|
برنامج (يوم ليك وتلات ايام عليك ) السلام عليكم ورحمة الله وبركاته بدون مقدمات وكلام كتير فكرة البرنامج سهله وواضحه من عنوانه (يوم ليك وتلات ايام عليك ) كل عضو هيدخل هيقول رأيه بصراحه ووضوح فى تلات أشخاص هو أتعرف عليهم فى المنتدى بعد كدا هيقوم بأرسال الرابط بتاع الموضوع لتلات اعضاء دول هيدخلوا التلات اعضاء يقولوا رأيهم فى الشخص دا مع اختيار شخصيتين تانى بحيث كل واحد منهم يقول رأية فى تلاته اشخاص كل عضو من التلاته هيقوم برضوا بأرسال الرابط بتاع الموضوع للى قال رأيهم فيهم ماعدا طبعا الشخص الاول لانه هو اللى بعتلهم الرابط وهكذا الى ما لا نهاية فهمتم حاجه ولا انا مش مهم اللى مفهمش نشرح تانى وتالت وعشرين كمان حد يقولى اية الفكره اللى ملهاش هدف دى هقوله لا ليها هدف وهدف سامى ونبيل وشريف وابوهم وامهم كمان لانك هتتعرف اكتر على الاعضاء اللى هنا واول عضو هيتم احتياره عن طريق المشرفين لحظه ياجماع زى ما عودناكم اى حاجه عندنا ليها رابط وضابط يجب على الاعضاء اتباع الاتى : 1- أحنا قولنا انى كل عضو هيقول رأيه بصراحه صح يعنى على حسب ما هو شايف لو فى غلط فى رأية ممكن أنك تشرح وجهت نظرك بس فى حدود احترام وجهت نظره فيك وبدون تجريح وفى حالة التجريح للاسف يكماجه هيكون فى مخالفات والغاء للموضوع وانا لسه فى اول طريقى يرضيكم ينقطع عيشى وانا بجرى على كوم لحم . 2- أفكتر دايما انك هنا علشان تستمتع بوقتك وتعرف الانطباع اللى سبيته شخصيتك عند كل اللى هنا مش خلافات ومشاحنات الحاجات دى مش عندنا . 3-اللى هيلتزم طبعا ب1-2 مش هيختلف فى 3 علشان كدا هنلغى رقم 3 من المقرر فى انتظار ارأكم لتنفيذ الفكره فى قسم التنمية البشرية . |
الفكره جميله ومش محتاجه موافقه من الاداره والا حاجه انتي مشرفه القسم وشايفه الانسب لقسمك وهيه فكره كويسه لتنشيط القسم ممكن تنزاليها في قسمك بدون موافقه بالتوفيق ليكي |
ولا فهمت اى حاجه هو الموضوع دا بيتكلم عن ايه :079: عموماً بالتوفيق ليكى فى الفكره دى ويلا بقى روحى ذاكرى متجيش تانى يا ماما :biggrin: |
هههههههههههه مافهمتش حاجة بس ان شاء الله تبقي حلوة :) |
فكرة كويسة وان شاء الله تنجح ومش هتبان اكتر لا لما تتنفذ موافقة يا قمر |
آيـوآ نعم يعني :biggrin: وربنـآ مآ فهمت ههههههههه ع آلعموم هستنـآكي تعمليهآ وآفهم :D:D بآلتوفيق ي بنوته ,, |
شكرا لمرورك القيم ياجماعه وهو دا اللى انا عايزاه انى محدش يفهم حاجه لحد ما امتحن وارجع انفذها انا بكتبها علشان افتكرها مش اكتر هههههههههه تعيشوا وتاخدوا غيرها منورين حاضر ياحمادة ادينى ماشيه مش هرجع تانى غير بعد الامتحانات |
اطلعي برا يا اميرة انتى ممنوعة من دخول القسم ده لغاية السنة الجاية ههههههههههههههههه ايه يا بنتى الفكرة الغريبة دي على العموم الفكرة قائمة لكن بشكل مختلف ونفس الاهداف فيه عضو في عيون الاعضاء واراء حول عضو ورأيك ف ادم تقريبا بتاع ملكة الهدوء كلهم بياخدوا اراء الناس في شخص معين انا شايف ان الفكرة مكررة لكن بشكل مختلف بالتوفيق ليكي |
اهم شيء تاخدي موافقة جميع الاطراف قبل البدء , عشان ميحصلش سوء تفاهم , وربنا يوفقك فيها ,, خالص الإحترام ,, |
اقتباس:
ههههه امال اية نفهمك بالسهل يعنى مش لازم نتعبك شوية نورت التوبيك متخفش فى قدر المستطاع هجدد فيها انا بس كتبتها علشان افتكرها |
| الساعة الآن 07:40 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب