتب عليه متزمروش يا بهايم دا حتى السوق نايم وكدا يعنى
اما لما احب اطور التوكتك واخليه اتوبيس هحطه تحت عربيه نقل عشان يرضع منها لحد ما ربنا ياخد بيده ويكبر ويبقى اتوبيس قد الدنيا مافيش حاجه يا احمد مستحيله طالما فيه عزيمه واصرار
لو كنت ماشي فى طريق راجع من الشغل مثلا باليل الساعة 3 باليل كده وانت مشاي بتقذقذ فى شوية لب طلع عليك بلطجية وعايزين يثبتوك ايه ردة فعلك؟ وهتتعامل معاهم ازاى ؟

اولا هديهم كل اللى معايا ما عدا اللب كله اللى اللب عشان بيسلينى وانا ماشى هى دى الجدعنه والرجوله طبعا وفى نفس الوقت افعهم موال من صوتى الوحش ده اول ما يسمعوه هيسيبوا كل حاجه خدوها منى ويجروا وبكدا انا هطلع اذكى منهم مش اى اى ولا زى زى

وفى نهايه حديثى اشكرك جدا يا احمد على حسن الاستضافه وارجوا انى اكون كنت ضيف خفيف عليك وعلى الساده القراء هنا فى المنتدى ويارب حديثى يعجبكم جميعا
مع تحيات
عادل حرامى الفراخ
هههههههههههه

وفى النهاية احب اشكر العضو اللى نور الحلقة ونورني عادل طه

فيديو حركات .. وسلام عليكوووووووووووووووو

[youtube]http://www.youtube.com/watch?v=h3bWsanTsps&feature=player_detailpage[/youtube]

[youtube]http://www.youtube.com/watch?v=ZJD1V6GapSg&feature=player_detailpage[/youtube]

تحياتي لكم