منتديات بنات مصر

منتديات بنات مصر (https://forums.banatmasr.net/)
-   صوت الاعضاء - خدمات (https://forums.banatmasr.net/f119/)
-   -   مـسـابـقـة ( Week End ) بـأنـتـظـار الاراء والاقتراحـات (https://forums.banatmasr.net/msryat307623/)

ღ Gի๐sτ ღ 12-03-2011 11:03 AM

مـسـابـقـة ( Week End ) بـأنـتـظـار الاراء والاقتراحـات
 
السلام عليكم ورحمه الله وبركاته


نخش في الكلام ع طول:biggrin:

المـسـابقة عبارة عن اسئلة و علي الاعضاء المشتركين في المسابقة الاجابة عليها وستقسم المسابقة ألي مرحـلتين


  • المسابقة ستقام مرة واحدة فى الأسبوع
  • يتم وضع خمسة اسئلة فقط في المسابقة
  • كـل مسابقة سيتواجد بها 5 اعضاء فقط

****


المرحلة الاولي
مرحلة التصفيات

*****
  • ستكون عبارة عن 4 مسابقات مختلفة ونوع المسابقة كالتالى
( مسابقة الاسئلة الدينيه - مسابقة الاسئلة الفنية - مسابقة الاسئلة الرياضية - مسابقة الاسئلة العامة )

  • سيشارك في المسابقة الدينيه 5 اعضاء فقط .. و في المسابقة الفنية 5 اعضاء اخرين
و المسابقة الرياضية 5 اعضاء اخرين .. و المسابقة العامة ايضا سيشارك بها 5 اعضاء اخرين

****


س / كيف ستكون الاسئلة و الاجابة عليها ؟


سيتم فتح موضوع مسابقة الاسئلة الاسلاميه في القسم الاسلامي في موعد محدد و متفق عليه

وسيتواجد ال5 الاعضاء المشتركين بالمس
ابقة الدينيه في نفس موعد فتح موضوع المسابقة الدينيه


  • 1- سأقوم بوضع السؤال الاول و اسرع عضو من الاعضاء ال5 المشتركين يجاوب الاجابة الصحيحة

تحسب له 1 نقطة . ثم اضف السؤال التاني واسرع عضو يجاوب صحيح ستحسب له 1 نقطة وهكذا بباقى الاسئلة


  • 2 - بعد انتهاء ال5 اسئلة والاجابة عليها من المشتركين بالمسابقة .. سيتم مشاهدة من اكثر الاعضاء معه
نقاط وهذا العضو سيكمل معنا ويشارك في المرحلة الثانية اما باقى ال4 اعضاء سيخرجون من المسابقة ولن

يكملوا معنا في المرحلة الثانية . بمعني انه سيتم اختيار اكثر عضو جمع اكبر عدد ممكن من النقاط

  • 3 - نفترض تساوي عضوين معاً في عدد النقاط !! سيتم وضع سؤال فيصل بينهم وصاحب اسرع اجابة صحيحة
هو من ستحسب له النقطة وبالتالى هو من سيفوز




*****

ونفس الشرح اللذي تم شرحه في المسابقة الاسلامية هو من سيكون في مسابقة الاسئلة الرياضية و الفنية و العامة

****



المرحلة الثانية
مرحلة الحسم والجوايز

****

ستكون مسابقة واحدة فقط واسئلتها ستكون شاملة وليست مختصة بمجال معين

سيكون بها

( سؤال رياضي + سؤال فني + سؤال ديني + 2 سؤال عام )

وستكون بنفس النظام في الاجابة ع الاسئلة


****

س / من سيشارك في مسابقة المرحلة الثانية ؟

سيشارك بها صاحب المركز الاول في المسابقة الدينيه
+
صاحب المركز الاول في المسابقة الرياضية
+
صاحب المركز الاول في المسابقة الفنية
+
صاحب المركز الاول في المسابقة العامة



بعد انتهاء ال5 اسئلة واجابتها سيتم الاحتكام الى صاحب اكبر عدد ممكن من النقاط وعليها سيتم تحديد المراكز

المركز الاول

المركز الثاني

المركز الثالث

المركز الرابع


وهم ال4 الفائزين معنا في المسابقة ككل وسيتم توزيع لهم جوائز قيمة:biggrin:

****



ملحوظة*

اصحاب المراكز من الأول للرابع واللذي سيتم توزيع الجوايز لهم هم من شاركو في المرحلة الثانية فقط

اما من خرج من المرحلة الاولي لن يتم توزيع له جوايز

+

المسابقة الدينيه ستكون في القسم الاسلامي . و العامة في القسم العام . و الرياضية في القسم الرياضي . و الفنية في القسم الفنى

اما المرحلة الثانية ستكون في قسم يوميات الاعضاء:biggrin:


****

س / كيف سيتم اختيار المتسابقين ؟

هافتح موضوع قريبا ان شاء الله وكل عضو يختار المسابقة اللى يحب يشارك فيها سواء الدينيه او الرياضية او الفنية او العامة حتي يكتمل العدد 5 مشتركين في كل مسابقة .. ولا يحق للعضو الترشح لمسابقتين مع بعض



****



كل واحد يقول رأيه في المسابقة ولو في رأي او اقتراح او تعديل او اي نقاش ع الفكرة يقولها



*
المسابقة ستكون يوم السبت من كل اسبوع
ولو لكم اي تحديد ع الموعد المسابقة تفضلو بارائكم




*****

جوائز المسابقة

صاحب المركز الاول


( وسام + 200 مشاركة )

صاحب المركز الثاني

( 200 مشاركة )

صاحب المركز الثالث

( 150 مشاركة )

صاحب المركز الرابع

( 100 مشاركة )



ان شاء الله الفكرة تكون عجبتكم

  1. *****


الرحــاال المٌتَمرد 12-03-2011 11:15 AM

انا مشارك معاك ان شاء الله لو تمت الموافقه
بالتوفيق ان شاء الله

ღ Gի๐sτ ღ 12-03-2011 11:35 AM

تمت الموافقة ع الفكرة اخي رحال
ان شاء الله قريبا هانزل الاعلان عن فتح باب الاشتراك وتبقى تشترك معانا ان شاء الله
بس نسيب التوبيك الحالى دة يومين كدة عشان الاعضاء تفهم الفكرة ويظبطو نفسهم ولو في حد عنده اي تعديل مفيد للمسابقة نخليها احسن من كدة او لو مفيش عادي بردو:d


منور التوبيك

۩۩ elMagic ۩۩ 12-03-2011 11:47 AM

فكرة جميله جدااا
تسلم يا محمد عليها
بس انا عندى استفسار كده بالنسبه للأسئله
اعتقد هتبقى اجابتها كوبى وبست من قبل المشتركين من جوجل يعنى هيبقى الامر سهل
بص لو الحكايه كده
انت ممكن تعمل فى المرحلة التانيه اسئله محتاجه اراء المشتركين مثلا فى قضيه معينه وكده
بحيث انه ميقدرش يجيب الحل من جوجل وتبقى المسابقه جوايزها تستحقها
موفق يا ريس
ودى واحترامى


~..a7la smile..~ 12-03-2011 12:01 PM

لالا مجهوود مميز
وفكرة حلوة وبالتوفيق للجميع ان شاء الله
بس اانا كما رأيي زي رأي احمد

ღ Gի๐sτ ღ 12-03-2011 12:38 PM

ميرسي لمروركم
طبعا معروف يا احمد ان في ناس هاتحاول تجيب الاجابات من جوجل
بس انا هاحاول ع قد ماقدر اصعب السؤال عن اللى قبلو لان الاراء مش هاعرف احكم لان كل واحد ليه وجهة نظره وتحترم

وفي النهاية هايتم اختيار اسرع واحد يجاوب يعني ممكن الواحد ع بال مايجيب من جوجل يكون اللى عارف الاجابه من نفسه سبقه وكتبها قبليه وهو اللى هايفوز

لو عندك حل اخر يكون كويس

وشكرا لرأيك الجميل منور انت و ايمي

۩۩ elMagic ۩۩ 12-03-2011 12:45 PM

اقتباس:

المشاركة الأصلية كتبت بواسطة ghost.rider (Post 2878682)
ميرسي لمروركم
طبعا معروف يا احمد ان في ناس هاتحاول تجيب الاجابات من جوجل
بس انا هاحاول ع قد ماقدر اصعب السؤال عن اللى قبلو لان الاراء مش هاعرف احكم لان كل واحد ليه وجهة نظره وتحترم

وفي النهاية هايتم اختيار اسرع واحد يجاوب يعني ممكن الواحد ع بال مايجيب من جوجل يكون اللى عارف الاجابه من نفسه سبقه وكتبها قبليه وهو اللى هايفوز

لو عندك حل اخر يكون كويس

وشكرا لرأيك الجميل منور انت و ايمي

تمام
بس انت ممكن فى الحاله دى مثلاً مش تقيم وحدكـ
علشان محدش يقول ان فيه تحيز منكـ اتجاه اى من المشتركين
وطبعا الاراء بتحترم ولكن بيكون فيه اراء صائبه وغير ذلك
عموماً فكرتكـ جميله طبعا يا محمد وهتنشط المنتدى شويه
بالتوفيق ليك ان شاء الله ولكل المشتركين
خالص احترامى وتقديرى


ღ Gի๐sτ ღ 12-03-2011 03:20 PM

تمام يا ابو حميد

روح صامتة 12-03-2011 03:25 PM

الفكرة جميلة
اخدت وقت على ما استوعبتها بس ان شاء الله
تتنفذ زي ما متخططلها بقه :)
تسلم ع الموضوع
ارق تحياتي

doiss 12-03-2011 03:33 PM

الفكرة جميلة يا شبح وان شاء الله تكلل بالنجاح والتوفيق ,,
كنت وضحت لنا مين اللي وافق عليها
عشان ميحصلش تخبط بينا كـ إدارة ؟

ويبقي الموضوع قيد مجهول ولا هو كلة اشباح هههههه


الساعة الآن 02:58 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w