مسابقة The Generator السلام عليكم ورحمه الله وبركاته طبعا زى ما بعضكم عارف انا بقالى فتره طالع عينى فى تصميم مسابقة والحمد لله النهارده خلصتها مسابقة The Generator http://im12.gulfup.com/2012-03-06/1330981744141.png المسابقة عبارة 5 مستويات منفصلين عن بعض تماما لا يشترك بينهم سوى معلومات اساسية عن تشغيل المولدات فقط يعنى عايز تحل المستوى الاول حل عايز تحل المستوى الخامس حل زى ما انت عايز يعنى المسابقة الى حدا ما هى سهلة يعنى فيه فرصة لناس كتير انها تكسب نخش بقا على الجوايز المستوى الاول نقطتين المستوى التانى 3 نقط المستوى التالت 4 نقط المستوى الرابع 5 نقط المستوى الخامس 6 نقط يعنى اجمالى النقط 20 نقطة وكل نقطه ب 25 مشاركه يعنى الاجمالى 500 مشاركة ده غير جوائز استثنائية لــ اول 3 مراكز مع اسباقية ارسال الحلول بحد اقصى 6 اعضاء المركز الاول 200 مشاركة + صورة رمزية كبيرة + لقب مصور + وسام المركز الثانى 100 مشاركة + صورة رمزية كبيرة + وسام المركز الثالث صورة رمزية كبيرة+ وسام ونشكر طارق علشان لولا دمجه للعضويتين المسابقة ماكنتش نزلت اصل الدمج اعطانى دفعه للامام والانتاج وها هى بين ايديكم اولى المنتجات |
شكلهـآ معتمدهـ عالحسـآبـآت والدمـآغ العاليهـ :) وحشني اشغل مخي يااخي طارق بقاله كام مسابقه مش عاوز يخلينا نشغلهـ منتظرين الموافقهـ عليها بئه |
طيب حلوة دي يا رب يتوافق عليها بقي :) |
شكلها مسابقه تعتمد على الحسابات والتركيز العالى والقدرات العقليه يارب نتوفق فيها مسابقه طارق هنجت معايا فى المستوى الرابع يارب نتوفق المرة دى بس خلى بالك طويل معانا احتراااااااامى |
جميلة المسابقة منك وحتكون جميلة جدا ان شاء الله واتمنى التوفيق للاخوة المشتركين تحياتىى على مجهودك القيم |
آآه يا قلبي .. آآه قلبي .. كل دية جوايز ؟ ليلتنا بيضا يا عكاشة :079: طيب يعني هي الفكرة بتشغيل المولدات ! والمسابقة فلاشية ولا اية نظامها ياريت تشرح للناس هيعملوا اية عشان افهم انا كمان .. والحاجة الثانية .. نقطة الجوائز .. حدد لي كام فائز اساسي بالظبط بالمراكز وعاوز جوائز لية اية بالظبط عشان موضوع جوائز استثنائية مش موضح الامور . ويعني اية اسبقية الحلول حد اقصى 6 اعضاء مش مفهومه ؟ |
يا عم ضياء ااقبل انت بس وملكش دعوه مش هتخسرو صور او مشاركات كتير والناس عارفين طبيعة مسابقاتى وبخصوص المراكز والجوايز انا شارح بشكل اكبر واوسع فى المسابقة انت بس قول موافق وانزل بيها النهارده لو حابب علشان انا مش هينفع اقول كل حاجه هنا علشان المسابقة ما تتحرقش |
مفيش اقبل وخلاص يا عكاشه زيك زي باقي الاعضاء فهمنا مسابقتك وعلى اساسها هتتحدد الجوائز مفيش حاجة اسمها مش هتخسر صور ولا القاب ولا مشاركات والا افتح للجميع كل واحد براحتة يعمل ان شا الله 10 الالاف مشاركة جائزة ! انا عارف انك بتتعب بمسابقتك ومسابقاتك مميزة وبتجتهد فيها بس مقدرش اخد دة مبرر لطلبات من غير فهم او سقف وتقييم ليها مع احترامي ليك . |
وانا ما طلبتش اى استثناء عن باقى الاعضاء لو شفت مسابقاتى اللى فاتت وطلبى للجوايز هتعرف ان ده المتبع منى على طول وكان طارق بيوافق من غير ما يطلب اللى انت بتطلبه ده اللى انت بتتكلم فيه ده اسمه روتين ومضيعة للوقت وحراق للمسابقة على العموم يا ضياء انا وضحت كل حاجه هنا ومش مستعد انى اوضح اكتر من كده موافقين موافقين مش موافقين مافيش مشكله امسح الموضوع والا كانى طلبت حاجه |
طارق يوافقلك براحته دة راجل مدير عام المنتدى ومن حقة يقيم بطريقتة .. كل واحد ولية نظامة .. انت شايف استفساري روتين فـ دية شماعه طبعاً لان زي مبقدرك وبرد عليك وبهتم بيك او بغيرك يبقى متقولش استفساري روتين وإلا كل واحد يعمل اللي على مزاجة عشان شماعة الروتين . ابعتها ع الخاص مادمت خايف تتحرق . انا محبش ومقبلش مجهود حد يضيع بحاجة تعب فيها بس زي ما انت ليك حقوق عليا انت واي عضو فأنا كمان ليا حقوق عليك "اللي انت بتسميها روتين" |
الساعة الآن 02:56 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب