منتديات بنات مصر - برنامج .. أتيكيتكـــ فى حياتكـــ

اهلا بيكــ معانا يا محمد ...

اهلا اهلا بيكي منوره والله

ونبدء الاسئلة

علي بركه الله

- محمد والاتكيت يعنى؟

التعامل مع كل انسان بكل احترام وادب وتحترم الصغير قبل الكبير

- هل حياتك كلها بيخمرها التعامل با لباقة واتكيت ؟ ولا سعات بتتعامل عادى ؟

والله كل واحد بتعمل معاه علي حسبه هوه يعني لو التعمل معاه باتكيت لزم اتعمل معه كده

امال لو معملته عاديه اتعمل معاه عادي خالص يعني التعمل بيختلف من الشخص للاخر حسب شخصيته

- بتحكمــ على الاخرين با طريقة كلمهمـ ؟

اه طبعا اي حد يقدر يحكم علي واحد بطريقه كلامه ومن طريقه لبسه ومن مشيته كمان

- تفرق معاك لو حد طلب منك طلب با اسلوب عادى

والتانى با اتيكيت؟ هتفرق معاكـ ؟

برده حسب الشخص نفسه ممكن اللي يطلب باتكيت بيعمل كده علشان اعمله الطلب اللي عوزه

والتاني كلامه عادي وهيه دي طبعته ومش هتفرق معايا في اي حاجه

وهتنفز اى طلب الاول ؟

علي حسب الطلب اللي اقدر انفزو وعلي حسب الشخص نفسه من من طريقه كلامه يعني مش عوز يتكلم معايا كده علشان انفزلو طلبه بس

- لو عيز تطلب طلب من بنت تطلوبو ازى ؟

هنا غير البنات لهم طريقه خاصه في التعامل معاها قبل الطلب لزم تشكري فيها مع كلمتين حلوين كده مع الاحترام طبعا وكمان لزم تطلب الطلب وانت واثق من نفسك يعني متخلهاش تعرف انك محتاج الطلب ده اوي وكلمتي رمانسي كده كل حاجه هتمشي زي ما انا بتعمل مع البنات معايا في الدوام وكل حاجه بتمشي والحمد لله

لو طلب من ولد هتطلبو ازى ؟

امشي ياض انا عوز الطلب ده ههههههههه برده بكل ادب واحترام اطلب منه الطلب وحولي تعرفي ايه الطريقه اللي بيحبها في الكلام معاه وكلميه بيها

- اوصف لينا اتكيت التعامل مع اهل العروسة .. بما انك خاطب ؟

اولا انا سبت خطبتي من 6 شهور كده لو قولتلك اني متعملتش مع اهل خطبتي في اي حاجه خاص بخصوص العروسه انا خطبت وانا في ****************** وكمان سبتها وانا في ****************** يعني متعملتش معاهم خالص بس كان في معامله قبل الخطوبه علشان بنت خالي وكان في تعامل علطول

- اشرح ازى ولد يعاكس بنت با اتكيت بما انكـ من معشر ارجال ؟

انا بطلت اعاكس من زمان والله بس برده كل بنت بتجبرك علي التعامل معاها في معاكسه بكل ادب واحترام وفيه معاكسه عوزه الضرب بنار هههههههه ممكن واحد يعاكس بنت وهيه مابتحبش المعاكسه دي بقا لها طريقه خاصه جداا في التعامل معاها الكلام الحلو يعمل اي حاجه حتي لو مش عوزه المعاكسه بتحب تتعاكس علشان تسمع الكلام الحلو
وفي بنات تانيه من اي كلمه ممكن تستجيب معاك وتضحك وتتكلم معاها علطول من غبر وجع دماغ ههههههههه

- ازى بتعترض على موقف مش عجبكـ ؟

الاول لزم اعرف اللي امامي ان الموقف ده مش عجبني واقنعه ان في حاجه مش تمام واتبادل معاه الحوار لحين اقنعه بتغير او بقا المعامله ده منفعتش لزم اكسر دماغه ههههههه

- خناقة قدامك هتدخل وتحلها ؟ ولا هتمشى ؟

في مثل بيقول ما ينوب المسكل اللي تقطيع هدومو اوقات كتير بسبها وامشي ممكن اللي بيتخانقو دولت يكونو قرايب وبعد ما تسلكهم يتخانقو معاك انت او حد يضرب ضربه غلط تجي فيك انت فانا بفضل الابعاد عنها احسن لعدم المشاكل مع الغير

وهتحلها ازى لو ادخالت ؟

لو اتخلت لزم اكون هادي لابعد الحدود علشان ممكن واحد في وقت نرفزه يغلط فيك انت
بعد كده احول اهدي الطرفين بكلام علي قد ما اقدر واحول ابعدهم عن بعض واهدي كل واحد مع نفسه واحاول اصلحهم علي بعض والله رضو خير وبركه مرضوش اولع فيهم الاتنين واخليهم يولعو في بعض وامشي ههههههههههه

- احكلنا موقف حصل معاك مكانش فية اى اتكيت با الامرة ..وعصبك طبعا.. تقدر تقول خناقة مثلا ؟

ههههههههه اقولك موقف حلو اوي كنت انا واصحابي في فرح والفرح ده فيه بنات كتير انا من عادي في اي مكان في زحام باخد مكان بعيد شويه كده واقف كان معانا واحد صاحبي اسمه سعيد ولد دمه زي العسل قالي يا حماده في بنت حلوه عوزين نكلمها قولتلو انا مليش دعوه روح كلمها بس اعرف ان احنا مش في بلدنا واحنا 4 بس المهم سعيد اخد الليزر وراح يعاكس في البنت جه اخوها يا كابتن دي اختي وبلاش كده سعيد ساب البنت وبليزر وعلي اخو البنت
الواد جه علينا واحنا قاعدين عوز يضرب سعيد احنا الاربعه قومنا عليه ضرب وبعد ثواني الفرح انقلب علينا والكراسي اتكسرت المهم ضربنا شويه والله كانو بيحدفونا بحجاره زي ما نكون اسرائيل بس اكتر حاجه فرحتني في اليوم ده ان سعيد اخد 3 غرز في دماغو علشان كان هوه السبب في الخناقه

- بتعامل صحابك ازى ؟

صحابي دولت التعامل معاهم عادي جداا كله ضحك وهزار ممكن وقت الزعل نضحك ووقت الفرح نعيط عادي يعني

- والبنات زميلكـ ازى ؟

بكل احترام طبعا مع الاتكيت علشان تكون كبير دايما في نظرها

- تفتكر صح ان تجمع بين المعاملاتين بدون فرق ؟

عادي يعني احنا في مجتمع بنعرف نحاقط علي بعض كويس والتعامل في العمل لزم يكون في احترام والكل بيكون شايف بعض يعني مفيش حد هيعمل غلط

يعنى تعامل البنت زى الولد ؟!

والله مش كل حاجه يكون البنت زي الولد فيها في حاجات الولد بيتميز بيها بس في الشغل لزم يكون فيه تعامل علي حسب شغل البنت والولد لو كان الولد احسن يتعمل احسن البنت احسن تتعامل احسن

لو مطلوب منكــ تقدمــ لى خطبة فتاة هتتقدمــ ازى ؟

والله الخطوبه دي بتكون لها ترتبات تانيه لزم تكون عندك اتكيت عالي وكمان طريقه كلامك مثقفه شويه وطريقه لبسك جميله ولزم تكون رومانسي ههههههههه وتكون واثقه في كلامك وانت بتتكلم ومتخليش كلمه تخرج منك وانت مش عارف معناها ايه

واية البرتكول الرسمى من وجهه نظركــ ؟

التعامل مع الناس بطريقه محترمه واحافط علي اسمي وسمعتي امام الناس

رائيكــ فى البرنامج وهل هينجح امــ لا ؟؟

بصراحه برنامج زي العسل والله والاسئله جميله جدااااااا

ان شاء الله هينجع ويكون زي العسل كمان

وانتي طبعا مقدمه جميله وتقدري تخليه زي الفل

اختار عضو/هـــ
بعدكــــ يكون مدبس ....

انا اسيب الاختيار ليكي انتي

شكرا علي الاستضافه الجميله دي

بجد كنت سعيد جداااااااا وانا معاكي

الحبيب