منتديات بنات مصر - فتح باب الاشتراك في مسابقه شارك اكتر تشحن اكتر كارت ب25 جنيه ..ادخلو بسرعه سجل ....؟

منتديات بنات مصر (https://forums.banatmasr.net/)

- صوت الاعضاء - خدمات (https://forums.banatmasr.net/f119/)

فتح باب الاشتراك في مسابقه شارك اكتر تشحن اكتر كارت ب25 جنيه ..ادخلو بسرعه سجل ....؟

السلام عليكم ورحمه الله وبركاته

مساء الورد عليكم طبعا من فتره من 15 يوم عرضنا عليكم مسابقه

شارك اكتر هتشحن اكتر وطبعا متخفوش مضحكناش عليكم

:biggrin:

وهندي العضو اللي فاز كل الجوايز اللي قوالنا عليها

بكرا هنعرض علي الفائز في المرحله الاولي وهنديه الجوايز

بس انا وعدكم طوال ما انا في الاداره هظبطكم :762:

النهارده هنفتح باب الاشتراك للمره التانيه

ومفاجئه كمان اليوم زودنا كارت الشحن خلنااه بعد الفضايح اللي شفنها المره

اللي فاتت :762:

اللي هيفوز كارت شحن بـــــــــ 25 جنية

انا هقوال فكره المسابقه تاني علشان اللي مكنش معنا في المرحله الاولي

يعرف المسابقه

المسابقه عباره علي انك تشارك وترد علي المواضيع وتنزل مواضيع يعني باختصار مسابقه مفهاش تعب

والا تفكير كل اللي عليك هوه انك هتحول تزود من ردودك وتزود من مجهودك في المنتدي

فكره المسابقه كالاتي

المسابقه بدايتها الموضوع ده هيبقي للي عايز يسجل في المسابقه هيرد هناء ويقول مشترك معاكم

المسابقه عباره عن منافسه بين الاعضاء كل الاعضاء اللي هيشتركو معانا

كل الاعضاء اللي هيشتركو معانا هناء وهيطلبو الاشتراك ويوافقو علي الشروط بعد ما يسجلو

الموافقه علي الشروط ويقوالو انهم مشتركين هما دووال هيكونو مشتركين معانا

بعد ما نقفل باب التسجيل في المسابقه هنصور مشاركات كل عضو مشترك في المسابقه

هنصورها بالشكل ده

http://www.iraqup.com/up/20111112/02..._334481890.png

وهنخليها عندنا وهنشوف بقي اي عضو من الاعضاء المشتركين

خلال ال15 يووم بتووع المسابقه هنشوف اكتر عضو هيعمل مشاركات في ال15 يووم دووال

وهوه اللي هيكسب معانا

قوانين المسابقه

1- ممنوع المشاركات الكوبي والباست دي مش هتتحسب

2- الاعضاء المشتركين في المسابقه اي مشاركات هتجيلك من اي مسابقه مش هتتحسب

3- في لجنه تحكيم هتابع اكتر اعلي 4 اعضاء مشاركين علشان هنختار بينهم

هنشوف افضل عضو فيهم من ناحيه الردود التي ترتقي بالمنتدي

يعني ممكن عضو يكون عنده اعلي مشاركات من المتسابقين وميكسبش علشان ردوده متكونش قيمه

يعني حاول ترد ردود قيمه وليها معني تدل علي انك قرائت الموضوع

ملاحظه هامه : اللجنه مكونه من افراد الاداره واكيد الاداره مش هتظلم حد

نيجي بقي للجوايز هتبقي مفاجئه

لااول مره في منتدي بنات مصر

للعضو الفائز الجوايز دي للمركز الاول فقط

1- كارت شحن بفئه 25 جنيه هنبعت للفائز رقمه في رساله خاصه

للعضو الحق انو يطلب كارت الاتصالات ايه يعني عايزه موبينيل فودافون اتصالات زي ما انتا عايز

هنجبهوالك مظبطنكم اهوه :biggrin:

2- 100 مشاركه

3- وسام العضو النشيط

4 - شهاده تقدير مقدمه من الاداره

المسابقه متاحه للجميع شارك يا عم انتا وهوه مستنين ايه كده كده مش خسرانين حاجه جرب حظك

المسابقه دي هتتعمل كل 15 يوم يعني مرتين في الشهر

المسابقه دي تابعه لبرنامجي الانتخابي لتحفيز الاعضاء والارتقاء بالمنتدي

المسابقه دي هتتقفل عند خروجي من الاداري المنتخب :biggrin:

طول ما انا موجود علي العرش يبقي اهوه شغاله لغايه لما نشطب الفلوس اللي معانا :762:

المووضووع ده هيتقفل يوم 3 /12 /2011

وهتبدا صفاره البدايه لغايه 17/ 12 /2011

وهنعلن علي الفائز بالجاويز اللي زكرنها

اي عضو عنده اي استفسار يستفسر عنه عادي وهنرد عليه

اي عضو عايز يشترك يكتب في الموضوع ده انو مشترك

اي عضو مش هيكتب مشترك في المسابقه معكم

هنعتبرو مش مشترك

ايه رايكم في احلي من كده مسابقات بكروت شحن

:biggrin:

بالتوفيق للجميع

ادعو معايا يارب اخسر في الانتخابات القادمه علشان اقفل المسابقه

:762::762:

هههههههههههه
لا لا ان شاء الله خير و تفضل ,,

انا كنت مشتركة المرة اللي فاتت ,, ينفع اشارك المرة دي كمان :biggrin:

لو ينفع ... اعتبرني اول مشتركة ان شاء الله

تسلم علي الجهد :)

وانا كومان وكفايه اننا نحلم بالكارت
لو يانفع ياحج احمد
خدنا معااااااااااااااااك وبلاش السلاح لاحسن يطول
ونقلبها تار هنا

انا كمان مشتركه

بس عايزه اسال عن النقطه دى

1- ممنوع المشاركات الكوبي والباست دي مش هتتحسب
اى مشاركات حتى المواضيع

اقتباس:

:biggrin:

يتفع يا لاست مينفعش ليه

شدي حيلك انتي بس واكسبي واحنا علينا نخسر :762:

اقتباس:

:762::762:

يتفع اي حد عايز يشترك عادي

الاشتراك مفتوح للجميع

:biggrin:

اقتباس:

منوره الاشتراك يا ريموو

المواضيع عادي انا بقصد في كلامي علي الردود الروتينيه

زي مثلا يسلموووو شكرا والحجات دي يعني لازم تبقي ردود ليها معني شويه

منوره ياريم

انت يا عم الحج اول عوز اعرف مين كسب المره اللي فاتت

وكام عضوه بيكسب واحد ولا كام

وانا مشترك بس عارف اني مش اكسب

الحبيب

دة ايه الشغل الجامد دة يااحمد
والمجهود عالى وجميل منك ياماتركس
ويارب منورنا بنشاطك دايما
وان شاء الله تفضل ادارى على طول
والجوائز كمان جميلة جدا
وطبعا انا مشتركة
ومنتظرين الفائزين اللى هايكسبوا
بس لما تعمل الموضوع تبعتلنا اللينك عشان نبارك للفائزين
او تقولنا اسم الموضوع واحنا نشوفه
لا طبعا ان شاء الله تكسب

مجهود رائع منك يا احمد وان شاء الله مشتركة معاك وربنا يوفق الجميع وكمان يا عم احمد احنا منقدرش نخليك تسيبناا ولو حد شالك من الادارة هنعمل مظتهرة يلاااااا يا عم ههههههههههههه تسلم ايدك بجد

مسابقه جميله وقويه
بس للاسف مش حقدر اشارك
ماينفعش تستمروا كمان سنتين كده اكون خلصت؟؟خخخخخخخخخخ

وانا كمان معاكوا