منتديات بنات مصر

منتديات بنات مصر (https://forums.banatmasr.net/)
-   فضفضة الأعضاء (https://forums.banatmasr.net/f137/)
-   -   صدق اللى قال مفيش احلى من الصراحة ادخلو بالذووووووق (https://forums.banatmasr.net/msryat328570/)

جوليت تبحث عن روميو 02-09-2012 12:20 PM

صدق اللى قال مفيش احلى من الصراحة ادخلو بالذووووووق
 
ممكن اتكلم معاكو شويه بصراحه


احنا لما نحب ونقول كلمه بحبك


انتى تقولى بحبك وهو يقولك مش عايزغيرك



بنسيب بعض ليه ؟؟


ايه سبب الفراق ؟؟


وياترى بقى السبب ده يقدر يبعدكو عن بعض ويهد الحب اللي بينكو

وسهر الليالي وينسيك كل كلمه حب قولتها !!ولا انتو اصلا كنتو محتاجين

اي سبب كده وخلاص علشان تسيبو بعض ....زهقتو من بعض


عارفين لما كانو بيسألوني هي البنت بتسيب الولد ليه ؟


كنت بقولهم ياما شافت واحد احسن منه ....ياما ملت منه يعني زهقت


طيب تيجي واحده تقول انا سبته علشان هو خاين وكدب وكده


طيب لو سألتي نفسك سؤال لو خانك يبقى مكنش بيحبك اصلاا


اصل محدش يقدر يخون اللي بيحبه ...انتي بس اللي اختارتي غلط ياموره


عارفين اي اتنين سابو بعض وجه يفكرو شويه في سبب الفراق؟؟


مش هيلاقو سبب اصلا مفيش اكتر من انهم حسو بملل سواء منه او منها



لان اقوى رابطه في الكون هي رابطه الحب محدش يقدر يكسرها

الا اذا كانت بعمد يعني قصدهم يكسروها او عايزين يفركشو بمعنى اصح



وبصراحه بقى نص الشباب يعني بتمشي مع البنات علشان يجي يقول للناس

انا الواد الامور وكده بقى واللي مش عارف ايه ومش عارف ايه ويروح يقول لاصحابه

البت اللي انا ماشي معاها والبنت مش عارف ايه والحبشتكنات دي

ويروح الجيم ينفخ نفسه ويبين عضلاته ويعمل نفسه تين شوكي وسط النمل


ويروح يقف على الناصيه ويبص على اللي رايحه واللي جايه على راي شيرين



بس والله بجد ودي حقيقه الولد لما بيحب بيحب بجد بس دايما بيحب بعد فوات الاوان


علشان كده بيكمل لعب اصل الي هو حبهاا قررت مترجعلوش ياما طارت (اتخطبت يعني).



وزي ماتكلمنا عن الشباب نيجي نتكلم شويه عن البنات


البنت دي بصراحه كائن غريب


تيجي تسالها انتي بتحبيه ؟ تقولك مش عارفه


بخاف منه اصله بيلعب كتير وتلاقيه ياعيني مبيعرفش يلعب بلاي ستيشن حتى


واول واحد يدخل البيت عريس يأمااااي حلقي عليه ياما وده اللي بيحصل


يبقى في اديها تعيش مع واحد يهد جبال علشانها بس هي بقى


دماغها تزرجن وتيجي تقولك ده لسه ابوه بيصرف عليه وانا هستناه لامتى


ده قدي اتجوزو وخلفوو وانا لسه معاااه هيعلقني باحبال الهوى الدايبه


وانا ممكن استناه ويجي تاني يوم يديني استماره 6 والحبشتكنات دي


وتلاقي اصلا البنت ماشيه مع الولد ياعيني علشان تغيظ اصحابها


تيجي تروح لصحابها الواد رن فضل يرن عليا امبارح 15 ميسد كول


وصاحبتها بقى تقولها يا جامد اتقلي عليه


سبيه كده علشان يعرف قيمتك هههههههههههه


وتيجي بقى تقولها هو الواد بتاعك عامل معاكي ايه

كلمته امبارح زعلنا مع بعض

ليه يابنتي انتي مش قولتلي انه عمره مازعلك

تقولها هو زعل لوحده انا عملتله حاجه كل ده علشان مرضتش عليه من اول مره

الاتنين يقعدو يفشرو على بعض هههههههههههههههههههه




وتلاقيهم بيتحدو بعض اللي يعمل ميسد كول اكتر


اصل فيه بنات كده رخمه معندهاش ريحه الدم عايزه الحرق حطمو الرقم القياسي


في الميسد كــول



بصو ياجماعه من الاخر كده يانحب بجد ..............يانلعب


البنت اللي عايزه ميسدات تيجي الناحيه دي


والبنت التي تبحث عن الدبله ام 520 جنيه تيجي الناحيه دي (الدهب بكام دلوقت ) المهم نكمل



اللي عايز يلعب يروح مع بتاعت الميسدات


اللي عايز يحب يروح يشتري الدبله



محدش يتريق اصل اقولكم ايه


احنا بصراحه مش عارفين نحب وبنحب غلط


ونيجي بقى للسؤال الذي يدور في كل فكر فتاه وشاب


هو اخره الحب ايه يعني ده مفيش شغل ولا فيه يحزنون


بس نيجي برضو في الاخر...ومنقدرش نستغنى عن اللي في القلب



وهنيجي برضو نقول نفسنا نعيش احساس الحب..وان يكون معاك حد بتحبه وبتخاف عليه


اصل الحب ده يعتبر الحاجه الوحيده اللي هتخلينا نعرف نعيش في البلد وننسى همها


اصل البلد دي مش وراها حاجه غير الموبايلات كل يوم ينزلولنا موبايل جديد


وانا فلوسي طارت على الموبايلات والعدد الصيني خربت البلد



المهم محدش يزعل مني انا يعني حبيت اقول شويه من اللي في قلبي


يمكن اكون انا غلط ومفيش حاجه من دي بتحصل


بس انا شوفت ده بعنياا


المهم كل واحدة بتحب ربنا يخليها لحبيبها وياريت محدش يزعل حبيبه منه






اتمنى انى مش اكون طولت عليكم

وان الموضوع نال اعجاب الجميع
:003:

تصدق نسيت 02-09-2012 12:46 PM

بنسيب بعض ليه ؟؟
اعتقد السبب لان الحب يكره المتلاعب بالعواطف ويتجه للاحساسيس
ويحب كل وفي ومخلص
ايه سبب الفراق ؟؟
اعتقد عدم التفاهم
وقله العقل الثقه وكمان الانانيه
وفعلا كلنا فارقنا ناس كتير بنحبها
وسعات هما بيفرقونا وهما معانا
وده اصعب فراق


ثانيا اختى الملل الى تتحدثين عنه اذا حدث فيبقى ذالك نقص
من شخص لدى الاخر ودة سبب الانفصال مثلا لعدم اهتمامه بالحبيبه عدم احساسها بالامان والجديه والثقه لدى الشخص عدم احساسها بالذات معه
اعتقد طرح ولا اروع ولو تطرفنا له لتكلمنا الكثير والكثير فلى عودة مع الاعضاء باذن الله
تسلم الايادى


شاعر واسير الحب 02-09-2012 12:59 PM

موضوع جميل
تسلم الايادي
دمت بخير
وكل ماتراة العين صح وموجود كل اللي موجود بالموضوع
اكيد هاييجي اليوم اللي الناس هتتغير بس بعد ماتنتهي خالص
لك تحيتي

الكينج ستار 02-09-2012 01:04 PM

موضوع جميل
بس اختلف معكي في بعض النقاط
تسلم الايادي

elaitrwy 02-09-2012 01:08 PM

موضوع جمييييل
فية كثير من الواقع
بس انتو دايما بتظلمونة كدااااا :p

Lost Pearl 02-09-2012 01:35 PM

موضوع جميل

و هو لو كل واحد خاف علي حبيبه

هتتظبط الدنيا بإذن الله

تسلم ايديكي

مغرورة ومن حقي 02-09-2012 01:39 PM

سلمت الاياادي

aya1994 02-09-2012 03:05 PM

البت اللي انا ماشي معاها والبنت مش عارف ايه والحبشتكنات دي

ويروح الجيم ينفخ نفسه ويبين عضلاته ويعمل نفسه تين شوكي وسط النمل
عجبتنى اوى حكايه التين الشوكى دى
ومش شرط انهم يسيبو بعض عشان الاسباب دى زى الخيانه والكلام ده
ممكن ميكونوش اتفقو معا بعض او شيفين انى حيتهم مش هتستمر فابيسيبه بعض
بجد موضوع جامد تسلم ايدك

واد حبيب 02-09-2012 03:34 PM

اعتقد اللي بيحب بجد بيحب من قلبه
ومش لزم يروح يقول للناس اني بحب كده
لان الحب في القلب والمشاعر الصادقه منه اتجاه حبيبته
انتي قولتي حاجات كتير بتحصل بس اللي يعمل كده مش بيحب
ده واخدها تسالي عملها زي قرطاس اللب يتسلي بيها في اي مكان
الحب شي جميل جدااا واجمل حب اللي يكون بيحب من قلبه
ومقيش قلب بيحب اثنين بنفس الدرجه اكيد بيكون في واحده اغلي من التانيه
ياريت اي حد يحب يحب من قلبه وبلاش يلعبو بقلوب البنات
تسلمي علي الفضفضه الجميل اللي خارجه من القلب
تقبلي تحياتي
الحبيب

*دموع القمر* 02-09-2012 03:37 PM

بجد موضوع جميل
وفيه كتير من الواقع وتقريبا كل واقع والله وبيحصل لافعلا وانا كمان بشوف
مواقف زى كده
تسلم ايدك على مجهودك وربنا يهدى كل الشباب بنات وولاد
بس الحب الحقيقى هو الى يجى من الباب وليس من الشباك
سلمت اناملك
تقبلى تحياتى


الساعة الآن 12:40 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w