|
يوميات شلة إعدادى رايقة رايقة التعريف بالشخصيات أولا : الاول إياد : ولد فى الثالثة عشر من عمره عنده أختين (كلارا ، مى) أكبر منه أكيد وهو آخر العنقود إياد عايش الدور جدا وبياخد دروس بالعبيط ورغم دا كوله درجاته زى الزفت وواد رغاية جدااااا وهو لايبالى بأى شىء فى الحياة سوى سعادته فقط وسعادته تكون عندما لا يذاكر وهوايته كرة القدم والتتنيح على أخواته كلارا: 3 ثانوى (16) سنة مى: 2 تربية عربى (18) والد إياد : المهندس أحمد كمال يعمل بشركة بترول فى السويس وكل بيوم بيروح الشغل ويرجع تانى البيت والدة إياد : مدام نهال خريجة إعلام ولاتعمل تحت شعار (رعاية أبنائى ربما أفضل ) الثانى زياد : ولد فى الثالثة عشرة من عمره لايملك اى آخوة فهو حقيقة وحيد زياد واد دحيح خالص مش بياخد دروس ومع ذلك فهو إنسان لايهتم فى حياته الا بالمذاكرة ومع انه وحيد إلا انه لا يمل من القعاد فى البيت نهائيا والد زياد : الدكتور باسم شحاتة يعمل بمستوصف فى القاهرة والدة زياد : الدكتورة سلوى النجار تعمل بعيادتها الثالث يوسف: ولد عنده 12 ونص سنة عنده أخ وأخت (سارة ، هشام) يوسف ولد يعنى نص نص فى المذاكرة وبيحب الهزار والمقالب جدا وله يوميات ما تتنسيش مع أصحابه واخواته سارة : أولى صيدلة (17) سنة هشام: أولى حضانة (5) سنوات والد يوسف : الأستاذ أسامة منصور (رجل أعمال) والدة يوسف:مدام ريهام خريجة ألسن وتعمل بإحدى الشركات السياحية [COLOR="Blue"]الرابع عمرو: ولد عنده 13 سنة له أخين (مازن ، باهر) عمرو واد روش ومشاغب جدا وهواياته الانتر نت وكرة القدم والتريأة على أخواته وآخرهم النووووووووووووووووم كمان مش بيروح المدرسة إلا ايام الامتحانات وبس مازن وباهر توأم الاتنين فى ستة إبتدائى وعندهم 11 سنة والد عمرو : الأستاذ أشرف سيف رئيس قسم بنك فيصل ويعمل محاسب والدة عمرو : مدام نيجار قمر الدين خريجة هندسة وتعمل مهندسة بإحدى الشركات القوية فى القاهرة |
انا متشوقه للقصه اوىىىىىى |
اقتباس:
ربنا يكرمك يا جميل تابعى معايا |
شكلها حتبقى رووووعة مستيينك يا للؤلؤة |
من العجيب إن جميع الأسماء اللى ذكرتها وعرفتها لسيادتكم ( إياد ، زياد ، يوسف ، عمرو ) كولهم إتجمعوا بمدرسة واحدة وفصل واحد (مدرسة الكرامة) ، فصل 2\5 إعدادى أكيد ومؤكد أكيد كل واحد له يوميات مع أصحابه وفى بيته وفى مدرسته أحاول بقدر الإمكان أجمعهم كولهم والله معنا فى بيت إياد وعلى مائدة الافطار يجلس إياد بجانب أمه وأبيه وتجلس كلارا جانب مى الأم : إمسك يا حبيبى ساندوتش جبنة وعندك حلاوة وعسل ومربى ولانشون وحاجات جميلة خالص إياد : ماما إسكتى انتى بس شوية وخلينى أشم نفسى قبل ما أكل عشان نقدر نفطر بجد بعدين هو الغدا النهردة إمتة ؟؟ الأم : على المغرب كدة يا حبيبى إياد : طيب يعنى المفروض ناكل على قد ما نقدر عشان ما نجوعش طول فترة البريك دى ومازال إياد يتكلم كثيرا والجميع صامت حتى هتفت أمه : طيب يلا حبيبى شميت نفسك كل يلا بأة إياد : خلاص آخر نفس أهو إصتبرى بس وهنا تدخل الاب ؛ ولد إيه دا انت بتهزر وانا قاعد قاعد ساكت م الصبح واقول هيسكت اهو هيخرص اهو انت إيه بالع راديو !!!!!! إياد وقد علا صوت ضحكه : بالع راديو ..... ههههههههههههههههه ........ إييييييييييييه دونيا.......... دا الابهات دول عليهم شوى نكت مالهاش حل والله العظيم الأب : لا يلة خفيف إيه خفة الدم دى كولها عسل أبيض يا ناس إياد من بين شهقات ضحكاته ؛ بابا وحياتك خلينى أشم نفسى بس أحسن مش قادر بطنى واجعانى من كتر الضحك الأب : خد يا حبيبى وماله بس ما اسمعش صوتك تانى إياد بغلاسة : طيب حاضر هاتى بأة سندوتش جبنة يا ماما الأم وهى تعض على شفتيها السفلى : ماكان من الاول دا انت !!!!! الصبر يا رب إياد : أيوة الواحد لسة صاحى من النوم وهنبتدى نصبر وكمان شوى نحسبن من أولها كدة إستر يا اللى بتستر الأب وقد وصل إلى أعلى قمة فى الغضب : ييييييييييييييييييييييييييه حد يسكت الواد دا أحسن هاقوم إديله علقة يطلع بيها ع المستشفى إياد بسذاجة : أنا مش فاهم بس أنا مدايقكو فى إيه معبرش عن اللى جوايا أسكت ......... أخرص .... وهنا تدخلت مى مسرعة لتقطع حديث إياد قائلة : إياد عيب أوى كدة إياد : طب خلاص يا مى هاسكت خلاص وأخيرا أنهى الجميع الإفطار وجلس إياد فى الصالة يكمل حديثه مع أمه وأخته كلارا ومازال يمزح معهم حتى علا صوتهم جميعا وإرتفع صوت مى لتقول : ماما مش معقول كدة أنا عاوزة أذاكر بأة إياد وهو ينظر إلى الساعة بإهتمام ليراها 12 صباحا بالظبط ثم يعلق قائلا : آآآآآآآآآآه إذاعة بى بى سى منتصف اليوم وهنا فقط لإنفجرت كلارا وأمها فى الضحك بينما شعرت مى بالخجل من موقفها وقامت لتضرب إياد وقبل أن تمسك به هتف إياد : إستنى بس الاول أقولك حاجة أولا انا قولتها من باب الضحك ما أقصدش اتريأ وبعدين بصى بأة الضرب ع الوش مفهوش معلش وأنتى اللى بيهمك وشى وبس بس بجد بجد خلاص وربنا مى : وعهد الله يا إياد لو فتحت بقك تانى هموتك إياد : ما خلاص بأاااااااة دا إيه القوات المسلحة دى مى : هااااااا تانى ؟؟ إياد وهو يضع يده على فمه : أهوووووو وأخيرا دخل إياد غرفته ليهتف مع نفسه من المذكرات والكتب المدرسية ليقول : بسم الله يا فتاح يا عليم يا رزاق يا كريم وآدى مذكرة الدراسات وفجأة هتف بصوت عالى : يا نهر أسووود كل دى واجبات وأستاذ شعبلة جايلى بعد ساعة ونص وبسرعة رفع إياد سماعة التليفون ليطلب رقم زميله عمرو إياد : ألو طنط نيجار : هلا مين معايا ؟؟ إياد : هلا فيكى يا طنط أنا إياد طنط نيجار : آه أهلا أهلا يا حبيبى عاوز عمرو إياد : آه يا ريت يا طنط والنبى بس بسرعة طنط نيجار : طب أصل عمرو فى المدرسة النهردة إياد : إيه دا والله العظيم ودا من إمتة وهو بيروح المدرسة طنط نيجار : آه والله من النهردة شوفت بأة إياد : لا بتهزرى يا طنط طنط نيجار : إياد مالك يا حبيبى فيه ايه كدة إياد : احممم لا والله ما اقصد حاجة بس .............. طيب كنت عاوز اصبح عليه بس وكمان كنت هسأله أستاذ شعبان هيجيله إمتة ؟؟؟ طنط نيجار : الحقيقة معرفش والله الاستاذ جايله إمتة بس اوك ماشى لما يرجع هقوله انك بتصبح عليه إياد : طيب ألف شكر يا طنط سلام طنط نيجار : العفو يا حبيبى مع السلامة إياد بعد أن اغلق سماعة الهاتف : سبحان الخلاق مش عارف ليه الناس بتطول لسانها معايا كدة ــــــــــــــــــــــــــــــــــــــــــــــــــ ووووووووووويتبع بإذن الله أشوف متابعات ؟؟؟؟ |
اقتباس:
يويو حبيبتى أشكر متابعتك يا جميييييييل |
ههههههههه ميرسي يا لؤلؤة بجد روعة عيال عايشة حياتها (من طلب العلا نام اليالي وشد اللحاف وقال ان مالي) |
دى بدايتها مضحكه اوىىىىى طيب نهايتها هتبقى ازاى بحب انا الحاجات المضحكه وكمان هما فى نفس سنى اهو نتعلم منهم |
اقتباس:
ربنا يخليكى يا جميل تابعى معايا |
حلوة اوى القصه دى |
| الساعة الآن 07:38 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب