|
مسابقة يوم زفافى السلام عليكم ورحمة الله وبركاته انا عندى فكرة مسابقة عملتها فى كذا منتدى ونالت اعجاب الاعضاء وحبيت اطرحها هنا كمان وان شاء الله تنزل اعاجبكم الفكرة عبارة عن مسابقة للشباب ومسابقة للبنات وهيا بعنوان يوم زفافى هنطلب عدد معين من البنات اللى هيشتركوا ونقول مثلا 10 بنات وهنطلب منهم تحضير يوم فرحهم مثلا صورة الفستان الكوشة الورد الجزمة الدعوه الاكسسوارات وهكذا كل احتياجات العروسة فيوم فرحها وهما هيبعتولى الصور بتعتهم فى رسالة خاصة وبعد مكل البنات تبعتلى صورهم هنزل الصور فى موضوع تانى بس بدون ذكر اسم صاحبة الصور يعنى مثلا هقول المتسابقة الاولى وانزل الصور بتعتها وهكذا علشان نضمن نذاهة التصويت وان الاعضاء اللى هيصوتوا هيصوتوا لان فعلا الصور حلوة مش علشان معرفة بينهم وبين صحبة الصور وهنعمل استفتاء لمدة اسبوع مثلا او اسبوعين والجوايز هتبقى على 3 مراكز اول مركز 150 مشاركة +وسام المركز الثانى 100 مشاركة+شهادة تقدير المركز الثالث50 مشاركة+توقيع فلاشى وبكدة محدش هيطلع خسران ومسابقة الشباب برضو زى مسابقة البنات بس انا جتلى فكرة جديدة اننا ممكن نعملها كابل بمعنى اننا نعمل 10 فرقات كل فريق فيه ولد وبنت ويحضروا فرحهم يعنى يشتركوا هما الاتنين فى اختيار الكوشة والعربية اللى هيتفزوا بيها وفستان العروسة وبدله العريس يعنى يشتركوا فكل حاجة انا هطلبها منهم مستنية ردودكم تحياتى:126: |
ههههههههههه فكرة جميلة يا قمر ف انتظار رد الادارة ,, |
شكرا ليكى يا قمر ولهتمامك فى انتظار رد الادارة |
فكره حلوووه اوووي يـ قمر تسلم افكراتك و ان شاء الله الاداره توافق بالتوفيق |
ملاك فكره جميله والله يا ملاك ومتنثقه انتظري راي المدير العام بقي فيها بس بجد فكره حلوه اوي |
بجد فكره جميله جداا ان شاء الله يكون في اقبال عليها في انتظار الاداره لرد علي المسابقه الحبيب |
حلوة اوي الفكره ومنتظرين موافقة الاداره |
شكرا ليكم يجماعة ولتشجعكم وان شاء الله الادارة توافق |
يارب الاداره توافق واعتبرينى اول مشتركه معاكى بعد موافقه الاداره |
ان شاء الله يا قمر بس يارب الادارة ترد بقا |
| الساعة الآن 04:38 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب