منتديات بنات مصر - ما تيجو بقا نضحك ونشيل الهم من قلبنا ونعيش حياه بلاااااااااااا تعااااس

زي ما العنوان بيقول كده عارفين ليه احنا نفسيا بنتعب لما بيحصل لينا حاجه مش كويسه لان للاسف احنا بنردد كلمه الايمان بالقضاء و القدر بس بلسانا مش طالعه من جوه قلبنا انا نفسي كنت كده كنت بمر بفتره اكتئاب رهيييييييييييييبه بس لما ايقنت فعلا ان ال خلقني مش هيكتبلي حاجه وحشه و ان كان ف ظاهرها انها مصيبه اطمنت اوي و ارتحت و حسيت ان ربنا عاينلي الخير هقولوكو علي مثال قريته و عجبني اوي ليه الركاب ف الطياره بالرغم من انهم مشعلقين ف الجو .........عادي بيضحكو وبيهزرو و منهم ال بيناااام و يروح ف سابع نومه عارفين ليه
لان
عندهم ثقه ف الطيار انه متمكن و انه شاطر و عندهم يقين ان شاء الله هيوصلو كويسين امنين
اهو احنا حياتنا ف الدنيا زي رحلتنا فالطياره ليه نعكنن نفسنا و نشيل هم الجاي بقي بذمتكم حلو علي قلبنا نثق ف عبد و ما نثقش في ال خلقنا طب تيجي ازاااااااي.....
نفسي علاقتنا تكون بربنا فيها التوكل ال استشعرتوه ف مثال المسافرين ال ركبو الطياره

لو فعلا حسيتو بكده و تيقنتو ان ربنا بيكتبلنا ال فيه الخير والله ما هيهمكو اييييييي حاجه بتحصل لو حلوه هتحمدو ربنا و لو وحشه هنصبر و ندعي و برددددددو نحمد ربنا
احلي احساس ف الدنيا و الله انك تبقي راضيه بالربنا قسمه ليكي لان ربنا بيعوض اوي اوي اوي لو انتي مريضه بصي ف حياتك و قدراتك و الحاجات ال ربنا ادهالك والله والله والله هتلاقي عندك حاجه ربنا ميزك بيها ان ما كانتش ماديه و ملموسه اكيد محسوسه مش كتير بنلاقي ناس مريضه بس ياااااااااااا الله لما تعدي معاها و الله تحسي ان الدنيا كلها بتضحك و انتي معاها
هتقوليلي فشلت ف حبي هقولك مش احسن ما كنتي تتجوزي و تتطلقي
هتقوليلي فشلت ف زواجي هقولك قولي الحمد الله اخد الشر و راح مش يمكن لو كنتي كملتي كنتي ما تشوفيش الخير ال ربنا عاينهولك ولا انتي بقي ما عندكيش ثقه فان مع العسر يسرا
هتقوليلي اصل زوجي خسر فلوس كتير هقولك علي حديث انا بحبه اوي

يقول عمر بن الخطاب رضي الله عنه إنه سمع رسول الله ( صلى الله عليه وسلم ) يقول: (( لو أنكم تتوكلون على الله حق توكله لرزقكم كما يرزق الطير تغدو خماصا وتروح بطانا )) رواه الترمذي

تغدو خماصا الغدو : الذهاب في أول النهار
وخماصا : جائعة ا ليس في بطونها شيء لكنها متوكلة على ربها عز وجل
وتروح بطانا تروح أي : ترجع في آخر النهار ممتلئة البطون من رزق الله.

هتقوليلي اصل الموت حقيقته صعبه و انا تعبانه من الفراق هقولك ما كلناااااااااااااااا هنموت اه طبعا الفراق صعب و الحزن شئ مش بايدينا بس هي دي حياتنا و دي حقايق ما نقدرش نغيرها لان دي سنه الكون و الحياه كمان الموت تذكره من ربنا لينا عشان مش نتلهي في الحياه و ننساه
كمـــــــــــــــــــــــــــــــان
ربنا أولى بينا من أنفسنا و هو الوحيد اليعلم امتى تكون الزيادة في أعمارنا خيرا لينا و امتى تكون شرا علينا.. سبحانه لا يسأل عما فعل

خللي شعاركو دايما
(و عسى أن تكرهوا شيئا و هو خير لكم و عسى أن تحبوا شيئا و هو شر لكم و الله يعلم و أنتم لاتعلمون)
ما تخليش الشيطان يسيطر عليكو و يحبطكو اشغلي نفسك بحاجه مفيده تحبيها و تلاقي نفسك فيها و بالتالي ما يكونش عندك وقت ولا مكان للشيطان يسيطر عليكي و يخليكي تياسي من رحمه ربنا

اوعي تقولي انا عندي كبت ليه ما تسميهوش عفاف
ولا تقولي انا حارمه نفسي من كزا ليه ما تسيمهوش رياضه لنفسك امال احنا بنصوم ليه ماهو عشان ربنا يغرس جواكي القيمه دي
لو يوم عدي عليكي و مش عارفه تنامي ليه ما تستغلهوش صح و تعدي تذكري ربنا و تسبحيه لححححححححد ما يجيلك نوم اسهل و احلي عباده الذكر و انتي ف مكانك بتحركي لسانك بذكر الله
و الايه الكريمه بتقول فَاذْكُرُونِي أَذْكُرْكُمْ وَاشْكُرُوا لِي وَلَا تَكْفُرُونِ
ازاي عاوزه تدعي ربنا و يستجيبلك و هو لما بيدعيكي للصلا بالاذان ما تروحيش ولا بتستجيبي ازااااااااي
رسولنا الحبيب بيقول ايه : فيما يروي عن ربه تعالى { من ذكرني في نفسه ذكرته في نفسي ، ومن ذكرني في ملأ ذكرته في ملأ خير منهم }

عارفين ال يعمل كده من جوه قلبه هيلاقي نفسه اكنه عايش ف المدينه الفاضله مدينه ما فيهاش لا امراض نفسيه ولا غل ولا حقد
مدينه كل ال فيها حب و تسامح و موده و رحمه و كل حاجه حلوه
اقولوكو علي حاجه جميله اوي خلي هدفك رضا ربنا والله هتلاقي الدنيا جايه لحد عندكو و هي راغمه و ده مش كلامي ده كلام الرسول

عَنْ أَنَسِ بْنِ مَالِكٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "مَنْ كَانَتْ الْآخِرَةُ هَمَّهُ جَعَلَ اللَّهُ غِنَاهُ فِي قَلْبِهِ وَجَمَعَ لَهُ شَمْلَهُ وَأَتَتْهُ الدُّنْيَا وَهِيَ رَاغِمَةٌ وَمَنْ كَانَتْ الدُّنْيَا هَمَّهُ جَعَلَ اللَّهُ فَقْرَهُ بَيْنَ عَيْنَيْهِ وَفَرَّقَ عَلَيْهِ شَمْلَهُ وَلَمْ يَأْتِهِ مِنْ الدُّنْيَا إِلَّا مَا قُدِّرَ لَهُ".

والله لو حطيتو ف دماغكو الحديث ده كويس مش هتخافو من اي شئ ولو كان الموت لاننا ساعتها هناقبل ربنا الكريم الرحيم الجمييييل في احلي من كده ايه.......
ولا هتخافو من ظلم لان احنا ف معيه ربنا العــــــــــــــدل
هتلاقو نفسكو ان حتي لو انتي ف كرب ربنا اداكي السلاح و هو الدعاء و الذكر ال كنا ناسينه ف الرخاء
والله شعور جميييييييييييل و الله لما تحسي ان الدنيا من حواليكي فاضيه و انتي و ربنا و وبس
انا عن نفسي بقيت اتلذذ اوي لما اعد اقرا قران و افهم اياته و لا لما اتفرج علي داعيه انا بحبه ياااااااااااااااا يا بنات والله بحس اني طايره فووووووووق فوووووووق اوي مش ف الدنيا الهم دي
و بالمناسبه انا لا انا منتقبه مع اني اتمني ذلك وكل التقدير و الاحترام للاخوات المنتقبات ولا بنتمي لتيار معين انا مؤمنه بحاجتين الله و كتابه و سنه نبينا محمد عليه افضل الصلاه و السلام و زيي زي اي بني ادمه اكيد فيه اخطاء و عيوب و اديني بحاول اصلح من نفسي ...........
و بردو ده ما يمنعش اني بخرج و ازور جيراني مش بقول ان احنا نقفل علي نفسنا ابدا والله
انا حياتي زمااان كنت كلهاااااااااا مقضياها ف النوادي و بعيده عن ربنا تماما و كأن ربنا عاوز يهديني ليه مره واحده
ده كان كلام جوايا و حبيت افضفض بيه معاكم