منتديات بنات مصر

منتديات بنات مصر (https://forums.banatmasr.net/)
-   أرشيف برامج اليوميات (https://forums.banatmasr.net/f164/)
-   -   الواد رومانسي مطرب (https://forums.banatmasr.net/msryat298341/)

عاشق ولهان 11-12-2011 09:55 AM

الواد رومانسي مطرب
 



بسم الله الرحمن الرحيم


أهلا ً بكم أعضاء وزوار منتدانا الحبيب

عوده لحلقات الواد رومانسي . الواد رومانسي النهارده مطرب

تعالو نشوف أزاي بقي مطرب .




الواد رومانسي فساح كبير أوي وصدره واسع أبو لمعه في زمانه

الواد رومانسي كان في عزومه عند صاحبه الوحيد / طيشه

وبالصدفه عرف إن فرح أخو طيشه بعد إسبوع ومحتارين يجيبو

عمرو دياب ولا تامر حسني يحي الفرح

وفاجآه صرخ الواد رومانسي في طيشه ..


إيه يا عم طيشه إنت جايبني تهزقني

ما عاش ولا كان اللي يهزقك يا رومانسي .. خير زعلان ليه

حسني مين ودياب مين اللي هتجبهم في فرح أخوك

إنت ناسي إن صوتي أحلي منهم

وانت من إمتي بتغني يا رومانسي ... هو انت معاك تصريح من النقابه

آيوه يا طيشه بغني من زمان وأول ما دخلت بنات مصر

دكتور طارق سيلفر مدير المنتدي قالي غني يا رومانسي

ومن يومها وانا بغني


ماشي يا رومانسي إنت اللي هتغني طيب هتغني إيه

ومنين هتجيب الفرقه

هوووهوووو إصحي يا طيشه مفاجآه المايسترو محمد علاء

هيلحن الأغنيه وهيكتبها عاشق ولهان

دول إصحابي من زمان ونفسهم أطلب منهم أي طلب

وجايبلك فرقه محترفه من بنات مصر

عازف الإيقاع العالمي .. ماتريكس ... وعازف الجيتار ..

المايسترو .. محمد علاء ... والأورج ... الماجيك

ومقدم الحفل ... واد حبيب


مفيش رقاصه يا رمانسي تولع الجوووو


عيب يا طيشه أنا راجل محترم محبش الهلس

واضح يا صاحبي إنك مش بتحب الهلس أل مالوش في الهلس أل


سيبني بقي أروح أشوف الموووزه بتاعتي علي رآي أحمد سفن

مين أحمد سفن ده


ده واحد صاحبي متعرفوش

رن موبايل الواد رومانسي

ألووووووووووووووو


مين حياتي روووحي

إزيك يا رومانس بدلع

إزيك إنتي يا عمري

إسكتي عندي ليكي مفاجآه

خير يا حبيبي ... هتيجي تطلبني من بابا


لا لا لا دي حاجه أكبر

هتخطفني يا رومانس

بقولك حاجه أكبر من كده

أوماااااااااااال إيه شوقتني

هغني يا حبي


لا لا لا يا رومانسي بلاش الناس مش حتفهم صوتك


ليه يعني مش انا غنتلك كتير وقولتي صوتك جميل يا رومانسي

صوتك أحلي من عمرو دياب وتامر حسني


آيوه يا رومانسي بس أنا .....

خلاص يا رومانسي هتغني فين


أخو الواد طيشه هيتجوز وانا اللي هغني

سلام بقي عشان أظبط مع عمنا محمد علاء وعاشق ولهان


ربنا يوفقك يا رومانسي ... في نفسها ... ربنا يستر

ويوم الفرح الواد رومانسي إتأخر لسه مجاش

طيشه إتصل بيه فينك يا صاحبي .. إوعي تكون عملتها فيه


لا لا يا طيشه عيب إزاي تقول كده ساعه بالكتير أجيب الفرقه واجيلك

وبعد ساعه وصل الواد رومانسي وفرقته وكان في إنتظارهم طيشه

يا أهلا ً وسهلا ً بصاحبي وأصحابه اللي شرفونا

أقدملك إصحابي يا طيشه

المايسترو الكبير بتاعنا أستاذنا / محمد علاء

يا أهلا ً وسهلا ً بيك يا باشا

طيشه بيهمس لرومانسي ... مايسترو يعني إيه


إسكت إنت بعدين هقولك

أقدملك عازف الإيقاع العالمي / ماتريكس


أهلا ً وسهلا ً بالماتريكس أنا معملتش حاجه ..

أهلا ً بيك يا كبير متخافش يا ريس أنا جاي أعزف بس


طيشه بيهمس لرومانسي ... إيه الطبله اللي مع ماتريكس دي

زي طبلة المسحراتي بتاع حارتنا


إسكت إنت متفضحناش دي موضه

أقدملك عازف الأورج العالمي / الماجيك


يا أهلا ً وسهلاً بالماجيك منور

أقدملك مقدم الحفل شاعرنا الكبير / واد حبيب

يا أهلا ً وسهلا ً بالشاعر الكبير منور

أهلا ً بيك يا طيشه ودي وتقديري

ومين دي يا رومانسي

حبيبتي يا طيشه إيه كنت فاكرها مين الرقاصه


حاش لله أنا مقولتش كده ... في سره شكلها زي الرقاصه .. إتفضلو الفرح جاهز والكل منتظركم

وبدأ الفرح ومقدم الحفل / واد حبيب

أهلا ً بالعريس نجم الليله .. أهلا ً بعروسته ...

أهلا ً بالناس اللي شرفونا .. ودي وتقديري

النهارده فرح أخو طيشه .. يعني فرح الكبير ...

ومطربنا الليله مطرب خطير ..

مطربنا مالوش حل .. أقدم لكم / الواد رومانسي


أشكرك يا حبيب علي المقدمه الجميله دي

مبروك يا أخو طيشه وعقبالك يا طيشه يا صاحبي


محمد علاء بيهمس لرومانسي ... إخلص يا رومانسي أنا زهقت

خلي الليله دي تعدي علي خير ...


حاضر يا مايسترو .... أقول موال الأول

إتفضل يا رومانسي ... صبرني يا رب

يا ليلي ... يا عيني ... يا ليل

إخلص يا رومانسي بقالك ربع ساعه بتقول يا ليل يا عين

حاضر يا كبير هتيجي أهي .. يا ليلي ... يا عيني

أيوه إطلع بيها بقي جايه أهي

حاضر يا كبير ... يا ليلي ... يا عيني .. السح الدح إمبووووووو

كل ده عشان تطلع السح الدح إمبو هو عاشق اللي كتبهالك

لا يا كبير دي تأليفي انا لسه ..

وقبل ما يكمل كلامه نزل محمد علاء بالجيتار فوق دماغه نصين

وقع رومانسي ودمه يسيل وبيهزي أنا مطرب السح ... الدح ... إمبوووو




ودي كانت أخرته من أمام مستشفي المجانين الواد رومانسي مطرب

إنتظرونا وحلقه جديده من يوميات الواد رومانسي





AHMED SEVEN 11-12-2011 10:21 AM

ههههههه لا حلقة حلوة وفيها تهييس جامد يا عم عاشق بجد تسلم الايادي وفرقتك منورة الحقيقة وابقى عرف طيشة بيا بقى يمكن يشغلنى فى الفرقة ازمر معاهم ولا حاجة هههه.. طيشة اظن انه كان سكران فى الفراح هههه .. منتظرين الحلقة القادمة .. تحياتي يا ريس وسلملى على الموزز

ملكة القلوووب 11-12-2011 10:24 AM

خخخخخخخخخخخخخخخخخخخخخخخخخخخ نهاية حزينهـ جداااااااااا

والله خليتني اتخيل الحكاية خخخخخ

يسلموا على الحلقة الظريفة

بإنتظار جديدكـ

الرحــاال المٌتَمرد 11-12-2011 10:35 AM

هههههههههه جميله جدا يا عاشق
بس النهايه حزينه اوى ,,,
كان لازم يكون فى طرب اصيل يدوش المعازيم ,,,
كككككككككككككك
منتظرينك دايما يا برنس

the moon 11-12-2011 10:36 AM

ههههههههههههههههههههههههههه
حلقه فاني فاني فاني جدا
وجميله وخفيفه
وفعلا فيها تهيس كتيييييييييييييير اوي
بانتظار المزيد

شاعرة الرومانسيه 11-12-2011 10:54 AM

هههههههههههههههههههه

والله كنت عايشه الموقف كانه حدث بالفعل

ههههههههههههههههه

بس النهااااااايه صعبه ليه

بس الواد طيشه دا حكايه

هههههههههههه

متااااااااااااابعه

راااااائع يا عاشق ابداع مابعده ابداع

ملكة الهدوء 11-12-2011 11:42 AM

هههههههههه ايه ده مشاء الله وكمان بيألف

لا بجد حلقه جميله اوى

تسلم ايدك

وبنتظار المزيد

♥..pure 11-12-2011 12:50 PM

هو لسه فيه حيل بأهـ ليوميات تاني :)
حرام عليكـ شردت الراجل :d
بس مين المووزهـ مقولتش ليه ههههههههههه
كتابكـ لليوميات حلو متخيلين الحكايه كدا ^^
موفق ومنتظرين هيحصل ايه تاني :)

S n i p e R 11-12-2011 12:51 PM

لزيزة الحلقة

اول مرة اتابعها

بس فكرتها جميلة فعلا

تحياتى

Mo7aMaD 3aLa2 11-12-2011 12:53 PM


ههههههههههههههههههه

نهاية منطقية والله يا جماعة ماهو اللى عمال يألف من الصبح :biggrin:

توبيكـ دمة خفيف جداً يا عاشق

تسلم ايدكـ

..



الساعة الآن 01:19 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w