ثاني حلقة من (عضو عالزيرو) مع عاشقة الإسكندرية,, عضو عالزيرو * فكرة البرنامج* استضافة لايت بنستضيف فيها عضو لسه مسجل و بنزل الحلقة في نفس يوم تسجيله بيكون الهدف هو التعرف على انطباع العضو عننا مع بداية تفتيح عينه علينا :biggrin: و كمان بنعرف عليه الأعضاء بحيث يقدر يندمج سريعا معانا http://i.imgur.com/T1Xvu.gif - بداية كدا عرفينا بنفسك , اسمي ساره- سني 24 سنه-الدرجه العلميه ماجستير ترجمه حره لغه المانيه فرعي الترجمه القانونيه والتجاريه تابع لجامعه برلين تحديد من المركز الثقافي الالماني وهيئه التبادل التربوي الالمانيه - ليكي حاجات بارزة ترجمتيها قبل كدا ؟ تقصد اعمال ولانصوص ترجمه أكيد ترجمت اما الاعمال لسه علي الطريقه ان شاء الله - ازاي جيتي المنتدى ؟ جيت المنتدي بالبحث في محرك البحث جوجل طبعا وليا الشرف انضم لصرح عظيم ومحترم ذي ده - ايه الي شدك و خلاكي تسجلي ؟ اسم المنتدي بنات مصر - مين من الاعضاء لفت نظرك ؟ بصراحه مش عارفه لاني بقالي يومين بس مسجله بس ممكن اقول حضرتك المدير العام وكل الناس مجهودها رائع ومميز وخصوصا عدد الاعضاء ماشاء الله والزورا وده مش حاجه سهله وخصوصا ان موقع التواصل الاجتماعي فيس بوك وتويتر سحب البساط من المنتديات والتسجيل فيه والاهتمام بيها - انتي شكلك جديده على عالم المنتديات صح و لا غلط ؟ لا مش جديده اشتركت في منتديات كتيره بس منتديات لغات منتدي اسمه لغاتي وكام منتدي ترجمه منهم واتا والمترجمين العرب ومنتديات خاصه بالنادي الاهلي - ايه الي مش عاجبك في المنتدى ؟ لا عاجبني طبعا بس لفت نظري عدم الاهتمام بالردودود في الموضوعات بيكون عضو تعب نفسه وعمل موضوع رائع تلقي مفيش اهتمام ولو فيه اهتمام وكتب كلمتين بيكون مقرأش الموضوع اساسا حابه يكون فيه تفاعل ومناقشه اكتر من كده وشكرا - ايه الاقسام الي بتفضليها ؟ قسم السياحه - ايه هو طموحك الشخصي ؟ يكون عندي أكبر مكتب في جمهوريه العربيه وأساعد كل الشباب مش بس في مجال الترجمه واللغه لاء في كل المجالات - بتحبي المناصب ؟ مسكت مناصب كتير بس مش المهم في المنصب انك تمسكه لا انك تسيب علامه مميزة وتترك بصمه الناس تفتكرك بيه تزيد في ميزان حسناتك ووممكن تكسب بيه ثواب يغير تاريخ بلد كامل ويغير مفهوم تبني بيه أمل جديد - ايه الي حاسه انك ممكن تضيفيه جديد للمنتدى ؟ نفسي الناس تهتم بالمنتدي زي الفيس والتويتر لان هنا فيه فايده بجد ممكن نتنتاقش ونفيد بعض - كنتي متوقعه الاستضافة دي ؟ لا مكنتش متوقعها - ناوية تكملي معانا بشكل دائم و لا يومين و تخلعي ؟ ان شاء الله اكمل معاكم وبلاش كلمه تخلعي لاني مبحبهاش كلمه مش حلوووووووه - في النهاية بنقولك نورتينا اقولكم شكرا كتير ويارب اكون ضيفه خفيفه :::: |
الحوار رائع جدا بجد مجهود جميل اخي طارق وضيفه ماشاء الله عليها ربي يوفقها وتنور على طول هنا عجبني الحوار ربي يسعدك اخي طارق |
آولآ آهلآ بيكي منورآنـآ طبعآ // بس عندي تعقيب صغير اقتباس:
لكن لو عآيز تفآعل ومنآقشه آلموضوع مش هيكون غير ف قسم آلنقآش وهتلآقي آعضآء كتير تنآقش وتتفآعل معآكي لآنهم ميتوصوش وممكن يتخآنقو معآكي كمآن لو تحبي :))) بس بآلنسبه لآي موضوع عآدي ف آلعآم مثلآ آكـيد آلغلط هيرجع ليكي لو موضوعك مفهوش آعضآء ولآ ردود لآنك آنتي آللي لآزم تبدأي وتتفآعلي وبعدهآ هتلآقي آلمقآبل لكن مستحيل آنتي مسجله من يومين وعملتي موضوع وكلنآ هندخل نتفآعل معآكي آه هتلآقي نآس نظرهآ آتلفت لو موضوعك بيرفكت فعلآ زي مآ بتقولي ومتعوب فيه ومجهودو حلو آلحكآيه دي آعضآء جدد كتير بيشتكو منهآ , لكـن لو بدأتي آنتي هتلآقي آكيد آلنتيجه ,, يلآ آتمنـآلك وقت سعيد هنـآ نـورتي آلمنتدى وآلبرنآمج ثآنكيـو ي طآرق ,, كيب آب ,, آحترآمي ,, |
منورة المنتدي يا سارة و ان شاء الله يبقي في تفاعل احسن من كدة معاكي في مواضيعك و زي ما تقي قالتلك لو عايزة مناقشات يبقي في قسم النقاش بقي :) ان شاء الله منورة دايما تسلم علي الاستضافة يا طارق |
ايه ياعم تاااااااااارء انتا بتحطف زباينا ولا ايه عيني عينك كده طيب اعملوا بقسمنا احنا بنعزمك ياسيدي بس بجد دنتا طلعت تحفه مع الجداد وعضووووووووة اكيد هيكون ليها اسم كبير بالمنتدي وبحياتها انشالله برافوا برافوا برافو تارء |
حوار رائع جداً |
اقتباس:
شكرا ليك دكتور طارق علي الموضوع المميز والجميل ده والي الامام دائما |
اقتباس:
مرسي ليك انا الاسعد وربنا يخليكي يارب |
منوره المنتدى والتوبيك يا عاشقة الاسكندريه من الاسم نتخيل انك اسكندرانيه شكراا ع الاستضافه يا دكتر طارق حوار شيق يا ساره تحيااتى |
اقتباس:
مرسي ليكي انا مش اسكندرانيه بس بحب اسكندرايه لان خطيبي اسكندراني عشان كده بعشق اسكندريه وبموت في ترابها وفي ريحه البحر والسمك |
الساعة الآن 03:59 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب