|
الواد رومانسي في السجن ... دكتور فارما & عاشق ولهااان بسم الله الرحمن الرحيم أهلا ً بكم أعضاء وزوار منتدانا الجميل عوده ليوميات الواد رومانسي وحلقه جديده الواد رومانسي في السجن . وقبل ما نشوف إزاي دخل السجن أحب أشكر مشرفتنا الرقيقه دكتور / فارما اللي إشتركت معايه في كتابة هذه الحلقه . وكضيفة شرف منوره الحلقه رومانسي لما ضبط متلبس بسرقة الغسيل . حكم عليه بالسجن 6شهور سجن وتم ترحيله للسجن . أخده الشاويش للزنزانه ومن هنا تبداء الحكايه . إمشي قدام يا حرامي بليز أنكل شاويش أنا مش حرامي أنا رومانسي وكمان بتشتنمي إن ما وريتك يا رومانسي . إمشي قدامي يا متهم ودخل رومانسي السجن وشاف دنيا غير الدنيا وقف مزهول وفاق علي صوت خشن أوي إيه اللي جاب هنا ياض أنت بتكلمني أنا آيوه إنت يا دلوع مامي أنا إسمي رومانسي يا اسمك إيه وكمان بترد عليه طب خد في دماغك رومانسي أخد الروسيه دماغه لفت ومدريش بنفسه وقع فوق اللي نايم سنتك سوده إنت وهو لا مؤاخذه يا معلم طيشه ده واد خرع شرف معانا طيشه . إلحقني يا طيشه يا صاحبي مين رومانسي . أخويه وحبيبي إنتو تعرفو بعض .. لا مؤاخذه يا رومانسي واد يا إبره نعمين يا معلمي ظبط لنا الشاي نوجب مع عمك رومانسي ياض طلباتك أوامر يا سيد الناس خير يا رومانسي إيه اللي جابك هنا بعدين أحكي لك يا طيشه أعرفك بصحابي يا رومانسي المعلم حسن حقنه .. أكبر تاجر مخدرات تسلم يا معلم طيشه . إبن أصول من يومك وده الواد إبره صبيه ودراعه اليمين زي ضله مش بيفارقه لحظه تسلم يا سيد الناس واللي هناك ده إسمه ماتريكس جه هنا غلط منور يا كبير أهلا ً بيك يا ريس ومين اللي هناك ده قاعد مبلم ليه كده ده كبرياء رجل . سجنوه علشان بيعترض دايما ً في المنتدي هو بيبرق ليه كده سيبك منه مش بيكلم حد منور يا كيبو ومين ده اللي هناك أحمد سفن كان رايح يقابل الموزه بتاعته مسكوه وهو بيزمر وفاجآه الشاويش بيفتح الزنزانه سكوت يا مسجون إنت وهو . منتدي بنات مصر بعتلكم التلفزيون يصوركم أنا عارف هيعملو إيه بأمثالكم . إتفضلي يا هانم ميغسي يا شاويش أهلا ً بــكم في حلقه جديده من بغ نامجكم خلف الاسواغ ومن امام سجن القناطغ الدولي نحب نقدم لكم اخغ دفعه مساجين تم حبسهم خلال يومين خلف الاسواغ أزاي يعني يـ موزه أيه يـ حضغت مش عاجبكـ ولا آيه !!وإيه موزه دي أنا فاغما مش النظريه كملي كلامك يا موزه .. طيشه بيهمس ل رومانسي هي مالها بتتكلم كده ليه هو لسانه مقطوع لا يا طيشه دي بتمضغ لبان واللبانه لزقت في لسانها وهي صغيره إنتو بتهمسو تقولو إيه أحب أتعرف عليكم :: أسمك أيه ؟! محسوبكـ طيشه أفوت في الحديد وأعجبكـ اوي ^_^ مسكوني تحري برئ يا حكومه مسمار حضغتكـ !! بتفوت في الحديد ازاى يعني هع طب قولها صح الاول وبعدين اتكلمي وحضغتك نتعغف عليك أنا بقا الواد رومانسي واد مفيش منه إتنين أشهر من النار ع العلم التهمه حرامي غسيل أيون سمعت عن فغقتكـ لما قغغت الغناء والطغب :/ كنت فظيع فظيع بنصحكـ متكغغهاش ملقتش غير الغسيل ياتك الأغف وانت ياللي بتشغب الشاي إسمك إيه محسوبك حسن حقنه أكبر تاجر مخدرات فيكـ يـ عباسية روحي هناكـ أسألي عني الف مين يدلك عليه أحنــآ بـ الصلاة على النبي كدا أجدع نـــاس وبنحب كل الناس تكون دماغها في العالي أحنا بتوع المزاج تأخدي تجربي آخر صنف نو واي يــ بتاعه انته ميغسي جدا مش بجغب الحاجات دي ميغسي خالص يـ حقنه على أخغ الزمن هدوغ على تاجغ مخدغات >> كتم الأغف مليتو البلد تستاهل تكون هنا يا حقنه وانت ياللي قاعد لوحدك هناك .. إسمك إيه وقضيتك إيه كبريـــــــاءمعاكي كـبريــاء رجل [ صاحب قلم مميز ] بتقرأيلي : أعترضت فـ المنتدى مسكوني تحري وأخدت كام يوم هنــا نظغي ضعيف والدكتوغ قالي دي مضغه بـ الصح أهــلأ بــ حزب المعـاغضه / منوغنا يــ باشا وانت يا اللي بتكلم نفسك . أهلا بيكي في سجننا المتواضع // معاكي ماتركس منوره يا كبيره أيون كدا أخيغا ً لقيت حد عدل فيكو يا شيخه روحي أعدلي لسانكـ الأول وبعدين تعالي انتي شايفه نفسكـ على ايه أخس عليكـ أخس وانا اللي قولت عليكـ العدل فيهم وأنت يـ ماتركس ايه تهمتك : والله يـ ختي منا عارف قالولي ادخل في انتخابات المنتدى دخلت :: ولما بقيت إداري منتخب جاوبي هنا :( ألحقني يـ سيلفر ألحقني يـ كبير آدي أخرة الانتخابات أنا كان مالي ومال الانتخابات دي يـاربي :(( ألحقني يـ ريس وانت ياللي ماسك زوماغه في إيدك إسمك إيه وتهمتك أحمد سفن .. واد مخلص أعجبك .. كنت رايح أقابل الموزه وبزمر جابوني هنا تجنن يا سفن دنتا حكايه ميغسي يا سيفن بصغاحه صعبتوا عليا جامد بأهـوقغغت اساعدكم وأوعدكم أني أجيب لكم محامي شاطغ أكبر محامي وهو [ استاذنا محمد الشريف يلا سلام يـ مساجين دوام التوفيق يا شباب الكل رد في صوت واحد سلام يا موزه وقعد حقنه وطيشه ومعاهم رومانسي يحكو عن بطولاتهم ورومانسي شغال يحكي ما هصدره واسع وطيشه مستغرب كل ده يطلع منك يا صاحبي طيب كنت عرفني أجي معاك مفيش حاجه تعلي الدماغ يا حقنه موجود يا معلم إتفضل يا طيشه إتفضل يا رومانسي بس دي حاجه مش هتظبطني أحسن من مفيش يا رومانسي إبلع يا راجل بلعها رومانس وهو مش عارف إيه اللي هيجراله وقع رومانسي أغمن عليه في الحال طبعا ً رومانسي واد خرع مالوش في الحاجات دي لكنه وقع في شر أعماله وصدره الواسع أوي هو اللي وصله لكده ودي كانت نتيجة عمايله من تحت رجل المساجين . الواد رومانسي سجين أنتظرونا وحلقه جديده من يوميات الواد رومانسي تقبلو تحيات دكتور فارما & عاشق ولهان |
منور يا عاشق انتا وضيفتك وكل الناس اللي في المنتدي وخاصه المساجين هي فتره السجن بتاعتي مش انتهت وﻻ ايه يلا الحمد لله على كل اللي ييجي حلقه بجد جامده جدا دمت بتميز تحياتي لك |
ايه الابداع دهو كله حسه ذي مكون كنت شيفاهم قدامي بجد تسلم اسلوبك رااااااااائع شكرا علي الدعوه وفي إنتظار الجديد http://www.alashraf.ws/up/download.php?img=10404 |
ههههههههههههههههه أخى الغالى الكريم / عاشق ولهان صباح الخير وأنا باستعد للنزول لصلاة الفجر فى المسجد المجاور لسكنى وقد انتهيت من إعداد مذكرة مرافعة فى دعوى جنائية وقع نظرى على موضوعك المطروح بعنوان الواد رومانسى فى السجن .... وبالبحث السريع وجدت أن الواد رومنسى أرتكب جنحة سرقة مما يباعد بينه وبين السجن ، فالسجن قاصر على وقائع الجنايات ، بينما الجنح الحبس فقط لعدم ارتباط أو أقتران الوقائع التى ارتكبها بظرف مشدد كـ ( سرقة مع قتل أو شروع فى قتل ) ففى مثل هذا الحالات تكون الواقعة جناية وعقوبتها تبدأ بالسجن وما يعلوه ومن هنا انحصرت جريمته فى جنحة السرقة ، والجنح منفردة عقوبتها الحبس بشرط ألا ترتبط أو تقترن بجريمة أشد كالقتل من أجل السرقة ... فلا جريمة ولا عقاب إلا بناء على نص والمتهم برىء حتى ثبوت جريمته والحكم فيها بحكم بات نهائى . وبناء عليه : قررت الدعاء له بالهداية والتوبة النصوح عقب صلاتى بعد قليل ، وبما أن باكر الجمعة فلن اتمكن من عمل أى شىء له ولكن سأقوم بزيارته فى محبسه الاحتياطى لحين عرضه على النيابة وسأتولى الدفاع عنه لاحقا بعد الاطلاع على محاضر الشرطة ( إن وجدت ) هو وكل من يوكلنى بكامل رغبته للمرافعة من أخوة المنتدى تطوعا وبلا أتعاب وسأطالب بالإفراج عن الجميع ، من منطلق أن الجريمة لاتفيد . هههههههههههههههههههههه مع أطيب وعاطر تحاياى |
أحمد سفن كان رايح يقابل الموزه بتاعته مسكوه وهو بيزمر أحمد سفن .. واد مخلص أعجبك .. كنت رايح أقابل الموزه وبزمر جابوني هنا تجنن يا سفن دنتا حكايه ميغسي يا سيفن ههههههههههه ايه يا عم شردتني فيه ايه .. وقولى بقى والنبى رايح اقابل موزة ازمر ليه بقي هي سمعها تقيل يعني ولا ايه ولا كنا بنلعب كورة هههههههههههه . والله دمك خفيف يا عاشق ... متعرفنا على اللى لسنها معووج دي هههههه عشان تبقى واحدة طرشة وواحدة لسنها معووج تخصص معوقين ان احضرتك ههههه .. تحياتي يا ريس حلقة جميلة والله ضحكتني وبشكر رفيف كمان منورة الحلقة .. يسلمووووووووو |
الاغ بتلغلغ اللسان ههههههههههه حلقة خفيفة بس مش الي فاتوأجمد منها :d في انتظار الاجمد والاجمد من يوميات الواد الرومانسي مع خالص الدعاوي بالافراج عنه وعن المساجين الغلابه ^_^ |
عاشق المبدع منور ودائما ً ابداعك مميز بس ربنا يستره على الواد رومنسى دا نيتى نيتى خالص دخل السجن اااااااه ربنا يستره عليه يااااارب وده بقى الواحدلما يروح يورهيخدله ايه للبان بترقع والا ايه بس ربنا يستره علي ههههههههههههه تسلم يا عاشق ومنوره رفيف تحياتى لأبداعكم |
هههههههههههه حلوة اوي يا عاشق ,,,, افكارك جميلة و فارما عاملة شغل عالي ... منوغة يا كبيغة :762: عايزين نعرف بقي هيخرج ازاي ان شاء الله ,,, مشكور علي افكارك الجميلة ,, تحياتي . |
جميلة عاشق الحلقة وفارما عاملة شغل باللبانة الى لزقت فى بقها وضحكتونا من قلبنا كتير اتمنى لكم كل سعادة تحياتى لكم |
ههههههه حلقة جميلة اوى شكررا |
| الساعة الآن 02:27 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب