|
حلقة جميله مقرتهاش كلها بس اللى قاريتوا جميل |
الحلقة الرابعه من برنامج ( morshooo فى الشارع ) بسم الله الرحمن الرحمن اهلا ومرحبا بكم وحلقة جديدة من برنامجكم MORSHOOO فى الشارع :biggrin: بعد نجاح برنامجنا على مستوى العالم جالى عروض كتير من قنوات كتير وفعلا خلاص قررت انى اخلى البرنامج حصرى لاحد البرامج ومحدش هيشوف الحلقات الا على احدى القنوات المشفرة ^_^ طبعا برنامجنا بيعتمد على الاشاعات ودى كانت احدث اشاعه ظهرت فى المنتدى الفترة الاخيرة وانا بعلنها ان البرنامج هيفضل هنا فى المنتدى وحصرى ومش هزيعه على اى قناة تانية هاهاهاهاهاها النهاردة هيبقى معانا لقاءات مهمة جدا وتقارير غاية فى الاهمية بقالنا تقريبا 15 يوم وزى ما كلنا عارفين فى اشاعات كتير جدا عن نقص البنذين والسولار والمواطنين بيشتكو كمان من زحمة الطرق بسبب الموضوع دا وبيشتكو كمان من حكاية عدم وجود اتوبيسات بتاعت الهيئة طبعا دى كلها اشاعات وزى ما كلنا عارفين هثبتلكم ان دى اشاعات مش حقيقة تعالو نشوف اول حوار ضيفى هيقول فية اية اهلا بيك فى برنامجنا واية رائيك فى حكاية عدم وجود بنذين فى البلد ؟ بص حضرتك انا مش هقول دى ناس عايزا ترمى اشاعات وخلاص والا هقول ان الناس دى بتظلم مصر معاها حضرتك جيت على فجأة وبتعمل معايا حوار وجيت لقتنى بعمل اية بحط بنزين ولوحدى فى البنزينة صور ياعم وعرف الناس لو سمحت يا أخ ممكن اصور معاك انا شغال هنا فى البنزينة ااوك اتفضل تحب تقول اية بالنسبة لموضوع البنزين ؟ انا بس مشترك عشان نفسى حد يقنع الراجل الــ بيكلم دا ان البنذينة مفيهاش بنذين وهو قاعد لوحدة كدا من امبارح ومش هينزلنا بنذين النهاردة ^_^ احم احم طبعا بعتزر للجمهور عن المداخلة الغريبة دى وماتقلقوش هنقطع الكلام دا فى المونتاج طبعا كلنا شوفنا المواطن الرائع وسمعنا الكلام الــ قالو وادينا جينا فجأة ولقينا البنذينة فاضية والراجل بيفول وزى الفل تعالو بقى نشوف ونرد على الشكوى دى كمان بخصوص الطرق زحمة والمواصلات غليت دلوقتى اعزائى المشاهدين راكبين ميكروباص وهنشوف وهنسئل المواطنين عن حكاية غلاء المواصلات اهلا بيك فى برنامجنا وتحب تقول اية عن غلاء المواصلات . مواصلات اية يا بية الــ غليت انا كل يوم بروح وأجى فى الطريق دا السواقين زى الفل والمواصلات زى ماهى لا غليت والا اى حاجا الاجرة زى ماهى دا كمان كتر خير السواقين بيقفو بالساعات فى البنزينة ودا كلة بيضيع من وقت الوردية بتاعتهم بس هما عندهم قلب علينا والاجرة زى ماهى بقولكم اية يا جماعة الاجرة زادت 50 قرش عشان مفيش سولار فى البلد الــ مش عاجبة يتفضل ينزل انا بقف يجى 4 ساعات عشان احط زفت سولار اهو مش قولتلك السواقين زى الفل معانا ومفيش اجرة غليت والا حاجا لو سمحت نزلنى بقى عشان انا مش عاجبنى الكلام دا ^_^ برضو شكلنا هنشيل كلام السواق دا فى المونتاج هو كمان زى ما كلنا شوفنا يا جماعه صدقونى الامور زى الفل فى مصر مفيش اى نقص فى السولار ولا حاجا انا بطالب المواطنين انهم مش اى حاجا يصدقوها ودلوقتى معانا مسئؤل مهم جدا هنعمل معاة لقاء عشان يطمن المواطنين اهلا بمعاليك معانا فى البرنامج واحنا جايين عشان نعرف من حضرتك اية اخرت ازمة البنزين والسولار ؟ انا بطمن الجميع مفيش أزمة والا حاجا دى أزمة مفتعلة انا شخصيا كل يوم عربيتى الخاصة بتتفول ومفيش اى مشكلة انا بقول للمواطنين اية يعنى لو قعد 3 ساعات عشان تفول العربية يعنى انتا هتروح البيت تعمل اية والا حاجا هتفضل مع المدام تقرفك وهات وهات وهات واعملنا طيب ولية يطلع عينك دا بدال ما نشكر الحكومة على الــ بتعملة عشانا نقوم نعمل معاهم كدا والله دا حرام انا من خلال برنامجك بشكر الحكومة على الـ بتعملة عشانا وانا هسئل سؤال للمواطنين ياترى تقف فى طابور البنزينة 3 ساعات والا تقعد تحت طلبات مراتك 3 ساعات ؟ دا يا جماعه هيبقى استفتاء حلقتنا النهاردة مع السؤال المهم جدا الــ سئلة المسئول المهم وهسيبلكم انتو التصويت وعايز اقول حاجا اخيرة ومهمة لو سمعتو الكلام دا فى اى مكان اتأكدو ان انتو اكيد اكيد فى مصر او فى اى دولة عربية ^_^ انتظرونى والحلقة الرابعه ولقاءات خاصة من قلب الشارع المصرى ^_^ ملحوظة : جميع اللقاءات من وحى خيالى واكيد الحكايات دى ممكن اكون أتأثرت بحكاية او اغنية او حتى بموقف حصلى انا شخصيا . |
هههههههههههههههه حلوه نبقى نشيل الكلام ف المونتاج^^ اى حد عاقل وبينزل الشارع هيعرف ان فيه ازمه بنزين اللى مش مصدق بقى يبقى هو بيضحك ع نفسه^^ عجبتنى فكره البرنامج وطريقه طرحه ^^ تسلم ايدك ^^ |
هههههههههههههههههههه علي فكرة معاك حق مافيش ف البلد اي حاجة اصلا :762: تسلم ع الحلقة ف انتظار الجاي :) |
اقتباس:
ههههههههههههههههههههههههه وقف ياعمو ونزلو ع جنب دايما بتعجبنى طرائف السواق وانت بتطرحها بشكل جميل حلقه جميله جدآآ تسلم ايدك يآرب ف انتظار الحلقه القادمة دمت بخير |
احلى حلقه من حلقات مورشو في الشارع :)))) جامده اوي اوي اوي يامستر استمر يا مستر *_^ طبعا مافي كلام تقيم |
حلوووووووووه اكييييييييييد بجد استمتعت بيها يسلموووووووووووو مورشو |
طب كنت قولى على الحلقه ياحضرة المذيع وأنا كنت صورت ليك صوره ليها العجب من أمام البنزينه الى فى قريتى وأمام مكان شغلى كمان كانت صوره ليها العجب ياله ياخساره كنت هستنفع منك بقرشين ولا حاجه هههههههه وعارف بقه يا أحمد رغم ده كله والصعوبات دى كلها الآمل فى الله موجود وأزمه وتعدى بأذن حلقه موووفقه ورائعه كالعاده ياموروشو متألق دااائما ربنا يحفظك |
أيه الحلقة الجميلة دي يا غالي بصراحة عبرت عن كل هموم الشارع بحنكة وإبداع ربنا يصلح حالنا يا رب تقبل مروري وتقديري ايها المبدع |
هههههههههههههههههههههه ربنا يرحمنا بقى من الهم اللى احنا فيه ده كدب ونفاق دايما ولا فى اى حاجه بتتغير بجد قربنا نيأس على الاخر |
| الساعة الآن 02:13 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب