|
اقتراحين للإدارة السلام عليكم ورحمة الله وبركاته إزيكم جميعا أنا عندى بس اقتراحين قولت أعرضهم على الإدارة واشوف رأيها إيه الاقتراح الأول: فى أفكار هنا بيحطها الأعضاء ومابنلاقيش رد من الإدارة عليها فممكن أى حد يحس بالإهمال فانا قولت أقول اقتراح يمكن الإدارة توافق عليه طبعاً احنا عارفين لما الإدارة توافق على موضوع بتقول لأى حد اعمل فكرتك لكن لو مش موافقة ده طلبى من الإدارة واقتراحى إنها لو مش موافقة تدخل على الموضوع وتعمل حاجة من حاجتين اما تكتب مش موافقين على الفكرة أو تغلق الموضوع واحنا نعرف ان غلق الموضوع ده دليل على عدم الموافقة وده ما يزعلش حد لكن إن الموضوع يفضل متعلق ده اللى يزعل ويحسس بعدم الاهتمام بالأفكار بتاعتنا الاقتراح الثانى: بالنسبة للقسم الإسلامى ارجو من الإدارة تزويده بثلاث أقسام فرعية الفتاوى الإسلامية والصور الإسلامية والكتب× البرامج الإسلامية طبعا ممكن حد يقولى فى قسم للصور وفى قسم للمكتبة هاقولك فى حاجتين: الأولى: إن فى أعضاء مابتدخلش غير القسم الإسلامى فقط ولو دخلت اى قسم تانى تدخل العامة أو النقاش وفى اعضاء ماتعرفش ان فى قسم للمكتبة ففى قسم اسلاميات ساعات بلاقى مواضيع صور وساعات بشو مواضيع كتب محطوطة فى القسم الإسلامى العام الثانية: إن المفروض القسم الإسلامى ينفرد بجميع متطلباته عن الأقسام التانية لأن أهم قسم فماينفعش مثلا احط مواضيع عن الصور الإسلامية وفى نفس الوقت ألاقى مواضيع عن صور فنانين وفنانات وكده يعنى والكتب ماينفعش اخلط بين كتب وبرامج اسلامية مع اى حاجة تانية لان كل حاجة وليها خصوصياتها ده رأيى الشخصى ومجرد اقتراح واتمنى من الإدارة ردها على الموضوع تقبلو ودى واحترامى |
أهلا بيك بالنسبة للاقتراح الأول فبحاول أرد على أد مقدر لأن ليه انشغالات أخرى بتخليني اتأخر أحيانا في الرد لكن أكيد التأخير مش متعمد و لا بغرض الرفض أما بالنسبة للاقتراحات عن القسم الاسلامي فأعتقد القسم الاسلامي يكون شامل أفضل و تتثبت المواضيع الهامة الشاملة احسن من اني اجزءه دا طبعا من وجهة نظرنا كإدارة و اقتراحك يحترم و نشكرك عليه,, |
مدخله بسيطه بس فعلاا القسم الاسلامى يا استاذ طارق محتاج تنسيق وداه لتسهيل عملية البحث عن الاتجاه الذى يبحث عنو العضو بدل ما كلو يبقى ملخبط على بعضو لا يبقى الفتوى لوحدو والبرامج القرائنيه لوحدها وما الى ذلك |
وده رأيى ياروميو ان القسم الاسلامى يكون اكثر تنسيقا ومايكونش ملخبط وكله داخل × بعضه بس مادام المدير مش عايز ده براحته تقبلوا مرورى وشكرا ليكم |
| الساعة الآن 11:31 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب