منتديات بنات مصر

منتديات بنات مصر (https://forums.banatmasr.net/)
-   أرشيف برامج اليوميات (https://forums.banatmasr.net/f164/)
-   -   برنامج فقرات متعدده (الحلقه الاولى) مع ماتركس (https://forums.banatmasr.net/msryat273558/)

Arco Baleno 10-06-2011 04:46 PM

برنامج فقرات متعدده (الحلقه الاولى) مع ماتركس
 



السلام عليكم اول كلامي به افتتح
طبعا جو اليوميات مرعب بنسبه لي
لان اول مره اعمل فيه موضوع وحبيت افتتح
البرنامج بالاداري المنتخب واخي ماتركس
عاوزه اسمع صفقه كبيره :biggrin:
طبعا اخي ماتركس غني عن التعرفي ومنور البرنامج
اكيد بل بلا شك
يلا بلاش نرغي كثير وندخل في البرنامج
فقرات متعدده




كيف تعرفت على منتدى بنات مصر ؟
وما هو الدافع لبقائك به؟
عرفت المنتدي بالصدفه كنت قاعد اكلم ابن عمي حفيد الفراعنه
علي الايميل وبعدين بقالو يا محمد انا مخنوق وحاسس بزهق قالي خد المنتدي ده
اتسلي بيه وادخل معانا ومن ساعتها داخلت واديني قاعد علي قلبكم
الدافع لوجودي هناء اني حبيت المنتدي
وحبيت الاعضاء اللي فيه وبقي ليه اصدقاء كتير هناء صعب الواحد
ياخد قرار انو يرحل من هناء علان المنتدي ده اعضاء تختلف
عن اي منتدي تاني طيبين وجدعان ومحترمين بجد
http://desk.blueidea.com/QTZY/GIF/gi...if_icon428.gif
ما القسم الذي فضلته في هذا المنتدى ؟وماذا يعني لك المنتدى ؟
بصراحه القسم اللي كنت بحبه اوي وكنت بقضي فيه معظم وقتي في المنتدي
في البدايه كان قسم النقاش والحوار كان في الاول
بجد كان قسم يجذب الواحد كده مواضيع كلها بقلم الاعضاء
مكنش فيه موضووع بيكون منقوال او مواضيع غير هادفه
لكن دلوقتي ابعد عنه شويه لسبب انو اغلبيه المواضيع مكراره
ومواضيع منقواله دلوقتي بحاول انتشر في المنتدي
كلو علشان افيد واستفيد المنتدي في غربتي بجد واخد معظم
وقتي اصلا انا بحب المنتدي جداا جميع وقت فراغي بقضيه فيه
يعني المنتدي في غربتي واخد كل وقتي لكن لما اروح مصر
مش هتشوفوني غير كل فين هتبيق اجازه بقي
هههههههه لازم اقعد معا اهلي بقي شويتين كده كده هتكونو زهقتو مني
http://desk.blueidea.com/QTZY/GIF/gi...if_icon428.gif




ماذا يعني ماتركس ؟ وكيف أخترته ؟ ومتى تمل من أسم عضويتك ؟
ماتركس ده اقتمصت الاسم ده من فيلم ماتركس عاجبني شخصيه
الدور اللي في الفيلم انو عايش في الوهم والخيال عالطوال
وانا حبيت ابقي زيه كده وعالم النت كلو وهم وخيال يعني
لازم ابقي فيه ماتركس موضووع الملل وتغيير الاسم ده
انا عمري ما مليت منو علشان اولا اسمي مختلف
عن كل الناس يعني مفيش حد اسمو ماتركس في المنتدي كلو
ثانيا مينفعش اغير اسمي علشان لو غيرت اسمي يبقي مجهود السنتين راح
في لحظه علشان كل اصحابي اللي بيختفو بيجوو تاني
بيرجعو يلاقي كل المنتدي مغير اسمو وانا زي ماانا



هل تشعر بَ أنك قد أخطأت بحق أحد ما في المنتدى ؟
[تحدث لنا عن شخص واحد أن وجد ! ]
انا ممكن اكون غلط في حق اشخاص من تعصبي عليهم
او التسرع في القرارات بس برضوه برجع اتاسف ليهم
بس انا ممكن بغلط بدون قصد بس ربنا يعلم اني قلبي طيب
وبحب الخير لكل النااس ده في نااس كتير بتقوال عليا عصبي ومتسرع
ده انتو مشفتوش العصبيه لما كنت داخل المنتدي جديد
ده كان كل يووم خنااق ده انتو احمد ربنا هههههههههههه
اني بقلل من التعصب ومن التسرع
طيب اسئلو طارق قوالو احمد ماتركس اتغير والا لا علشان هوه اكتر واحد
عاشرني في المنتدي ده كلو صح والا لا يا دكتور
وانا اسف لوكنت غلط في حق حد كل شخص مننا بيغلط
بس في الاول والاخر اخضاء وانتي بالذات
يا حوراء متزعليش مني انتي اكتر واحده بتعرفي اني
بعزك قد ايه بس ربنا يديم بينا المحبه ولاخوه يارب




أي نوع من المواضيع تجذبك ؟
بصراحه في مواضيع كتير بتجذبني زي المواضيع اليل بتبقي
من مجهود العضو الشخصي وليست منقواله
ومواضيع الكاريكتير بحبها جدااا
أي الأصدقاء في المنتدى الأقرب إليك ؟
لو هتكلم عن اصدقائي يبقي مش هخلص ده
انا اعتبر مصاحب المنتدي كلو ههههههههه
لكن اللي بتعامل معاهم دايما
محمد علاء
الماجيك
سيد الشرقاوي
احمد سنيبر
ساحر الاحزان
طارق سيلفر
دووال بعض الاصدقاء منهم بس عندي كتير اوي والله
يعني اللي مجاش اسمو ميزعلش انتو عارفين اني بعزكم قد ايه



الذكريات لها أثر كبير ما هي ذكرياتك الأيجابية والسلبية ؟
- في هذا المنتدى -
ذكرياتي السلبيه لما كنت داخل المنتدي جديد كنت بتعامل
معا الناس بحسن نيه وبدون خباثه وكنت بنكلم معا الناس
كلها بحسن نيه والله اداري اللي يتكلم بحسن نيه
يبقي غلطان علشان سببه ليا مشاكل كتير وخليت ناس تظن وتكرهني
علشان زمان كان في نقل كلام كتير بين الا عضاء
وتزويد في الكلام كان بيسبب مشاكل كتير لكن دلوقتي الوضع اتغير
الاعضاء كلها اتغيرت وعقوالها ناضجه جدااا
ثانيا الاجابيات كان ليا اصحاب كتير اوي وكان
الواحد بيتكلم معاهم زي جريح الذكريات وطائر الشرق
ونور ونااس كتير دلووقتي في ناس اخدت جنب مني
وفي ناس بطلت تدخل كان
الواحد بيبقي سعيد لما كنت بتكلم معاهم
http://desk.blueidea.com/QTZY/GIF/gi...if_icon428.gif
ماهو شعورك حينما أصبحت أداري ؟
بصراحه في جوايه شويه من الفرح والسعاده معا اني للون بس
برضوه فرحان مش عارف ليه ممكن علشان لقيت ناس
بتحبني وناس فرحت فرحتي وناس مبسوطه ليا
واني مختلف ولبست لبس طارق ههههههههه
http://desk.blueidea.com/QTZY/GIF/gi...if_icon428.gif

بَ طبيعة البشر يخطى عدة مرات وربما أحياناً ,
أنما الخطأ ليس عيبا الخطأ من لا يتعلم من خطأئه ؟
أ- ما هو أكبر خطأ في حياتك ؟
اني سافرت الامارات وسبت دراستي مكملتهاش
كان نفسي اكمل وادخل كليه الهندسه ميكانيكا
بس الظروف حكمت عليا كده هتقوالوالي كنت هتدخل هندسه
ازاي وانتا معاك دبلوم هتشتغلنا هههههههه
هقوالكم انا جايب في سنه 3 دبلوم 94%
كنت هدخل جامعه عماليه سنه واعمل معادله وادخل سنه تانيه
عالطوال تانيه هندسه بس النصيب ما اردش بقي




ب- الخطأ الذي أرتكبته يوما وتعلمت منه الكثير ؟
اخطائي اني بتسرع وبتعصب كتير لدرجه اني في ماتش الاهلي
اللي فات كسرت التلفزيون البلازما ههههههههههه
وبرضوه اشتريت واحد علي حسابي ههههههههه
انا بحاول اقلل من تعصبي ونرفزتي وانفعالي لدرجه اني بعاقب نفسي كتير
بس خلاص شبه اني بدات اتخلص من التعصب ده
احنا كنا فين وبقينا فين هتستحملوني يعني
هتستحملوني غصب عنكم ههههههههههه




كل منا حياته الخاصة عالمه الخاص , أحلامنا , مبادئنا , تقاليدنا :
أ- ما هي طموحاتك والى أي مدى تطمح ؟
طموحي بجد اني بعون الله معا اخر السنه دي
افتح مشروع لوحدي انا وصاحبي سيد كفايا شغل بقي
عن النااس لازم الواحد يكبر مش هنفضل طوال عمرنا صغيرين كده
هههههههه ثانيا اني اروح مصر واشوف اهلي
واقبل قدم امي وابي واختي الصغنتوته واشوف اخواتي
وبعدين عايز احجج ابويه وامي وبعدين بعد 15 سنه
كده افكر في الزواج هههههههههه واجبلي عيالين صغنتتين
ونفسي يكونو بنتين كده مش عايز اولاد ههههههههه




ب- هل تحافظ على تقاليد عائلتك ؟
انا الحمدالله العادات والتقاليد
زي ما علمونا اهلنا بقيت زي ما كون في مصر
معا اهلي كانو بيعلموني نظري وفي حياتي دلوقتي
بقيت اطبق الللي علموهوني جدي وابويه وامي
والحمدالله انا فخور جدا اني انا من صعيد مصر
علشان فينا صفات كتير بتختلف عن بعض النااس




هل هنالك أفعال أزعجتك في المنتدى؟ وهل تسعى لـَ تحسين تلك الأفعال؟
في حاجه استفزتني جدا الايام اللي فاتت وهيه رمي الكلام علي
بعض ياريت يا جماعه كفاينا رمي كلام والكلام بطريقه غير مباشره
وياريت يبقي المعامله بينا فيها وضووح عن كده
رمي الكلام ده هيخلينا نكره بعض ياريت لو كان شخص زعلان
من حد بدل ما يرمي عليه كلام يروح يعاتبه ويكلمو
مفيش احسن من الوضوح في المعامله انا وحش قوال
عليا وحش في وشي مش هزعل بدل ما في موضوع كانت
عضوه بترمي عليا كلام وبعدها تيجي تتكلم معايا وكاني
مفيش حاجه طيب ليه كده انا وحش قوالي وحش
عليا متجيش تتكلم عليا بطريقه
غير مباشره ده اسمو نفاق مش اكتر




سألتِ أحدهم ذات مرهـ : في وسط فوضى الحياة
من الذي يرسم لك الابتسـامة دائمـاً ؟
-الأن أوجه السؤال لك-
من يرسم لك الابتسامه دوما؟؟
اللي يرسم الابتسامه هيه اولا اختي الصغيره
رناا لما اشوفها سعيده
واهلي لما القيهم مش محتاجين حاجه
اهم شي ارضي ربنا وارضي اهلي هيه دي اسعد حاجه عندي




ضد أم مع حرية التفكير ؟
لا انا معا حريه التفكير بس التفكير
الاجابي وليست السلبي


ضد أم مع دخول الكلمات الأجنبية في الحديث ،
مثل " اوكي ؛ ؛ سي يو ؛ باي ... الخ " ؟
علي فكره انا بكره الحجات دي موووت
بصراحه بحس فيها بتكبر وغرور مش عارف ليه
ضدها طبعا


ضد أم مع المثل القائل
" ليس الجمال بأثواب تزيننا إنما الجمال جمال العلم والأدب " ؟
انا معا المقوله دي علشان جمال الاثواب والشكل دي كلها حجات
مع الوقت بتبقي فانيه كلها بتروح وبتزوال
لكن العلم والادب بيفضل معاك
ويفضل حتي بعد ما بيموت الشخص مننا
بصي لمؤالفين وشعراء عظماء لسه كتبهم
موجوده معانا لغايه دلوقتي زي ما يكونو عايشين معانا
وليس اموت


ضد أم مع الهواتف المحمولة مع الأطفال ؟
انا بصراحه ضد كده اقل حاجه لازم يكون عنده 15 سنه
لولا يشيل تلفون محمول علشان الانفتاح
مخلاش حاجه لازم نحافظ علي اولادنا


ضد أم مع حرية المرأة ؟
معا الحريه بس مش معني حريه نستخدمها بسلبيه
الحريه للمراه ليها حدود واجابيات وسلبيات
انا مع الحريه بس بشكل ايجابي واستخدمها الايجابي


ضد أم مع إخفاء المشاعر؟
لاانا معا اخفائها احسن علشان ممكن تصرح لحد
انو بتحبو او كده وتلاقيه مرتبط او ممكن يجرحك
بمعني صح واحنا الواحد ليه
يجيب لنفسه وجع القلب هههههههه
ما الباب اللي يجيك منه الريح سده واستريح هههههههه


ضد ام مع قيام الثورات في بعض البلاد؟
انا معا الثورات هيه اللي اتدانا امل في بكرا
انو يبقي احلي
حتي مش علشانا احنا علشان
اولادانا واجيالنا بعد مننا


ضد أم مع من يقول: " بكاء الرجال ضعف " ؟
ضددد






هل يحب "ماتركس " الغموض ؟
نعم


هل هنالك موقف لن يمحى من ذاكرتك أبداً ؟
نعم


هل كنت ناجح في دراساتك ؟
نعم ولا في نفس الوقت من ده علي ادا ههههههههههه


هل تنازلت عن شيء تمنيته طويلاً ؟
لا


هل هناك صديق يكشف " ماتركس " له أسراره ؟
نعم محمد علاء


هل تنجبر على فعل أمور لا تحبها ؟
نعم


هل هناك شخص يخاف منه " ماتركس " ؟
نعم ابي
طبع مش خوف من حاجه
بس احتراما وتقديرا ليه






[ نجد كثيراً من الأشخاص التي تختلف
عاداتهم وتصرفاتهم في جيل المراهقة ]
هل عشت هذا التغيير ؟ وكيف كان أثره عليك ؟
اكيد عشت التغيير ده انا لما كنت صغير اختلف تماما بعد
ما عديت سن ال20 سنه انا هبقي صريح معاكم انا مكنش
في دماغي في سن المراهقه غير اتعرف علي بنات
اتكلم معا بنات عقلي كان صغير بس لما كبرت اتغيرت تماما
بس الحمدالله قدرت اسيطر علي اخطائي ومخصرتش كتير
http://desk.blueidea.com/QTZY/GIF/gi...if_icon428.gif

[هنالك لحظات لن ننسى مدى جمالها بَ النسبة لنا ]
فَ هل هنالك لحظات أحببتها وما زالت في ذاكرتك ؟
اجمل لحظات لما كنت في مصر كنت
بلعب معا اصحابي والعب معا اختي
ومكنش في بالي هموم والا شغل
كنت بمعني صح مقضيهااا
http://desk.blueidea.com/QTZY/GIF/gi...if_icon428.gif

[ هنالك أفعال لا يفضلوها أهلنا بنا ]
فَ هل هنالك مبادئ تختلف فيها مع أهلك ؟
لا انا ببقي معا اهلي في كل حاجه
علشان الحمدالله ببقي مقتنع بي ارائهم وكلامهم
http://desk.blueidea.com/QTZY/GIF/gi...if_icon428.gif

[لا بد وأن لـَ معظم البشر مروا بَ مرحلة الفشل]
فَ أي أقصى لحظات الفشل عاشها " ماتركس "؟
ساعه لما كنت في مصر واختي الصغيره كانت عايزه عمليه
وكنت ساعتها صغير ومكنش معانا فلوس نعملها العمليه
كنت بحس اني انساان حقير جداا واني مليش
لازمي في الدنيا دي علشان اغلي الناس عندك تتعذب وانتا عاجز
مش قادر تعمل حاجه ربنا كرمنا وسافرت واشتغلت ليل ونهار
علشان اوفر حق العمليه وعمله العمليه اختي
ونجحت وبقيت احلي بنووته في الكوون
http://desk.blueidea.com/QTZY/GIF/gi...if_icon428.gif

نسمع ونقرأ هذا يحقد على ذاك وتلك تغار من هذه ومن هذا الكلام
أنت يَ " ماتركس "
هل تشعر أن هنالك بحياتك من يحقدك أو يغار منك ؟
معتقدش حد بيحقد عليا غير اصحابي في مصر واقاربنا
بتحسهم كده بيحسدوانا وبيكرهوانا لسه مش عارف
http://desk.blueidea.com/QTZY/GIF/gi...if_icon428.gif

[ الحروب .. الكراهية .. الجحود .. الطمع .. الجشع ]
أي من هذه الكلمات يكرهها
" ماتركس " ولماذا ؟
الكلمات دووال كلهم اكرهها علشان تعتبر تدمير لانسان
وشخص مكروه جدااا

http://dc16.arabsh.com/i/03462/ktrnken481vs.gif

:079:
دي انااا ههههههههههه


:biggrin:
دي بتاعه طارق سيلفر
:redface:
ده الرايق محمد سعد
:bb1:
ده محمد علاء بقي واد خجول كده هههههههه


:sml39:
احمد سنيبر اللي مش بيبطل ضحك ههههههه
:sml3:
دي انتي يا حوراء دايما غلبانه وخجوله
:box:
دي دودووو دايما مفتريه هههههههه


:vb39:
دي سيلفر فلور بنت تفطس من الضحك





هل هناك شخصيه أثرت بك في المنتدى؟
وماهي تلك الشخصيه؟
بصراحه هما 3
محمد الشريف
وطائر الشرق
وناصر عبده
دوال بقي اساتذدي والله هما اكتر ناس استفد منهم
وكانو بيصبروني بجد اتعلمت منهم كتير وبكلامي معاهم بحبهم اوي والله
وهما اللي صبروني علي وجودي هناء وقفو جنبي كتير
الف شكر ليكم وجميلكم ده علي راسي دايما
هل هناك عضو أو عضوه أعجبت بَ قلمه أو شخصيته؟
أذكر لنا هذا الشخص/هـ؟
كتير بصراحه اقلامهم متميزه مقدرش احصاها
طارق سيلفر
محمد الشريف
محمد علاء
احمد سنيبر
ناصر عبده
طائر الشرق
ساحر الاحزان امجد
سيد الشرقاوي
الماجيك
كتير اوي والله بس دووال شويه منهم
هل هنالك قرار إداري أنت كنت ضده في منتدى بنات مصر؟
لا هوه كان قرار منع رسايل التواصل
بس لما اتكلمت معا طارق
اقتنعت بوجهه نظره بصراحه


http://dc16.arabsh.com/i/03462/7vilao8owl6m.gif
كلمه من ماتركس توجهها الى بعض الاعضاء هنا
سواء مشرف او اداري او مميز او مراقب ؟؟
انا هقوال كلمه لكل النااس
اولا اسف جدا لو كنت جرحت حد بكلامي والا زعلت حد
كلكم اخواتي وياريت تسامحووني
ومنتحرمش منك يارب
اخوكم ماتركس
http://desk.blueidea.com/QTZY/GIF/gi...if_icon060.gif

وشكرا يا حوراء علي الاستضافه الجميله دي
وسعيد جدا اني كنت معاكي وفضفض شويه وفكيت عن نفسي
ومش عايزك تزعلي مني احنا اخوات
ولو شايله مني في اي حاجه تعالي عاتبيني واكيد هنوصل لحل
ومنتحرمش منكم كلكم


نورت اخي ماتركس اعرف اني ثقلت بالاسئله
جالسه اتدرب فيك ههههه
وانا والله مش زعلانه منك حتى افتتحت
البرنامج بك لانك اخي وربي يعلم
مش شايله ولا شي عليك
واحنا اخوات
ونورت الحلقه بجد







morshooo 10-06-2011 05:15 PM

فى البدايه احيكى يا حوراء على البرنامج الجامد جدااااااااا

هو فقراتة كتيرة بس جميل جداااااااا

طبعا ماتركس منور التوبيك

بس ليا تعليق صغير جدا على كلامه

منين بتحب الصراحه والوضوح وبتطلب دا

ومنين بتقول نعم للغموض اعتقد الاتنين عكس بعض تماما ^_^

طبعا تم تقييم التوبيك يا ست حوراء

SiLver Spectra 10-06-2011 05:17 PM

عارف انا كل شوية بلاقيني بكح ,,افتح موضوع استضافة الائيك جايب في سيرتي :))

منور و الله يا بو ماتركس
و أكيد كلنا مبسوطين انك مبسوط بلونك الأحمر
و أنبسط اني قدرت أعمل فكرة زي الانتخابات الي حسستك بقرب الناس ليك
استضافة موفقة يا قوس يا قزح (بالايطالي)


دمعه حائره 10-06-2011 05:48 PM

برنامج جميل جدا واسئله جديده ياحوراء استضافه موفقه
التنسيق كمان عجبنى جدا يسلمو اختى
نورت يا ماتركس اجاباتك جميله وتلقائيه
ربنا يوفقك فى حياتك وتحقق كل ماتتمنى وترجع مصر بالسلامه
تحياتى وتقديرى للجميع

مِسكُ الشَهادة 10-06-2011 07:26 PM

ربنا يبارك فيك ِ يا أخت حوراء ع
هذا البرنامج المميز وأخينا أحمد شخصية
محترمة ومميزة
برنامج متنوع وأسئلة مهذبة وإجابات رائعة جدا ً
دمتم بخير

سَـلمَى 10-06-2011 07:35 PM

لا برنآآآآمج تحفففهـ أخر حآجهـ
إيهـ الحلاوة دي
بجد جميل مآشآء الله
وعجبآني الاسئلهـ أوووي
نخش على الضيف
بآآآين كدآ هخطفك يآ مآتركس
منووووور أخر عشرين حآجهـ كودآ
وإيهـ الروآآقهـ والاجآبآت الجميلهـ دي
لا عشرة على عشرة يآريس
دنتى الطيبهـ كلهآآآ يآمعلم
سيبك من الناس دهـ ال بتقول إنك عصبي >>حطهم على جنب ككك

نآآآيس حلقهـ يآ حورآء
ومنتظرين ال بعديهآ :)

ماتركس 10-06-2011 10:17 PM

اقتباس:

السلام عليكم اول كلامي به افتتح
طبعا جو اليوميات مرعب بنسبه لي
لان اول مره اعمل فيه موضوع وحبيت افتتح
البرنامج بالاداري المنتخب واخي ماتركس
عاوزه اسمع صفقه كبيره :biggrin:
طبعا اخي ماتركس غني عن التعرفي ومنور البرنامج
اكيد بل بلا شك
يلا بلاش نرغي كثير وندخل في البرنامج
فقرات متعدده

الله الله عليكي يا حوراء دايما مصيداني انتي كده

بس ايه يا عم الشغل الجاامد ده والتنثيق اللي روعه ده

بجد تسلم ايدك يا حوراء ومنتحرمش منك بس بجد

شغل جاامد تسلم ايدك وشرف ليا اني اكون معاكي



اقتباس:

فى البدايه احيكى يا حوراء على البرنامج الجامد جدااااااااا

هو فقراتة كتيرة بس جميل جداااااااا


طبعا ماتركس منور التوبيك

بس ليا تعليق صغير جدا على كلامه

منين بتحب الصراحه والوضوح وبتطلب دا

ومنين بتقول نعم للغموض اعتقد الاتنين عكس بعض تماما ^_^

طبعا تم تقييم التوبيك يا ست حوراء

منور يا نجم المنتدي

تسلم علي رايك ياريس مروشو

بص ياريس انا هرد علي كلامك الغموض معنااه ياريس غموض في شخصيتي في حجات

تخصني يعني ابقي غامض محدش يعرف عني حاجه شخصيا

غير الصراحه دي بتبقي معاملتي معا الناس لكن لازم ابقي صريح معاهم

في معاملتي معا النااس فهمت يا كبير الغموض الشحصي بيفرق عن صراحتك معا الناس

منور يا كبير


اقتباس:

عارف انا كل شوية بلاقيني بكح ,,افتح موضوع استضافة الائيك جايب في سيرتي :))

منور و الله يا بو ماتركس
و أكيد كلنا مبسوطين انك مبسوط بلونك الأحمر
و أنبسط اني قدرت أعمل فكرة زي الانتخابات الي حسستك بقرب الناس ليك
استضافة موفقة يا قوس يا قزح (بالايطالي)


الكبير هنااء يا الهناء اللي انا فيه

هوه انا اعرف غيرك علشان اجيب سيرتو في المنتدي ده

ده انا عاشرتك اكتر من اهلي ههههههههههههههه

منور يا ريس وتسلم لوجودك يا كبير حط كوبايه ميه جنبك علشان الكحه

الجايه كتير ههههههههه وبجد تسلم علي فكرتك يا دكنور ومنتحرمش منك

شغل الدماغ دي كده عالطووال منور يا برنس



اقتباس:

برنامج جميل جدا واسئله جديده ياحوراء استضافه موفقه
التنسيق كمان عجبنى جدا يسلمو اختى
نورت يا ماتركس اجاباتك جميله وتلقائيه
ربنا يوفقك فى حياتك وتحقق كل ماتتمنى وترجع مصر بالسلامه
تحياتى وتقديرى للجميع



دمعه حائره

منون

تسلمي علي رايك ووجودك يا منه

نورتي ايوا كده عايزين انتشار من ده عالطووال منك



اقتباس:

ربنا يبارك فيك ِ يا أخت حوراء ع
هذا البرنامج المميز وأخينا أحمد شخصية
محترمة ومميزة
برنامج متنوع وأسئلة مهذبة وإجابات رائعة جدا ً
دمتم بخير



حبيب قلبنا خاالد باشاا

دايما بكلامك تخجلني

ومنتحرمش من وجودك ورايك ياريس

نورت يا ريس


اقتباس:

لا برنآآآآمج تحفففهـ أخر حآجهـ
إيهـ الحلاوة دي
بجد جميل مآشآء الله
وعجبآني الاسئلهـ أوووي
نخش على الضيف
بآآآين كدآ هخطفك يآ مآتركس
منووووور أخر عشرين حآجهـ كودآ
وإيهـ الروآآقهـ والاجآبآت الجميلهـ دي
لا عشرة على عشرة يآريس
دنتى الطيبهـ كلهآآآ يآمعلم
سيبك من الناس دهـ ال بتقول إنك عصبي >>حطهم على جنب ككك

نآآآيس حلقهـ يآ حورآء
ومنتظرين ال بعديهآ :)


فتكيتووووو

تسلمي علي رايك ووجودك يا فتكاات دايما بتخجليني بكلامك

عنجد نورتيني ومنتحرمش من وجودك يارب

نورتي يا فتكيتوووو

عاشقة الهدوء 10-06-2011 10:40 PM

بجد ياحورااااء موضوع وبرنامج قيم جدا

واستضافة مميزه لضيف مميز ومتألق


وغنى عن التعريف نورت يا أحمد

وموووفقه ياحوراااء بلحقاتك القادمه ربنا يحفظك

بنت المختار 10-07-2011 12:25 AM

تقديم جميل حورتي
حبيت فكرة الايقونات جديدة
اسئلة موفقة وتنسيق جميل كالعاده منك
وضيف مميز
وين ما بلقي بلاقيه:)
منور ابو الشباب
ويسلمووووووووووووو
[IMG]http://upload.***************************/files22/13174136885.gif[/IMG]

♥..pure 10-07-2011 01:47 AM

الله عليكي والله >> هو دا ..
نفسي كل برامج اليوميات تكون بالتنسيق دا
متعه في الاسئله والفقرات ..,,
كنت منورنا يا ماتركس واجابات جميله ::
مجهود جميل منكـ يا حوراء ..,
ودي واحترامي


الساعة الآن 02:39 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w